Barangay Concepcion Uno

01/06/2026

Tingnan:

Tulong-Aral, Tulong-Buhay: Sama-Samang Pagkalinga Para sa Kabataang Concepcion Uno

Sa pangunguna ng Cornerstone Community Church, katuwang ang Sangguniang Barangay of Concepcion Uno, isinagawa ang distribution of school supplies at feeding program para sa mga batang benepisyaryo na ginanap sa Col. Divino Street, Concepcion Uno.

Layunin ng aktibidad na magbigay ng suporta sa mga mag-aaral sa kanilang pagpasok sa paaralan, pati na rin ang pagbibigay ng masustansyang pagkain upang mapalakas ang kanilang kalusugan at sigla sa araw-araw na pag-aaral.

Maraming salamat sa Cornerstone Community Church sa patuloy na malasakit at pakikiisa sa mga programa ng ating barangay para sa kapakanan ng bawat pamilya at kabataan. 💙

01/06/2026

Tingnan:

🇵🇭 FLAG RAISING CEREMONY NG HUNYO 2026 🇵🇭

Sa unang Lunes ng buwan ng Hunyo 2026, nagkaisa ang Sangguniang Barangay, mga Kawani, Lupong Tagapamayapa, Barangay Health Workers, Barangay Task Force, Senior Citizens, STI Students, Sector 6 Police Station, at mga Barangay Volunteers sa isinagawang Flag Raising Ceremony bilang pagpapakita ng pagkakaisa, disiplina, at patuloy na paglilingkod sa ating komunidad.

Sama-sama nating salubungin ang bagong buwan na may dedikasyon at malasakit para sa mas maunlad na Barangay Concepcion Uno.

01/06/2026

Tingnan:

🦟🚫 FOGGING OPERATION | BARANGAY CONCEPCION UNO

Patuloy po ang ating kampanya laban sa dengue sa pamamagitan ng pagsasagawa ng Fogging Operation sa mga sumusunod na lugar:

📍 J. Molina Street
📍 Araneta Subdivision
📍 R. Santos Street

Ang gawaing ito ay bahagi ng ating patuloy na pagsisikap upang mabawasan ang pagdami ng lamok na nagdadala ng dengue at mapanatiling ligtas at malusog ang ating komunidad.

Kasabay nito, hinihikayat natin ang bawat residente na makiisa sa paglilinis ng kanilang mga bakuran at alisin ang mga lugar na maaaring pamugaran ng lamok tulad ng mga nakatiwangwang na lalagyan ng tubig, lumang gulong, at iba pang maaaring pagmulan ng stagnant water.

Sa sama-samang pagkilos, mas mapapalakas natin ang ating laban kontra dengue at mapoprotektahan ang kalusugan ng bawat pamilyang Concepcion Uno.

30/05/2026

Tingnan:

🏆🏐 MULA SA BARANGAY CONCEPCION UNO, ISANG TAOS-PUSONG PAGBATI! 🏐🏆

Malugod naming binabati ang Men's Volleyball Team ng Concepcion Elementary School sa inyong pagkakahirang bilang CHAMPION sa Palarong Pambansa!

Labis po namin kayong ipinagmamalaki sa ipinakita ninyong sipag, disiplina, determinasyon, at husay. Ang inyong tagumpay ay hindi lamang karangalan para sa inyong paaralan kundi para rin sa buong komunidad ng Concepcion Uno.

Kayo ay naging inspirasyon sa ating mga kabataan na patuloy na mangarap, magsikap, at maniwala sa kanilang kakayahan.

Maraming salamat sa pagdadala ng karangalan at pagtaas ng ating bandera sa pambansang entablado.

Patuloy na magniningning at maging huwaran ng galing at pagkakaisa.

Mabuhay ang ating mga kampeon! 💚💛🏆

29/05/2026

🇵🇭 𝐏𝐀𝐊𝐈𝐊𝐈𝐈𝐒𝐀 𝐍𝐆 𝐁𝐀𝐑𝐀𝐍𝐆𝐀𝐘 𝐂𝐎𝐍𝐂𝐄𝐏𝐂𝐈𝐎𝐍 𝐔𝐍𝐎 𝐒𝐀 𝐍𝐀𝐓𝐈𝐎𝐍𝐀𝐋 𝐅𝐋𝐀𝐆 𝐃𝐀𝐘𝐒 🇵🇭

Mula Mayo 28, 2026 hanggang Hunyo 12, 2026, nakikiisa ang Barangay Concepcion Uno sa pagdiriwang ng National Flag Days bilang pagpapakita ng pagmamahal, paggalang at pagpapahalaga sa ating Pambansang Watawat.

