Konsehal Mico Dela Paz

23/04/2026

23/04/2026

Matapos ang masusing pagsusuri po at paghihintay sa kumpletong pagsusumite ng mga kaukulang dokumentasyon at pagsunod sa mga itinakdang panuntunan mula po sa bawat sangguniang kabataan ng barangay, ikinagagalak naming ibahagi na APPROVED na po ang Sangguniang Kabataan (SK) Annual Budgets. Sa pamamagitan po ng Committee on Appropriation and Finance, ating sinig**o na ang bawat detalye ay naaayon sa batas at tamang proseso bago ito tuluyang ipagtibay.

Nais din nating bigyang-diin na ang ating mga SK Officials ang may ganap na desisyon at kalayaan sa pagpili ng mga programa at aktibidad na sa tingin nila ay pinaka-kailangan ng kanilang mga nasasakupan. Dahil dito, makakaasa na ang ating mga kababayan sa pagsisimula ng mga proyektong ito na inihanda nila para sa bawat komunidad. Layunin nito na maramdaman ng bawat kabataan ang tunay at maayos po na pagkalinga ng ating lokal na pamahalaan sa lalong madaling panahon.

15/04/2026

08/04/2026

Kasama si RSR - Vice Mayor Rowell S. Rillera, ang mga miyembro ng Committee on Appropriations and Finance, at ang ating mga Department Heads, matagumpay nating naipresenta at naipaliwanag ang ating Municipal Budget sa harap ng Sangguniang Panlalawigan, at ito ay opisyal nang NAAPRUBAHAN. 🎉

Patunay ito ng ating sama-samang pagsisikap upang masig**ong maipagpapatuloy ang mga programang magbibigay serbisyo, kaunlaran, at mas magandang kinabukasan para sa bawat Obandenyo.

06/04/2026

Bulalo Near Me

Mga ka-Obandeño, may bago tayong "comfort food" spot! Kung hanap n’yo ay mainit na sabaw, malambot na baka, at siksik na lasa, dito na kayo sa bagong Bulaluhan malapit sa atin.

Perfect na pananghalian o hapunan kasama ang pamilya at barkada. Sulit, masarap, at siguradong mapapa-extra rice kayo! 🍚😋

Kasama ko sina Konsehal Erwin, Philip, at Johnlei na sumubok at talagang aprubado ang sarap!

🌟 MUST TRY: Special Bulalo
📍 LOCATION: 01 Camia Street, Paliwas Obando Bulacan
⏰ HOURS: Daily - 11:00 AM to 10:00 PM

GOOGLE MAP: https://maps.app.goo.gl/p1hnQ3Hba279aeo48?g_st=ic

31/03/2026

Isang karangalan ang makasama sa mahalagang araw ng pagtatapos ng ating mga magsisipagtapos. 🎓

Bilang Chairman ng Committee on Education, taus-puso kong binabati ang bawat isa sa inyo. Ang inyong sipag, tiyaga, at dedikasyon ang naging susi sa tagumpay na ito. Nawa’y magsilbi itong inspirasyon upang lalo pa kayong magsikap at abutin ang inyong mga pangarap.

Mabuhay ang bagong henerasyon ng mga tagumpay! 👏✨

29/03/2026

🎓✨ Isang taos-pusong pagbati sa lahat ng nagsipagtapos ng Batch 2026!

Ang inyong sipag at tiyaga ay nagbunga nawa’y magsilbi itong inspirasyon sa patuloy ninyong pag-abot ng mga pangarap. Mabuhay kayo! 🎉📘

22/03/2026

Isang malaking karangalan po ang makadalo at makiisa sa Seremonya ng Paglilipat Antas 2026 ng ating mga chikiting sa Obando Child Development Center. Kasama po nating nakiisa sa mahalagang okasyong ito sina Mayor Ding Valeda, ang ilan sa ating mga kapwa Konsehal, gayundin ang mga Kapitan at Kagawad na katuwang natin sa paghubog po ng kinabukasan ng ating mga kabataan.

Ang temang "Munting Hakbang Tungo sa Maunlad na Kinabukasan" ay isang paalala po na sa ganitong murang edad nagsisimula ang pundasyon ng isang matatag na bayan. Bilang inyong Chairman ng Committee on Education and Early Childhood Development, asahan ninyong patuloy po nating pagtutuunan ng pansin at pagsisikapan ang mga programa para sa ikabubuti ng edukasyon at kalinga ng ating mga munting mag-aaral.

