Barangay Poblacion Nabunturan- Information Office

12/06/2026

𝟭𝟮𝟴𝗧𝗛 𝗣𝗛𝗜𝗟𝗜𝗣𝗣𝗜𝗡𝗘 𝗜𝗡𝗗𝗘𝗣𝗘𝗡𝗗𝗘𝗡𝗖𝗘 𝗗𝗔𝗬

Uban sa temang “Kalayaan, Kinabukasan, Kasaysayan,” ang Barangay Local Government Unit sa Barangay Poblacion nga gipangulohan ni Punong Barangay 𝗠𝗲𝗻𝗰𝗵𝗶𝗲 𝗕. 𝗖𝗮𝗯𝗮𝗹𝗹𝗲𝗿𝗼 , nakig-uban sa tibuok nasud sa pagsaulog sa ika-128 nga Anibersaryo sa Adlaw sa Kagawasan sa Pilipinas.

Niining mahinungdanong higayona, atong gipasidunggan ug gihinumduman ang kaisog ug sakripisyo, sa atong mga bayani nga nakigbisog alang sa kagawasan sa atong nasud. Ang ilang mga nabuhat sa atong nasod nagpabiling inspirasyon sa matag usa kanato sa pag-amuma sa atong kasaysayan, pagpanalipod sa atong kagawasan, ug pag-andam sa mas maayong kaugmaon alang sa umaabot nga mga henerasyon.

Malipayong ika-128 nga Adlaw sa Kagawasan sa Pilipinas!

10/06/2026

𝐋𝐎𝐎𝐊 | 𝐁𝐋𝐆𝐔 𝐏𝐎𝐁𝐋𝐀𝐂𝐈𝐎𝐍 𝐏𝐑𝐄𝐏𝐀𝐑𝐄𝐒 𝐅𝐎𝐑 𝐓𝐇𝐄 𝟔𝟗𝐭𝐡 𝐀𝐑𝐀𝐖 𝐍𝐆 𝐁𝐀𝐑𝐀𝐍𝐆𝐀𝐘 𝐏𝐎𝐁𝐋𝐀𝐂𝐈𝐎𝐍 𝐂𝐄𝐋𝐄𝐁𝐑𝐀𝐓𝐈𝐎𝐍

Less than two weeks before the opening of the 69th Araw ng Barangay Poblacion celebration, Barangay Officials headed by Punong Barangay 𝗠𝗲𝗻𝗰𝗵𝗶𝗲 𝗕. 𝗖𝗮𝗯𝗮𝗹𝗹𝗲𝗿𝗼 gathered for a final coordination meeting to assess the progress and readiness of the BLGU Poblacion in implementing the various activities lined up for the occasion. The meeting was held on June 9, 2026, at the 2nd Floor Session Hall, Poblacion, Nabunturan, Davao de Oro.

The three-day celebration of the 69th Araw ng Barangay Poblacion will commence on June 21, 2026 with various activities lined up for the people, including a Zumba session in the morning, the "Marites to Maribest" activity in the afternoon, and a symposium spearheaded by the Sangguniang Kabataan of Poblacion, Nabunturan.

09/06/2026

“𝗞𝗔𝗟𝗔𝗠𝗕𝗢𝗔𝗡 𝗦𝗔 𝗡𝗔𝗚𝗞𝗔𝗛𝗜𝗨𝗦𝗔𝗡𝗚 𝗣𝗢𝗕𝗟𝗔𝗖𝗜𝗢𝗡”
69 Years of Unity, Service, and Progress
June 21–23, 2026 | Barangay Hall, Poblacion, Nabunturan, Davao de Oro.

08/06/2026

𝐏𝐔𝐁𝐋𝐈𝐂 𝐀𝐃𝐕𝐈𝐒𝐎𝐑𝐘

Subay sa resulta sa gipahitabong RDANA assessment sa mga tulonghaan, establisyemento, ug sa atong munisipyo, nasuta nga luwas nga gamiton ang mga istruktura nga posibleng naapektuhan sa nahitabong linog karong adlawa, Hunyo 8, nga nabati sa pipila ka parte sa Mindanao.

