Marion Andres

08/09/2026

Isang pasyente ang dumulog sa Alagang Marikina City Medical Clinic para magpatingin. Habang siya ay kinakausap at ina-assess, ibinahagi niya ang kanyang kuwento tungkol sa kanyang pamilya—isang kuwento ng sunod-sunod na pagkawala ng mga mahal niya sa buhay.

Mga mabibigat na pagsubok sa kanilang mag asawa at pamilya;

Ang kanyang apo, 23 taong gulang, ay pumanaw dahil sa leukemia.

Ang kanyang anak, 40 taong gulang, ay pumanaw naman dahil sa cancer of the bone.

At ang isa pa niyang anak ay pumanaw naman dahil sa heart attack sa edad na 48.

Sa bawat pagbanggit niya sa mga pangyayaring ito, mararamdaman ang bigat ng mga pagkawala nila. Hindi madaling mawalan ng anak at apo—mga taong bahagi ng kanyang buhay at mga alaala.

Ngunit sa kabila ng lahat ng sakit at pagsubok, patuloy silang bumabangon at pinipiling alagaan ang kanilang sarili.

Ang kanyang kuwento ay paalala sa ating lahat na mahalaga ang ating kalusugan. Huwag hintaying lumala ang nararamdaman bago magpatingin. Ang regular na check-up at maagang pagtuklas ng sakit ay mahalagang hakbang sa pangangalaga ng buhay.

𝐒𝐚 𝐀𝐥𝐚𝐠𝐚𝐧𝐠 𝐌𝐚𝐫𝐢𝐤𝐢𝐧𝐚 𝐂𝐢𝐭𝐲 𝐌𝐞𝐝𝐢𝐜𝐚𝐥 𝐂𝐥𝐢𝐧𝐢𝐜, 𝐡𝐢𝐧𝐝𝐢 𝐥𝐚𝐦𝐚𝐧𝐠 𝐧𝐚𝐦𝐢𝐧 𝐢𝐧𝐚𝐚𝐥𝐚𝐠𝐚𝐚𝐧 𝐚𝐧𝐠 𝐤𝐚𝐫𝐚𝐦𝐝𝐚𝐦𝐚𝐧—𝐩𝐢𝐧𝐚𝐤𝐢𝐤𝐢𝐧𝐠𝐠𝐚𝐧 𝐝𝐢𝐧 𝐧𝐚𝐦𝐢𝐧 𝐚𝐧𝐠 𝐤𝐮𝐰𝐞𝐧𝐭𝐨 𝐧𝐠 𝐛𝐚𝐰𝐚𝐭 𝐩𝐚𝐬𝐲𝐞𝐧𝐭𝐞.

Dahil sa likod ng bawat pasyente ay may kuwento, may pamilya, may pinagdadaanan, at may buhay na dapat pahalagahan. 🧡

Alagang Marikina City — Serbisyong Pangkalusugan, Malapit sa Puso ng Marikeño.

07/09/2026

Cold o warm compress? Alamin kung alin ang angkop sa iyong nararamdaman. Ang cold compress ay para makatulong sa pamamaga at pananakit, habang ang warm compress ay nakatutulong sa pananakit at paninigas ng kalamnan. 🧡💙

Tamang kaalaman, tamang pag-aalaga!

04/09/2026

May isang pasyente na nagtungo sa Alagang Marikina Medical Clinic upang magpa-check-up.

Ayon sa kanya, nababad siya sa baha noong nakaraang habagat dahil kinailangan niyang lumusong sa baha bilang bahagi ng kanyang trabaho.

Sa isinagawang assessment at check-up ng ating medical team, nakitaan siya ng mga sintomas na maaaring kaugnay ng Leptospirosis.

Dahil dito, agad namin siyang inirefer sa ospital upang maisagawa ang kinakailangang pagsusuri at mabigyan ng agarang gamutan bago pa lumala ang kanyang kondisyon.

Huwag balewalain ang mga sintomas lalo na kung ikaw ay nababad o lumusong sa baha.

Ang maagap na pagpapatingin at tamang gamutan ay mahalaga upang maiwasan ang malubhang komplikasyon.

03/09/2026

Alagaan ang bato, iwas dialysis! 🧡

Kontrolin ang blood sugar at blood pressure, kumain nang wasto, uminom ng sapat na tubig, maging aktibo, iwasan ang maling paggamit ng gamot, at magpa-regular check-up.

Maliit na hakbang araw-araw, malaking tulong para sa malusog na bato! 💙

02/09/2026

Akala nila simpleng pagkadulas lang… ngunit may mas seryosong senyales palang nakita. 🧡

Nadulas si Nanay sa kanilang bahay kaya agad siyang dinala ng kanyang mga kasama sa Alagang Marikina Medical Clinic upang magpatingin.
Sa isinagawang check-up at assessment, napansin ng ating healthcare team ang mga senyales na maaaring indikasyon ito ng stroke.

Agad nating ipinaalam sa kanyang mga kasama na kailangan siyang madala sa ospital para sa mas masusing pagsusuri at agarang gamutan, upang maiwasan ang paglala ng kanyang kondisyon at mga komplikasyon. Agad ding tinawagan natin ang Marikina Rescue 161 upang mabilis at ligtas siyang maihatid sa ospital.

Sa stroke, bawat minuto ay mahalaga. Huwag balewalain ang anumang biglaang pagbabago sa kilos, pagsasalita, mukha, o lakas ng katawan.

Sa Alagang Marikina City — laging handang umagapay, dahil ang bawat buhay ay mahalaga.

31/08/2026

MAAYOS ANG MARIKINA DAHIL TULONG-TULONG TAYO 💙

Maraming salamat sa ating mga kawani ng Marikina LGU, volunteer organizations, at higit sa lahat, sa bawat taga-Marikina na nakipagtulungan para mabilis nating maibalik sa ayos ang ating lungsod matapos ang habagat.

Hindi tayo perpekto bilang lungsod. Marami pa tayong kailangang ayusin at pagbutihin. Pero sa bawat pagsubok, lagi nating napapatunayan na walang titibag sa tatag at pagtutulungan natin.

Taas-noong isisigaw sa mundo, taga-Marikina tayo!

30/08/2026

BAYANI SA GITNA NG HAMON. 💪🇵🇭

Sa bawat sakuna at pagsubok, muling ipinakita ng ating mga kababayan ang tunay na diwa ng bayanihan. Sama-samang kumikilos, nagtutulungan, at umaalalay sa isa’t isa upang makabangon.

Ang pagkakaisa at malasakit sa kapwa ang ating lakas sa anumang hamon. 🧡💙

30/08/2026

30/08/2026

30/08/2026