Sangguniang Kabataan of Barangay Tuboran

Sangguniang Kabataan of Barangay Tuboran The Official page of Sangguniang Kabataan of Barangay Tuboran, Mawab, Davao De Oro

πŒπŽπ‘ππˆππ† π™π”πŒππ€ | Karong adlawa, Mayo 31, 2026, gisugdan sa mga partisipante sa Barangay Youth Leadership Camp 2026 ang il...
31/05/2026

πŒπŽπ‘ππˆππ† π™π”πŒππ€ | Karong adlawa, Mayo 31, 2026, gisugdan sa mga partisipante sa Barangay Youth Leadership Camp 2026 ang ilang ikaduhang adlaw pinaagi sa usa ka energizing ug makalingaw nga Morning Zumba.

Pinaagi sa pag-apil sa nagkadaiyang sayaw ug ehersisyo sayo sa kabuntagon, napukaw ang kusog ug kadasig sa mga kabatan-onan aron maandam ang ilang lawas ug hunahuna alang sa mga kalihokan nga naghulat kanila sa tibuok adlaw.

Ang maong kalihokan wala lamang nakatabang sa pagpalambo sa pisikal nga kahimsog, apan nakahatag usab og kahigayunan sa pagpalig-on sa panaghiusa ug pakig-uban sa matag partisipante.

ππ”π†πŠπŽπ’ 𝐒𝐀 πŠπ€ππ€π“π€π-πŽππ€π 𝐏𝐀𝐑𝐀 𝐒𝐀 πŠπ€π‹π€πŒππŽπ€π!







π’πŠ πŠπ”πŒπ”π’π“π€π‡π€π | Gahapong adlawa, isip pagtapos sa mga kalihokan sa unang adlaw sa Barangay Youth Leadership Camp 2026, g...
31/05/2026

π’πŠ πŠπ”πŒπ”π’π“π€π‡π€π | Gahapong adlawa, isip pagtapos sa mga kalihokan sa unang adlaw sa Barangay Youth Leadership Camp 2026, gipahigayon ang usa sa labing makahuluganon nga bahin sa kalihokan, ang SK Kumustahan.

Kini nga sesyon nahimong luwas nga luna diin ang matag partisipante adunay kahigayonan nga "huboon ang maskara" ug ipakita ang ilang tinuod nga kaugalingon. Pinaagi sa matinud-anong pagpakig-istorya ug pagpaminaw sa usag usa, naipaambit sa matag kabatan-onan ang ilang mga kasinatian, mga kalipay, mga kabalaka, ug mga hagit nga ilang giatubang sa ilang personal nga kinabuhi.

Sa maong higayon, mas napalig-on ang panaghiusa ug pagsinabtanay tali sa mga miyembro sa BYDC ug Junior SK Officials. Gipakita niini nga bisan pa man og adunay tagsa-tagsa nga mga kalisdanan ug kahuyang, nagkahiusa sila isip usa ka pamilya nga andam maminaw, mosabot, ug mosuporta sa usag usa.

Ang SK Kumustahan nahimong pahinumdom nga ang tinuod nga lider dili lamang kusgan sa atubangan sa uban, apan adunay usab kaisog nga ipakita ang iyang kahuyang ug magpabiling tinuod sa iyang kaugalingon. Pinaagi niini, mas nahimong lig-on ang panag-uban ug pagkahiusa sa matag partisipante sa kampo.

Sa pagtapos sa gabii, wala lamang sila mipauli nga adunay bag-ong kahibalo ug kasinatian, apan usab adunay mas lawom nga koneksyon ug pagbati nga sila usa ka pamilya.

ππ”π†πŠπŽπ’ 𝐒𝐀 πŠπ€ππ€π“π€π-πŽππ€π 𝐏𝐀𝐑𝐀 𝐒𝐀 πŠπ€π‹π€πŒππŽπ€π!








ππ˜π‹π‚β€™π’ π†πŽπ“ 𝐓𝐀𝐋𝐄𝐍𝐓 | Sa pagsalop sa kagabhion, mas nahimong madasigon ug makalingaw ang Barangay Youth Leadership Camp 20...
31/05/2026

ππ˜π‹π‚β€™π’ π†πŽπ“ 𝐓𝐀𝐋𝐄𝐍𝐓 | Sa pagsalop sa kagabhion, mas nahimong madasigon ug makalingaw ang Barangay Youth Leadership Camp 2026 pinaagi sa pagpahigayon sa BYLC’s Got Talent, diin gipakita sa mga partisipante ang ilang nagkadaiyang talento ug kahanas.

Naghatag og makabungog nga mga pasundayag ang mga kabatan-onan pinaagi sa pagkanta, pagsayaw, drag performance, spoken poetry, ug uban pang matang sa talento nga nagpakita sa ilang pagkamamugnaon, pagsalig sa kaugalingon, ug kaisog sa pag-atubang sa entablado.

