DepEd RXII New Xavier ES

06/09/2026

𝟭𝟯 𝗖𝗮𝗺𝗽𝘂𝘀 𝗝𝗼𝘂𝗿𝗻𝗮𝗹𝗶𝘀𝘁𝘀 𝗻𝗴 𝗡𝗲𝘄 𝗫𝗮𝘃𝗶𝗲𝗿 𝗘𝗦, 𝗟𝘂𝗺𝗮𝗵𝗼𝗸 𝘀𝗮 𝗗𝗶𝘃𝗶𝘀𝗶𝗼𝗻 𝗝𝗼𝘂𝗿𝗻𝗮𝗹𝗶𝘀𝗺 𝗧𝗿𝗮𝗶𝗻𝗶𝗻𝗴

Labintatlong campus journalists mula sa New Xavier Elementary School (NXES) ang aktibong lumahok sa Division Journalism Training na ginanap noong Agosto 22, 2026 sa Matalam High School.

Layunin ng pagsasanay na higit pang malinang ang kaalaman, kasanayan, at kumpiyansa ng mga batang mamamahayag sa iba’t ibang larangan ng campus journalism.

Gumabay sa mga kalahok sina Gng. Geneby C. Tasic at G. Dexter John F. Raquel bilang kanilang mga tagapagsanay, na patuloy na humuhubog sa kakayahan ng mga batang manunulat sa pagsusulat at responsableng pamamahayag.

Nagpaabot naman ng taos-pusong pasasalamat ang New Xavier Elementary School kay Gng. Noemi C. Lumogdang, Pangulo ng PTA, sa patuloy na suporta sa mga programang pangmag-aaral, lalo na sa pagpapaunlad ng campus journalism. Lubos ding pinasasalamatan ang Barangay Local Government Unit (BLGU) ng Kibia sa pangunguna ng mga lokal na lider sa kanilang suporta at pakikiisa sa mga gawaing naglalayong mapaunlad ang talento at kakayahan ng mga mag-aaral.

Sa pamamagitan ng sama-samang suporta ng paaralan, mga magulang, at komunidad, patuloy na nabibigyan ng pagkakataon ang mga batang mamamahayag na matuto, magsanay, at gamitin ang kanilang tinig upang maghatid ng makabuluhang impormasyon sa kanilang kapwa mag-aaral.

𝓐𝓷𝓰 𝓑𝓾𝓰𝔀𝓪𝓴 • 𝑩𝒂𝒍𝒊𝒕𝒂
✍️Jiamie S. Gloriani

19/08/2026

𝐀𝐍𝐆 𝐁𝐔𝐆𝐖𝐀𝐊 formerly ANG GAHUM

𝐀𝐍𝐆 𝐁𝐔𝐆𝐖𝐀𝐊 (𝐂𝐀𝐌𝐏𝐔𝐒 𝐉𝐎𝐔𝐑𝐍𝐀𝐋𝐈𝐒𝐓𝐒)
The Official School Publication of New Xavier Elementary School, S.Y 2026–2027.

✍️ Meet the Brave Voices of New Xavier ES!
Our Campus Journalists are ready to inform, inspire, and ignite change through the power of words. With passion for truth and creativity, they stand as the storytellers of NXES.

Guided by their dedicated adviser, Sir Dexter John Raquel, these young writers will continue the tradition of excellence in campus journalism.

17/08/2026

𝙎𝙀𝙇𝙂 𝙊𝙁𝙁𝙄𝘾𝙀𝙍𝙎 of 𝑁𝐸𝑊 𝑋𝐴𝑉𝐼𝐸𝑅 𝐸𝑆
S.Y 2026-2027

RISE & LEAD!

“Rise with purpose, lead with courage, and serve with heart.”

Meet the SELG Officers; a young leaders ready to RISE above challenges, LEAD with confidence, and SERVE with dedication.

Together, we rise.
Together, we lead.
Together, we make a difference.

RISE & LEAD, NXES-SELG!

SELG Adviser: sir Dexter John Flores Raquel

16/08/2026

𝙉𝙓𝙀𝙎, 𝙋𝙞𝙣𝙖𝙨𝙞𝙣𝙖𝙮𝙖𝙖𝙣 𝙖𝙣𝙜 𝙎𝘽𝙁𝙋 2026; 𝙆𝙤𝙢𝙪𝙣𝙞𝙙𝙖𝙙 𝙉𝙖𝙜𝙠𝙖𝙞𝙨𝙖

Pormal na sinimulan ng New Xavier Elementary School ang School-Based Feeding Program (SBFP) 2026 noong Agosto 3, 2026 bilang bahagi ng programang pangnutrisyon ng Department of Education (DepEd) – SDO Cotabato na naglalayong mapabuti ang kalusugan at nutrisyon ng mga mag-aaral.

