Municipality of Monkayo

03/06/2026

𝐓𝐇𝐄 𝐌𝐀𝐊𝐈𝐍𝐆 𝐎𝐅 𝐂𝐇𝐀𝐌𝐏𝐈𝐎𝐍𝐒 | Mga talento nga naugmad, mga kahanas nga napalambo, ug mga kalampusan nga naangkon sa atong kabatan-onan ang gisaulog karong adlawa atol sa Culmination Program sa ASENSO Summer Sports Camp 2026. Ang maong programa nahimong posible pinaagi sa inisyatiba ni SB Member ug Municipal Sports Coordinator Hugh Maxuelle Zamora Apsay ug sa lig-on nga suporta ni Mayor Manuel Jayr N. Zamora, Jr., uban sa paningkamot sa Youth and Sports Division nga gipangulohan ni Local Youth Development Officer Joseph Anthony Crizaldo ug Sangguniang Kabataan Municipal Federation ubos sa pagpangulo ni SKMF President Dan Mark Martinez.

03/06/2026

𝐇𝐈𝐆𝐇𝐋𝐈𝐆𝐇𝐓𝐈𝐍𝐆 𝐏𝐀𝐑𝐓𝐈𝐂𝐈𝐏𝐀𝐓𝐈𝐎𝐍 | Kini nga mga hulagway kuha atol sa ASENSO Summer Sports Camp Culmination Program nga nagpakita sa kalipay ug dedikasyon sa mga kabatan-onan nga miapil sa nagkadaiyang isports. Labaw pa sa kompetisyon ug kadaugan, ang programa nahimong dalan sa pagpalambo sa disiplina, sportsmanship, ug panaghigalaay nga ilang madala hangtod sa umaabot. Gidawat usab niini ang mga sertipiko isip pag-ila sa ilahang partisipasyon.

03/06/2026

𝐈𝐍𝐕𝐄𝐒𝐓𝐈𝐍𝐆 𝐈𝐍 𝐄𝐃𝐔𝐂𝐀𝐓𝐈𝐎𝐍 | Nagpadayon sa pagbisita si Mayor Manuel Jayr Zamora, Jr. sa Purok 15, Brgy. Awao aron personal nga makita ang kahimtang sa area sa temporaryong eskwelahan ug nakig-hinabi sa mga magtutudlo. Kini nga pagbisita nahisubay sa lakang ni Mayor Jayr sa padayon nga suporta sa lokal nga panggamhanan sa sektor sa edukasyon uban ang tumong nga mas mapalambo pa ang kalidad sa pagkat-on ug masiguro ang maayong palibot alang sa kabatan-onan nga maoy paglaum sa umaabot.

03/06/2026

𝐒𝐓𝐑𝐄𝐍𝐆𝐓𝐇𝐄𝐍𝐈𝐍𝐆 𝐂𝐎𝐌𝐌𝐔𝐍𝐈𝐓𝐘 𝐒𝐀𝐅𝐄𝐓𝐘 𝐀𝐍𝐃 𝐏𝐑𝐎𝐆𝐑𝐄𝐒𝐒 | Usa ka courtesy call ang gipahigayon ni Municipal Agriculturist Dennis Ramo kauban si Municipal Planning and Development Coordinator Engr. Sunshine Paulin ngadto kang Mayor Manuel Jayr Zamora, Jr. aron hisgutan ang mga importanteng programa ug kalihokan sama sa pagpalig-on sa kampanya batok sa mga iro nga pinasagdan pinaagi sa maayong sistema sa dog impounding, ingon man ang mga preparasyon alang sa umaabot nga Agrisenso Activity. Kini nagpakita sa padayon nga paningkamot sa lokal nga panggamhanan sa pagpalambo sa kaluwasan ug kaayohan sa komunidad pinaagi sa epektibong pagplano ug koordinasyon sa matag opisina nga may dakong kalabutan niini.

