City Traffic Management Office - City of Mati

03/06/2026

CTMO wins against CDRRMO

Congratulations, Mighty Eagles!

Together, Yes We Can
Para Sa Tanan 🤟

02/06/2026

Hunyo 2, 2026, malipayong gisaulog ang ikaduhang adlaw sa Sidlakan Mini Sportsfest. Nagsugod ang kalihokan alas 3:00 sa hapon sa dula sa kariling nga gipahigayon sa atubangan sa City Hall. Gisundan kini sa kulbahinam nga duwa sa volleyball sulod sa Sidlakan Building, ug gitapos ang adlaw sa makapakusog ug dugo nga duwa sa basketball sa City Hall Court, diin ang tanang kalihokan hapsay nga nahuman hangtod alas 7:00 sa gabii.

Ang tanan puno sa kalipay ug dakong lingaw, labi na kay ang mga dula nagpakita sa mga pinalanggang karaan nga dula sa atong mga katigulangan—mga yano ug makahinumdom nga dula nga panagsa na lang makita o dulaon sa mga kabatan-onan karon. Kini naghatag sa tanang empleyado og bililhon ug makapainit sa kasingkasing nga higayon nga mahinumdom sa ilang pagkabata, mabalik ang maanindot nga mga handumanan, ug masinati pag-usab ang yanong kalipay sa pagdula niining mga karaan nga dula, nga nagsumpay sa nangagi ug sa karon samtang mas nagkahiusa sila pinaagi sa atong kabilin ug tinuod nga kalipay.

Together, Yes We Can
Para Sa Tanan 🤟

01/06/2026

Hunyo 1, 2026, nasugdan na ang gipaabot nga Sidlakan Mini Sportsfest, diin nagkahiusa ang tanang lima ka essential nga mga opisina ang CTMO, CCSU, PSSO, CENRO og CDRRMO, alang sa usa ka selebrasyon nga puno sa panaghiusa, pagtinabangay, ug maayong dula. Nagsugod ang kalihokan sa usa ka malipayong parada nga naghatag og dakong kalingawan ug kusog sa tanang nitambong. Gitambongan kini ni Mayor Joel Mayo Z. Almario, ug sa iyang mensahe, gipahayag niya ang iyang dakong pagdayeg ug pagpasalamat ngadto sa mga head sa departamento tungod sa inisyatibo, kadasig, ug pagkamamugnaon nga gipakita nila sa pag-organisar niining maong kalihokan nga dakong tabang aron mas mapalig-on ang relasyon ug panag-uban sa tanang kawani sa gobyerno.

Human sa iyang makadasigong pulong, nagpasundayag ang matag departamento pinaagi sa pag-rampa sa ilang tagsa-tagsa ka muse, gisundan kini sa pagpakita sa ilang mga talento nga nagpakita sa talagsaong abilidad ug kahanas sa matag usa. Sa dihang hapit na motuos ang kalipay, kalit lang kining umulan, mao nga ang tanan mibalhin ug nagpadayon na lang sa sulod sa Sidlakan Building. Didto opisyal nga gisugdan ang mga dula, sugod sa pagguyod sa lubid (tug-of-war), lumba sa sako, hangtod sa pagtakyan, nga ang tibuok lugar napuno sa kusog nga panghiyaw, katawa, ug maayong kompetisyon.

Together, Yes We Can
Para Sa Tanan 🤟

30/05/2026

Ang CTMO Marshall Bikers mao ang nag-eskort sa Santacruzan Procession. Tungod kay kini usa ka hinay-hinay nga paglihok ug nagbaktas nga prosesyon, gigamit sa CTMO ang mga bisikleta aron mas epektibo ang paghatag og tabang ug pagsiguro sa kaluwasan, seguridad, ug proteksyon sa tanang nanambong, deboto, partisipante, ug sa kinatibuk-ang publiko.

