Mayor Elmor Vitangcol Vita

03/06/2026

𝐌𝐆𝐀 𝐊𝐀𝐆𝐀𝐍𝐀𝐏𝐀𝐍 𝐒𝐀 𝐁𝐔𝐖𝐀𝐍 𝐍𝐆 𝐌𝐀𝐘𝐎

Narito ang ilan lamang sa mga mahahalagang programa, proyekto, at kaganapan ng Pamahalaang Bayan ng Nagcarlan para sa buwan ng Mayo—patunay ng patuloy na pagsisikap na maihatid ang episyente, makabuluhan, at inklusibong serbisyo publiko para sa bawat Nagcarlangin.

📍 Mayo 8 – Pinasinayaan ang Grand Opening ng Nagcarlan Food Bazaar bilang bahagi ng pagsusulong ng lokal na negosyo at kabuhayan.

📍 Mayo 15 – Isinagawa ang pamamahagi ng Fuel Subsidy para sa mga miyembro ng Tricycle Operators and Drivers Association bilang tulong sa sektor ng transportasyon.

📍 Mayo 18 – Naganap ang courtesy visit ni Punong Bayan Ark/Inh Elmor Vitangcol Vita kay Dipolog City Mayor Roberto Y. Uy upang palakasin ang ugnayan.

📍 Mayo 19 – Idinaos ang Kadiwa ng Pangulo sa bayan ng Nagcarlan na naghatid ng abot-kayang produkto sa mamamayan.

📍 Mayo 19 – Tinanggap ng Pamahalaang Bayan ng Nagcarlan ang PHALGA Excellence Award, kasama si Gng. Joan Mila M. Co., Pambayang Akawntant, bilang pagkilala sa kahusayan sa larangan ng pananalapi at pamamahala.

📍 Mayo 22 – Inilunsad ang Rice Distribution Program para sa bawat pamilyang Nagcarlangin.

📍 Mayo 23 – Isinagawa ang pamamahagi ng Scholarship Grants para sa mga Senior High School Iskolar bilang suporta sa edukasyon ng kabataang Nagcarlangin.

Ang mga ito ay ilan lamang sa mga hakbang at inisyatibang isinagawa ng Pamahalaang Bayan ng Nagcarlan tungo sa mas maunlad, maayos, at mas inklusibong pamayanan.

Manatiling nakaantabay sa mga susunod pang programa, proyekto, at serbisyong hatid ng Pamahalaang Bayan ng Nagcarlan sa pangunguna ni Punong Bayan Ark/Inh Elmor Vitangcol Vita.

03/06/2026

𝐏𝐀𝐆𝐆𝐀𝐖𝐀𝐃 𝐍𝐆 𝐌𝐆𝐀 𝐏𝐖𝐄𝐒𝐓𝐎 𝐒𝐀 𝐍𝐀𝐆𝐂𝐀𝐑𝐋𝐀𝐍 𝐏𝐔𝐁𝐋𝐈𝐂 𝐌𝐀𝐑𝐊𝐄𝐓
Mayo 28, 2026 | Municipal Evacuation Center

Pinangunahan ng Nagcarlan Market Committee ang opisyal na paggawad ng mga pwesto sa Main Building at Annex Building ng Nagcarlan Public Market noong Mayo 28, 2026 sa Municipal Evacuation Center.

Bilang bahagi ng patuloy na pagsasaayos at pagpapalakas ng operasyon ng pampublikong pamilihan, ginawaran ng mga pwesto sa Annex Building sina Gerald Hernandez, Melquesedec Travel Agency, Myla Francia, Brigido Freddy Viterbo, Irene C. Marasigan, Jose M. Salentes Jr., Agapita Hayde A. Fernandez, at Aurea M. Reyes. Samantala, sina Lilibeth Escobar at Julieta C. Gigante naman ang ginawaran ng mga pwesto sa Main Building.