Tungod niini, nagpakanaug ug mando si Mayor Myrocel Clarin Balili, pinaagi ni Hon. Roy G. Bayoneta, SB Member/Acting Mayor, sa pag tanggal sa suspensyon sa klase sa tanang lebel sa pampubliko ug pribadong tulonghaan sa lungsod, lakip na sa mga non-teaching personnel, sugod ugma, Hunyo 9, adlawng Martes. Mobalik na usab ang normal nga operasyon ug serbisyo sa Munisipal nga Panggamhanan sa Nabunturan, gikan alas siyete hangtud alas sais sa gabii (7:00 AM - (6:00 PM).

Hugot ang pahimangno sa panggamhanan nga padayon kitang mag amping ug mag igmat sa posibleng mga aftershock sa linog.

08/06/2026

𝗜𝗠𝗣𝗢𝗥𝗧𝗔𝗡𝗧𝗘𝗡𝗚 𝗣𝗔𝗛𝗜𝗕𝗔𝗟𝗢

Alang sa kasayuran sa tanan, tungod sa nahitabong pag linog ug sa nasinating mga aftershocks niini, suspendido ang trabaho ug serbisyo sa atong Munisipal nga Panggamhanan sugod alas dose sa udto (12:00 noon) karong adlawa, Hunyo 8, aron masiguro nga luwas ang mga empleyado ug kliyente, samtang ipahigayon ang inspeksyon sa posibleng kadaut nga epekto sa pagtay-ug.

Apan, ang mga opisina nga naghatag og serbisyo sa panglawas, emerhensya, ug uban pang mahinungdanong frontline services sama sa atong RHU, NERT, ug uban pa, magpadayon sa ilang operasyon aron masiguro ang walay hunong nga paghatag og serbisyo sa publiko.

Pahimangno sa LGU nga kung adunay emerhensya o angay i-report, tawag o text dayon sa 0946-246-1787, aron mahatagan ug hinanaling aksyon.

Daghang salamat.

07/06/2026

𝐏𝐔𝐁𝐋𝐈𝐂 𝐀𝐃𝐕𝐈𝐒𝐎𝐑𝐘

Tungod sa nahitabong kusog nga pagtay-ug sa yuta sa dili pa lamang dugay, nagpakanaug ug mando si Mayor Myrocel Clarin Balili, sa pag suspende sa klase sa mga tulonghaan sa tanang lebel sa tibuok lungsod sa Nabunturan. Kini aron masiguro ang seguridad ug kaluwasan sa tanang estudyante ug magtutudlo.

Executive order to follow.



no

𝐏𝐔𝐁𝐋𝐈𝐂 𝐀𝐃𝐕𝐈𝐒𝐎𝐑𝐘

Tungod sa nahitabong kusog nga pagtay-ug sa yuta sa dili pa lamang dugay, nagpakanaug og mando si Mayor Myrocel Clarin Balili, sa pag suspende sa klase sa mga tulonghaan sa tanang lebel sa tibuok lungsod sa Nabunturan, karong adlawa, Hunyo 8. Lakip sa suspensyon ang trabaho sa tanang non-teaching personnel nga anaa sa mga tulonghaan.

Ang maong lakang gipatuman aron masiguro ang seguridad ug kaluwasan sa tanang estudyante, magtutudlo, ug trabahante nga anaa sa sulod sa mga eskwelahan.

Kasamtangang nagtuyok ang mga personahe sa Municipal Disaster Risk Reduction and Management Council (MDRRMC) sa panguna ni Ms. Jennifer Echavez, MDRRMO, aron masuta ang sitwasyon sa mga eskwelahan.

Amping, Nabunturanon.

(𝘌𝘹𝘦𝘤𝘶𝘵𝘪𝘷𝘦 𝘰𝘳𝘥𝘦𝘳 𝘵𝘰 𝘧𝘰𝘭𝘭𝘰𝘸.)

