Municipality of Moises Padilla "Birada Moises Padilla”

04/06/2026

HAPPENING NOW: Ikaduha nga adlaw sang distribusyon sang ₱1,600 nga financial assistance para sa mga na apektohan sang Bagyo Tino sa mga residente sang Barangay Odiong.

Padayon naman ang pagpanagtag sang pamahaw gikan kay Vice Mayor Felix Mathias Segundo “Pimpoy” Yulo III sa mga gahulat nga makuha ang ila ayuda.

03/06/2026

HAPPENING NOW: Padayon ang pagpanagtag sang pamahaw gikan kay Vice Mayor Felix Mathias Segundo “Pimpoy” Yulo III sa mga residente sang Barangay Inolingan samtang naga hulat mga ini nga mabaton ang ₱1,600 nga cash assistance gikan sa Presidente.

03/06/2026

02/06/2026

PUBLIC ADVISORY: ISKEDYUL SANG PAGPANAGTAG SANG BULIG-PINANSYAL PARA SA MGA NAAPEKTUHAN SANG BAGYONG TINO

Ginpahibalo sang aton lokal nga panguluhan ang natalana nga iskedyul para sa pagpanagtag sang tig ₱1,600 cash assistance para sa mga naapektuhan sang Bagyong Tino.

Ini nga bulig-pinansyal gin-alokar sang aton Presidente Ferdinand "Bongbong" Marcos, Jr. agud magsilbi nga dugang nga suporta sa pagbangon sang aton mga kailian matapos ang bagyo.

📍 Lugar sang pay-out: Municipal Auditorium

🔊 Importante nga Pahanumdom: Ang tanan nga benepisyaryo gina abisohan nga makig-angut anay sa inyo tagsa ka Barangay Officials agud masiguro nga ang inyo ngalan yara sa opisyal nga master list antes magkadto sa venue.

🗂️ MGA MANGIN KINAHANGLANON NGA DAPAT DAL-ON:

Agud madasig nga makuha ang inyo cash assistance, palihog ihanda kag dal-a ang masunod:

⦁Tatlo (3) ka photocopy sang inyo Valid I.D.
⦁Kada photocopy dapat may yara sang tatlo (3) ka pirma sang tag-iya sang I.D. (3 specimen signatures).

PAHANUMDOM: Palihog ihanda na ini antes magkadto sa Auditorium. Wala sing photocopy machine nga magamit sa venue.

28/05/2026

26/05/2026

26/05/2026

PROPOSED PHP 250-M NGA TAYTAY SA MONTILLA-MACAGAHAY: SITE INSPECTION GINPATIGAYON SANG OCD

Nagpatigayun sang isa ka site inspection ang mga technical personnel halin sa Office of Civil Defense (OCD) NIR sang Miyerkules, Mayo 13, sa naguba nga spillway nga naga angot sang Barangay Montilla kag Barangay Macagahay agud tun-an ang posibilidad sang pagpatukod sang gina pangayo nga taytay sang lokal nga panguluhan.

Ginpangunahan ni OCD NIR Regional Director Donato Sermeno III ang pag-usisa sa kritikal nga alagyan sa Barangay Macagahay. Ang daan nga overflow naguba sang naglaslas ang Bagyong Tino sadtong Nobyembre 4, 2025, kon diin dako ang kabudlayan sang mga residente kag mga mangunguma sa pagbiyahe kon magbaha.

Ining on-site visit sang OCD isa ka preliminary assessment para sa ginaduso nga taytay nga nagabili sang Php 250 million. Ang ini nga hinyo una nga ginpaabot ni Mayor Ella Celestina Garcia-Yulo mismo sa Presidente sang pungsod sang nagbisita sini sa banwa matapos ang bagyo sang nagligad nga tuig agud islan sang permanente nga taytay ang naguba.

Kaupod man ni Director Sermeno sa pag-evaluate sang lugar si Punong Barangay Bernabe Eustanio sang Macagahay, mga katapo sang Municipal Disaster Risk Reduction and Management Office (MDRRMO), kag si Municipal Engineer Agnes Glia Mabag.

Ang resulta sining inspection mangin kabahin sang technical documentation nga kinahanglan para sa validation sang proyekto sa nasyonal nga gobyerno.

26/05/2026

📢 INVITATION TO BID: PROVISION OF HEALTH SERVICES

The Municipality of Moises Padilla, through its Bids and Awards Committee (BAC), officially invites eligible bidders to participate in the competitive bidding for the Provision of Health Services for our municipality.

Here are the critical details of the procurement project:

📋Project Overview & Requirements

Approved Budget for the Contract (ABC: ₱1,001,000.00 (Note: Bids exceeding this amount will be automatically rejected)

Source of Fund: Personnel Service Fund

Eligibility: Open to Filipino citizens, sole proprietorships, partnerships, or organizations with at least 60% Filipino ownership. Foreign bidders may also participate under specific reciprocal or GPPB-approved conditions.

Experience Requirement: Bidders must have completed a Single Largest Completed Contract (SLCC) similar to the project within the last two (2) years, valued at at least 50% of the ABC.

