Barangay Tina-an City of Naga, Cebu

19/05/2026

PAHIBALO!!!!!

NANGAWALA NGA MGA BATA 7 YEARS OLD ANG DUHA....PAGNIAGING MAY 17, 2026 PA NI SILA NANGAWALA.... KON UGALING INYU SILANG MAKIT-AN PALIHUG SA PAG TAWAG OF REPORT SA TUYAN BRGY HALL....

SALAMAT....

09/05/2026

🤝 “Nagkahiusang Serbisyo para sa Maayong Panglawas sa Senior Citizens”

Malampusong napahigayon ang 𝗠𝗲𝗱𝗶𝗰𝗮𝗹 𝗠𝗶𝘀𝘀𝗶𝗼𝗻 para sa atong pinalanggang mga senior citizens sa Barangay Tina-an pinaagi sa panagtambayayong sa Pulyn Diagnostic Medical Center ug sa mga opisyal sa Barangay Tina-an, kauban ang atong mga MIDWIFE, BNS, ug BHW.

Kining maong kalihokan gihalad ubos sa pagpangulohan ni Acting Punong Barangay Mayel A. Pao, uban sa aktibong pagtambong ug pagdumala ni Konsehal Roy Arevalo isip Committee on Health. Dako usab nga pasalamat kang Ma’am Elizabeth C. Lapuz ug sa atong masaligan ug matinabangong Barangay Health Workers nga walay hunong nga nagserbisyo alang sa kaayohan sa atong komunidad.

Ang maong medical mission usa ka timaan sa atong padayong paningkamot sa pag-atiman ug paghatag importansya sa kahimsog sa atong mga senior citizens nga usa sa haligi sa atong barangay. Daghang salamat sa tanang nitabang ug misuporta aron mahimong malampuson kining mahinungdanong kalihokan. 💙

09/05/2026

♻️ “Basura Run 2026: Hugpong alang sa Kalimpyo sa Barangay”

Malampusong nagpahigayon ug “𝗕𝗔𝗦𝗨𝗥𝗔 𝗥𝗨𝗡 𝟮𝟬𝟮𝟲” ang mga Purok Presidents nga gipasiugdahan sa atung Purok Federation President, Josephine Cueva, uban sa dakong suporta sa atung mga Barangay Officials nga gipangulohan ni Acting Brgy. Captain Mayel Pao, kauban sila konsehal Blanche Empleo, Renato Antonino, Edna Cantal, ug Yen Yen Cinco Florentino.

📢 Kanunay nga giawhag ang tanan nga maglabay sa basura sa saktong butanganan ug magtinabangay sa pagmintinar sa kalimpyo sa komunidad. Ilain nato ang MALATA, DI-MALATA, ug RECYCLABLE aron mapreserbar ang kalikupan ug mapadayon ang kahapsay sa atung barangay.

Daghang salamat sa tanang nitambong ug misuporta sa maong kalihokan alang sa mas limpyo ug mas maayong kaugmaon sa atung komunidad. 💚

📸 Photo credit to Kons Yen Yen

30/04/2026

22/04/2026

PAHIBALO: Base sa Article 5, Section 14: Solid Waste Segregation under City Ordinance No. 2020-15, gikinahanglan ang pagla-in sa basura sa malata ug di-malata.

Alang sa dugang impormasyon, pangutana, o reklamo, mahimong motawag sa trunkline number sa City Environment and Natural Resources Office (C-ENRO) 268 3010 local 4008. Mahimo sab mobisita sa opisina sa C-ENRO nga nahimutang sa 2nd Floor sa City Hall of Naga o mo-PM ani nga Page.

Daghang salamat sa inyong pagpakabana sa atong dakbayan, Nagahanon.

Padayon Naga!

22/04/2026

Pahibalo sa tanang residente sa Barangay Tina-an nga nagsugod na ang pagbaligya sa bugas nga nagkantidad og ₱21.00 kada kilo. Kini nga programa gipangulohan ni Acting Punong Barangay Mayel A. Pao, uban sa Barangay Treasurer, Barangay Secretary, ug mga empleyado sa barangay nga nagtabang aron masiguro ang hapsay nga pagpatuman niini.

Kini nga inisyatibo gituyo aron matabangan ang atong komunidad pinaagi sa paghatag og barato ug maabot nga bugas alang sa tanan. Gina-encourage ang tanang kwalipikadong residente nga mo-avail niini.

Daghang salamat sa inyong padayon nga kooperasyon ug suporta.

13/04/2026

09/02/2026

🎉 Happy Birthday, Hon. Blanche Empleo! 🎉

Warmest birthday greetings to Hon. Blanche Empleo, Barangay Tina-an Councilor and Chairperson of the Committee on Appropriation.

Your dedication, integrity, and responsible leadership in managing our barangay’s resources truly reflect your commitment to transparent and effective governance. May this special day be filled with good health, joy, and continued strength as you serve our community.

With sincere appreciation and best wishes,
Barangay Officials of Tina-an
headed by Barangay Captain Hon. Edden Gera Nocon