07/06/2026

𝗘𝗔𝗥𝗧𝗛𝗤𝗨𝗔𝗞𝗘 𝗔𝗟𝗘𝗥𝗧

Earthquake Information No.2
Date and Time: 08 June 2026 - 07:37 AM
Magnitude = 7.8
Depth = 033 km
Location = 05.57°N, 124.98°E - 032 km S 04° W of Maasim (Sarangani)

Reported Intensities:

Intensity IV - 𝗡𝗮𝗯𝘂𝗻𝘁𝘂𝗿𝗮𝗻, 𝗗𝗔𝗩𝗔𝗢 𝗗𝗘 𝗢𝗥𝗢




Source: https://earthquake.phivolcs.dost.gov.ph/2026_Earthquake_Information/June/2026_0607_2337_B2F.html

06/06/2026

𝗕𝗟𝗚𝗨 𝗣𝗢𝗕𝗟𝗔𝗖𝗜𝗢𝗡 𝗘𝗫𝗧𝗘𝗡𝗗𝗦 𝗠𝗔𝗧𝗘𝗥𝗜𝗔𝗟𝗦 𝗔𝗡𝗗 𝗦𝗘𝗥𝗩𝗜𝗖𝗘𝗦 𝗙𝗢𝗥 𝗕𝗥𝗜𝗚𝗔𝗗𝗔 𝗘𝗦𝗞𝗪𝗘𝗟𝗔 𝟮𝟬𝟮𝟲

Hugot nga misuporta ang Barangay Poblacion Local Government Unit (BLGU) ubos sa pagdumala ni Punong Barangay 𝗠𝗲𝗻𝗰𝗵𝗶𝗲 𝗕. 𝗖𝗮𝗯𝗮𝗹𝗹𝗲𝗿𝗼 sa gipahigayon nga Brigada Eskwela 2026 pinaagi sa Komitiba sa Edukasyon nga pinangulohan ni Barangay Kagawad 𝗜𝗮𝗻 𝗣𝗵𝗶𝗹𝗶𝗽 𝗧. 𝗕𝗮𝗹𝗮𝘁𝗶𝗰𝗼.

Isip suporta sa maong kalihokan, nagpang-apod-apod ang BLGU og 30 ka lata sa pintura ngadto sa Nabunturan Central Elementary School SPED Center, Nabunturan National Comprehensive High School, ug mga Child Development Centers sa Barangay Poblacion niadtong Hunyo 2, 2026.

Mihatag usab og suporta ang Komitiba sa Kinaiyahan ubos sa pagdumala ni Barangay Kagawad 𝗥𝗼𝗺𝗲𝗼 𝗛. 𝗠𝗮𝗿𝗮𝗻𝗮𝗻 pinaagi sa pagpanghakot sa mga basura ug pagpadala og backhoe ngadto sa Nabunturan National Comprehensive High School (NNCHS) aron makatabang sa pagpanglimpyo ug pagpahapsay sa palibot sa eskwelahan.

Samtang nagkaduol ang Bayanihang Bulilit 2026, nagpadayon usab ang barangay sa paghatag og nagkalain-laing serbisyo alang sa pagpanglimpyo ug pag-andam sa mga Child Development Centers isip kabahin sa preparasyon alang sa umaabot nga abli-klase. Dili usab nagpahibilin ang mga miyembro sa 4Ps sa Barangay Poblacion nga boluntaryong mihatag sa ilang oras ug serbisyo aron makatampo sa kalampusan sa maong kalihokan.

“​​Kada tuig nato kining ginabuhat pinaagi sa Brigada Eskwela sa atong mga tulunghaan dinhi sa Barangay Poblacion aron masiguro nga adunay hapsay, limpyo, ug hamugaway nga palibot alang sa atong mga estudyante sa umaabot nga abli-klase,” matod ni Kagawad Balatico atol sa tinuig nga suporta sa barangay sa Brigada Eskwela.

04/06/2026

𝟭𝟭𝟭 𝗟𝗘𝗔𝗥𝗡𝗘𝗥𝗦 𝗙𝗜𝗡𝗜𝗦𝗛 '𝗣𝗥𝗢𝗝𝗘𝗖𝗧 𝗞𝗔𝗨𝗚𝗠𝗔𝗢𝗡 𝗦𝗘𝗔𝗦𝗢𝗡
𝟮'

Malampusong natapos ang 5 ka adlaw nga Project Kaugmaon Season 2 pinaagi sa usa ka Culmination Program nga gipahigayon niadtong Mayo 30, 2026 sa Purok 13 KALAHI Building, diin 111 ka learners ang mipaso ug midawat sa ilang mga sertipiko ug medalya isip timaan sa ilang malampusong pagkompleto sa programa.