Ang CTMO Marshall Team estratehikong gibutang sa mga importanteng dapit, mga intersection, ug mga kritikal nga punto aron makontrolar ang dagan sa trapiko, limpyohan ang agianan, malikayan ang mga sagabal, ug masiguro ang hapsay, organisado, ug walay disgrasya nga pag-agi sa prosesyon.

CTMO contact details:
Hotline #: 09557301474
Gmail: [email protected]

Together, Yes We Can
Para Sa Tanan 🤟

30/05/2026

Ubos sa pagpanguna ni PCAPT Bernard M. Bumatay ug mando ni Mayor Joel Mayo Z. Almario, malampusong nagpahigayon ang CTMO sa ikaduhang hugna sa pagpintal sa paradanan sa motorsiklo sa Madang Public Market (Bugasan Area). Gihimo kini aron hayag makita ang saktong parkihan, matudlo ang mga motorsiklero sa saktong pwesto, ug malikayan ang paghuot ug sagabal sa dalan.

Dako kini og tabang aron magpabiling hapsay, organisado, ug dili maghuot ang trapiko sa Madang Public Market.

CTMO contact details:
Hotline #: 09557301474
Gmail: [email protected]

Together, Yes We Can
Para Sa Tanan 🤟

28/05/2026

Malipayong Adlawng Natawhan, Mayor! 🎉🎂
Dako kaayo among pasalamat sa imong walay kakapoy nga pag-alagad ug pagpangulo sa atong siyudad. Hinaut nga padayon kang panalanginan sa maayong panglawas, kalipay, ug kusog aron magpadayon sa pagtabang sa katawhan.

Daghang salamat sa imong dedikasyon ug gugma sa serbisyo publiko. Nanghinaut kami nga mas daghan pa kang maabot nga kalampusan ug panalangin sa imong kinabuhi.

Malipayong Birthday, MAYOR JOEL MAYO Z. ALMARIO

From CTMO FAMILY

27/05/2026

27/05/2026

Sa pagpangulo ni PCAPT Bernard M. Bumatay ang CTMO Quick Response Team (QRT) dali nga ni-responde kagabii Mayo 26, 2026, tungod sa kusog nga pag-ulan nga nakaingon sa pag-awas sa tubig gikan Magsaysay-3 padulong Magsaysay-4, Brgy. Central.

Around 8:00 PM, tungod sa pag-awas sa tubig, gi-rerout ang agianan sa Magsaysay aron masiguro ang kaluwasan sa mga motorista ug commuters.

Around 10:00 PM, mihinay na ang pag-ulan ug ning-hupa na ang tubig sa dalan. Walay natala nga insidente o aksidente sa maong lugar.

Magpabilin kitang alerto, mabinantayon, ug magtinabangay aron magpabiling luwas ang atong komunidad. Alang sa bisan unsang emerhensya sa dalan o panginahanglan og tabang, ang CTMO kanunay nga andam mag-alagad.

CTMO contact details:
Hotline #: 09557301474
Gmail: [email protected]

Together, Yes We Can
Para Sa Tanan 🤟

26/05/2026

Niadtong Mayo 21, 2026, ni-adto sa CTMO si Maribeth Villaseran aron i-report ang gamay nga bag nga adunay 3 ka cellphone (Samsung, Vivo, iPhone 16) nga nabiyaan niya sa Baobao tricycle.

Nahibaloan na ang drayber mao si Rolando C. Bebitcan, apan pila ka adlaw nga wala siya makit-i. Pinaagi sa inisyatibo ni QRT Leader AGA Bal, na-locate ang drayber karong adlawa sa iyang balay, ug nasayran nga gitipigan niya ang gamit ug matinud-anong naghulat sa tag-iya. Gidala ang driver sa buhatan sa CTMO, gitawagan ang tag-iya sa cellphone, ug malampuson nga nabalik ang mga gamit. Dako kaayo ang pasalamat ni Maribeth sa drayber tungod sa iyang dakong pagkamatinud-anon.

Together, Yes We Can
Para Sa Tanan 🤟