Lingkod Muntinlupa Foundation

Home
Philippines
Muntinlupa City
Lingkod Muntinlupa Foundation

Lingkod Muntinlupa Foundation (LMF) is a non-profit community foundation that serves the charitable needs of Muntinlupa people.

Lingkod Muntinlupa Foundation (LMF) is a non-profit community foundation that serves the charitable needs of Muntinlupa people through connecting private philanthropy with social service programs of the local city government. Created by and for the people of Muntinlupa, the foundation develops programs that benefit those who need help most and also programs that respond to long-term developmental needs of the community. Let us all come together to build a better Muntinlupa!

14/09/2026

𝗟𝗶𝗻𝗴𝗸𝗼𝗱 𝗩𝗶𝘀𝗶𝘁𝘀 𝗧𝘂𝗹𝗼𝘆 𝗙𝗼𝘂𝗻𝗱𝗮𝘁𝗶𝗼𝗻, 𝗜𝗻𝗰. 𝗳𝗼𝗿 𝗮 𝗦𝘁𝗿𝗼𝗻𝗴𝗲𝗿 𝗣𝗮𝗿𝘁𝗻𝗲𝗿𝘀𝗵𝗶𝗽

Last month, pumunta ang Lingkod Muntinlupa Foundation sa isa sa mga partner organizations nito, ang Tuloy Foundation. Parte ang pagbisita na ito sa layunin ng Lingkod na mas makilala at mas mapalakas ang ugnayan sa mga partner organizations nito.

Malugod na tinanggap ni Tuloy Foundation Accounts Department Group Head, Don Perez III ang Lingkod Team, na siya namang pinangunahan ni Lingkod Executive Director Alvin Quintans. Nagbigay oportunidad sa Lingkod ang nasabing pagbisita upang mas malaman ang mga programs at advocacies ng Tuloy Foundation.

Isa ang Tuloy Foundation sa mga organisasyon na tumutulong sa ilang mga kabataan na walang masyadong access sa mga oportunidad na makatutulong sa kanila. Hangad ng Tuloy Foundation ang mabigyan sila ng pagkakataon na makapag-aral, maengganyo sa mga extra-curricular activities tulad ng sports, at magkaroon ng maayos na tahanan at ng mga mag-aaruga at gagabay sa kanila. Dagdag pa rito ang hatid na tulong ng Lingkod sa pagkakaroon pa ng mga scholars sa technical-vocational courses na ino-offer ng Tuloy Foundation.

Nakatulong sa Lingkod ang pagbisita nito sa Tuloy Foundation upang makita ang kahalagahan ng environment na kinalalakihan ng mga kabataan sa kanilang holistic development. Nagbahagi naman ang Lingkod ng mga programa nito na naaayon sa mga hangarin ng Tuloy Foundation.

Napag-usapan din kung paano matutulungan ang mga beneficiaries ng Tuloy Foundation na magkaroon ng mga trainings, career opportunities, at potential employment pathways. Hangad ng Lingkod na dumami pa ang mga partner organizations nito upang mas marami pang mga potential beneficiaries ang maabot at matulungan.

11/09/2026

𝗟𝗶𝗻𝗴𝗸𝗼𝗱’𝘀 𝗖𝗼𝗹𝗹𝗲𝗴𝗲 𝗼𝗳 𝗠𝗲𝗱𝗶𝗰𝗶𝗻𝗲 𝗦𝗰𝗵𝗼𝗹𝗮𝗿𝘀

Kilalanin ang mga mag-aaral mula sa PLMUN-OsMun College of Medicine na kasalukuyang mga recipients ng College of Medicine Scholarship Program ng Lingkod Muntinlupa Foundation. Ang nasabing programa ay isinasagawa upang makapagbigay ng tulong sa ating mga future Muntinlupeño doctors.

Mula sa iba’t ibang year levels ang mga scholars. Binubuo ito nila Arvin Taquiqui at Aila Danica Dimaano na mga 4th year students, Wise Dangkulos, Christian Kenneth Romasanta, at Jyx Jireh McGuire na mga 3rd year students, Rafael Miguel Elasigue na 2nd year student, at Jenny Decena at Bhea Del Monte na mga 1st year students.

Hangad natin sa susunod na mas marami pang mga kabataan ang ma-inspire at mabigyan ng pagkakataon na maabot ang kanilang mga pangarap.

