25/02/2026
OFFICIAL STATEMENTMANDAYA-MANSAKA TRIBAL EXECUTIVE COUNCIL OF ELDERS (MMTECE) – NEW BATAAN 5 INCIDENT
Ang Mandaya-Mansaka Tribal Executive Council of Elders (MMTECE) — ang labing taas nga nagdumala nga lawas sa ICCs/IPs sa New Bataan, nga gipangulohan ni Matikadung Arnel B. Sugnoan — nagkahiusang nagkondena sa mga pahayag nga gipagawas sa Katribu Kalipunan ng Katutubong Mamamayan ng Pilipinas (page) ug uban pang CPP-NPA-NDF mass-based organizations nga nagkondena sa kamatayon ni Chad Booc ug sa upat pa ka kauban nga ilang gitawag nga “Lumad Volunteer Teacher” ug “Community Health Worker” atol sa lehitimong engkwentro batok sa pwersa sa gobyerno didto sa Purok 8, Sitio Libuton, Andap, New Bataan, Davao de Oro niadtong Pebrero 24, 2022.Gusto namo ipaabot ang mosunod nga mga basehan sa among pagsalikway sa maong iresponsable ug malimbongong mga pahayag nga gihimo sa Katribu Kalipunan ng Katutubong Mamamayan ng Pilipinas (page):
1. Pagtawag nga “Lumad”:Ang Mandaya-Mansaka Tribe sa New Bataan nag-isip nga dili angay ang pagtawag kanamo og “Lumad,” tungod kay kini gigamit sa CPP-NPA-NDF aron iugnay kami sa ilang mga tinguha nga dili uyon sa among pagtuo, kultura, ug pamatasan. Ang termino nga “Lumad” dili na namo gigamit aron itumong sa among ethnolinguistic group. Ang paggamit niini usa ka paglapas sa NCIP Resolution No. 08-009-2021.
2. Alegasyon sa Masaker:Kung tinuod man nga sila mga sibilyan ug walay NPA combatants, nan wala unta’y nahitabo nga pinusilay ug wala unta’y mga armas nga nakumpiska atol sa engkwentro.
3. Kalihokan ni Chad Booc sulod sa Ancestral Domain:Kung ilang giingon nga nag-conduct lamang sila og research sa maong lugar, nan ipakita sa ICCs/IPs ang ebidensya sa maong research ug tubaga kami nganong naghimo sila og kalihokan sulod sa among Ancestral Domain nga walay pagkuha og Free, Prior and Informed Consent (FPIC) ug walay koordinasyon sa Tribal Office, aron kami makahimo og pormal ug legal nga aksyon batok sa institusyon nga responsable sa ilegal nga kalihokan.
Ang Mandaya-Mansaka Tribal Executive Council of Elders (MMTECE) makusganong nagkondena sa maong pahayag nga walay kamatuoran.
Kini usa lamang ka dakung bakak ug pagpanglimbong sa katawhan, ilabi na sa tribong Mandaya-Mansaka sa New Bataan, Davao de Oro.
