Office of the Vice Mayor - Mendez Nuñez

01/06/2026

Ngayong umaga, Hunyo 1, 2026, ay isinagawa ang Opisyal na Pagbubukas ng Brigada Eskwela 2026 sa Mendez Town Covered Court, kasabay ng lingguhang pagtataas ng Watawat ng Pilipinas, na may temang "Bayanihan sa Paaralan: Nagkakaisa para sa Kaayusan at Kaalaman."

Dinaluhan ito ng mga g**o, magulang, mga mag-aaral, at iba pang mga stakeholder na nagkaisang makibahagi sa paghahanda ng mga paaralan para sa nalalapit na pagbubukas ng klase.

Sa kanyang mensahe, binigyang-diin ni Vice Mayor Raygan na taon-taon ay pinatutunayan ng Brigada Eskwela na ang edukasyon ng kabataan ay hindi lamang responsibilidad ng paaralan kundi ng buong komunidad. Aniya, sa pagsisimula nito ngayong araw, sama-sama tayong tutulong para sa ikabubuti ng ating mga mag-aaral at ng ating mga paaralan. Ang pakikiisa at pagtutulungan ng bawat isa ay mahalaga upang matiyak ang maayos, ligtas, at kaaya-ayang kapaligiran para sa pagkatuto.

Dagdag pa niya na ang Sangguniang Bayan ay laging handang umalalay at sumuporta sa mga programa at pangangailangan ng mga paaralan bilang katuwang sa pagpapaunlad ng kalidad ng edukasyon at kapakanan ng mga kabataan sa bayan ng Mendez.

28/05/2026

Vice Mayor’s Cup Invitational League Basketball Girls — SOON! Abangan ang detalye sa page ng Anuling Sports Association

Handa na ba ang lahat? Eto na ang hinihintay nyo! 🔥

25/05/2026

Maligayang kaarawan po sa ating masipag at mapagkalingang pinuno ng lalawigan, Governor Abeng Remulla!

Lubos po kaming nagpapasalamat sa inyong tapat na pamumuno, malasakit sa bawat Caviteño, lalo na sa ating mga Mendezeño, at sa serbisyong hindi nagbabago para sa patuloy na pag-unlad ng ating lalawigan. Nawa’y pagkalooban pa po kayo ng Poong Maykapal ng mabuting kalusugan, mahabang buhay, at dagdag na lakas at karunungan upang maipagpatuloy ninyo ang inyong adhikain para sa bayan.

Dalangin po namin ang mas marami pang biyaya at tagumpay para sa inyo at sa inyong pamilya.

Mabuhay po kayo, Gov! Maligayang kaarawan po!

22/05/2026

𝗔𝗥𝗔𝗡𝗚𝗞𝗔𝗗𝗔 𝗣𝗥𝗢𝗚𝗥𝗔𝗠 𝗣𝗔𝗥𝗔 𝗦𝗔 𝗔𝗧𝗜𝗡𝗚 𝗠𝗚𝗔 𝗧𝗥𝗜𝗖𝗬𝗖𝗟𝗘 𝗔𝗧 𝗝𝗘𝗘𝗣𝗡𝗘𝗬 𝗗𝗥𝗜𝗩𝗘𝗥𝗦 𝗔𝗧 𝗢𝗣𝗘𝗥𝗔𝗧𝗢𝗥𝗦

Kahapon, ika-21 ng Mayo 2026, matagumpay na naisagawa ang pamamahagi ng tulong pinansyal sa ilalim ng Arangkada Program ng Provincial Government of Cavite sa pangunguna ni Governor Abeng Remulla para sa ating 1,182 Tricycle at Jeepney Drivers at Operators dito sa bayan ng Mendez-Nuñez.

Nakiisa rin sina Vice Governor Ram Revilla Bautista at Board Member Jasmin Maligaya Bautista bilang suporta at pagkilala sa mahalagang papel na ginagampanan ng ating mga TODA at JODA members sa araw-araw na pagbiyahe at serbisyo sa komunidad.

Ginanap ang aktibidad sa Asis Covered Court kung saan personal na ipinamahagi ang tulong upang makatulong sa kanilang pang-araw-araw na pangangailangan.

Patuloy lang tayo sa serbisyong hindi nagbabago para sa bawat Mendezeño.