Ang gawaing ito ay patunay ng patuloy na pagsisikap ng Pamahalaang Bayan ng Nagcarlan na maisulong ang isang maayos, patas, at masiglang kapaligiran para sa mga negosyante at mamimili sa ating bayan. Sa pamamagitan ng malinaw at maayos na proseso ng paggawad ng mga pwesto, higit na napapalakas ang kabuhayan ng ating mga mamamayan at napauunlad ang lokal na ekonomiya.

Patuloy ang suporta ng Pamahalaang Bayan ng Nagcarlan sa ilalim ng pamumuno ni Punong Bayan Ark/Inh Elmor Vitangcol Vita sa mga programang naglalayong magbigay ng mas maraming oportunidad sa ating mga mamamayan at mapanatili ang kaayusan at kaunlaran sa ating pampublikong pamilihan.

03/06/2026

#𝐇𝐚𝐩𝐩𝐞𝐧𝐢𝐧𝐠𝐍𝐨𝐰 | 𝐓𝐎𝐔𝐑𝐈𝐒𝐄𝐌𝐎 𝟐𝟎𝟐𝟔

The Municipal Government of Nagcarlan, through the Tourism and Culture Office, is actively participating in TOURISEMO 2026, organized by LPU Laguna – College of International Tourism and Hospitality Management (CITHM).

This year's seminar, Tourism Without Barriers: Understanding and Engaging the Deaf Community, highlights the importance of inclusivity and accessibility in the tourism and hospitality industry. Participants are gaining valuable insights on fostering meaningful engagement with the Deaf community and creating tourism experiences that are welcoming to all.

Together, we continue to champion a tourism industry that breaks barriers, promotes understanding, and ensures that no one is left behind.

02/06/2026

𝐋𝐈𝐁𝐑𝐄𝐍𝐆 𝐁𝐈𝐆𝐀𝐒 𝐏𝐀𝐑𝐀 𝐒𝐀 𝐁𝐀𝐖𝐀𝐓 𝐏𝐀𝐌𝐈𝐋𝐘𝐀𝐍𝐆 𝐍𝐀𝐆𝐂𝐀𝐑𝐋𝐀𝐍𝐆𝐈𝐍
𝘚𝘤𝘩𝘦𝘥𝘶𝘭𝘦 𝘰𝘧 𝘙𝘪𝘤𝘦 𝘋𝘪𝘴𝘵𝘳𝘪𝘣𝘶𝘵𝘪𝘰𝘯

Bilang pagpapatuloy ng programang pamamahagi ng libreng bigas ng Pamahalaang Bayan ng Nagcarlan, narito ang iskedyul para sa susunod na batch ng distribusyon.

Layunin ng programang ito na makapagbigay ng karagdagang suporta sa bawat pamilyang Nagcarlangin sa gitna ng patuloy na hamon sa pang-araw-araw na pamumuhay. Sa ilalim ng programang ito, bawat pamilya ay makatatanggap ng 𝟏𝟎 𝐤𝐢𝐥𝐨𝐧𝐠 𝐛𝐢𝐠𝐚𝐬.

Paalala:
• Tanging mga benepisyaryong may hawak ng 𝐜𝐥𝐚𝐢𝐦 𝐬𝐭𝐮𝐛 na ipamamahagi ng mga opisyal ng barangay ang pagkakalooban ng bigas. Ang nasabing 𝐜𝐥𝐚𝐢𝐦 𝐬𝐭𝐮𝐛 ay ipamamahagi lamang isang araw bago ang itinakdang schedule ng pamamahagi ng bigas upang matiyak ang maayos at organisadong distribusyon.
• Kung ang lahat ng pamilya ay nakatala sa listahang isinumite ng barangay sa MSWDO at walang nakaligtaan, lahat ng kabilang dito ay makakatanggap. Halimbawa, kung sa isang bahay ay may dalawa o higit pang pamilya na nakatala sa listahan, bawat pamilya dito ay makakatanggap.
• Mangyaring tiyakin na ang pupunta sa itinakdang venue ay may kakayahang magbuhat ng 10 kilong bigas.
• Ang mga barangay na wala pa sa kasalukuyang schedule ay kabilang sa mga susunod na batch.
Mangyaring patuloy na sumubaybay sa mga opisyal na anunsyo para sa iba pang iskedyul ng distribusyon.
Maraming salamat po sa inyong pakikiisa at kooperasyon.

