Kapitan Dante Malimban

01/06/2026

Taos-puso pong pasasalamat kay Ms. Arcee D. Fabon, Founding President ng PARDSS FII PNP Force Multiplier, at sa buong organisasyon sa pagkakaloob ng Plaque of Appreciation bilang Most Supportive Adviser – Chapter Category.

Lubos kong pinahahalagahan ang pagkilalang ito. Nawa'y magsilbi itong inspirasyon upang higit pang paigtingin ang ating pagtutulungan at sama-samang adhikain para sa kapayapaan, kaayusan, at mas maunlad na komunidad.

Maraming salamat po sa inyong tiwala, suporta, at pagkilala. Mabuhay ang PARDSS FII PNP Force Multiplier at ang lahat ng mga boluntaryong patuloy na naglilingkod para sa bayan! 🙏🏆🇵🇭

28/05/2026

Maraming salamat po sa inyong lahat maaasahan po talaga kayo palagi!!🙏🏻🥰

26/05/2026

❤️❤️❤️

“𝐁𝐚𝐫𝐚𝐧𝐠𝐚𝐲 𝐂𝐨𝐨𝐫𝐝𝐢𝐧𝐚𝐭𝐨𝐫𝐬” 𝐧𝐠 𝐀𝐥𝐚𝐬𝐚𝐬𝐢𝐧: 𝐃𝐚𝐡𝐢𝐥𝐚𝐧 𝐊𝐮𝐧𝐠 𝐁𝐚𝐤𝐢𝐭 ‘𝐃𝐢 𝐍𝐚 𝐊𝐚𝐢𝐥𝐚𝐧𝐠𝐚𝐧𝐠 𝐏𝐮𝐦𝐢𝐥𝐚 𝐒𝐚 𝐀𝐲𝐮𝐝𝐚

Sa Barangay Alasasin, tuwing may ayuda gaya ng Pamaskong Handog, groceries, bigas, o iba pang assistance, hindi na kailangang pumila nang matagal sa Barangay Hall ang mga residente.

Ibig sabihin, iwas na sa mahabang pila sa ilalim ng init ng araw, gastos sa pamasahe papunta sa barangay, at maging sa pagliban pa sa trabaho para lamang makahabol sa distribution. Para sa maraming pamilya, malaking ginhawa ito lalo na sa mga may trabaho, senior citizens, at may maliliit na anak.

Paano ito nagagawa?

Dahil ito sa gumaganang sistemang tinatawag nilang “Barangay Coordinators.” Sa halip na magsiksikan ang libo-libong residente sa isang lugar, may mga nakatalagang coordinators sa iba’t ibang sitio na nagsisilbing tulay ng barangay at komunidad.

Sa sistemang ito, ang mga goods tulad ng groceries, bigas, at iba pang ayuda ay dinadala o ipinapamahagi sa pamamagitan ng mga sitio coordinators. Sila ang tumutulong sa maayos na paglista, pag-update ng beneficiaries, at pakikipag-ugnayan sa mga residente upang masigurong organisado at patas ang distribution.

Humigit-kumulang 20+ coordinators ang tumutulong sa barangay para mapanatiling maayos ang sistema. Sa kabila ng humigit-kumulang 8,200+ households/families at mahigit 24,000+ residente, masinop nilang ina-update ang mga listahan upang matiyak na walang maiiwan at lahat ay mabibigyan ng tamang impormasyon at serbisyo.

Sa katunayan, tuwing may Pamaskong Handog mula sa local government unit, kapansin-pansin ang bilis ng pamamahagi dahil hindi na kailangang magsimula sa magulong pila o dagsaan. Mas napapabilis ang proseso dahil may organisadong sistema na umaabot hanggang sitio level.

Isang sistemang maaring maging inspirasyon o modelo para sa ibang barangay? Sa panahon na mahalaga ang mabilis, organisado, at maayos na serbisyo publiko, maaaring isang epektibong paraan ito para mapabilis ang distribution ng ayuda at mas mailapit ang serbisyo sa bawat tahanan.