Dumalo sa unang araw ng programa ang mga opisyal ng barangay sa pangunguna ni Punong Barangay Ebenezer G. Feolog, mga magulang, g**o, at mga mag-aaral na benepisyaryo ng SBFP. Ipinakita ng kanilang pakikiisa ang sama-samang suporta ng paaralan at komunidad para sa kalusugan at kapakanan ng mga bata. Nagbigay ng mensahe si Punong Barangay Feolog na binigyang-diin ang kahalagahan ng pagtutulungan ng paaralan, barangay, mga magulang, at iba pang stakeholders upang maging matagumpay ang pagpapatupad ng programa. Nagpaabot din ng mensahe si Bb. Lodina C. Cabaya, OIC ng NXES, tungkol sa kahalagahan ng wastong nutrisyon bilang mahalagang salik sa kalusugan, pag-unlad, at pagkatuto ng mga mag-aaral. Samantala, pinangunahan ni Gng. Stephane Grace J. Nanlabe, SBFP Coordinator, ang pagsasagawa ng feeding activity kasama ang mga g**o, school personnel, magulang, at PTA officers sa pangunguna ni Gng. Noemi C. Lumogdang.

Mahalagang bahagi rin ng programa ang Central Kitchen na matatagpuan sa Matalam Central District, Kibia Central Elementary School, kung saan inihahanda at niluluto ang mga pagkaing inilalaan para sa mga benepisyaryo ng SBFP. Sa pamamagitan nito, naisasagawa nang maayos ang paghahanda ng pagkain bago ito maihatid sa mga paaralang kabilang sa programa. Nagpaabot naman ng pasasalamat ang pamunuan ng NXES sa lahat ng naging bahagi ng matagumpay na pagsisimula ng programa, lalo na kay Public Schools District Supervisor Dr. Rosalita M. Baldestamon at District Nurse Gng. Cecile J. Segumban, sa kanilang paggabay at suporta sa pagpapatupad ng SBFP sa distrito. Nagpapasalamat din ang paaralan sa mga barangay officials, PTA officers, mga magulang, g**o, school personnel, at iba pang stakeholders na naglaan ng oras at tulong upang maging maayos ang unang araw ng feeding program.

Sa pamamagitan ng patuloy na pagtutulungan ng paaralan at komunidad, inaasahang maisasakatuparan nang maayos ang SBFP 2026 at makatutulong ito sa pagkakaroon ng mas malusog, masigla, at handang matutong mga mag-aaral ng New Xavier Elementary School.

𝓐𝓷𝓰 𝓑𝓾𝓰𝔀𝓪𝓴 • 𝑩𝒂𝒍𝒊𝒕𝒂
✍️Jiamie S. Gloriani

11/08/2026

𝙉𝙓𝙀𝙎, 𝙋𝙄𝙉𝘼𝙏𝙄𝙉𝙂𝙆𝘼𝘿 𝘼𝙉𝙂 𝙉𝙐𝙏𝙍𝙄𝙏𝙄𝙊𝙉 𝙈𝙊𝙉𝙏𝙃 2026

Sa buwan ng Hulyo, masiglang ipinagdiwang ng New Xavier Elementary School ang Nutrition Month na may temang "Nutrisyon at Kalikasan, Ating Pangalagaan." Layunin ng programa na palakasin ang kamalayan ng mga mag-aaral sa tamang nutrisyon at sabay na isulong ang pangangalaga sa kalikasan.

Iba’t ibang classroom-based activities ang isinagawa upang ipakita ang kahalagahan ng masustansyang pagkain at kalinisan ng kapaligiran. Tampok dito ang poster at slogan making kung saan ipinamalas ng mga mag-aaral ang kanilang malikhaing talento at mensahe ukol sa kalusugan. Sa pagluluto, naghanda sila ng masustansyang pagkain na nagbigay-diin sa wastong diyeta, habang ang fruit display ay nagpakita ng yaman ng kalikasan na dapat pangalagaan.

Bukod dito, isinagawa rin ang nutrisyon quiz bee na sumubok sa talino at kaalaman ng mga mag-aaral sa ika-anim na baitang tungkol sa nutrisyon. Ang mga paligsahan ay nagbigay sigla at inspirasyon sa buong paaralan, na nagpatibay ng diwa ng pagkakaisa sa pagitan ng mga g**o, magulang, at mag-aaral.

Sa kabuuan, ang pagdiriwang ng Nutrition Month sa New Xavier ES ay hindi lamang nagbigay kasiyahan kundi nagpatibay din ng kamalayan sa nutrisyon at pangangalaga sa kalikasan, isang hakbang tungo sa mas malusog na katawan at mas maayos na kapaligiran.