10/09/2026

𝗟𝗶𝗻𝗴𝗸𝗼𝗱 𝗪𝗲𝗹𝗰𝗼𝗺𝗲𝘀 𝗧𝘄𝗼 𝗡𝗲𝘄 𝗣𝗟𝗠𝗨𝗡 𝗠𝗲𝗱 𝗦𝗰𝗵𝗼𝗼𝗹 𝗦𝗰𝗵𝗼𝗹𝗮𝗿𝘀

Para pormal na simulan ang scholarship assistance para sa dalawang bagong PLMUN College of Medicine scholars na sina Jenny Decena at Bhea Del Monte, naganap ang Kasunduan Form Signing noong September 9 sa Lingkod Muntinlupa Foundation Office. Kasama nila Jenny at Bhea ang kanilang mga magulang at guardian upang malaman ang kanilang mga roles and responsibilities bilang mga scholars.

Present sa signing sina Lingkod President Atty. Camille Alcaraz at Lingkod Executive Director Alvin Quintans. Ipinaliwanag nila ang layunin ng programa at ang tungkulin ng Lingkod sa mga scholars. Ang tulong na ito sa mga future Muntinlupeño doctors ay bahagi ng Lingkod College of Medicine Scholarship Program. Layon ng programa na magbigay ng financial assistance sa mga medical school students tulad nila Jenny at Bhea upang mas mapagaan ang kanilang pag-aaral.

Sa ngayon, may walong scholars ang nasabing programa. Kasama nila Jenny at Bhea ang anim nilang schoolmates, kung saan dalawa ang nasa 4th year, tatlo ang nasa 3rd year, at isa ang nasa 2nd year. Hangad ng Lingkod na madagdagan pa ang bilang nila sa mga susunod na pagkakataon upang mas maraming mga Muntinlupeño pa na nagnanais maging doktor ang matulungan.

10/09/2026

𝗜𝗖𝗬𝗠𝗜: 𝗕𝗮𝘆𝗮𝗻𝗮𝗻 𝗝𝘂𝗻𝗶𝗼𝗿 𝗠𝗮𝗿𝗶𝗻𝗲𝗿𝘀 𝗕𝗮𝘀𝗲𝗯𝗮𝗹𝗹 𝗧𝗲𝗮𝗺 𝘀𝗮 𝟱𝘁𝗵 𝗣𝗵𝗶𝗹𝗶𝗽𝗽𝗶𝗻𝗲 𝗔𝗺𝗮𝘁𝗲𝘂𝗿 𝗕𝗮𝘀𝗲𝗯𝗮𝗹𝗹 𝗔𝘀𝘀𝗼𝗰𝗶𝗮𝘁𝗶𝗼𝗻 (𝗣𝗔𝗕𝗔) 𝗖𝗵𝗶𝗹𝗱𝗿𝗲𝗻 𝗕𝗮𝘀𝗲𝗯𝗮𝗹𝗹 𝗖𝗹𝗮𝘀𝘀𝗶𝗰 𝟴 𝗨𝗻𝗱𝗲𝗿

Wagi bilang 1st Runner Up and Bayanan Junior Mariners sa kanilang mga laban noong September 6 sa UPLB Baseball Field. Labindalawang (12) mga kabataan mula sa Bayanan, Muntinlupa ang bumuo sa Junior Mariners para makuha ang panalo. Katuwang nila ang kanilang mga coaches na sina Kurt Cabanillas at Pido Gorpido, at ang kanilang team manager na si Charmie Migallon.

Sa pamamagitan ng Grassroots for Sports Program, patuloy na magbibigay ng suporta ang Lingkod Muntinlupa Foundation sa mga kabataang atleta dito sa Muntinlupa. Pagbati, Bayanan Junior Mariners Baseball Team sa inyong tagumpay!

09/09/2026

𝗦𝗶𝗹𝘃𝗲𝗿 𝗠𝗲𝗱𝗮𝗹, 𝗡𝗮𝘀𝘂𝗻𝗴𝗸𝗶𝘁 𝗻𝗴 𝗕𝗮𝘆𝗮𝗻𝗮𝗻 𝗝𝘂𝗻𝗶𝗼𝗿 𝗠𝗮𝗿𝗶𝗻𝗲𝗿𝘀 𝗕𝗮𝘀𝗲𝗯𝗮𝗹𝗹 𝗧𝗲𝗮𝗺

Lumahok ang Bayanan Junior Mariners Baseball Team sa ginanap na 5th Philippine Amateur Baseball Association (PABA) Children Baseball Classic 8 Under noong September 6 sa UPLB Baseball Field. Tampok sa mga naging laban ang galing ng mga kabataan sa larong baseball. Nasungkit ng Bayanan Junior Mariners ang 1st Runner Up nang manalo sa semi-finals laban sa Canlubang team.

Kabilang sa mga naglaro para sa Bayanan Junior Mariners sina Jarrell Avelino, King Forbes, Zion Guiruela, JM Unisa, Pio Cisneros, Luis Yusingbo, Zaine Elemento, Terrence Rivera, Theo Gutierrez, Gab Julian, Isaac Jawili, at Justin Matuguina. Susi rin sa naging panalo ang gabay at husay nila Coaches Kurt Cabanillas at Pido Gorpido, pati na rin ang kanilang Team Manager na si Charmie Migallon.