Ang maong kalihokan dili lamang usa ka kompetisyon kondili usa usab ka higayon aron mapakita sa matag partisipante ang ilang natagong abilidad, mapalig-on ang ilang kumpiyansa, ug mapadayon ang panaghiusa ug panaghigalaay tali sa mga kabatan-onang nag-apil sa kampo.

Napuno sa katawa, kadasig, ug kusog nga suporta gikan sa mga kauban ang maong gabii, nga nahimong usa sa labing halandumon nga mga kalihokan sulod sa Barangay Youth Leadership Camp 2026.

Padayon nga gipakita sa atong kabatan-onan nga ang talento usa ka bililhong gasa nga mahimong gamiton isip pamaagi sa pagpakita sa kaugalingon ug paghatag og inspirasyon sa uban.

ππ”π†πŠπŽπ’ 𝐒𝐀 πŠπ€ππ€π“π€π-πŽππ€π 𝐏𝐀𝐑𝐀 𝐒𝐀 πŠπ€π‹π€πŒππŽπ€π!








π‹π„π€πƒπ„π‘π’π‡πˆπ π“π€π‹πŠ | Human sa CBYDP 2027-2029 Crafting, mipadayon ang mga partisipante sa Barangay Youth Leadership Camp 20...
31/05/2026

π‹π„π€πƒπ„π‘π’π‡πˆπ π“π€π‹πŠ | Human sa CBYDP 2027-2029 Crafting, mipadayon ang mga partisipante sa Barangay Youth Leadership Camp 2026 sa usa ka makahuluganon ug makapadasig nga Leadership Talk uban ang atong bisita nga si Sir Alexis H. Micutuan gikan sa Provincial Youth Development Office sa Davao de Oro.

Pinaagi sa iyang halapad nga kasinatian sa pagpangulo ug pagtrabaho alang sa pagpalambo sa kabatan-onan, iyang gipaambit ang mga bililhong kahibalo mahitungod sa tinuod nga kahulugan sa liderato, responsibilidad sa usa ka lider, ug ang importansya sa pagserbisyo nga adunay integridad.

Gidasig usab niya ang mga miyembro sa Barangay Youth Development Council ug Junior SK Officials nga mahimong ehemplo sa ilang isigka-kabatan-onan pinaagi sa aktibong partisipasyon, maayong panggawi, ug dedikasyon sa pagserbisyo sa komunidad. Ang iyang mga mensahe nahimong inspirasyon aron mas mapalig-on pa ang ilang komitment sa pagpangulo ug pag-alagad.

Dako ang pasalamat sa mga partisipante sa oportunidad nga makakat-on gikan sa usa ka lider nga padayon nga naghatag og suporta ug giya sa mga programa alang sa kabatan-onan.

ππ”π†πŠπŽπ’ 𝐒𝐀 πŠπ€ππ€π“π€π-πŽππ€π 𝐏𝐀𝐑𝐀 𝐒𝐀 πŠπ€π‹π€πŒππŽπ€π!








π‚ππ˜πƒπ πŸπŸŽπŸπŸ•-πŸπŸŽπŸπŸ— π‚π‘π€π…π“πˆππ† | Human sa malampusong pagpahigayon sa mga preliminaryong kalihokan sa Barangay Youth Leadershi...
31/05/2026

π‚ππ˜πƒπ πŸπŸŽπŸπŸ•-πŸπŸŽπŸπŸ— π‚π‘π€π…π“πˆππ† | Human sa malampusong pagpahigayon sa mga preliminaryong kalihokan sa Barangay Youth Leadership Camp 2026, opisyal nang gipadayon sa mga miyembro sa Barangay Youth Development Council (BYDC) ang pag-craft sa Comprehensive Barangay Youth Development Plan (CBYDP) 2027-2029.

Ang maong kalihokan kabahin sa ilang pagbansay aron mahimong epektibong mga policy makers ug mga lider nga adunay kapasidad sa pagplano ug pagpalambo sa mga programa alang sa kabatan-onan. Pinaagi sa maong workshop, gihatagan og higayon ang mga partisipante sa pag-ila sa mga panginahanglanon, hagit, ug prayoridad sa kabatan-onan aron mahimo kining basehan sa mga programa ug proyekto nga ipatuman sa umaabot nga mga tuig.

Nagpakita ang mga miyembro sa BYDC sa ilang kahanas sa pag-analisar sa mga isyu nga nag-atubang sa kabatan-onan ug sa paglatid sa mga estratehiya nga makatabang sa pagpalig-on sa partisipasyon, edukasyon, panginabuhian, kahimsog, ug liderato sa ilang sektor.

