Office of the Senior Citizens Affairs - City of Mati

01/06/2026

📌 𝙋𝙐𝘽𝙇𝙄𝘾 𝘼𝘿𝙑𝙄𝙎𝙊𝙍𝙔

𝘼𝙣𝙜 𝙊𝙛𝙛𝙞𝙘𝙚 𝙤𝙛 𝙩𝙝𝙚 𝙎𝙚𝙣𝙞𝙤𝙧 𝘾𝙞𝙩𝙞𝙯𝙚𝙣𝙨 𝘼𝙛𝙛𝙖𝙞𝙧𝙨 (𝙊𝙎𝘾𝘼) -𝘾𝙞𝙩𝙮 𝙤𝙛 𝙈𝙖𝙩𝙞 𝙣𝙖𝙜𝙥𝙖𝙝𝙞𝙗𝙖𝙡𝙤 𝙨𝙖 𝙩𝙖𝙣𝙖𝙣𝙜 𝙎𝙚𝙣𝙞𝙤𝙧 𝘾𝙞𝙩𝙞𝙯𝙚𝙣𝙨 𝙪𝙜 𝙨𝙖 𝙥𝙪𝙗𝙡𝙞𝙠𝙤 𝙣𝙜𝙖 𝙬𝙖𝙡𝙖𝙮 𝙗𝙞𝙨𝙖𝙣 𝙠𝙞𝙣𝙨𝙖 𝙣𝙜𝙖 𝙩𝙖𝙬𝙤 𝙤 𝙥𝙚𝙧𝙨𝙤𝙣𝙖𝙡𝙞𝙙𝙖𝙙 𝙣𝙜𝙖 𝙜𝙞𝙨𝙪𝙜𝙤 𝙤 𝙜𝙚- 𝙖𝙬𝙩𝙤𝙧𝙞𝙨𝙖𝙧 𝙨𝙖 𝙖𝙢𝙤𝙣𝙜 𝙤𝙥𝙞𝙨𝙞𝙣𝙖 𝙖𝙧𝙤𝙣 𝙢𝙖𝙣𝙜𝙝𝙖𝙩𝙖𝙜 𝙪𝙜 𝙛𝙤𝙤𝙙 𝙖𝙨𝙨𝙞𝙨𝙩𝙖𝙣𝙘𝙚 𝙤 𝙢𝙖𝙣𝙜𝙤𝙡𝙚𝙠𝙩𝙖 𝙪𝙜 𝙗𝙞𝙨𝙖𝙣 𝙪𝙣𝙨𝙖𝙣𝙜 𝙞𝙢𝙥𝙤𝙧𝙢𝙖𝙨𝙮𝙤𝙣 𝙖𝙡𝙖𝙣𝙜 𝙣𝙞𝙞𝙣𝙞.

𝙉𝙖𝙠𝙖𝙙𝙖𝙬𝙖𝙩 𝙠𝙞𝙩𝙖 𝙪𝙜 𝙢𝙜𝙖 𝙧𝙚𝙥𝙤𝙧𝙩 𝙣𝙜𝙖 𝙖𝙙𝙪𝙣𝙖𝙮 𝙢𝙜𝙖 𝙞𝙣𝙙𝙞𝙗𝙞𝙙𝙪𝙬𝙖𝙡 𝙣𝙜𝙖 𝙣𝙖𝙜𝙡𝙞𝙗𝙤𝙩-𝙡𝙞𝙗𝙤𝙩 𝙪𝙜 𝙣𝙖𝙜𝙜𝙖𝙢𝙞𝙩 𝙨𝙖 𝙣𝙜𝙖𝙡𝙖𝙣 𝙨𝙖 𝙊𝙎𝘾𝘼 𝙖𝙧𝙤𝙣 𝙢𝙖𝙠𝙖𝙙𝙖𝙣𝙞 𝙤 𝙢𝙖𝙠𝙖𝙞𝙡𝙖𝙙 𝙨𝙖 𝙢𝙜𝙖 𝙎𝙚𝙣𝙞𝙤𝙧 𝙘𝙞𝙩𝙞𝙯𝙚𝙣𝙨. 𝙂𝙞𝙥𝙖𝙝𝙞𝙢𝙖𝙣𝙜𝙣𝙤𝙖𝙣 𝙖𝙣𝙜 𝙩𝙖𝙣𝙖𝙣 𝙣𝙜𝙖 𝙠𝙞𝙣𝙞 𝙣𝙜𝙖 𝙢𝙜𝙖 𝙩𝙖𝙬𝙤 𝙬𝙖𝙡𝙖𝙮 𝙠𝙖𝙡𝙖𝙗𝙪𝙩𝙖𝙣 𝙖𝙣𝙜 𝙊𝙎𝘾𝘼 𝙊𝙛𝙛𝙞𝙘𝙚 𝙪𝙜 𝙥𝙤𝙨𝙞𝙗𝙡𝙚𝙣𝙜 𝙢𝙜𝙖 𝙎𝘾𝘼𝙈𝙈𝙀𝙍.

