09/06/2026
Kahapon pumunta po tayo sa Barangay Cagsiay II upang magsagawa ng ocular inspection at maghanap ng posibleng lokasyon para sa paglilipatan ng Cagsiay II National High School, na inaasahang mailalagay sa lugar na malapit din sa kasalukuyang kinatatayuan ng Cagsiay II Elementary School.
Ang hakbang na ito ay isinagawa bilang tugon sa pangangailangang matiyak ang kaligtasan at kapakanan ng mga mag-aaral, g**o, at iba pang kawani ng paaralan. Sa kasalukuyan, hindi na ginagamit ang dating lokasyon ng Cagsiay II National High School dahil sa mga panganib na maaaring idulot nito sa komunidad ng paaralan.
Sa ating pagbisita at pagsusuri ng mga posibleng lugar, nakasama natin sina Kagawad Bustamante at Mr. Jaymar Talisic, na nagbigay rin ng kanilang suporta at mahahalagang pananaw para sa paghahanap ng mas ligtas at mas angkop na lokasyon para sa paaralan.
Patuloy po tayong makikipagtulungan sa mga kinauukulang ahensya at mga stakeholder upang maisulong ang mga hakbang na makapagbibigay ng mas ligtas, maayos, at de-kalidad na kapaligiran sa pag-aaral para sa ating mga kabataan.
Ang edukasyon at kaligtasan ng bawat mag-aaral ay mananatiling isa sa ating mga pangunahing prayoridad.