Pinaagi sa kolektibong paningkamot ug aktibong pakiglambigit sa matag partisipante, gilauman nga ang CBYDP 2027-2029 mahimong usa ka lig-on nga giya sa pagpatuman sa mga programa nga motubag sa tinuod nga panginahanglan sa kabatan-onan ug maghatag og positibong kausaban sa komunidad.

ππ”π†πŠπŽπ’ 𝐒𝐀 πŠπ€ππ€π“π€π-πŽππ€π 𝐏𝐀𝐑𝐀 𝐒𝐀 πŠπ€π‹π€πŒππŽπ€π!







πŽππˆπ’π˜π€π‹ 𝐍𝐆𝐀 ππ€π†π’π”π†πŽπƒ 𝐒𝐀 ππ€π‘π€ππ†π€π˜ π˜πŽπ”π“π‡ π‹π„π€πƒπ„π‘π’π‡πˆπ π‚π€πŒπ πŸπŸŽπŸπŸ” | Karong adlawa, Mayo 30, 2026, opisyal nang nasugdan ang Ba...
30/05/2026

πŽππˆπ’π˜π€π‹ 𝐍𝐆𝐀 ππ€π†π’π”π†πŽπƒ 𝐒𝐀 ππ€π‘π€ππ†π€π˜ π˜πŽπ”π“π‡ π‹π„π€πƒπ„π‘π’π‡πˆπ π‚π€πŒπ πŸπŸŽπŸπŸ” | Karong adlawa, Mayo 30, 2026, opisyal nang nasugdan ang Barangay Youth Leadership Camp 2026, usa ka kalihokan nga nagtumong sa pagpalambo sa liderato, panaghiusa, ug aktibong partisipasyon sa kabatan-onan sa Barangay Tuboran.

Nahimong mas makahuluganon ang maong kalihokan pinaagi sa pagbisita ug pagpakita sa suporta ni Ms. Ardie Louise L. Villapaz, Local Youth Development Officer (LYDO) sa Munisipyo sa Mawab. Pinaagi sa iyang presensya ug mensahe sa pagdasig, iyang gipakita ang padayon nga suporta sa mga programa nga naghatag og kahigayonan sa kabatan-onan nga molambo isip mga lider ug responsableng mga miyembro sa komunidad.

Hinaut nga kining kalihokan mahimong dalan sa pagdiskubre sa potensyal sa matag kabatan-onan ug pagdasig kanila nga mahimong instrumento sa positibong kausaban ug kalamboan sa komunidad.

ππ”π†πŠπŽπ’ 𝐒𝐀 πŠπ€ππ€π“π€π-πŽππ€π 𝐏𝐀𝐑𝐀 𝐒𝐀 πŠπ€π‹π€πŒππŽπ€π!






π“πŽπƒπ€π˜ πˆπ’ 𝐓𝐇𝐄 πƒπ€π˜!Ania na gyud ang adlaw nga dugay nang gihulat!Karong adlawa magsugod ang Barangay Youth Leadership Camp...
30/05/2026

π“πŽπƒπ€π˜ πˆπ’ 𝐓𝐇𝐄 πƒπ€π˜!

Ania na gyud ang adlaw nga dugay nang gihulat!

Karong adlawa magsugod ang Barangay Youth Leadership Camp 2026 (BYLC 2026) , duha ka adlaw nga puno sa pagkat-on, panaghiusa, kalingawan, ug pagpalambo sa liderato sa kabatan-onan sa Tuboran.

Andam na ba ang tanan nga mahimong mas maisog nga lider, mas responsableng kabatan-onan, ug mas aktibong kabahin sa pagpalambo sa komunidad?

Hinaut nga kini nga kalihokan mahimong usa ka higayon sa pagdiskubre sa kaugalingong potensyal, paghimo og bag-ong panaghigalaay, ug pagdasig sa matag usa nga magpadayon sa pagserbisyo alang sa kaayohan sa tanan.

ππ”π†πŠπŽπ’ 𝐒𝐀 πŠπ€ππ€π“π€π-πŽππ€π 𝐏𝐀𝐑𝐀 𝐒𝐀 πŠπ€π‹π€πŒππŽπ€π!






ππ˜π‹π‚ πŸπŸŽπŸπŸ” π’π”π‘ππ‘πˆπ’π„ π€πππŽπ”ππ‚π„πŒπ„ππ“ | Isip kabahin sa atong padayon nga preparasyon alang sa Barangay Youth Leadership Camp ...
29/05/2026

ππ˜π‹π‚ πŸπŸŽπŸπŸ” π’π”π‘ππ‘πˆπ’π„ π€πππŽπ”ππ‚π„πŒπ„ππ“ | Isip kabahin sa atong padayon nga preparasyon alang sa Barangay Youth Leadership Camp 2026, usa kini sa mga espesyal nga sorpresa nga among giandam alang sa tanang partisipante, nga nagpalig-on sa prinsipyo nga ang usa ka lider kinahanglan kanunay andam sa bisan unsang hagit.

