23/04/2026
ANG PAKIKINIG NG MUSIKA, PAGDALO AT PAGKANTA AY BAWAL (HARAM) SA RELIHIYONG ISLAM.
Sinabi ng Imam ng Mufassiroon na si Imam At-Tabari: ❝Nagkaisa ang lahat ng mga Ulamâa (mga pantas sa Islam) sa pagbabawal ng musika.❞
Bakit nga ba bawal ang musika sa Islam? Ito ay dahil sinabi ng Allâh sa Banal na Qur’an:
قَالَ تَعَالٰى : ﴿ وَمِنَ النَّاسِ مَن يَشْتَرِي لَهْوَ الْحَدِيثِ لِيُضِلَّ عَن سَبِيلِ اللَّهِ بِغَيْرِ عِلْمٍ وَيَتَّخِذَهَا هُزُوًا ۚ أُولَٰئِكَ لَهُمْ عَذَابٌ مُّهِينٌ ﴾ سورة لقمان ، رقم الآية : ٦
﴾At mayroon sa mga tao na bumibili ng walang kabuluhan na mga pananalita – na ito ay ang anumang naglilihis mula sa pagsunod sa Allâh at humaharang sa Kanyang pagmamahal – upang iligaw nila ang mga tao mula sa Daan ng Gabay patungo sa lihis na landas at pinagtatawanan ang mga talata ng Allâh. Ang para sa kanila ay parusa na magpapababa at magpapahamak sa kanila.﴿ Qur’an 31:6
Sa âyah (verse) na ito malinaw na sinabi ng Allâh na ang musika ay isang uri ng pagliligaw sa landas ng Allâh, dahil ang musika ay alak ng puso kaya nitong baguhin ang emosyon ng tao halimbawa na lamang yong kanta ng iniwan siya ng kanyang minamahal mararamdaman ng kanyang puso na siya ay nasasaktan, kapag ang kanta naman ay patungkol sa pagmamahal nararamdaman niya rin na mayroon siyang minamahal.
Sinabi ni Ibn Mas’uod, Ibn Abbas, Jabir (ra), Ekrimah, Sa’eed Bin Jubair, Mujahid, at iba pang mga Sahâbah at Tabi’oun: ❝Ang tinutukoy sa âyah na ito na walang kabuluhang salita ay ang musika.❞ Tabari at Ibn Katheer
Ang salitang (binibili nila); Sabi ni As-Sa’die: ❝Ang kahulugan nito ay labis silang nahumaling sa musika, at handa silang bilhin pa ito o bayaran ng anumang halaga.❞
Ang mga taong yaon ay naliligaw ng landas nang hindi nila namamalayan, at naililigaw pa nila ang iba, nang dahil sa musika, kaya naman; para sa kanila ang kasindak-sindak na parusa.
Ang pag-awit ay tumutukso sa mga tao na mangalunya.
عَنِ الْحُسَيْنُ بْنُ عَبْدِ الرَّحْمَنِ قَالَ : قَالَ فُضَيْلُ بْنُ عِيَاضٍ رضي الله عنه : ❞ الْغِنَاءُ رُقْيَةُ الزِّنَا ❝
Si Al-Husayn Ibn AbdirRahman ay nag-ulat: Si Al-Fudayl Ibn 'Iyâdh (nawa'y kalugdan siya ng Allâh, ay nagsabi: ❝Ang pag-awit ay ang panawagan ng mga mangangalunya.❞ Pinagmulan: Dhamm al-Malâhī Li-Ibn Abi Ad-Dunyâ: 55
Ayon sa snabi ni Al-fudayl Ibn ‘Iyâdh na ang pag-awit daw ay ang panawagan ng mga pangangalunya (zinâ) at ang zinâ ay pinagbawal ng Allâh, mahigpit na ipinagbawal sa Islam sinabi ng Allâh sa Banal na Qur’an:
قَالَ تَعَالٰى : ﴿ وَلَا تَقْرَبُوا الزِّنَا ۖ إِنَّهُ كَانَ فَاحِشَةً وَسَاءَ سَبِيلً ﴾ سورة الإسراء ، رقم الآية : ٣٢
﴾At huwag kayong lumapit sa pakikiapid na gawain at sa anumang magiging daan tungo rito; upang hindi kayo makagawa nito, dahil katiyakang ito ay karumal-dumal na gawain at napakasamang pamamaraan.﴿ Qur’an 17:32
Sinabi rin sa Hadith ng Propeta Muhammad ﷺ:
عَنْ أَبِي مَالِكٍ الْأَشْعَرِيِّ قَالَ قَالَ رَسُولُ اللَّهِ ﷺ : ❞ لَيَشْرَبَنَّ نَاسٌ مِنْ أُمَّتِي الْخَمْرَ يُسَمُّونَهَا بِغَيْرِ اسْمِهَا يُعْزَفُ عَلَى رُءُوسِهِمْ بِالْمَعَازِفِ وَالْمُغَنِّيَاتِ يَخْسِفُ اللَّهُ بِهِمْ الْأَرْضَ وَيَجْعَلُ مِنْهُمْ الْقِرَدَةَ وَالْخَنَازِيرَ ❝
Si Abu Malik Al-Ashari ay nag-ulat: Ang Sugo ng Allâh (ﷺ) ay nagsabi: ❝Ang ilang mga tao mula sa aking nasyon (ummah) ay iinom ng alak, na tinatawag ito sa iba’t ibang mga pangalan, at ang mga instrumentong pangmusika ay patutugtog para sa kanila, at ang mga batang babae ay aawit sa kanila. Ipapalamon sila ng Allâh sa lupa, at gagawin Niya ang ilan sa kanila na mga unggoy at baboy.❞ Sunan Ibn Mâjah: 4020 | Marka: Sahih (tunay) ayon kay Ibn Al-Qayyim
