MDRRMO Mataasnakahoy

06/05/2026

Today, we celebrate not only another year of your life, but also the remarkable leadership and dedication you continue to bring to Mataasnakahoy. As a visionary leader and a true man of action, your commitment to progress and meaningful change inspires those around you. Your energy, passion, and drive set a powerful example for everyone you serve.

May this special day be filled with joy, appreciation, and renewed strength as you continue your mission of service. Wishing you good health, continued success, and many more years of impactful leadership.

Happy Birthday, Vice Mayor Earel!

--- from your MDRRMO Family

28/04/2026

Naitayo na ng maayos bandang ika-6:00 ng gabi ang isang truck na tumaob kaninang umaga sa isang kalsada sa Brgy. Nangkaan, Mataasnakahoy, Batangas.
Ang nasabing truck na tumaob ay pagmamay-ari ng isang private company mula Lipa City at magdadala ng panambak na lupa sa Brgy. San Sebastian. Sinusundan daw nito ang isa pang truck na kanyang kasamahan nang biglang mawala sa paningin ng driver kung kaya't napadpad ito sa ibang barangay. Wala namang nasaktan sa pagkataob nito.
Sa pagtutulungan ng lokal na pamahalaan, sa pangunguna ni Hon. Mayor Lucia Ellery L. Gardiola-Silva, Hon. Vice Mayor Earel Benedicto L. Gardiola at Sangguniang Bayan Members, katuwang ang Municipal DRRM at Municipal Engineering Office, kasama ang mga barangay functionaries sa pangunguna ni Hon. Brgy Captain Moises Lubi at lahat ng volunteers, at Newington Builders ay maayos na naiangat at naitabi ang nasabing sasakyan. Gayundin, balik normal na muli ang daloy ng trapiko sa barangay.
Pinapayuhan na mag-ingat pa rin ang lahat at maging mapagmatyag at maging alerto sa paligid upang makaiwas sa mga aksidente.

28/04/2026

𝐏𝐀𝐆𝐊𝐈𝐋𝐎𝐒 𝐀𝐓 𝐏𝐀𝐆𝐓𝐔𝐆𝐎𝐍 𝐍𝐆 𝐋𝐎𝐊𝐀𝐋 𝐍𝐀 𝐏𝐀𝐌𝐀𝐇𝐀𝐋𝐀𝐀𝐍 𝐒𝐀 𝐍𝐀𝐆𝐀𝐍𝐀𝐏 𝐍𝐀 𝐑𝐎𝐀𝐃 𝐂𝐑𝐀𝐒𝐇 𝐈𝐍𝐂𝐈𝐃𝐄𝐍𝐓 𝐒𝐀 𝐁𝐑𝐆𝐘. 𝐊𝐈𝐍𝐀𝐋𝐀𝐆𝐋𝐀𝐆𝐀𝐍
Abril 26, 2026, bandang 11:00 ng umaga, isang malungkot na road crash incident ang naganap sa Brgy. Kinalaglagan. Agad na tumugon ang inyong lokal na pamahalaan upang magpaabot ng tulong at masuri ang sitwasyon.
Personal na pinuntahan ni Mayor Ellery Gardiola-Silva at Vice Mayor Engr. Earel Gardiola ang ospital upang masuri ang kalagayan at matiyak na mabibigyan ng sapat na lunas ang mga kababayan nating nasangkot sa aksidente sa Brgy. Kinalaglagan.
Sa direktiba ni Mayor Ellery Gardiola-Silva, agad ding nagsagawa ng masusing pagsusuri sa accident site si Vice Mayor Engr. Earel Gardiola. Katuwang sa naturang inspeksyon ang:
• Municipal Engineering Office
• MDRRMO sa pangunguna ni Sir Gian Vergara
• Barangay Nangkaan Officials
• Brgy. Kinalaglagan Officials
Layunin ng nasabing pagbisita na suriin ang kaligtasan ng kalsada at makahanap ng mga paraan upang maiwasan ang anumang pagkakaroon ng ganitong uri ng sakuna sa nasabing lugar.
Sa kasalukuyan, nananatiling "under investigation" o patuloy na iniimbestigahan ng Mataasnakahoy Police Station ang buong detalye ng insidente upang matukoy ang lahat ng sanhi ng pagkakaroon ng mechanical failure ng naturang sasakyan.
Ang Lokal na Pamahalaan ay kaisa ng mga pamilya sa panalangin para sa mabilis na paggaling ng mga nasugatan at nagpapaabot ng taos-pusong pakikiramay sa mga pamilya ng pumanaw sa aksidenteng ito.
Muli, pinaaalalahanan ang lahat ng ating mga motorista na maging doble ingat at laging siguruhing nasa maayos na kondisyon ang inyong mga sasakyan bago bumiyahe.

