Barangay Kanluran Kabubuhayan

05/09/2026

20/08/2026

𝗨𝗣𝗗𝗔𝗧𝗘𝗗 𝗦𝗘𝗥𝗩𝗜𝗖𝗘𝗦 | 𝗠𝗘𝗗𝗜𝗖𝗔𝗟 𝗠𝗜𝗦𝗦𝗜𝗢𝗡

Handog ng Pamahalaang Bayan ng Nagcarlan sa pangunguna ni Punong Bayan Ark/Inh Elmor Vitangcol Vita sa pamamagitan ng Rural Health Unit at sa pakikipagtulungan nina 3rd District Representative Congressman Loreto "Amben" Amante, G. Rommel M. Lim at ng SMILE Partylist.

Narito po ang updated list of services para sa ating gaganaping Medical Mission sa Agosto 22, 2026 (Sabado), mula 7:00 AM hanggang 12:00 NN sa Municipal Multipurpose Gymnasium.

Ipinababatid din po na wala na pong Dental Services sa magaganap na Medical Mission. Sa halip, narito po ang mga serbisyong maaari nating ma-avail nang LIBRE:

General Medical Consultation
Laboratory Tests
ECG (Electrocardiogram)
Chest X-Ray
Ultrasound (Whole Abdomen at Pelvic)
PhilHealth YAKAP Registration

LIBRE DIN ANG MGA GAMOT para sa mga pasyenteng kwalipikado at nangangailangan nito.

Para naman sa mga magpaparehistro o magpapabago ng kanilang PhilHealth records, mangyaring dalhin ang mga kinakailangang dokumento:

Para sa Registration/Updating:
• Photocopy ng Valid Government-Issued ID
• Photocopy ng Birth Certificate (kung naaangkop)
• Photocopy ng Marriage Certificate (kung naaangkop)
• Iba pang supporting documents na kinakailangan para sa inyong request

Para sa mga Senior Citizens:
• Photocopy ng Senior Citizen ID
• Photocopy ng Valid Government-Issued ID
• Photocopy ng Birth Certificate (kung naaangkop)
• Photocopy ng Marriage Certificate (kung naaangkop)
• Iba pang kinakailangang supporting documents

Para sa mga magulang na wala pang 60 taong gulang na may Permanent Disability at ilalagay bilang dependent:
• Original Medical Certificate, na inisyu sa loob ng nakalipas na 6 na buwan

MAHALAGANG PAALALA:
Ang mga serbisyo ay FIRST COME, FIRST SERVED. Mangyaring ihanda at dalhin ang kinakailangang mga dokumento upang maging mas mabilis at maayos ang proseso ng registration, updating, at iba pang serbisyong medikal.

📅 August 22, 2026 (Saturday)
⏰ 7:00 AM – 12:00 NN
📍 Municipal Multipurpose Gymnasium, Nagcarlan, Laguna

Mas maraming serbisyo, mas maraming kababayan ang matutulungan.
Makibahagi at samantalahin ang mga libreng serbisyong hatid para sa kalusugan at kapakanan ng bawat Nagcarlangin.

15/08/2026

13/08/2026

08/08/2026

𝐑𝐄𝐃 𝐑𝐀𝐈𝐍𝐅𝐀𝐋𝐋 𝐖𝐀𝐑𝐍𝐈𝐍𝐆

Batay sa abiso ng National Disaster Risk Reduction and Management Council (NDRRMC) na inilabas ganap na 2:27 AM ngayong Agosto 9, 2026, kabilang ang Laguna sa mga lugar na nasa ilalim ng Red Rainfall Warning.

Inaasahan ang matinding pag-ulan na maaaring magdulot ng pagbaha at pagguho ng lupa sa mga apektadong lugar. Dahil dito, pinapayuhan ang lahat na manatiling alerto, maingat, at handa, lalo na ang mga residente sa mabababang lugar, tabing-ilog, at iba pang lugar na maaaring maapektuhan ng pagbaha o pagguho ng lupa.

Maging mapagmatyag sa mga susunod na abiso at opisyal na weather updates. Iwasan ang mga lugar na may banta ng pagbaha o pagguho ng lupa at agad na sundin ang anumang tagubilin mula sa mga kinauukulang awtoridad.

