Mulanay Tourism

20/08/2026

18/08/2026

Ngayong ikalawang araw ng pagdiriwang ng Likhang Niyogyugan 2026, nakiisa ang Mulanay sa Business-to-Business (B2B) Networking Session ngayong Agosto 18, 2026.

Bilang bahagi ng patuloy na pagsusulong ng turismo ng ating bayan, makikipag-ugnayan at makikipag-usap tayo sa mga tour operators upang maipakilala ang mga natatanging attraction sites at mga ipinagmamalaking lokal na produkto ng Mulanay, gayundin upang matalakay ang mga oportunidad para higit pang mapaunlad at maisulong ang turismo sa ating bayan.

Sa pamamagitan ng B2B Networking Session, layunin nating makalikha ng mga bagong ugnayan at partnership na magbubukas ng mas maraming oportunidad para sa ating mga tourism stakeholders, lokal na produkto, at komunidad.

14/08/2026

MATAGUMPAY NA NAISAGAWA ANG 5-DAY LOCAL CULTURAL MAPPER TRAINING WORKSHOP

MULANAY, QUEZON | Agosto 14, 2026 — Matagumpay na naisagawa ang Five-Day Training Workshop for Local Cultural Mappers na ginanap mula Agosto 10–14, 2026 sa Senior Citizen Building, Brgy. Poblacion 4, Mulanay, Quezon.

Bahagi ito ng Cultural Mapping Project ng Bayan ng Mulanay, na isinagawa ng Lokal na Pamahalaan ng Mulanay sa pakikipag-ugnayan sa National Commission for Culture and the Arts (NCCA), sa pangunguna ni Kgg. Aristotle L. Aguirre, Punong Bayan, sa ilalim ng Tanggapan ng Pambayang Turismo, at sa suporta ng Sangguniang Bayan, sa pangunguna ni Kgg. Jay Castilleja, Pangalawang Punong Bayan.

Naging bahagi ng pagsasanay ang mga Local Mapper mula sa LGU Mulanay, PUP Mulanay, DepEd Mulanay District 1 at 2, mga lokal na historyador, at iba pang boluntaryo.

Sa loob ng limang araw, nahasa ang kanilang kaalaman sa pananaliksik, dokumentasyon, pangangalap ng datos, at pagkilala sa mga yamang kultural ng Mulanay bilang paghahanda sa aktuwal na cultural mapping sa iba't ibang bahagi ng bayan.

Layunin ng proyekto na kilalanin, idokumento, pangalagaan, at maipasa sa susunod na henerasyon ang mayamang kultura at pamanang Mulanayin.

Sama-sama nating tuklasin, pangalagaan, at ipagmalaki ang kultura at pamana ng Mulanay! ❤️

14/07/2026

09/07/2026

Isinagawa ngayong araw ang Online Social Preparation via Zoom kasama ang National Commission for Culture and the Arts (NCCA) bilang bahagi ng paghahanda para sa isasagawang Cultural Mapping sa Bayan ng Mulanay.

Ang gawaing ito ay isang mahalagang hakbang sa pagtukoy, pagdodokumento, at pangangalaga sa mayamang kultura, kasaysayan, at pamana ng ating bayan, alinsunod sa mga umiiral na batas at sa layuning mapanatili ang ating lokal na identidad para sa susunod na henerasyon.

Sa pangunguna ng ating Punong Bayan, Aristotle L. Aguirre, at sa suporta ng Sangguniang Bayan, patuloy na isinusulong ng Lokal na Pamahalaan ng Mulanay ang mga programang nagbibigay-halaga sa ating pamanang kultural.

Nakiisa rin sa pagpupulong ang mga miyembro ng Local Tourism Council, mga kinatawan ng DepEd Mulanay, at Polytechnic University of the Philippines (PUP) Mulanay Campus bilang mga katuwang sa matagumpay na pagpapatupad ng Cultural Mapping sa ating bayan.

Sama-sama nating kilalanin, pangalagaan, at ipagmalaki ang mayamang kultura ng Mulanay.

03/07/2026