Municipality of Padre Burgos, Quezon Province

Home
Philippines
Padre Burgos
Municipality of Padre Burgos, Quezon Province

Official page of Municipality of Padre Burgos

02/06/2026

𝗣𝗮𝗻𝗴𝗸𝗮𝗹𝗮𝗵𝗮𝘁𝗮𝗻𝗴 𝗔𝘀𝗲𝗺𝗯𝗹𝗲𝘆𝗮 𝗻𝗴 𝗟𝗼𝗰𝗮𝗹 𝗖𝗵𝗶𝗹𝗱𝗿𝗲𝗻’𝘀 𝗔𝘀𝘀𝗼𝗰𝗶𝗮𝘁𝗶𝗼𝗻

Matagumpay na isinagawa ng Municipal Social Welfare and Development Office (MSWDO) ng Padre Burgos, Quezon ang Pangkalahatang Asembleya ng Local Children’s Association na dinaluhan ng mga kinatawan ng iba’t ibang sektor ng kabataan, mga Sangguniang Kabataan Chairperson, at mga kinatawan ng Barangay Social Service.

Layunin ng gawaing ito na palakasin ang pakikilahok ng mga bata sa mga usaping pangkomunidad, bigyang pagkakataon silang maipahayag ang kanilang mga pananaw at saloobin, at mahubog bilang mga responsableng mamamayan at lider ng hinaharap. Sa pamamagitan ng asembleyang ito, napagtitibay ang pagkakaisa at pagtutulungan ng mga bata, kabataan, at mga lokal na opisyal sa pagsusulong ng mga karapatan at kapakanan ng bawat bata.

Patuloy na isinusulong ng Lokal na Pamahalaan ng Padre Burgos ang paglikha ng isang ligtas, inklusibo, at makabatang komunidad kung saan ang boses ng bawat bata ay pinahahalagahan at isinasaalang-alang sa pagbuo ng mga programa at serbisyong para sa kanilang kaunlaran.

27/05/2026

Tagumpay ng bayan, tagumpay ng bawat bata!

Isang taos-pusong pagbati sa Bayan ng Padre Burgos sa pagkamit ng IDEAL Functionality Rating ng LCPC para sa taong 2025!

Patunay ito ng ating sama-samang pagsisikap sa pagtataguyod ng kapakanan, kaligtasan, at kinabukasan ng bawat batang Burgosin .

Patuloy tayong magsilbi para sa mas ligtas at mas maunlad na komunidad para sa ating mga kabataan.

/BCPC

26/05/2026

Masayang sinalubong ng Lokal na Pamahalaan ng Padre Burgos si Ms. Patricia Ella Evangelista, kinatawan ng Probinsya ng Quezon at kabilang sa Top 15 Finalists ng Miss Universe Philippines 2026.

Sa pangunguna ni Mayor Ruben B. Uy Diokno, kasama ang mga pinuno ng iba’t ibang tanggapan ng pamahalaang lokal, ipinahayag ang taos-pusong pagbati at suporta para sa natatanging tagumpay na kanyang nakamit.

Patuloy ang suporta at paghanga ng Lokal na Pamahalaan sa kanyang paglalakbay tungo sa mas marami pang tagumpay at oportunidad.

Muli, taos-pusong pagbati sa iyo, Ms. Patricia Ella Evangelista!

22/05/2026

𝐂𝐚𝐬𝐡-𝐟𝐨𝐫-𝐖𝐨𝐫𝐤 𝐏𝐫𝐨𝐠𝐫𝐚𝐦 𝐩𝐚𝐫𝐚 𝐬𝐚 𝐦𝐠𝐚 𝐑𝐞𝐡𝐢𝐬𝐭𝐫𝐚𝐝𝐨𝐧𝐠 𝐏𝐞𝐫𝐬𝐨𝐧𝐬 𝐰𝐢𝐭𝐡 𝐃𝐢𝐬𝐚𝐛𝐢𝐥𝐢𝐭𝐢𝐞𝐬 (𝐏𝐖𝐃)

Sa ilalim ng programang DSWD Kalahi-CIDSS, sa pangunguna nina Social Welfare Officer III Mrs. Nilda Tabi at Angela Pamela Segui, katuwang ang tanggapan ng MSWDO – Office of the PWDs, matagumpay na isinagawa ang Community Gardening Project bilang bahagi ng Cash-for-Work Program para sa mga rehistradong Persons with Disabilities (PWD) sa bayan at kanilang mga tagapag-alaga.

Umabot sa 135 regular na PWD beneficiaries ang lumahok sa isinagawang 10 araw na community gardening activities, habang 15 tagapag-alaga naman ng mga PWD na may total disability at may high support needs ang naging bahagi ng pilot implementation ng PWD Thera Fee Project sa loob ng 20 araw.

Bilang suporta at pagkilala sa kanilang partisipasyon at pagsisikap, bawat benepisyaryo ay nakatanggap ng halagang ₱6,000 bilang financial assistance.

Lubos ang pasasalamat ng Punong Bayan, Kgg. Ruben B. Uy Diokno sa DSWD Kalahi-CIDSS sa patuloy nitong pagbibigay ng mga programang naglalayong mapabuti ang kalagayan ng mga PWD at kanilang pamilya, tungo sa pagtataguyod ng isang mas inklusibo, maalaga, at makataong komunidad para sa lahat.