Nagbigay din ng suporta ang Lingkod Muntinlupa Foundation sa ilalim ng Grassroots for Sports Program. Tumutulong ang programang ito sa mga kabataang Muntinlupeño na nasa larangan ng sports, kabilang ang baseball.

Layon nating mas marami pang mga kabataan ang makumbinsi na magkaroon ng sports at sumali sa mga sports team ng Muntinlupa City na magre-represent ng ating lungsod sa iba’t ibang mga kompetisyon.

Congratulations sa Bayanan Junior Mariners Baseball Team!

08/09/2026

𝗠𝗮𝘀 𝗛𝗮𝗻𝗱𝗮, 𝗠𝗮𝘀 𝗞𝘂𝗺𝗽𝗶𝘆𝗮𝗻𝘀𝗮 𝘀𝗮 𝗧𝗿𝗮𝗯𝗮𝗵𝗼!

Bilang paghahanda sa kanilang pagpasok sa mundo ng trabaho, nakatanggap ng career readiness orientation ang 50 graduating students ng Muntinlupa Technical Institute (MCTI) mula sa Lingkod Muntinlupa Foundation.

Tinalakay ang mahahalagang bagay sa paghahanap ng trabaho, tulad ng resume preparation, job interview, at tamang pananamit, upang mas maging handa ang mga estudyante sa pagharap sa mga employer.

Ipinakilala rin ang Dress for Success, isang programa ng Lingkod Muntinlupa Foundation na tumutulong sa mga aplikante na maging mas handa at kumpiyansa sa paghahanap ng trabaho. Nagbibigay ito ng gabay sa tamang pananamit at maayos na pagdadala ng sarili, kasama ang libreng damit para sa mga nangangailangan. Kasama rin dito ang 1Munti Job Portal para sa paghahanap ng mga oportunidad sa trabaho.

Naging unang hakbang din ang orientation sa mas pangmatagalang partnership ng MCTI at Lingkod Muntinlupa Foundation, para patuloy na masuportahan ang mga graduates sa kanilang career preparation at paghahanap ng trabaho.

04/09/2026

𝗧𝗮𝗺𝗮𝗻𝗴 𝗡𝘂𝘁𝗿𝗶𝘀𝘆𝗼𝗻, 𝗦𝘂𝗽𝗼𝗿𝘁𝗮 𝘀𝗮 𝗕𝗮𝘁𝗮𝗻𝗴 𝗔𝘁𝗹𝗲𝘁𝗮!

Mahalaga ang tamang nutrisyon sa bawat training at competition. Kaya naman nakiisa ang Lingkod Muntinlupa Foundation sa Nutrition Program for Athletes & Parents 2026, na pinangunahan ng Sports Division – YASDO, kasama ang City Nutrition Committee at Batang Juan Network.

Sa isinagawang seminar at workshop, nabigyan ng dagdag na kaalaman ang mga atleta at kanilang mga magulang tungkol sa pagpili ng pagkain ayon sa pangangailangan ng bawat sport, tamang food intake, at paghahanda ng meal plan para sa training at competition.

Ibinahagi rin ang Kumainments bilang gabay sa mas maayos na food choices at healthy eating habits na maaaring maisabuhay sa araw-araw.

Patuloy tayong nakikiisa sa mga programang nagbibigay ng kaalaman at suporta para sa kalusugan at pag-unlad ng ating mga batang atleta.

Alaga sa nutrisyon. Suporta sa bawat training. Lakas para sa bawat laban.

01/09/2026

𝗟𝗶𝗻𝗴𝗴𝗼 𝗻𝗴 𝗞𝗮𝗯𝗮𝘁𝗮𝗮𝗻: 𝗛𝗮𝗻𝗱𝗮 𝗻𝗮 𝘀𝗮 𝗡𝗲𝘅𝘁 𝗦𝘁𝗲𝗽! 💙

Bilang bahagi ng pagdiriwang ng Linggo ng Kabataan, isinagawa ang Youth Career Fair sa Activity Center, Southpark, na inorganisa ng Youth Affairs Office katuwang ang Public Employment Office (PESO), kasama ang Lingkod Muntinlupa Foundation.

Nakiisa rin sa aktibidad ang 1Munti Job Portal, habang ang Dress for Success, isang programa ng Lingkod Muntinlupa Foundation, ay nagbigay ng dagdag na suporta sa mga kabataang naghahanda para sa paghahanap ng trabaho.

Umabot sa 481 kabataan at aplikante ang nag-register, habang 150 aplikante ang nakatanggap ng Dress for Success attire bilang bahagi ng kanilang paghahanda para sa job interviews.