Kaligtasan ng bawat Nagcarlangin ang ating pangunahing prayoridad.
Manatiling ligtas at alerto, Nagcarlan!

Para sa Nagcarlan Emergency Hotlines, tingnan ang post sa link na ito:
https://web.facebook.com/share/p/1B7PCbPu4h/

Source: National Disaster Risk Reduction and Management Council (NDRRMC) / Civil Defense CALABARZON https://web.facebook.com/share/p/1JXob31VpK/

08/08/2026

𝐄𝐌𝐄𝐑𝐆𝐄𝐍𝐂𝐘 𝐇𝐎𝐓𝐋𝐈𝐍𝐄 𝐍𝐔𝐌𝐁𝐄𝐑𝐒 | 𝐍𝐚𝐠𝐜𝐚𝐫𝐥𝐚𝐧, 𝐋𝐚𝐠𝐮𝐧𝐚

Sa oras ng sakuna o anumang emergency, mahalagang manatiling handa, alerto, at mahinahon upang makapagpasya at makatugon nang wasto. Para sa mabilis na paghingi ng tulong at agarang pagresponde, narito ang mahahalagang emergency hotline numbers sa Bayan ng Nagcarlan:

NAGCARLAN DISTRICT HOSPITAL
Nagcarlan District Hospital
(049) 563-1016

NAGCARLAN PNP
PNP Nagcarlan Municipal Police Station
0998-598-5657

NAGCARLAN BFP
Bfp Nagcarlan FS Laguna
0962-447-8553

NAGCARLAN RHU
Rhu Nagcarlan
0926-182-9525

MDRRMO
Municipal Disaster Risk Reduction and Management Office-Nagcarlan, Laguna
0939-257-3066

🚨 UNIFIED 911 EMERGENCY HOTLINE | 911

Sa oras ng emergency, sakuna, aksidente, o iba pang sitwasyong nangangailangan ng agarang tulong, makipag-ugnayan agad sa naaangkop na tanggapan o tumawag sa Unified 911.

Ang maagap at wastong pag-uulat ay mahalaga upang mapabilis ang pagresponde at paghahatid ng kinakailangang serbisyo at tulong sa mga nangangailangan.

Maging handa. Maging alerto. Unahin ang kaligtasan.
Para sa maagap, maaasahan, at responsableng serbisyong publiko.

08/08/2026

🚨 NATIONAL EMERGENCY HOTLINE

Sa oras ng emergency, tumawag sa 911 para sa agarang tulong.

I-save ang numerong ito at ibahagi sa inyong pamilya at komunidad. Sa emergency, bawat segundo ay mahalaga.

08/08/2026

📍 ALAM MO BA ANG HAZARD LEVEL SA INYONG LUGAR?

Mahalagang malaman ang mga posibleng panganib sa ating komunidad upang mas maging handa sa anumang sakuna.

Ayon sa NOAH (Nationwide Operational Assessment of Hazards), ang ipinakitang lokasyon sa Barangay Kanluran Kabubuhayan ay may “Little to None” flood hazard level.

Gayunpaman, patuloy pa rin tayong hinihikayat na maging handa, alerto, at updated sa mga opisyal na weather at disaster advisories.

Kaalaman sa hazard + tamang paghahanda = mas ligtas na komunidad.

Source: https://noah.up.edu.ph/know-your-hazards

08/08/2026

🌧️ PAGHAHANDA SA BAGYO AT BAHA 🌧️

Sa panahon ng bagyo at baha, mahalagang handa, alerto, at ligtas ang bawat pamilya.

🎒 Maghanda ng Emergency Kit
📍 Alamin ang evacuation route at pinakamalapit na evacuation center
🏠 Suriin at tiyaking ligtas ang inyong tahanan
📢 Makinig sa weather updates at official advisories

📍 Evacuation Centers:
• Barangay Multipurpose Building
• Nagcarlan Senior High School

Para sa emergency concerns, makipag-ugnayan sa Barangay DRRMC, PNP, BFP, o RHU.

Maging handa. Maging alerto. Kaligtasan ng bawat isa, sama-sama nating pangalagaan!

06/08/2026