Municipal Government of Maria Aurora - Aurora Province

04/05/2026

TINGNAN: LGU MARIA AURORA, PINANGUNAHAN ANG PAGPAPASINAYA NG MUSEO NG EGONGOT AT GUSALI NG PAMANA, KULTURA, AT SINING SA BRGY. BAYANIHAN, MARIA AURORA, AURORA

Sa pagdiriwang ng National Heritage Month, kaninang umaga, Mayo 4, 2026, pormal nang pinasinayaan at binuksan ang Museo ng Egongot at Gusali ng Pamana, Kultura, at Sining na matatagpuan sa Brgy. Bayanihan, Maria Aurora, Aurora kung saan naninirahan ang mga katutubong Egongot. Sa kauna-unahang pagkakataon, sa Lalawigan ng Aurora ay nagkaroon ng isang Museo na nakatuon sa mayamang kultura, tradisyon at pagkakakilanlan ng isang tribo upang ipreserba at bigyang buhay ang mga kwento, ala-ala, at gawang sining ng katutubong Egongot.

Sa pagbubukas ng naturang Museo ay pagbubukas din ng maraming oportunidad hindi lamang para sa tribong Egongot pagdating sa kanilang pangkabuhayan kundi maging sa buong bayan ng Maria Aurora dahil ito ay magsusulong ng turismo sa munisipalidad.

Ang masayang okasyong ito ay dinaluhan ng mga opisyales at mga kawani ng LGU Maria Aurora sa pangunguna ni Punong Bayan Kgg. Ariel Bitong, kasama ang mga miyembro ng Sangguniang Bayan na pinangunahan ni Pangalawang Punong Bayan Kgg. Enrico Cordova at Tagapangulo ng Komite ng Turismo, Kgg. Aleirah Bitong. At hindi mawawala ang mga bida ng naturang okasyon, ang tribong Egongot na pinangunahan ng kanilang chieftain, G. Matan Caanawan kasama ang BEFWA ( Bayanihan- Egongot Farmers and Weavers Association), Bayanihan National High School, at ang Pamahalaang Barangay ng Bayanihan sa pangunguna ng kanilang Punong Barangay, Kgg. Exequiel Aliwak.

Masayang nakiisa rin at nagbigay ng suporta ang Pamahalaang Panlalawigan ng Aurora sa pamamagitan ni Pangalawang Punong Lalawigan Atty. Patrick Angara at Provincial Tourism Office sa pangunguna ni Provincial Tourism Officer Ana Riza Mendoza. Sa mensahe ng Pangalawang Punong Lalawigan, Atty. Patrick Angara, binigyang-diin nya ang kahalagahan ng tamang pangangalaga at masigurado ang maayos na pagpreserba ng mga artifact, koleksyon, at mga likhang sining ng katutubong Egongot. Dagdag pa nya, isasama ang Museo ng Egongot sa Aurora Tourism Map upang maging bahagi ng mga pangunahing destinasyon na maaaring puntahan ng mga turista sa Lalawigan.

Sa inisyatibo ni Punong Bayan Ariel Bitong at sa pagiging aktibo ng Maria Aurora Tourism Office sa pangunguna ni G. Noel Dulay, designated Tourism Officer, ay naisakatuparan ang pangarap na ito na magkaroon ng isang gusali para gawing Museo ng Egongot na siyang unang nanirahan sa bayan ng Maria Aurora upang ipakilala at ipagmalaki sa buong mundo, ang Ganda ng Maria Aurora.

At sa pagtutulungan at pagkakaisa ng lahat sa pangunguna ng LGU Maria Aurora sa pamamagitan ng Maria Aurora Tourism Office kasama ang tribong Egongot at Barangay Bayanihan ay sama-samang papaunlarin at hihikayatin ang lahat na bisitahin ang Museo ng Egongot upang makilala at malaman ang makulay na kasaysayan at pinagmulan.

Sa mga gustong bumisita sa Museo ng Egongot ay maaaring makipag- ugnayan sa Maria Aurora Tourism Office.

04/05/2026

03/05/2026

28/04/2026

LOOK | 𝗔𝗦𝗖𝗢𝗧 𝗱𝗼𝗰𝘂𝗺𝗲𝗻𝘁𝘀 𝗿𝗮𝗿𝗲 𝗥𝗮𝗳𝗳𝗹𝗲𝘀𝗶𝗮 𝗯𝗹𝗼𝗼𝗺 𝗶𝗻 𝗦𝗶𝗲𝗿𝗿𝗮 𝗠𝗮𝗱𝗿𝗲 𝘄𝗶𝘁𝗵 𝗠𝗮𝗿𝗶𝗮 𝗔𝘂𝗿𝗼𝗿𝗮

April 2026 — The Aurora State College of Technology (ASCOT), through a team from the Aurora Biodiversity Conservation Center of the School of Forestry and Environmental Sciences (SFES) led by Director Dr. Roselyn Uy, conducted a field visit to the Aurora Memorial National Park in Maria Aurora to document a rare flowering of Rafflesia lagascae within the Sierra Madre mountain range.

The activity was carried out upon the request of the Municipal Tourism Office of Maria Aurora, led by Tourism Officer Noel C. Dulay, following another recorded sighting of the species in the protected area. This marks the second documented occurrence in two consecutive years, after a similar bloom was observed in April 2025.

Responding to the call, ASCOT mobilized its team to assist in documenting and studying the species in its natural habitat—supporting biodiversity conservation efforts and science-based ecotourism initiatives in Aurora Province.

Belonging to the Rafflesia genus—globally known for producing the world’s largest flowers—Rafflesia lagascae is considered one of the smaller species. Despite its size, it remains rare and ecologically significant, thriving only under specific forest conditions. Its presence within the Sierra Madre highlights the importance of protecting the region’s rich and fragile ecosystems.

ASCOT President Renato G. Reyes has consistently emphasized the role of research in advancing environmental protection and strengthening community awareness, particularly in ecologically sensitive areas.

As interest in the rare bloom grows, the public is reminded that the collection, disturbance, or poaching of Rafflesia and other protected species is strictly prohibited. Visitors are encouraged to practice responsible tourism and coordinate with local authorities to help preserve this unique natural heritage.

28/04/2026

📢 ANUNSYO PARA SA MGA NAGNANAIS MAGING SUMMER TUTORS!

Ang Lokal na Pamahalaan ng Maria Aurora ay naghahanap ng sampung (10) ARAL Program Summer Tutors para sa dalawampung (20) araw na implementasyon ng programa ngayong bakasyon.

Ang inisyatibong ito ay buong pusong sumusuporta sa Department of Education ARAL Program—isang hakbang upang matulungan ang ating mga mag-aaral na mapaunlad ang kanilang kasanayan sa pagbasa, pagsulat, at pagbilang.

Bilang isa na rin itong ganap na ordinansa sa ating bayan, patuloy nating pinagtitibay ang ating layunin na bigyang-priyoridad ang edukasyon at kinabukasan ng kabataan sa Maria Aurora.

🗓️ Deadline ng aplikasyon: April 30, 2026
📌 Ang mga mapipiling tutors ay kinakailangang dumalo sa National Orientation sa May 4–6, 2026

✨ Kung ikaw ay may puso sa pagtuturo at nagnanais maging bahagi ng pagbabagong ito, hinihikayat ka naming mag-apply!

📍 Sama-sama nating itaguyod ang isang komunidad na may malasakit sa edukasyon—para sa mas maliwanag na kinabukasan ng bawat batang Marialeño.