𝘽𝙪𝙨𝙖, 𝙖𝙢𝙤𝙣𝙜 𝙜𝙞𝙣𝙖 𝙖𝙬𝙝𝙖𝙜 𝙖𝙣𝙜 𝙩𝙖𝙣𝙖𝙣 𝙣𝙜𝙖:

• 𝘼𝙮𝙖𝙬 𝙥𝙖𝙜𝙝𝙖𝙩𝙖𝙜 𝙪𝙜 𝙥𝙚𝙧𝙨𝙤𝙣𝙖𝙡 𝙣𝙜𝙖 𝙞𝙢𝙥𝙤𝙧𝙢𝙖𝙨𝙮𝙤𝙣 𝙨𝙖𝙢𝙖 𝙨𝙖 𝙄𝘿 𝙣𝙪𝙢𝙗𝙚𝙧𝙨, 𝘼𝙏𝙈 𝙙𝙚𝙩𝙖𝙞𝙡𝙨, 𝙤 𝙪𝙗𝙖𝙣 𝙥𝙖𝙣𝙜 𝙨𝙚𝙣𝙨𝙞𝙩𝙞𝙗𝙤𝙣𝙜 𝙙𝙖𝙩𝙤𝙨.

• 𝘼𝙮𝙖𝙬 𝙥𝙖𝙜𝙝𝙖𝙩𝙖𝙜 𝙪𝙜 𝙠𝙬𝙖𝙧𝙩𝙖 𝙤 𝙗𝙞𝙨𝙖𝙣 𝙪𝙣𝙨𝙖𝙣𝙜 𝙗𝙖𝙮𝙖𝙙 𝙣𝙜𝙖𝙙𝙩𝙤 𝙨𝙖 𝙢𝙜𝙖 𝙣𝙖𝙜𝙥𝙖𝙞𝙡𝙖 𝙣𝙜𝙖 𝙧𝙚𝙥𝙧𝙚𝙨𝙚𝙣𝙩𝙖𝙣𝙩𝙚 𝙨𝙖 𝙊𝙎𝘾𝘼 𝙣𝙜𝙖 𝙬𝙖𝙡𝙖𝙮 𝙤𝙥𝙞𝙨𝙮𝙖𝙡 𝙣𝙜𝙖 𝙙𝙤𝙠𝙪𝙢𝙚𝙣𝙩𝙤 𝙤 𝙖𝙬𝙩𝙤𝙧𝙞𝙙𝙖𝙙.

• 𝘿𝙖𝙮𝙤𝙣 𝙞-𝙧𝙚𝙥𝙤𝙧𝙩 𝙨𝙖 𝙊𝙎𝘾𝘼 𝙊𝙛𝙛𝙞𝙘𝙚 𝙤 𝙨𝙖 𝙢𝙜𝙖 𝙖𝙬𝙩𝙤𝙧𝙞𝙙𝙖𝙙 𝙖𝙣𝙜 𝙗𝙞𝙨𝙖𝙣 𝙠𝙞𝙣𝙨𝙖𝙣𝙜 𝙣𝙖𝙜𝙜𝙖𝙢𝙞𝙩 𝙨𝙖 𝙣𝙜𝙖𝙡𝙖𝙣 𝙨𝙖 𝙖𝙢𝙤𝙣𝙜 𝙤𝙥𝙞𝙨𝙞𝙣𝙖 𝙖𝙡𝙖𝙣𝙜 𝙨𝙖 𝙞𝙡𝙞𝙜𝙖𝙡 𝙣𝙜𝙖 𝙠𝙖𝙡𝙞𝙝𝙪𝙠𝙖𝙣.

𝘼𝙡𝙖𝙣𝙜 𝙨𝙖 𝙙𝙪𝙜𝙖𝙣𝙜 𝙢𝙜𝙖 𝙞𝙢𝙥𝙤𝙧𝙢𝙖𝙨𝙮𝙤𝙣 𝙪𝙜 𝙗𝙚𝙧𝙞𝙥𝙞𝙠𝙖𝙨𝙮𝙤𝙣, 𝙥𝙖𝙡𝙞𝙝𝙪𝙜 𝙠𝙤𝙣𝙩𝙖𝙠𝙖 𝙖𝙣𝙜 𝙁𝙖𝙘𝙚𝙗𝙤𝙤𝙠 𝙋𝙖𝙜𝙚 - 𝙊𝙛𝙛𝙞𝙘𝙚 𝙤𝙛 𝙩𝙝𝙚 𝙎𝙚𝙣𝙞𝙤𝙧 𝘾𝙞𝙩𝙞𝙯𝙚𝙣𝙨 𝘼𝙛𝙛𝙖𝙞𝙧𝙨- City of Mati

13/05/2026

13/05/2026

Monthly meeting sa mga Chapter Presidents sa 26 Barangays dinhi sa siyudad sa Mati. Ang maong miting aron mahatagan ug updates ang mga isyu o problema sa mga Senior Citizens sa nagkalaing-laing Barangay. Importante kaayo kining panagtigom aron mapadayon nato ang panaghiusa, pagtinabangay, ug pag atiman sa kaayuhan sa atong mga katigulangan.