02/04/2026

SEMANA SANTA 2026
HUWEBES SANTO
ika-02 ng Abril, 2026

Sa paggunita ng Semana Santa 2026, pag-alalay ng may buong kahandaan ang tinitiyak ng Mataasnakahoy Municipal Disaster Risk Reduction and Management Council, sa pangunguna ng ating butihing Mayor Hon. Lucia Ellery L. Gardiola-Silva, Vice Mayor Hon. Engr. Earel Benedicto L. Gardiola, at Sangguniang Bayan Members, upang matiyak ang kaligtasan, kaayusan, at kapayapaan ng ating komunidad. Nakaantabay ang mga responders at vital personnel, kagamitan, at mga kaukulang ahensya sa anumang posibleng pangangailangan ng mamamayan.

Hinihikayat ang lahat na maging mapagmatyag, sumunod sa mga alituntunin, at panatilihin ang diwa ng pananampalataya, disiplina, at malasakit sa kapwa.

02/04/2026

Sa pagninilay, pagdarasal, at paglalakbay ngayong Semana Santa, nawa’y manaig ang kaligtasan, kapayapaan, at matibay na pananampalataya sa bawat isa. 🙏
Sa bawat hakbang ng ating paglalakbay, dalhin natin ang pag-iingat, disiplina, at malasakit—hindi lamang para sa sarili kundi para rin sa kapwa.
Bilang paalala sa lahat:
• Uminom ng sapat na tubig upang maiwasan ang dehydration, lalo na sa init ng panahon.
• Iwasan ang ipinagbabawal na inumin at gawain upang mapanatili ang kaayusan at kaligtasan.
• Magdala ng first aid kit para sa agarang tugon sa anumang hindi inaasahang pangyayari.
• Siguraduhing maayos ang kalusugan bago bumiyahe upang makaiwas sa abala at panganib.
• Tingnan ang weather forecast upang makapaghanda sa anumang pagbabago ng panahon.
• Maging alerto laban sa mga masasamang loob at panatilihin ang pagiging mapagmatyag.
• Siguraduhing maayos ang sasakyan bago umalis para sa ligtas na biyahe.
• Panatilihing malinis ang mga lugar na ating pupuntahan bilang paggalang sa kalikasan at kapwa.
Ang mga paalalang ito ay gabay upang masiguro ang maayos, ligtas, at makabuluhang paggunita ng Semana Santa. Nawa’y magsilbi rin itong panahon ng pagninilay, pagbabalik-loob, at pagpapalalim ng ating pananampalataya.
Mapayapa at makabuluhang Semana Santa sa ating lahat. 🙏

Sa pagninilay, pagdarasal, at paglalakbay ngayong Semana Santa, nawa’y manaig ang kaligtasan, kapayapaan, at matibay na pananampalataya sa bawat isa 🙏

Sa bawat hakbang ng ating paglalakbay, dalhin natin ang pag-iingat, disiplina, at malasakit—hindi lamang para sa sarili kundi para rin sa kapwa.

Bilang paalala sa lahat:
• Uminom ng sapat na tubig upang maiwasan ang dehydration lalo na sa init ng panahon.
• Iwasan ang ipinagbabawal na inumin at gawain upang mapanatili ang kaayusan at kaligtasan.
• Magdala ng first aid kit para sa agarang tugon sa anumang hindi inaasahang pangyayari.
• Siguraduhing maayos ang kalusugan bago bumiyahe upang makaiwas sa abala at panganib.
• Tingnan ang weather forecast upang makapaghanda sa anumang pagbabago ng panahon.
• Maging alerto laban sa mga masasamang loob at panatilihin ang pagiging mapagmatyag.
• Siguraduhing maayos ang sasakyan bago umalis para sa ligtas na biyahe.
• Panatilihing malinis ang mga lugar na ating pupuntahan bilang paggalang sa kalikasan at kapwa.

Ang mga paalalang ito ay gabay upang masiguro ang maayos, ligtas, at makabuluhang paggunita ng Semana Santa. Nawa’y magsilbi rin itong panahon ng pagninilay, pagbabalik-loob, at pagpapalalim ng ating pananampalataya.