Ang ating watawat ay simbolo ng kalayaan, pagkakaisa, at kabayanihan ng bawat Pilipino. Nawa’y magsilbi itong inspirasyon upang lalo nating mahalin at paglingkuran ang ating bayan.

Inaanyayahan ang lahat ng mamamayan na makiisa sa pagpapakita at paggalang sa ating Pambansang Watawat bilang tanda ng ating pagkakaisa at pagmamalaki bilang Pilipino.

🇵🇭 “Watawat ng Pilipinas, simbolo ng ating kalayaan, pagkakaisa, at pagkabayani.”

29/05/2026

Tingnan:

🌿🚴‍♂️ “LINIS BIKELANE: Sama-Samang Aksyon Para sa Mas Ligtas at Maaliwalas na Bikelane” 🚮✨

Nagsagawa ng Clean-Up Drive Operation ang Sangguniang Barangay ng Concepcion Uno sa kahabaan ng bikelane sa Simeona Village bilang bahagi ng patuloy na pagpapanatili ng kalinisan, kaayusan, at kaligtasan sa ating komunidad.

Sa pamamagitan ng sama-samang pagtutulungan ng mga kawani ng barangay, nilinis ang mga naipong basura at iba pang sagabal sa bikelane upang maging mas maayos at ligtas itong daanan ng mga residente, siklista, at motorista.

Patuloy nating isabuhay ang disiplina at malasakit sa kapaligiran upang mapanatiling malinis at maaliwalas ang ating barangay.

Maraming salamat po sa lahat ng nakiisa at sumuporta sa ating programa para sa kalinisan at kaayusan ng komunidad. 💚

28/05/2026

Tingnan:

🤝 𝗦𝗔𝗠𝗔-𝗦𝗔𝗠𝗔 𝗣𝗔𝗥𝗔 𝗦𝗔 𝗠𝗔𝗣𝗔𝗬𝗔𝗣𝗔𝗡𝗚 𝗣𝗔𝗠𝗔𝗬𝗔𝗡𝗔𝗡

𝗕𝘂𝘄𝗮𝗻𝗮𝗻𝗴 𝗣𝘂𝗹𝗼𝗻𝗴 𝗻𝗴 𝗟𝘂𝗽𝗼𝗻 𝗧𝗮𝗴𝗮𝗽𝗮𝗺𝗮𝘆𝗮𝗽𝗮

Nagsagawa ng buwanang pagpupulong ang mga miyembro ng Lupon Tagapamayapa ng Sangguniang Barangay ng Concepcion Uno bilang bahagi ng patuloy na pagpapalakas ng maayos, mabilis, at mapayapang paglutas ng mga suliranin at hindi pagkakaunawaan sa ating komunidad.

Tinalakay sa naturang pagpupulong ang iba’t ibang usapin kaugnay ng Katarungang Pambarangay, updates sa mga kaso, mga hakbang para sa mas epektibong mediation at conciliation process, gayundin ang mga programa at plano upang higit pang mapanatili ang kapayapaan at kaayusan sa ating barangay.

Patuloy ang pakikiisa at dedikasyon ng ating Lupon Tagapamayapa sa pagsusulong ng pagkakaisa, maayos na pakikipagkapwa, at mapayapang pamayanan para sa bawat mamamayan ng Barangay Concepcion Uno.

28/05/2026

🌱♻️ 𝐏𝐀𝐆𝐏𝐀𝐏𝐀𝐋𝐀𝐊𝐀𝐒 𝐍𝐆 𝐙𝐄𝐑𝐎 𝐖𝐀𝐒𝐓𝐄 𝐌𝐀𝐍𝐀𝐆𝐄𝐌𝐄𝐍𝐓 ♻️🌱

Nagsagawa ang Sangguniang Barangay ng Concepcion Uno ng pamamahagi ng mga Food Waste Bucket sa mga residente ng Saint Claire III Subdivision bilang bahagi ng patuloy na pagpapatupad ng ating Zero Waste Management Program at pagsusulong ng tamang segregasyon ng basura sa bawat tahanan.

Layunin ng programang ito na mabawasan ang pagtatapon ng nabubulok na basura, mapanatili ang kalinisan ng komunidad, at hikayatin ang bawat mamamayan na makiisa sa pangangalaga sa ating kapaligiran.

Maraming salamat po sa pakikiisa at suporta ng ating mga residente sa adbokasiya ng Barangay Concepcion Uno tungo sa mas malinis, mas maayos, at mas luntiang pamayanan. 🌿

26/05/2026