14/05/2026

Sa ginanap na 44th Regular Session noong ika-11 ng Mayo 2026, inaprubahan ng Sangguniang Bayan ang ilang mahahalagang resolusyon para sa kapakanan ng ating mga mamamayan. Kabilang dito ang resolusyon para sa pagpapailaw ng bagong Senior Citizens Office sa Brgy. Galicia III, pagpasok sa kasunduan ng Pamahalaang Bayan at Landbank para sa Cash Card ng mga nakatatanda upang mas maging maayos at mabilis ang pagbibigay ng assistance sa kanila, pagdedeklara ng bagong LGU Command Center, at pag-apruba sa FY 2026 Supplemental Barangay Youth Investment Program at Budget ng SK Brgy. Miguel Mojica.

Makakaasa po kayo sa patuloy na pagganap ng inyong Sangguniang Bayan sa sinumpaang tungkulin para sa patuloy na pagsulong ng Bayan ng Mendez-Nuñez sa diwa ng Serbisyong Hindi Nagbabago.

08/05/2026

Noong Lunes, ika-4 ng Mayo 2026, sa ika-43 Regular Session ng 38th Sangguniang Bayan, inaprubahan ang Resolution No. 086 s. 2026 para sa pagpapatupad ng Supplementary Feeding Program sa Bayan ng Mendez-Nuñez para sa CY 2026–2027.

Makakaasa po kayo na patuloy ang Serbisyong Hindi Nagbabago ng inyong Sangguniang Bayan para sa ikauunlad ng ating bayan.

30/04/2026

Sa kabuuan ng April 2026 sessions, siyam (9) na resolusyon ang naaprubahan, kabilang ang mga pagkilala sa mga natatanging indibidwal, at isang mahalagang ordinansa ang naipasa—ang Ordinance No. 2026-291, na naglalayong maipatupad ang “AHON – Aksyon sa Hamon ng Obligasyon ng Nagbabalik-loob na Mendezeño” program ng ating munisipyo.

Sa ngalan ng Sangguniang Bayan sa pangunguna ni Vice Mayor Raygan, taos-pusong pagbati at pagkilala sa ating mga kabataang patuloy na nagdadala ng karangalan sa ating bayan sa larangan ng sports, edukasyon, at propesyon. Kayo ang inspirasyon ng susunod na henerasyon.

Patuloy po ang inyong Sangguniang Bayan sa masigasig na paglilingkod para sa kaunlaran ng Mendez-Nuñez.

30/04/2026

Matapos ang Buwan ng Marso, umabot sa kabuuang limang (5) resolusyon ang naipasa, at naisulong sa First Reading ang ilang mga ordinansa. Mayroon ding mga bagong na-accredit na Civil Society Organizations (CSOs) na patuloy na makakatuwang ng pamahalaan sa pagpapaunlad ng ating bayan. Kabilang sa mga ito ang Resolution No. 075, s. 2026 na nagbibigay-pagbati at pagkilala kay 6th District Board Member Kerby Javier Salazar bilang kauna-unahang National President ng NMYL mula sa Cavite at CALABARZON, gayundin ang isang ordinansang nagtatakda ng mga alituntunin at proseso sa pagdinig ng mga kasong administratibo laban sa mga halal na opisyal ng barangay.

Sa diwa ng Serbisyong Hindi Nagbabago, patuloy po kayong makakaasa sa masigasig na paglilingkod ng inyong Sangguniang Bayan para sa ikauunlad ng Mendez-Nuñez.

13/04/2026

Isang taos-pusong pagbati kay Dr. Bernardo “Aido” N. Sepeda sa kanyang panunumpa bilang Regional Director ng Department of Science and Technology (DOST) – MIMAROPA Region noong ika-31 ng Marso 2026!

Bilang isang ipinagmamalaking Mendezeño mula sa Barangay Poblacion I, kinikilala ng Tanggapan ng Bise Alkalde ang iyong natatanging tagumpay at patuloy na paglilingkod sa larangan ng agham at teknolohiya.

Nawa’y magpatuloy ang iyong ambag sa pananaliksik at inobasyon, at magsilbing inspirasyon sa ating mga kababayan.

Muli, taos-pusong pagbati at mabuhay ka Dr. Aido!

31/03/2026

Mula sa Tanggapan ng Pangalawang Punong Bayan, nais po nating magpaabot ng mainit na pagbati sa dating Gobernador ng Lalawigan ng Cavite, dating Kalihim ng DOJ at ngayon ay kasalukuyang naglilingkod bilang Ombudsman, Kgg. Jesus Crispin "Boying" Catibayan Remulla sa pagsapit ng kanyang kaarawan.