Board Member Stephen Paul "Popong" Lopez Uy

06/10/2026

Padayon ang atong pag-abot ug pag-alagad sa atong mga barangay dinhi sa Davao Oriental.

Atong gipadayon ang Rice Distribution sa uban pang mga barangay sa Munisipyo sa Banaybanay, isip usa ka gamay apan makahuluganon nga paagi sa paghatag og suporta ug kahupayan sa matag pamilya.

Para sa katawhan, para sa matag pamilya, ug para sa mas lig-on nga komunidad.

06/10/2026

Mainitong pangumusta ug kinasingkasing nga pagtimbaya sa atong mga kaigsuonan sa Barangay Talisay, San Isidro, Davao Oriental!

Dako akong pasalamat ug kalipay
nga nakatambong ako sa inyong ika

61𝒔𝒕 𝑨𝒓𝒂𝒘 𝒏𝒈 𝑩𝒓𝒈𝒚 𝑻𝑨𝑳𝑰𝑺𝑨𝒀🎉🎈
61 𝘠𝘦𝘢𝘳𝘴 𝘰𝘧 𝘜𝘯𝘪𝘵𝘺, 𝘚𝘦𝘳𝘷𝘪𝘤𝘦 𝘢𝘯𝘥 𝘗𝘳𝘰𝘨𝘳𝘦𝘴𝘴:
𝘖𝘯𝘦𝘛𝘈𝘓𝘐𝘚𝘈𝘠, 𝘖𝘯𝘦 𝘊𝘰𝘮𝘮𝘶𝘯𝘪𝘵𝘺, 𝘖𝘯𝘦 𝘍𝘶𝘵𝘶𝘳𝘦

Hinaot nga kining espesyal nga adlaw nahimong higayon sa pagpasalamat sa mga panalangin, paghinumdom sa atong panaghiusa, ug paglaum alang sa mas malinawon, mauswagon, ug mas lig-on nga Barangay Talisay.

Padayon kita sa pagtinabangay ug pagbarog isip usa ka komunidad alang sa kaayohan sa tanan.

05/10/2026

Malipayong pagsaulog sa Araw ng Calapagan sa inyong tanan diha sa barangay! Hinaot nga ang inyong selebrasyon mahimong panahon sa malipayong panagkuyog, mapasalamatong kasingkasing, ug mga panalangin nga ipaambit sa matag usa.

05/10/2026

Sa tanang atong mga magtutudlo nga walay kakapoy nga nag-amuma, nagtudlo, ug naggiya kanamo, daghang salamat sa inyong walay kinutuban nga pasensya, gugma, ug dedikasyon.

Karong World Teachers’ Day, ug bisan sa matag adlaw man, amo kamong pasidunggan ug pasalamatan isip among ikaduhang ginikanan, inspirasyon, ug suga sa kinabuhi sa among pagkab-ot sa among mga pangandoy.

Salamat sa pagtudlo. Salamat sa pagtuo. Salamat sa pag-amuma. Ug labaw sa tanan, salamat sa inyong pagserbisyo.

Happy World Teachers’ Day!

04/10/2026

Dili tanan pagsulay sayon sabton, ug dili tanan pangutana adunay tubag dayon. Apan bisan sa mga panahon nga hilom ang Ginoo, salig nga naglihok Siya alang sa atong kaayohan. Padayon lang sa pagtuo, kay ang tanan adunay katuyoan diha sa Iyang plano. 🙏💜

02/10/2026

𝑽𝒊𝒗𝒂 𝑺𝒆𝒏̃𝒐𝒓 𝑺𝒂𝒏 𝑴𝒊𝒈𝒖𝒆𝒍 𝑨𝒓𝒄𝒂𝒏𝒈𝒉𝒆𝒍! 🙏

Usa ka makahuluganon nga pagsaulog sa atong kapistahan dinhi sa atong opisina, diin atong gipasidunggan si San Miguel Arcangel, ang atong Patron Saint.

Pinaagi sa prayer ug blessing nga gipangulohan ni Rev. Fr. Fernando V. Peralta, SDB, atong gipangayo ang panalangin, proteksyon ug giya sa atong Patron samtang nagpadayon kita sa atong serbisyo alang sa katawhan sa atong pinalanggang Probinsya sa Davao Oriental.

Hinaot nga sama kang San Miguel Arcangel, nga maisog ug matinud-anon sa iyang katungdanan, padayon usab kita niyang giyahan ug lig-onon sa atong pag-alagad aron sa matag desisyon, lakang ug responsibilidad, pirming unahon ang kaayuhan sa katawhan.

San Miguel Arcangel, ampingi ug giyahi kami sa among pagserbisyo.

Viva San Miguel Arcangel! Viva!🙏

01/10/2026

Padayon ang atong pagserbisyo ug paghatod og tabang ngadto sa atong mga kaigsuonan sa Munisipyo sa Banaybanay!

Karon nga higayon, atong naabot ang mga barangay sa Causwagan, Mahayag, ug Panikian isip kabahin sa padayong pagpatuman sa atong Rice Distribution Initiative. Kini nga programa nagtinguha nga makatabang sa atong mga pamilya sa ilang inadlaw-adlaw nga panginahanglanon, ilabi na sa panahon nga nagkinahanglan sila og dugang nga suporta.

Padayon kining paningkamot sa Provincial Government of Davao Oriental, ubos sa pagpanguna ni Governor Nelson L. Dayanghirang ug Vice Governor Glenda Rabat-Gayta, uban ang tumong nga mas mapaduol ang serbisyo sa gobyerno ngadto sa matag barangay ug matag pamilya nga atong maabot.

30/09/2026

Pagka gikan sa BARYO,
Lahos napud ta sa PLENARYO

Trabaho sa Simpleng Magbabalaod,
Hisgotanan sa Lamesa
Ngadto Padulong sa Masa

My Wednesday Episode
Isip kaninyong Board Member sa Yanong Katawhan 🫰💜🫶

30/09/2026

𝑯𝒂𝒑𝒑𝒚 58𝒕𝒉 𝑨𝒓𝒂𝒘 𝑪𝒆𝒍𝒆𝒃𝒓𝒂𝒕𝒊𝒐𝒏
🎉🎉𝐁𝐀𝐑𝐀𝐍𝐆𝐀𝐘 𝐓𝐀𝐆𝐔𝐈𝐁𝐎,🎉🎉
Mati City, Province of Davao Oriental!

Malipayong Araw kaninyo! Hinaot nga kining kasaulogan mahimong pahinumdom sa bili sa panaghiusa ug pagtinabangay, ug magdasig kanatong tanan sa pagpadayon sa paghimo og mas lig-on ug mauswagon nga komunidad.

29/09/2026