🗓️Important Dates & Timelines

Availability of Bidding Documents:
May 20 – June 10, 2026 (until 10:00 AM)

Pre-Bid Conference: May 28, 2026, at 10:00 AM at the BAC Office

Deadline for Submission of Bids: June 10, 2026, on or before 10:00 AM

Opening of Bids: June 10, 2026, at 10:00 AM at the BAC Office

How to Participate:

Interested bidders may inspect and purchase a complete set of Bidding Documents at the Office of the BAC from 8:00 AM to 5:00 PM.

Bidding Documents Fee: ₱5,000.00

Submission Method: Manual submission to the BAC Secretariat. Late bids will strictly not be accepted.

Bid Security: All bids must be accompanied by an acceptable form of Bid Security.

📞 For Inquiries and Further Information:

Please contact the BAC Secretariat:

👤 Jorge Joaquin E. Padilla
📍 BAC Office, 6132, Moises Padilla, Negros Occidental
📱 0951-148-9602
📧 [email protected]

25/05/2026

SB, NAGPATIGAYON SANG PUBLIC HEARING PARA SA PROPOSED ‘SAFER COMMUNITY ORDINANCE’ SANG BANWA

Ginklaro kag gintalakay sa publiko ang mga bag-o nga pagsulundan nga nagatuyo magpasanyog sang kalinong kag seguridad sa aton banwa paagi sa isa ka ordinansa.

Sadtong Lunes, Mayo 18, ginpangunahan sang Sangguniang Bayan sa idalom ni Vice Mayor Felix Mathias Segundo “Pimpoy” Yulo III ang una nga public hearing para sa Proposed Ordinance No. 215, ukon ang “Safer Community Ordinance of Moises Padilla.”

Ini nga hagna nagasunod sa “Safer Cities Initiative” sang DILG agud proteksyunan ang mga pumuluyo sa peligro kon gab-i kag dulaon ang mga pag-disturbo sa katawhayan sang komunidad.

Nagtambong man sa sining konsultasyon ang tiglawas sang DILG, mga Opisyales sang Barangay, kag ang Philippine National Police (PNP).

APAT KA MAYOR NGA REGULASYON NGA GINADUSO:

Agud masiguro ang katawhayan kag kalinong, ginalatag sa sining ordinansa ang apat ka pagsulundan:

PAG INOM SA PUBLIKO: Gina dumilian ang pag inom sang mga makahulubog nga ilimnon sa mga pampubliko nga lugar subong sang karsada, sidewalk, kag park. Sarang lang ini pahanugutan kon may espesyal nga permit halin sa Office of the Mayor para sa mga kapiestahan ukon okasyon.

PAGGWA NGA WALA SANG BAYO (TOPLESSNESS): Ginadumilian man ang sin-o nga maglakat-lakat ukon magpakita nga topless ukon half-naked sa mga pampubliko nga lugar sa sulod sang banwa.

LIMITASYON SA VIDEOKE KAG SOUND SYSTEM: Agud malikawan ang sobra nga gahod, estrikto nga ginadumilian ang pagpatokar sang videoke kag iban pa nga mabaskog nga audio devices sa mga kabalayan kag pampubliko nga lugar sugod 10:00 sang gab-i tubtob 10:00 sa aga.

CURFEW PARA SA MGA MENOR DE EDAD: Ang mga naga-edad 18 anyos panubo ginadumilian man nga maglagaw-lagaw sa mga pampubliko nga lugar halin 10:00 sanga gab-i tubtob 4:00 sa aga.

Exemptions (Indi sakop sang curfew): Kon ang minor may kaupod nga ginikanan ukon guardian; nagatambong sa hilikuton sang eskwelahan, simbahan, ukon opisyal nga aktibidad sang barangay; may emergency sa medikal; may otorisado nga trabaho; ukon nagabyahe sakay sa salakyan kaupod ang isa ka hamtong (adult).

MGA MULTA KAG PAGPATUMAN SANG LAYI

Kon hingpit na nga ma-aprubahan, ang pagpatuman sining layi pagapangunahan sang PNP, Barangay Officials, kag mga otorisado nga katapo sang LGU.

Ang mga magalapas magapangatubang sang masunod nga penalidad:

Para sa Pag-inom sa Publiko, Toplessness, kag Sobra nga Gahod sa Videoke:

Una nga Lapas: ₱500 nga Multa
Ika-duha nga Lapas: ₱1,000 nga Multa
Ika-tatlo kag Pasunod nga Lapas: ₱2,500 nga Multa UKON tubtob anum (6) ka bulan nga pagkapriso (depende sa desisyon sang korte)

Para sa mga Minor de Edad kag ila mga Ginikanan/Guardian:

Una nga Lapas: Opisyal nga Paandam (Official Admonition)
Pasunod nga Paglapas: Mandatoryo nga pagpaidalom sang minor sa mga intervention program sa idalom sang Municipal Social Welfare and Development Office (MSWDO).

22/05/2026