25/09/2020
ANUNSYO PUBLIKO
Epektibo sa Lunes, Setyembre 28, 2020, gabos na empleyado asin personahe kan LGU-Naga mabalik na sa regular na 5-day work week schedule.
An mga immuno-compromised, senior citizens asin mga bados sana an pwedeng tugotan na mag work-from-home o 4-day-work-week na schedule.
Siring man, an pagsúlot nin uniporme iniimponer na liwat puon sa Lunes, Setyembre 28. Kita po maobservar na kan dating schedule asin pagsúlot nin uniporme arog kan dati bago mag-pandemya.
Gabos na mga aprubadong alternative work arrangements na dae uyon sa kasugoan na ini tatapuson epektibo sa Lunes. Sa mga pangyayari lang na an sarong opisina mapapasairarom sa lockdown magkakaigwa nin alternatibong work schedule an mga embueltong empleyado asin personahe.
Dawa na kita nagpupuon nang magbalik sa normalidad, an istriktong pag observar kan mga health protocols, an pagbawal sa pagtambay sa luwas kan mga opisina asin iba pang mga precautionary measures sesegurohon na mapaotob.
Kun yaon pa man an CoViD-19 sa palibot niato dae ta dapat ini tugotan na raoton an satuyang mga buhay o galaon an satuyang mandato. Sa tamang paglikay, ipapadagos niato an satuyang trabaho asin katungdan na magserbi sa mga namamanwaan gamit an satuyang pinakaorog na kakayahan.
Guiraray, Naga Na!