16/05/2026

Malugod na binabati ng 𝗟𝗼𝗸𝗮𝗹 𝗻𝗮 𝗣𝗮𝗺𝗮𝗵𝗮𝗹𝗮𝗮𝗻 𝗻𝗴 𝗣𝗮𝗱𝗿𝗲 𝗕𝘂𝗿𝗴𝗼𝘀 ang ating kababayang matagumpay na nakapasa sa kani-kaniyang Licensure Examination.

Ang inyong tagumpay ay patunay ng sipag, tiyaga, at dedikasyon sa inyong napiling propesyon. Nawa’y magsilbi kayong inspirasyon sa ating komunidad at maging instrumento ng patuloy na pag-unlad at mahusay na paglilingkod sa bayan.

Lubos naming ipinagmamalaki ang inyong tagumpay.
𝐌𝐚𝐛𝐮𝐡𝐚𝐲 𝐚𝐧𝐠 𝐦𝐠𝐚 𝐛𝐚𝐠𝐨𝐧𝐠 𝐥𝐢𝐬𝐞𝐧𝐬𝐲𝐚𝐝𝐨𝐧𝐠 𝐩𝐫𝐨𝐩𝐞𝐬𝐲𝐨𝐧𝐚𝐥 𝐧𝐠 𝐏𝐚𝐝𝐫𝐞 𝐁𝐮𝐫𝐠𝐨𝐬!

14/05/2026

📢 Advisory Notice

Magkakaroon ng power interruption sa mga bayan ng Unisan, Agdangan, at Padre Burgos, Quezon sa Mayo 18, 2026 (Lunes) mula 6:00 AM hanggang 11:00 AM dahil sa annual testing ng 15MVA Power Transformer sa Agdangan Substation ng QUEZELCO.

07/05/2026

Isinagawa ang unang pagpupulong ng Kapulungan ng Pagpapaunlad para sa Taong 2026 noong ika-6 ng Mayo 2026 sa Social Hall, Municipal Building, Barangay Burgos, Bayan ng Padre Burgos. Dinaluhan ito ng mga kinatawan mula sa iba’t ibang sektor at tanggapan ng pamahalaang lokal upang talakayin ang mga mahahalagang usapin na may kaugnayan sa pagpapaunlad ng bayan.

Sa naturang pagpupulong ay tinalakay ang mga nakatakda at mga paparating na proyektong pangkaunlaran na nakatuon sa pagpapabuti ng imprastraktura, serbisyong panlipunan, at iba pang programang makatutulong sa patuloy na pag-unlad ng Bayan ng Padre Burgos.

Binigyang-diin din ang kahalagahan ng maayos na koordinasyon at pakikiisa ng bawat sektor upang matiyak ang matagumpay na implementasyon ng mga proyekto at programa ng pamahalaang lokal para sa kapakanan ng mamamayan.

03/05/2026

Isang taos-pusong pagbati kay Bb. Patricia Ella Evangelista sa kanyang pagpasok bilang Top 15 Finalist sa Miss Universe Philippines!

Ang mapabilang sa Top 15 ay isang napakalaking karangalan at tagumpay, lalo na sa gitna ng napakaraming mahuhusay at nagsisigandahang kandidata mula sa iba’t ibang panig ng bansa. Ang iyong dedikasyon, talino, ganda, at puso ay tunay na naging inspirasyon sa marami.

Maraming salamat sa buong pusong pagdadala at pagrerepresenta sa Quezon Province, at higit lalo sa ating minamahal na bayan ng Padre Burgos. Ang iyong tagumpay ay tagumpay rin ng bawat Quezonian na buong pusong sumusuporta sa iyo.

We are all truly proud of you. Your journey has inspired many, and you have already made our province and municipality shine on the national stage.

27/04/2026

Isang mainit at taos-pusong pagbati kay Bb. Patricia Ella Evangelista sa kanyang pagpasok bilang Top 10 Finalist sa Miss Universe Philippines 2026!

Ang iyong tagumpay ay inspirasyon at karangalan sa buong Quezon Province, lalo na sa bayan ng Padre Burgos. Ipinapakita mo ang tunay na ganda, husay, at puso ng isang tunay na Quezonian.

𝗢𝗻𝗲 𝘀𝘁𝗲𝗽 𝗰𝗹𝗼𝘀𝗲𝗿 𝘁𝗼 𝘁𝗵𝗲 𝗰𝗿𝗼𝘄𝗻! 👑
Patuloy kaming nakasuporta sa’yo sa bawat hakbang tungo sa tagumpay.

23/04/2026

Matagumpay na naisagawa ang pamamahagi ng Cash Relief Assistance para sa mga lehitimong drayber ng tricycle na may prangkisa sa ating bayan.

Ang bawat kwalipikadong drayber ay nakatanggap ng halagang ₱5,000 bilang tulong pinansyal. Ang pondong inilaan para sa nasabing programa ay nagmula sa DSWD Regional Office, bilang bahagi ng kanilang patuloy na adbokasiya sa pagbibigay-suporta sa mga sektor na nangangailangan.

Lubos po kaming nagpapasalamat sa pakikiisa at maayos na kooperasyon ng lahat ng benepisyaryo na dumalo at sumunod sa itinakdang mga alituntunin at proseso.

Patuloy ang ating Lokal na Pamahalaan sa pakikipagtulungan sa iba’t ibang ahensya upang makapaghatid ng maayos at makabuluhang serbisyo para sa kapakanan ng mamamayan.

Address

Padre Burgos

Website

http://padreburgos.gov.ph/

Alerts

Be the first to know and let us send you an email when Municipality of Padre Burgos, Quezon Province posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to Municipality of Padre Burgos, Quezon Province:

Shortcuts

Want your organization to be the top-listed Government Service in Padre Burgos?