Isa sa mga nahisgutan atol sa miting ang concern kabahin sa "No Replacement" tungod sa Community-Based Monitoring System (CBMS) validation. Dugang pa niini gipahinumduman usab ang tanan nga social pensioners nga importante ang pagpa "VERIFY/REHISTRO" sa ilang impormasyon ubos sa Basta Berepikado Mabilis ang Serbisyo (BBMS) aron malikayan ang problema sa records ug pagdawat sa benepisyo. Gina awhag ang tanan nga makig-coordinate sa ilang respective Chapter President o Office of the Senior Citizens Affairs (OSCA) aron masiguro nga update ug sakto ang ilang detalye o tubag.

Gipahinumduman usab ang tanan Senior Citizens nga magparehistro sa PSA aron kompleto ug hapsay ang ilang mga dokumento nga magamit sa nagkalaing-laing programa sa gobyerno. Importante kini aron malikayan ang problema sa identification ug verification sa umaabot.

Mapasalamoton sad ta sa atong Konsehal Jimboy Dayanghirang sa imong paghatag idea, pagpasabot ug mga katin awan sa paghisgot sa kaayuhan sa mga Senior Citizens sa atong katilingban.

Daghang salamat ug mabuhay ang mga Senior citizens!

07/05/2026

Salamat sa Barangay Bobon Senior Citizens Association ilabina sa president na c Mrs. Natividad S. Torremocha sa pagpahibalo sa iyang mga myembro (Social Pensioner Beneficiaries) nga magpa verification/registtation sa BBMS (Basta Berepikado, Mabilis ang Serbisyo). Kini nga program adunay tumong nga mapadali ug hapsay ang paghatag sa mga benepisyo sama sa social pension ngadto sa atong mga Senior citizens.

Ato usab pasalamat sila sir Ruel Almendras ug si sir Joshua Yap sa paghatag og panahon aron maadtuan ug matabangan ang mga Senior citizens sa maong Barangay.

Sa tanan Barangay Officials sa Barangay Bobon, daghan kaayong salamat sa inyong makanunayong suporta ug pag atiman sa atong mga Senior citizens diha sa inyong Barangay.

Together, Yes We Can
Para sa Tanan

06/05/2026

Daghang salamat sa mga Senior Citizens sa Barangay Lanca sa inyong aktibong kooperasyon sa verification/registration sa BBMS (Basta Berepikado, Mabilis ang Serbisyo. Dako kaayo ang inyong tabang aron mapadali ug mapahapsay ang serbisyo para sa tanan.

Espesyal usab nga pasalamat sa tulo ka Senior citizens nga nag apply para sa Octogenarian- hinaot nga magpadayon ang inyong kahimsog ug kalipay.

Dili usab nato kalimtan magpasalamat kang Chapter President Sir Liberato Magliwanas ug sa masipag ug maabtikon nga secretary sa Senior citizens. Ang inyong dedikasyon ug pagpangulo maoy magpalig-on sa atong komunidad.

Together, Yes We Can
Para sa tanan

10/04/2026

Ang Office of the Senior Citizens Affairs (OSCA) ug ang City Social Welfare and Development Office (CSWDO), in coordination with the Office of the City Mayor malampusong nagpahigayon sa unang adlaw sa pagpanghatag og bugas ug hygiene kit ngadto sa mga bedridden nga Senior citizens sa nagkalaing-laing distrito sa Barangay Central syudad sa Mati.

Kini nga kalihukan gipangulohan sa OSCA Head- Virginia M. Albao, kauban ang OSCA Staff, CSWDO staff, mga District Presidents nga nagpakita og dakong paghigugma ug pag atiman sa atong mga katigulangan.

Dako kaayo among pasalamat sa atong buotan nga Mayor Joel Mayo Z. Almario ug kang Congressman Cheeno D. Almario sa ilang walay hunong nga suporta alang sa kaayohan sa atong mga pinalanggang Senior citizens.

06/04/2026

The Department of Social Welfare and Development (DSWD) conducted the pay-out for 8,738 Social Pension for Indigent Senior Citizens Beneficiaries in the City of Mati. Out of the total number, 8,597 beneficiaries were able to claimed their pension, while 141 remain unclaimed.

We encourage those who have not yet claimed their benefits please coordinate with the concerned office for proper assistance.

05/04/2026

Ang National Commission of Senior Citizens (NCSC) nagpahigayon ug Expanded Cash Gift Distribution alang sa kinatibuk-ang 125 ka benepisyaryo, nga gibahin sa masunod:

59 ka benepisyaryo nga nag edad ug 80 anyos
52 ka benepisyaryo nga nag edad ug 85 anyos
8 ka benepisyaryo nga nag edad ug 90 anyos
4 ka benepisyaryo nga nag edad ug 95 anyos
2 ka benepisyaryo nga nag edad ug 100 anyos

Kini nga inisyatibo nagtumong sa paghatag ug pinansyal nga suporta ug pag ila sa bililhong kontribusyon sa mga senior citizens sa komunidad