Congratulations po sa ating mga graduates at sa mga magulang na walang sawang sumusuporta sa pangarap ng kanilang mga anak! Mabuhay ang kabataang Obandeño! 🎓✨

18/03/2026

📚 Buwanang Pagpupulong ng Local School Board 🏫

Isinagawa ang ating buwanang pagpupulong ng Local School Board kasama si Mayor Ding Valeda upang talakayin ang mga programang magpapalakas sa kalidad ng edukasyon sa ating bayan.

Tinalakay sa pulong ang mga mahahalagang usapin tulad ng pagpapabuti ng pasilidad ng paaralan, suporta sa mga g**o, at mga programang makakatulong sa kapakanan ng ating mga mag-aaral.

Patuloy po tayong magsasama-sama upang masig**o ang mas maayos at dekalidad na edukasyon para sa bawat kabataan.

04/03/2026

Isang makabuluhang hakbang para sa patuloy na pagsuporta sa kahusayan ng kabataang Obandenyo! 🎓✨

Sa bisa ng Municipal Ordinance 12-03/2025 na naipasa sa Sangguniang Panlalawigan, inilulunsad ang programang pagkilala sa Academic Excellence bilang bahagi ng patuloy na adbokasiya ng Pamahalaang Bayan ng Obando sa pamumuno ni Mayor Ding Valeda. Isa sa mga may-akda ng ordinansa ay si RSR - Vice Mayor Rowell S. Rillera, katuwang sa pagsusulong ng mga programang nagbibigay halaga sa edukasyon.

Bilang pagkilala sa tagumpay ng ating mga nagsipagtapos na may karangalan:

🥇 Summa Cum Laude – ₱2,000
🥈 Magna Cum Laude – ₱1,500
🏅 Cum Laude – ₱1,000

Ang pagpapatupad ng programang ito ay sisimulan pagkatapos ng kasalukuyang school year at pangungunahan ng Local Youth Development Office (LYDO) bilang implementing office.

Patunay ito na kahit isang maliit na bayan ang Obando, malaki ang pagpapahalaga natin sa edukasyon at sa tagumpay ng ating kabataan, isang konkretong mensahe na ang Pamahalaang Bayan ng Obando ay kaagapay ng bawat mag-aaral na nagsusumikap at nagtatagumpay, at na higit pa sa insentibo, ito ay pagkilala ng buong bayan sa inyong dedikasyon at inspirasyon para sa susunod pang henerasyon.

Congratulations sa ating mga bagong karangalan ng bayan! Para sa mas maunlad at edukadong Obando! 💙

03/03/2026

Isang makasaysayang tagumpay para sa kabataang Obandenyo! 📚✨

Matapos maipasa sa ating Sangguniang Bayan, opisyal na ring pinagtibay ng Sangguniang Panlalawigan ang Municipal Ordinance 12-03/2025 na nagtatatag ng Obando Scholarship Program for Tertiary Students.

Ang programang ito ay mula sa Municipal Government of Obando, sa pamumuno ni Mayor Ding Valeda, at isinulong kasama si RSR - Vice Mayor Rowell S. Rillera bilang isa sa may-akda ng ordinansa.

Mayroon itong dalawang kategorya:

🎓 Academic Scholarship – para sa mga mag-aaral na may natatanging husay at mataas na akademikong pagganap.

💼 Economic Scholarship – para sa mga estudyanteng kapos palad nangangailangan ng suportang pinansyal upang maipagpatuloy ang kanilang pag-aaral sa kolehiyo.

📌 Magsisimula ang implementasyon sa susunod na School Year, at ito ay ipatutupad ng Local Youth Development Office alinsunod sa mga alituntunin at mekanismong itatakda para sa maayos, malinaw, at patas na pagpapatupad ng programa.

Sa tulong ng ordinansang ito, mas marami nang kabataang Obandenyo ang magkakaroon ng pagkakataong makapagtapos at maabot ang kanilang mga pangarap.

Edukasyon ang susi sa mas maunlad at mas matatag na Obando. 💙💛

02/03/2026

Ang Sangguniang Kabataan ng Binuangan ang kauna-unahang napagtibay sa lebel ng Lupon ng Committee on Appropriation and Finance ang Annual Youth Investment Program (AYIP) at Taunang Pondo para sa Taong 2026. Matapos ang masusing pagsusuri at deliberasyon, tiniyak na ang bawat paglalaan ng pondo ay naaayon sa batas at tunay na nakatuon sa kapakanan at pag-unlad ng ating kabataan.