Sa pamamagitan ng Dress for Success, nabibigyan ang mga aplikante ng dagdag na kumpiyansa sa pagharap sa job interviews—mula sa tamang pananamit hanggang sa maayos na pagdadala ng sarili.

Patuloy ang Lingkod Muntinlupa Foundation sa pagbuo at pagsuporta sa mga programang nagbibigay sa kabataan ng kaalaman, kumpiyansa, at oportunidad para sa kanilang susunod na hakbang.

Mas handa. Mas kumpiyansa. Mas maraming oportunidad. 💙

29/08/2026

𝗣𝗿𝗼𝗷𝗲𝗰𝘁 𝗞𝗮𝗮𝗴𝗮𝗽𝗮𝘆: 𝗦𝘂𝗽𝗼𝗿𝘁𝗮 𝗣𝗮𝗿𝗮 𝘀𝗮 𝗠𝗴𝗮 𝗠𝗮𝗴𝘂𝗹𝗮𝗻𝗴 𝗮𝘁 𝗣𝗮𝗺𝗶𝗹𝘆𝗮 💙

Bawat magulang at pamilya ay may kanya-kanyang pangangailangan at challenges. Sa pamamagitan ng Project Kaagapay, nabibigyan sila ng dagdag na suporta habang patuloy na ginagabayan sa mahahalagang bagay para sa kanilang pamilya.

Bahagi nito ang Parent’s Support Group Sessions ng Batang Juan Network, na nagbibigay ng pagkakataon para sa mga magulang ng mga batang may special needs na matuto, makapagbahagi, at makakuha ng dagdag na kaalaman.

Kamakailan, nagsama-sama ang mga benepisyaryo para sa isang seminar tungkol sa Mental Health Awareness at Financial Literacy. Kasabay nito, natanggap din nila ang unang tranche ng kanilang financial assistance sa pamamagitan ng Top Bank cards.

Sa Project Kaagapay, pinagsasabay ang financial assistance, kaalaman, at gabay para makatulong sa mga magulang at pamilya sa kanilang araw-araw na pangangailangan.

Patuloy ang Lingkod Muntinlupa Foundation sa pagbuo ng mga programang may konkretong suporta para sa bawat pamilyang Muntinlupeño.

28/08/2026

𝗣𝗥𝗢𝗝𝗘𝗖𝗧 𝗞𝗔𝗔𝗚𝗔𝗣𝗔𝗬: 𝗞𝗔𝗔𝗟𝗔𝗠𝗔𝗡 𝗔𝗧 𝗦𝗨𝗣𝗢𝗥𝗧𝗔, 𝗞𝗔𝗦𝗔𝗠𝗔 𝗦𝗔 𝗕𝗔𝗪𝗔𝗧 𝗣𝗔𝗠𝗜𝗟𝗬𝗔

Patuloy na lumalawak ang Project Kaagapay sa pagbibigay ng konkretong suporta sa mga benepisyaryo at kanilang mga pamilya.

Sa magkakasunod na card distribution sa YASDO, Ayala South Park noong June 26, July 9, July 22, at August 13, kabuuang 179 beneficiaries ang nakatanggap ng kanilang Project Kaagapay cards.

Kasabay nito, nagkaroon din ng Financial Literacy Seminar upang dagdagan ang kaalaman ng mga benepisyaryo sa tamang paghawak at pag-manage ng kanilang finances.

Naipamahagi na rin ang financial assistance at patuloy na ipinapasok ang mga ito sa bank accounts ng mga benepisyaryo bilang bahagi ng suporta ng Project Kaagapay.

Sa bawat card, financial assistance, at kaalamang naibabahagi, mas napapalakas ang layunin ng programa na magbigay ng suporta na magagamit ng mga benepisyaryo sa kanilang pang-araw-araw na pangangailangan.

Dahil ang Kaagapay ay hindi lang tungkol sa tulong na natatanggap, kundi pati sa kaalaman at gabay na maaaring dalhin sa araw-araw.

Address

Joval Building, National Road, Putatan
Muntinlupa City

Telephone

(02) 555-0479

Website

http://www.lingkodmuntinlupa.org/

Alerts

Be the first to know and let us send you an email when Lingkod Muntinlupa Foundation posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to Lingkod Muntinlupa Foundation:

Want your organization to be the top-listed Government Service in Muntinlupa City?

Lingkod Muntinlupa Foundation

14/09/2026

11/09/2026

10/09/2026

10/09/2026

09/09/2026

08/09/2026

04/09/2026

01/09/2026

29/08/2026

28/08/2026

Address

Telephone

Website

Alerts

Contact The Organization

Shortcuts

Share

Listing takedown request