Sa hadith na sinabi ng Propeta Muhammad ﷺ:
❞ مَنْ سَنَّ فِي الإِسْلاَمِ سُنَّةً حَسَنَةً فَعُمِلَ بِهَا بَعْدَهُ كُتِبَ لَهُ مِثْلُ أَجْرِ مَنْ عَمِلَ بِهَا وَلاَ يَنْقُصُ مِنْ أُجُورِهِمْ شَىْءٌ وَمَنْ سَنَّ فِي الإِسْلاَمِ سُنَّةً سَيِّئَةً فَعُمِلَ بِهَا بَعْدَهُ كُتِبَ عَلَيْهِ مِثْلُ وِزْرِ مَنْ عَمِلَ بِهَا وَلاَ يَنْقُصُ مِنْ أَوْزَارِهِمْ شَىْءٌ ❝
Pagkatapos ang Sugo ng Allâh (ﷺ) ay nagsabi: ❝Siya na nagpakilala ng ilang mabuting gawain sa Islam na sinundan pagkatapos niya (ng mga tao) siya ay makatitiyak ng gantimpala tulad ng isang sumunod dito, nang hindi nababawasan ang kanilang mga gantimpala sa anumang aspeto. At siya na nagpakilala ng ilang masamang gawain sa Islam na sinundan pagkatapos (ng iba), siya ay kinakailangan na pasanin (kasalanan) ang pasanin tulad ng isa na sumunod dito (masamang gawain) nang hindi nababawasan ang mga ito sa anumang aspeto.❞ Saheeh Muslim: 1017
Sa Hadith naito kung sino ang nag pakilala o nagbahagi ng mabuting gawain halimbawa na lamang ang salâh ang (pagdarasal) binahagi niya ito sa mga tao at sumunod sila, ang taong nag bahagi na iyon ay mag kakaroon ng gantimpala tulad ng sumunod sakanya at kung sino naman ang nag bahagi ng masamang gawain halimbawa dinala sa haram na lugar para makinig ng music o kahit ano na bawal sa Islam siya ay magkakasala at makukuha niya rin ang kasalanan tulad ng sumunod sakanya.
Ang musika ay pinagbabawal sa Islam maraming mga Ulamâa ng Ahlus Sunnah Wal Jamâ’ah (na maalam sa Relihiyong Islam) ay palagi nilang pinapaalalahanan na ang musika ay haram marahil may ibang mga tao na magsasabi na bakit si fulan o si fulana kumakanta rin at muslim siya, hindi po basihan yung tao sa relihiyong Islam kundi ang Qur’an at ang Sunnah (Hadith mga sinabi ng Propeta muhammad ﷺ).
❞ تَرَكْتُ فِيكُمْ أَمْرَيْنِ لَنْ تَضِلُّوا مَا تَمَسَّكْتُمْ بِهِمَا كِتَابَ اللَّهِ وَسُنَّةَ نَبِيِّهِ ❝
Iniulat ni Imam Malik: Ang Sugo ng Allâh (ﷺ) ay nagsabi: ❝Iniwan ko sa inyo ang dalawang bagay na hinding-hindi magliligaw sa inyo, hangga’t pinanghahawakan ninyo ang mga ito: ang Aklat ng Allâh at ang Sunnah ng kanyang Propeta.❞ Al-Muwaṭṭa’: 1661 at ito ay Saheeh ayon kay Ibn Abdulbarr
PAALALA: Ito po ang katotohanan na ang musika ay bawal na bawal sa Relihiyong Islam wala po akong pinapatamaan ito ay paalala sa bawat isa at hindi rin po ako kabilang sa mga Ulamâa, Ustad at Sheikh isa lang din po akong estudyante alhamdu lillâh bilang panghuli sinabi sa Hadith na kung saan sabihin ang katotohanan kahit ito ay mapait.
عَنْ أَبِي ذَرٍّ رضى الله عنه قَالَ : قَالَ لِي رَسُولُ اَللَّهِ : ❞ قُلِ اَلْحَقَّ , وَلَوْ كَانَ مُرًّا ❝ صَحَّحَهُ اِبْنُ حِبَّانَ فِي حَدِيثٍ طَوِيلٍ
صحيح ، رواه ابن حبان ( ٣٦١ و ٤٤٩ ) ، وله طرق عن أبي ذر ، وله شاهد أيضا .
Isinalaysay ni Abu Dharr (kalugdan nawa siya ng Allâh), ang Sugo ng Allâh (ﷺ) ay nagsabi sa akin: ❝Sabihin ang katotohanan kahit na ito ay mapait (i.e. mahirap tanggapin).❞ Ibinigay ito ni Ibn Hibban bilang Saheeh (tunay) bilang bahagi ng isang mahabang Hadith.
Totoo. Ito ay isinalaysay ni Ibn Hibban (361 at 449), at mayroon itong mga pagsasalaysay sa awtoridad ni Abu Dharr, at mayroon din itong saksi.
Halimbawa dito na kapag ikaw ay may sakit sabihin na nating lagnat kaylangan mong uminom ng gamot na paracetamol hindi bat ang lasa nito ay mapait ngunit iinumin mo ito para ikaw ay gumaling, ganon din po ang post na ito ay paalala lamang sa mga kamusliman masakit o mahirap tanggapin ngunit ito ay katotohanan.
WALLÂHU A’LAM
____________________
🔎 (FaceBook | X | Instagram | YouTube | SnapChat | Google)