02/06/2026

01/06/2026

𝗔𝗡𝗨𝗡𝗦𝗬𝗢 📢

Inaanyayahan po ang ating mga kababayan na makilahok sa isasagawang Active Case Finding: Free Chest X-Ray na hatid ng Rural Health Unit katuwang ang Philippine Business for Social Progress (PBSP) and Calabarzon.

June 4, 2026 | 8:00 AM – 12:00 NN
Yukos Elementary School, Brgy. Yukos, Nagcarlan, Laguna
Bukas po ito para sa unang 100 slots lamang.

Layunin ng programang ito na palakasin ang maagang pagdetect at pag-iwas sa mga sakit sa baga upang mapanatili ang kalusugan ng ating komunidad.

Hinihikayat ang lahat na makiisa at samantalahin ang libreng serbisyong pangkalusugan na ito.

Maraming salamat po.

01/06/2026

𝐋𝐈𝐍𝐆𝐆𝐔𝐇𝐀𝐍𝐆 𝐏𝐀𝐆𝐓𝐀𝐓𝐀𝐀𝐒 𝐍𝐆 𝐖𝐀𝐓𝐀𝐖𝐀𝐓 𝐍𝐆 𝐏𝐈𝐋𝐈𝐏𝐈𝐍𝐀𝐒

Hunyo 1, 2026 | Nagcarlan Presidencia

Isinagawa ngayong araw ang Lingguhang Pagtataas ng Watawat ng Pilipinas sa Bayan ng Nagcarlan sa pangunguna ng Municipal Senior Citizens Affairs Office (MUSCA) at Office of the Senior Citizens Affairs (OSCA).

Maayos na pinangasiwaan ang programa na sinimulan sa isang taimtim na panalangin sa pangunguna ni Bambang Senior Citizen President Gng. Teody Corales Sumague, kasunod ang pagbabahagi ng banal na Ebanghelyo ni Ptr. D**g Artieda bilang paalala ng pananampalataya, pagkakaisa, at malasakit sa kapwa.

Buong galang namang isinagawa ang pag-awit ng Lupang Hinirang, habang pinangunahan ni G. Randy Coronacion ang Panunumpa ng Katapatan sa Watawat ng Pilipinas, Gng. Magdalena Coroza para sa Panunumpa ng Lingkod Bayan, at Gng. Laura Comendador para sa Panata sa Bagong Pilipinas.

Sa bahagi ng pagbibigay ng ulat, binigyang-diin ng MUSCA at OSCA ang mga matagumpay na programa at gawaing naipatupad alinsunod sa mga umiiral na batas para sa kapakanan at suporta sa mga senior citizen ng bayan. Inilahad din nila ang pinakahuling talaan at datos hinggil sa bilang ng mga senior citizen sa Nagcarlan bilang bahagi ng patuloy na pagpapalakas ng mga serbisyong nakalaan para sa sektor na ito.

Samantala, bilang kinatawan ni Punong Bayan Ark./Inh. Elmor Vitangcol Vita, nagbigay ng mahahalagang ulat si Pambayang Administrador Arthur Cabusas hinggil sa kasalukuyang programa ng lokal na pamahalaan para sa mamamayan. Kanyang nilinaw na ang inisyal na pondong nagkakahalaga ng limang milyong piso para sa pamamahagi ng libreng bigas ay dinagdagan pa ng lokal na pamahalaan sa pangunguna ng Punong Bayan upang matiyak na lahat ng pamilyang Nagcarlangin na nakatala sa BMIS (na siyang ginawang batayan ng programa) ay mabibigyan ng tig-sasampung (10) kilong bigas bilang bahagi ng patuloy na pagtugon sa kanilang pangangailangan.

Ang lingguhang gawaing ito ay patuloy na nagsisilbing sagisag ng pagkakaisa, paggalang, at malasakit sa kapwa, habang pinatitibay ang ugnayan ng pamahalaan at mamamayan tungo sa mas maunlad at inklusibong Bayan ng Nagcarlan.

28/05/2026