03/06/2026

𝐓𝐡𝐞 𝐀𝐒𝐄𝐍𝐒𝐎 𝐄𝐱𝐩𝐞𝐫𝐢𝐞𝐧𝐜𝐞 | Atong balikan ang pipila sa labing maanindot nga mga higayon sa ASENSO Summer Sports Camp 2026 diin daghang mga batan-on ang nagpakita sa ilang determinasyon, disiplina, ug talento pinaagi sa nagkadaiyang sports. Kini nga programa nagpasiugda sa kahinungdanon sa sports isip dalan sa pagpalambo sa abilidad, paghulma sa maayong kinaiya, ug pag-andam sa kabatan-onan alang sa mas hayag nga kaugmaon. Ang kalampusan niini nahimong posible pinaagi sa lig-on nga suporta ni Mayor Manuel Jayr N. Zamora, Jr., SB Member ug Municipal Sports Coordinator Hugh Maxuelle Zamora Apsay, Sangguniang Kabataan Municipal Federation ug Youth and Sports Division.

03/06/2026

𝐀𝐃𝐕𝐀𝐍𝐂𝐈𝐍𝐆 𝐏𝐑𝐎𝐆𝐑𝐄𝐒𝐒 | Gipahigayon ang ika-47 nga Regular Session sa Sangguniang Bayan ubos sa pagpangulo ni SKMF President Dan Mark S. Martinez, diin gihisgutan ang mga mahinungdanong programa, ordinansa, ug mga resolusyon nga nagtinguha sa pagpalambo sa serbisyo publiko ug padayon nga kalamboan sa atong lungsod. Ang sesyon nagpakita sa paningkamot sa lokal nga panggamhanan sa paghimo og mga desisyon nga makatubag sa panginahanglan sa katawhan ug makapalig-on sa maayong pagdumala alang sa kaayohan sa tanang lumulupyo.

03/06/2026

𝐀 𝐓𝐄𝐒𝐓𝐀𝐌𝐄𝐍𝐓 𝐓𝐎 𝐅𝐈𝐍𝐀𝐍𝐂𝐈𝐀𝐋 𝐈𝐍𝐓𝐄𝐆𝐑𝐈𝐓𝐘 | Ang pag-angkon sa Unmodified Opinion gikan sa Commission on Audit (COA) alang sa Fiscal Year 2025 usa ka mahinungdanong kalampusan nga nagpakita sa lig-on nga pagdumala sa pondo sa katawhan ug sa padayon nga pagsunod sa mga sumbanan sa transparency ug accountability sa Municipality of Monkayo. Kini nga pag-ila nahimong posible pinaagi sa liderato ni Mayor Manuel Jayr N. Zamora, Jr., ug sa hiniusang paningkamot sa Office of the Municipal Accountant nga gipangulohan ni Elyn M. Atienza kauban ang tanang opisina ug departamento sa Municipal Government of Monkayo.

Base sa independent audit nga gihimo sa COA, ang financial statements sa munisipyo alang sa tuig nga natapos niadtong Disyembre 31, 2025, gipakita sa husto ug patas sa tanang mahinungdanong aspeto. Kini nga kalampusan midugang sa nagkadaghang mga pag-ila nga nadawat sa lokal nga panggamhanan, lakip ang 2026 PhALGA Excellence Award nga gikonsiderar isip usa sa labing taas nga pag-ila sa maayong lokal nga pangagamhanan ug gihatag sa Municipal Government of Monkayo niadtong Mayo 19, 2026 sa Dapitan City. Kini nga mga kalampusan nagpalig-on sa pagsalig sa publiko ug nagpakita sa kolektibong dedikasyon sa Municipal Government of Monkayo sa paghatag og matinud-anon, episyente, ug kalidad nga serbisyo alang sa padayong pag-ASENSO sa Monkayo.

03/06/2026

03/06/2026

02/06/2026