Ang Project Kaugmaon usa ka “pet project” sa Komitiba sa Edukasyon nga gipangulohan ni Barangay Kagawad 𝗜𝗮𝗻 𝗣𝗵𝗶𝗹𝗶𝗽 𝗧. 𝗕𝗮𝗹𝗮𝘁𝗶𝗰𝗼. Tumong niini ang paghatag og libreng learning enhancement activities sama sa Reading, Writing, Mathematics, ug Values Formation. Libre usab nga gipahimuslan sa mga participants ang meryenda atol sa programa uban sa tabang sa mga volunteer tutors gikan sa nagkalain-laing partner institutions sama sa Assumption College Supreme Student Government (ACSSG), Nabunturan National Comprehensive High School – Supreme Secondary Learner Government (NNCHS-SSLG), Purok 14 Katipunan ng Kabataan (KK), ug Dyesabel Philippines–Nabunturan Chapter.

Sa iyang mensahe, gipasiugda ni Kgd. Balatico nga ang programa usa sa mga pamaagi sa barangay aron makatabang sa pagsulbad sa problema sa learning poverty sa nasud.

"Kini nga programa usa sa mga tubag sa atong gobyerno sa problema sa learning poverty diin daghan gihapon ang naglisod sa literacy ug numeracy skills nga importante sa ilang pagkat-on. Lakip usab niini ang pagpalig-on sa values formation aron mapadayon ang maayong Filipino values ug tradisyon," matod niya.

Mitambong usab sa maong kalihokan sila Kgd. 𝗘𝗱𝗶𝘁𝗵𝗮 𝗙. 𝗔𝗿𝗮𝗻𝗴𝗰𝗼𝗻, OIC-MSWDO sa LGU Nabunturan 𝗠𝘀. 𝗭𝗮𝗶𝗿𝗮 𝗞𝗵𝗿𝗶𝘀𝗻𝗮 𝗕𝗮𝘁𝗮𝘆𝗰𝗮𝗻, NNCHS-SSLG Moderator 𝗠𝗿. 𝗦𝗮𝗺𝗺𝘆 𝗝. 𝗕𝗼𝗻𝗴𝗮𝗹, ug ACN Representative 𝗠𝘀. 𝗝𝗼𝗱𝗲𝗹𝘆𝗻 𝗡. 𝗣𝗮𝘀𝗮𝗴𝗮𝗱.

Dako usab ang natampo sa kalampusan sa programa pinaagi sa suporta sa mga major sponsors nga mao ang Barangay Council for the Protection of Children (BCPC), Sangguniang Kabataan Poblacion, Full Shield Foundation Inc., Nabunturan Integrated Cooperative, Secuya Dental Clinic, ug Ar. Jannah Clarisse Clarin.

Tungod sa padayon nga suporta sa mga sponsors ug donors, nakadawat ang mga learners og learning kits ug hygiene kits, dugang pa sa ilang mga medalya ug sertipiko.

Nagpahayag sa ilang kalipay ang mga kabataan ug mga ginikanan tungod sa dakong tabang nga nahatag sa programa alang sa edukasyon ug kaugmaon sa ilang mga anak.

Nagpadayon usab ang Barangay Poblacion ubos sa liderato ni Punong Barangay 𝗠𝗲𝗻𝗰𝗵𝗶𝗲 𝗕. 𝗖𝗮𝗯𝗮𝗹𝗹𝗲𝗿𝗼, kauban ang tibuok konseho, sa pagpalig-on sa mga programa ug inisyatiba nga naghatag og prayoridad sa sektor sa edukasyon alang sa kaayohan sa kabatan-onan ug sa komunidad.

