Sangguniang Kabataan ng Barangay Pili, Sariaya, Quezon

19/09/2026

35th Monthly Meeting

Ngayong ika-19 ng Setyembre 2026, matagumpay na isinagawa ang ika-35 na Buwanang Pagpupulong ng Sangguniang Kabataan ng Barangay Pili.

Muli nating inilatag at tinalakay ang mahahalagang usapin, programa, at mga susunod na hakbang para sa patuloy na pag-unlad at kapakanan ng Kabataang Pilihin.

Kabilang sa mga tinalakay ang project proposal ni SK Member Bryle Janral Acacio para sa Pili Chess Clinic, katuwang ang SLSU Chess Knights, na naglalayong mapaunlad ang talento, disiplina, at estratehikong pag-iisip ng ating mga kabataan.

Tinalakay rin ang SK Annual Budget for 2027 na nagkakahalagang Php 851,191.20 bilang bahagi ng ating patuloy na pagpaplano para sa mas makabuluhan at responsableng paglilingkod sa kabataan.

Sa bawat pagpupulong, mas pinatitibay natin ang ating panata—makinig, magplano, kumilos, at maglingkod.

18/09/2026

17/09/2026

Panalo ang Kabataang Nagkakaisa at Nagtutulungan

Sa loob ng anim na araw, hindi lamang isang likhang-sining ang nabuo ng Kabataang Pilihin. Nabuo rin ang isang samahang pinatibay ng pagtutulungan, tiyaga, dedikasyon, at malasakit sa isa’t isa.

Sa bawat oras na inilaan, bawat ideyang ibinahagi, bawat kamay na tumulong, at bawat hamong sama-samang hinarap, unti-unting nabuo ang isang obra na higit pa sa isang palamuti. Bawat bahagi nito ay may kwento ng kabataang hindi sumusuko at marunong magkaisa para sa isang layunin.

Maaaring nakakapagod ang anim na araw na paglalaan ng oras at lakas, ngunit naging sulit ang lahat nang makita namin ang bunga ng aming pinagsama-samang pagsisikap. Higit sa anumang pagkilala o gantimpala, ang pinakamahalagang naiuwi namin ay ang magandang samahang nabuo sa proseso.

Dahil para sa Kabataang Pilihin, ang tunay na panalo ay hindi lamang nasusukat sa kung ano ang ating nakamit, kundi sa kung paano natin ito nakamit—sama-sama, nagtutulungan, at walang iniiwan.

Ito ang tatak ng Kabataang Pilihin: mga kabataang may talento, may puso, at higit sa lahat, marunong magkaisa.

Panalo ang kabataang nagkakaisa. Panalo ang kabataang nagtutulungan. Panalo ang Kabataang Pilihin.

16/09/2026

Happy Birthday, SK Treasurer Apple Balmes! 🎉

Today, we celebrate not only your special day but also your dedication and commitment to serving the youth of Barangay Pili. As our SK Treasurer, your careful stewardship, responsibility, and commitment to transparency help ensure that every resource entrusted to the Sangguniang Kabataan is used meaningfully for the benefit of our young constituents.

Thank you for being a reliable part of the SK Pili team and for serving with integrity, diligence, and a genuine heart for public service. Your contribution may often happen behind the scenes, but its impact is felt in every program and opportunity we create for the Kabataang Pilihin.

May this new chapter bring you happiness, good health, success, and more meaningful opportunities to serve and inspire. May you continue to shine not only in your work but also in every life you touch.

Happy Birthday, SK Treas. Apple Balmes! ✨🩷

16/09/2026

Part 2: Lima Para sa Klima, matagumpay na naisagawa.

“Kamalayan, Katatagan, Pananagutan, Pagkilos, at Pagpapanatili”—ito ang naging baon ng mga kabataan sa isinagawang Lima Para sa Klima, isang aktibidad na naglalayong palakasin ang kamalayan at pagkilos ng kabataan para sa kalikasan na ginanap noong ika-5 ng Setyembre 2026 sa Reyes Farm & Resort, Barangay Ibabang Talim, Lucena City.

Pinangunahan ang gawaing ito ang SK Barangay 2, Lucena City at SK Barangay Pili, Sariaya, Quezon, na kapwa nagbahagi ng oras, ideya, at pagkilos para sa isang mas luntian at mas ligtas na kinabukasan.

Sa pamamagitan ng mga talakayan at aktuwal na gawain, nabigyan ng pagkakataon ang mga kabataan na maunawaan na ang pangangalaga sa kalikasan ay hindi lamang responsibilidad ng iilan. Ito ay isang pananagutang sama-samang isinasabuhay.

Sa simpleng pagtutulungan ng dalawang barangay, muling pinatunayan na kapag ang kabataan ay may kamalayan at malasakit, may kakayahan silang maging bahagi ng kaunlaran.

16/09/2026

PART 1: Lima Para sa Klima, matagumpay na naisagawa.

“Kamalayan, Katatagan, Pananagutan, Pagkilos, at Pagpapanatili”—ito ang naging baon ng mga kabataan sa isinagawang Lima Para sa Klima, isang aktibidad na naglalayong palakasin ang kamalayan at pagkilos ng kabataan para sa kalikasan na ginanap noong ika-5 ng Setyembre 2026 sa Reyes Farm & Resort, Barangay Ibabang Talim, Lucena City.

Pinangunahan ang gawaing ito ang SK Barangay 2, Lucena City at SK Barangay Pili, Sariaya, Quezon, na kapwa nagbahagi ng oras, ideya, at pagkilos para sa isang mas luntian at mas ligtas na kinabukasan.

Sa pamamagitan ng mga talakayan at aktuwal na gawain, nabigyan ng pagkakataon ang mga kabataan na maunawaan na ang pangangalaga sa kalikasan ay hindi lamang responsibilidad ng iilan. Ito ay isang pananagutang sama-samang isinasabuhay.

Sa simpleng pagtutulungan ng dalawang barangay, muling pinatunayan na kapag ang kabataan ay may kamalayan at malasakit, may kakayahan silang maging bahagi ng kaunlaran.

15/09/2026

Congratulations, Sangguniang Kabataan ng Brgy. Pili sa pangunguna ni SK Chairman Bella Bagting.

Most Outstanding SK Barangay in the Philippines at Most Outstanding SK Project in the Philippines, tunay na kahanga-hanga ang inyong sipag, galing, at malasakit sa kabataan.

Saludo kami sa inyo! Ipinagmamalaki kayo ng buong Sariaya! 🧡

15/09/2026

14/09/2026

Kabataang Pilihin, nakiisa at pinarangalan sa 7th Philippine Sangguniang Kabataan Awards (PSKA)!

Noong Setyembre 12–13, 2026, naging bahagi ang Kabataang Pilihin ng makasaysayang pagtitipon ng mga kabataang lider mula sa iba’t ibang panig ng bansa, na ginanap sa The Heritage Hotel Manila, Pasay City at Philippine International Convention Center (PICC).

Isa sa mga tampok ng programa ang Live Screening para sa mga kategoryang Most Outstanding SK Barangay at Most Outstanding SK Projects, kung saan itinampok at hinusgahan ang mga natatanging gawaing nagmumula sa iba’t ibang lugar sa Pilipinas.

Isang karangalan para sa Kabataang Pilihin na makasama sa entabladong kumikilala sa sipag, serbisyo, at puso ng mga kabataang patuloy na kumikilos para sa kanilang komunidad.