𝑨𝒏𝒈 𝑮𝒂𝒉𝒖𝒎 • 𝑩𝒂𝒍𝒊𝒕𝒂
✍️Jonie L. Manlaunan

30/06/2026

𝐖𝐞𝐥𝐜𝐨𝐦𝐞 𝐭𝐨 𝐭𝐡𝐞 𝐍𝐞𝐰 𝐗𝐚𝐯𝐢𝐞𝐫 𝐄𝐥𝐞𝐦𝐞𝐧𝐭𝐚𝐫𝐲 𝐒𝐜𝐡𝐨𝐨𝐥!💙

"𝑬𝒗𝒆𝒓𝒚 𝒏𝒆𝒘 𝒃𝒆𝒈𝒊𝒏𝒏𝒊𝒏𝒈 𝒃𝒓𝒊𝒏𝒈𝒔 𝒏𝒆𝒘 𝒐𝒑𝒑𝒐𝒓𝒕𝒖𝒏𝒊𝒕𝒊𝒆𝒔 𝒕𝒐 𝒊𝒏𝒔𝒑𝒊𝒓𝒆 𝒂𝒏𝒅 𝒎𝒂𝒌𝒆 𝒂 𝒅𝒊𝒇𝒇𝒆𝒓𝒆𝒏𝒄𝒆."

With warm hearts, we welcome you ma'am 𝐉𝐄𝐕𝐈𝐋𝐘𝐍 𝐌𝐀𝐄 𝐅. 𝐃𝐄𝐍𝐎𝐒𝐓𝐀, Teacher I, to New Xavier E.S. We are truly happy to have you join our family and look forward to sharing this journey with you.

Together, let's create a positive and nurturing learning environment for every child.

We're glad you're here!

23/06/2026

13/06/2026

𝐍𝐗𝐄𝐒, 𝐌𝐚𝐭𝐚𝐠𝐮𝐦𝐩𝐚𝐲 𝐧𝐚 𝐍𝐚𝐠𝐬𝐚𝐠𝐚𝐰𝐚 𝐧𝐠 𝐔𝐧𝐚𝐧𝐠 𝐏𝐚𝐧𝐠𝐤𝐚𝐥𝐚𝐡𝐚𝐭𝐚𝐧𝐠 𝐏𝐚𝐠𝐩𝐮𝐩𝐮𝐥𝐨𝐧𝐠 𝐧𝐠 𝐏𝐓𝐀; 𝐆𝐧𝐠. 𝐋𝐮𝐦𝐨𝐠𝐝𝐚𝐧𝐠 𝐌𝐮𝐥𝐢𝐧𝐠 𝐍𝐚𝐡𝐚𝐥𝐚𝐥 𝐛𝐢𝐥𝐚𝐧𝐠 𝐏𝐚𝐧𝐠𝐮𝐥𝐨

Matagumpay na isinagawa ng New Xavier Elementary School ang 1st PTA General Assembly Meeting noong Hunyo 11, 2026 para sa taong panuruan 2026–2027. Isa itong makabuluhang pagtitipon na nagbigay-daan sa mas masiglang ugnayan ng mga g**o, magulang, at pamunuan ng paaralan.

Sa demokratikong proseso ng halalan, muling nahalal si Gng. Noemi C. Lumogdang bilang Pangulo ng PTA. Ito ay makasaysayang pagkakataon dahil siya rin ang nagsilbing pangulo noong T.P 2020–2021, sa kasagsagan ng pandemya, kung saan ipinakita niya ang matatag na pamumuno at malasakit sa kapakanan ng mga mag-aaral at mga magulang.

Kasabay nito, buong puso ring ipinahayag ng NXES ang pasasalamat kay Gng. Mary Jean P. Dagohoy, na naglingkod bilang pangulo ng PTA sa loob ng mahigit tatlong taon. Ang kanyang dedikasyon at walang sawang serbisyo ay nagbigay ng malaking ambag sa paaralan at pagpapatibay ng samahan ng mga magulang at g**o.

Ang NXES ay naniniwala na sa pamumuno ni Gng. Lumogdang, at sa patuloy na suporta ng buong komunidad, mas lalo pang lalakas ang ugnayan ng paaralan at mga magulang tungo sa mas matagumpay na paglalakbay ng mga mag-aaral ngayong T.P 2026–2027.

𝑨𝒏𝒈 𝑮𝒂𝒉𝒖𝒎 • 𝑩𝒂𝒍𝒊𝒕𝒂
✍️Khurt Razel S. Gregorio

12/06/2026

𝐔𝐧𝐚𝐧𝐠 𝐅𝐥𝐚𝐠 𝐂𝐞𝐫𝐞𝐦𝐨𝐧𝐲 𝐓.𝐏 2026–2027 🇵🇭

Noong June 08, 2026, sama-samang nagtipon ang mga mag-aaral, g**o, at komunidad ng New Xavier Elementary School upang gunitain ang pambansang watawat sa kauna-unahang Flag Ceremony ng taong panuruan.

Ang seremonyang ito ay pinangunahan ng SELG at ito ay nagsilbing makabuluhang simula ng School Year 2026–2027, isang paalala ng ating pagkakaisa, disiplina, at pagmamahal sa bayan. Sa pagtataas ng watawat, muling itinaguyod ang diwa ng kahusayan, malasakit, at pagtutulungan.

Bagama’t sinubok ng kalikasan ang ating lakas, nananatiling matatag ang ating komunidad. Ang unang Flag Ceremony ay magsisilbing alaala ng ating pagkakaisa at inspirasyon upang harapin ang mga hamon na darating.