Ang tanang participants gilauman nga mag-andam sa ilang kaugalingong talento isip kabahin sa β€œBYLC’s Got Talent”, nga ipahigayon sa unang gabii sa atong kalihokan, Mayo 30, 2026.

Kini nga kalihokan nagtinguha nga ipakita dili lang ang kalingawan, apan kumpiyansa ug abilidad sa matag kabatan-onan nga andam modawat sa hagit sa entablado. Usa kini ka oportunidad sa pagpakita sa nagkadaiyang talento ug liderato sa atong mkabatan-onan.

Ang labing outstanding nga performance ang makadawat ug cash prize ug plaque of recognition isip pasidungog sa ilang paningkamot.

Busa, among giawhag ang tanan nga mag-andam, magpabilin nga aktibo, ug ipakita ang inyong pinakamaayo nga talento isip kabahin sa atong selebrasyon sa liderato ug kabatan-onan.

ππ”π†πŠπŽπ’ 𝐒𝐀 πŠπ€ππ€π“π€π-πŽππ€π 𝐏𝐀𝐑𝐀 𝐒𝐀 πŠπ€π‹π€πŒππŽπ€π!








ππ˜π‹π‚ πŸπŸŽπŸπŸ” π•πŽπ‹π”ππ“π„π„π‘π’ | Para sa malampuson nga pagpatuman sa Barangay Youth Leadership Camp 2026 nga ipahigayon karong Ma...
29/05/2026

ππ˜π‹π‚ πŸπŸŽπŸπŸ” π•πŽπ‹π”ππ“π„π„π‘π’ | Para sa malampuson nga pagpatuman sa Barangay Youth Leadership Camp 2026 nga ipahigayon karong Mayo 30–31, 2026, atong gipaila ang atong mga dedikadong volunteers nga maoy motabang sa tibuok kalihokan.

Uban sa ilang pasalig ug serbisyo, atong ipasidungog ang atong Volunteers nga sila si Mr. RD C. Quibrar ug Mr. Sebastian Juanillo Jr., nga maggiya ug magpasiugda sa hapsay nga pagdagan sa camp.

Pinaagi sa ilang suporta ug sa panaghiusa sa tanang lumilihok, mas mapalig-on ang organisasyon, kaluwasan, ug kalampusan sa BYLC 2026 nga maghatag ug usa ka makahuluganon ug makapadasig nga kasinatian alang sa tanang kabatan-onan.

ππ”π†πŠπŽπ’ 𝐒𝐀 πŠπ€ππ€π“π€π-πŽππ€π 𝐏𝐀𝐑𝐀 𝐒𝐀 πŠπ€π‹π€πŒππŽπ€π!








ππ˜π‹π‚ πŸπŸŽπŸπŸ” 𝐆𝐔𝐄𝐒𝐓 π’ππ„π€πŠπ„π‘ | Karong Mayo 30, 2026 sa alas 1:00 sa hapon, isip kabahin sa atong Barangay Youth Leadership Ca...
29/05/2026

ππ˜π‹π‚ πŸπŸŽπŸπŸ” 𝐆𝐔𝐄𝐒𝐓 π’ππ„π€πŠπ„π‘ | Karong Mayo 30, 2026 sa alas 1:00 sa hapon, isip kabahin sa atong Barangay Youth Leadership Camp, ita magpahitabo ug usa ka makapadasig ug halandumon nga sesyon nga magpahinungod sa tema mahitungod sa Leadership, uban sa atong imbitadong Guest Speaker, si Sir Alexis H. Micutuan, usa ka respetadong lider gikan sa Provincial Youth Development Office sa atong probinsya sa Davao de Oro.

Isip usa ka eksperyensyado nga lider ug aktibong nagapadayon sa pagpalig-on sa mga programa alang sa kabatan-onan, dako kaayo ang atong pagpasalamat sa iyang pag-uban aron maghatag og kahibalo, inspirasyon, ug praktikal nga kasinatian nga sigurado nga magamit sa atong Barangay Youth Development Council ug Junior SK Officials.

Kini nga kahigayunan usa ka dakong oportunidad sa pagpalambo sa liderato ug pag-andam sa atong kabatan-onan isip umaabot nga mga lider sa komunidad.

ππ”π†πŠπŽπ’ 𝐒𝐀 πŠπ€ππ€π“π€π-πŽππ€π 𝐏𝐀𝐑𝐀 𝐒𝐀 πŠπ€π‹π€πŒππŽπ€π!








Address

Mawab
8802

Website

Alerts

Be the first to know and let us send you an email when Sangguniang Kabataan of Barangay Tuboran posts news and promotions. Your email address will not be used for any other purpose, and you can unsubscribe at any time.

Shortcuts

Share

Category