02/06/2026

𝗠𝗚𝗔 𝗢𝗥𝗗𝗜𝗡𝗔𝗡𝗦𝗔, 𝗣𝗥𝗢𝗚𝗥𝗔𝗠𝗔 𝗨𝗚 𝗣𝗔𝗡𝗚𝗔𝗡𝗗𝗔𝗠 𝗔𝗟𝗔𝗡𝗚 𝗦𝗔 𝟲𝟵𝘁𝗵 𝗔𝗥𝗔𝗪 𝗡𝗚 𝗕𝗔𝗥𝗔𝗡𝗚𝗔𝗬, 𝗚𝗜𝗛𝗜𝗦𝗚𝗨𝗧𝗔𝗡 𝗦𝗔 𝟱𝟴𝘁𝗵 𝗥𝗘𝗚𝗨𝗟𝗔𝗥 𝗦𝗘𝗦𝗬𝗢𝗡

Gipahigayon sa Sangguniang Barangay Poblacion, Nabunturan ang ika-58 nga Regular Session niadtong Mayo 19, 2026 ubos sa pagpanguna ni Punong Barangay 𝗠𝗲𝗻𝗰𝗵𝗶𝗲 𝗕. 𝗖𝗮𝗯𝗮𝗹𝗹𝗲𝗿𝗼 aron hisgutan ang nagkadaiyang mga programa, ordinansa, ug mga kalihokan nga makaapekto sa kalamboan sa barangay.

Lakip sa mga mahinungdanong nahisgutan ang pagpaila sa usa ka proposed ordinance nga nagdeklarar sa government-owned road allowance sa Purok 18, Poblacion isip “Barangay Poblacion Forest Park,” nga gitumong alang sa pagpalambo sa lugar, solid waste management, ug paghimo og dugang nga pampublikong lugar alang sa mga residente ug mga biyahero.

Sa Committee Reports, nagpadayag og update ang tagsa tagsa ka Barangay Kagawads sa mga kalihokan sa environment, lakip ang mga ordinansang may kalabotan sa tree planting, environmental protection, ug pagduso sa Zero Open Defecation ug Zero Open Urination Program sa pagpanguna ni Barangay Kagawad 𝗥𝗼𝗺𝗲𝗼 𝗛. 𝗠𝗮𝗿𝗮𝗻𝗮𝗻. Gihisgutan usab ang mga pagpangandam alang sa 2026 Cleanest and Greenest Evaluation ug ang pagmonitor sa mga proyekto nga gipondohan sa Department of Social Welfare and Development (DSWD).

Gituki usab sa konseho ang kahimtang sa peace and order sa barangay ug ang mga hagit nga giatubang sa ubang mga purok sa pagpahigayon sa ilang mga asembliya tungod sa kakulang sa mga napili nga opisyal sa purok.

Atol sa Unfinished Business, giaprobahan sa Third and Final Reading ang tulo ka mahinungdanong ordinansa, lakip ang pagtukod sa Barangay Reading Nooks sa matag purok, ang Gawad Nabunturan Public Service Award para sa mga dugay nang nagserbisyo sa barangay, ug ang pagtukod sa Barangay Culture and Arts Council nga giduso ni Barangay Kagawad 𝗜𝗮𝗻 𝗣𝗵𝗶𝗹𝗶𝗽 𝗧. 𝗕𝗮𝗹𝗮𝘁𝗶𝗰𝗼.

Gipahibalo usab ni Kap Menchie ang mga plano alang sa pag-andam sa CY 2027 Annual Investment Program (AIP), mga updates sa ELCAC-funded projects, ug ang umaabot nga pag-apil sa Gawad Dakilang Pilipino Pamamalakaya 2026 nga pagahitabuon sa Baguio City.

Nahisgutan usab sa sesyon ang kahimtang sa mga persons with mental health conditions nga naglatagaw sa barangay ug ang panginahanglan sa mas lig-on nga suporta ug interbensyon gikan sa Municipal Government aron matubag kini nga mga kaso.

Lakip sa uban pang mga mahinungdanong hisgutanan ang pagpangandam alang sa “Bayanihang Bulilit 2026,” ang DPWH-funded Completion of Multipurpose Building (Stage and Bleacher) sa Purok 20 nga adunay kantidad nga Php 5 milyon, ug ang mga inisyal nga plano alang sa umaabot nga ika-69th Araw ng Barangay Poblacion.

Gitugotan usab sa konseho ang hangyo sa mga residente sa Purok 14, Poblacion alang sa pagtukod og chapel sa usa ka barangay-owned property aron magsilbing sentro sa espiritwal nga kalihokan sa komunidad.

Nagapadayon ang Barangay Poblacion ubos sa pagpanguna ni Punong Barangay 𝗠𝗲𝗻𝗰𝗵𝗶𝗲 𝗕. 𝗖𝗮𝗯𝗮𝗹𝗹𝗲𝗿𝗼 ug sa tibuok Barangay Council sa pagpalig-on sa mga programa, polisiya, ug mga inisyatiba nga naghatag og kaayohan ug kalamboan alang sa tanan.