Mapayapa at makabuluhang Semana Santa sa ating lahat. 🙏

02/04/2026

Ngayong Semana Santa 2026, ang Lokal na Pamahalaan ng Mataasnakahoy, sa pangunguna ng ating butihing Mayor Hon. Lucia Ellery L. Gardiola-Silva, Vice Mayor Hon. Engr. Earel Benedicto L. Gardiola, at Sangguniang Bayan Members, ay muling nagpapatupad ng LIGTAS SUMVAC upang tiyakin ang kaligtasan at kaayusan ng ating pamayanan.
Kabilang dito ang pagbabantay sa mga pampublikong lugar, pagpapatupad ng mga checkpoint, pagresponde sa mga emergency situations, at pagbibigay ng agarang tulong medikal kung kinakailangan.
Mahigpit namang pinapaalalahan ang publiko na sa oras na aalis at magbabakasyon sa ibang lugar, ay maiging doblehin ang pag-iingat sa sandaling iwan ang kani-kanilang tahanan upang matiyak ang kaligtasan kontra sa sunog lalo't higit ngayong mainit ang panahon. Pinapayuhan din ang lahat na iwasan ang mag-post ng inyong mga real-time na larawan at lokasyon sa social media para sa seguridad ng inyong naiwang tahanan.
Sa oras ng sakuna o anumang pangangailangan, tumawag lamang po sa mga EMERGENCY HOTLINE NUMBERS na nasa larawan.

11/03/2026

Ipinababatid sa lahat na magkakaroon ng Nationwide Simultaneous Earthquake Drill (NSED) bukas, ika-3:30 ng hapon. Kaugnay nito, ang lahat ng barangay, paaralan, at mga tanggapan ay inaanyayahang makilahok sa nasabing aktibidad bilang bahagi ng patuloy na paghahanda at pagpapalakas ng kakayahan ng ating komunidad sa pagtugon sa mga lindol at iba pang sakuna.

Inaanyayahan ang lahat na aktibong makiisa at sundin ang mga itinakdang hakbang sa pagsasagawa ng earthquake drill upang mapalakas ang kaalaman sa tamang paglikas at pag-iingat sa oras ng lindol.

Maraming salamat sa inyong pakikiisa sa pagpapalakas ng kahandaan ng ating komunidad!

19/02/2026

𝙏𝘼𝘼𝙇 𝙑𝙊𝙇𝘾𝘼𝙉𝙊 𝙎𝙏𝘼𝙏𝙐𝙎 𝙐𝙋𝘿𝘼𝙏𝙀
𝘼𝙎 𝙊𝙁 12:00 𝘼𝙈 / 𝙁𝙀𝘽𝙍𝙐𝘼𝙍𝙔 19, 2026 | 𝘼𝙇𝙀𝙍𝙏 𝙇𝙀𝙑𝙀𝙇 1

𝙆𝘼𝙐𝙉𝙏𝙄𝙉𝙂 𝙋𝘼𝘼𝙇𝘼𝙇𝘼:
-Iwasan ang paglapit o pagpunta sa Taal Volcano Island.
-Manatiling alerto at makinig sa mga opisyal na abiso.
-Gumamit ng facemask kung may naamoy na asupre o usok.
-Iwasang magpakalat ng hindi kumpirmadong impormasyon.

Para sa mga pinakahuling ulat at anunsiyo, manatiling nakatutok sa opisyal na page ng MDRRMO Mataasnakahoy.

"Maging alerto at laging handa. Sundin ang mga babala at alituntunin para sa inyong kaligtasan. Ang pag-iingat ngayon ay buhay na ligtas bukas."

12/02/2026

𝙏𝘼𝘼𝙇 𝙑𝙊𝙇𝘾𝘼𝙉𝙊 𝙎𝙏𝘼𝙏𝙐𝙎 𝙐𝙋𝘿𝘼𝙏𝙀
𝘼𝙎 𝙊𝙁 12:00 𝘼𝙈 / 𝙁𝙀𝘽𝙍𝙐𝘼𝙍𝙔 12, 2026 | 𝘼𝙇𝙀𝙍𝙏 𝙇𝙀𝙑𝙀𝙇 1

𝙆𝘼𝙐𝙉𝙏𝙄𝙉𝙂 𝙋𝘼𝘼𝙇𝘼𝙇𝘼:
-Iwasan ang paglapit o pagpunta sa Taal Volcano Island.
-Manatiling alerto at makinig sa mga opisyal na abiso.
-Gumamit ng facemask kung may naamoy na asupre o usok.
-Iwasang magpakalat ng hindi kumpirmadong impormasyon.

Para sa mga pinakahuling ulat at anunsiyo, manatiling nakatutok sa opisyal na page ng MDRRMO Mataasnakahoy.

"Maging alerto at laging handa. Sundin ang mga babala at alituntunin para sa inyong kaligtasan. Ang pag-iingat ngayon ay buhay na ligtas bukas."