Barangay Amantillo in usa nga carline barangay han bungto han Marabut nga mayda kahirayuon nga 57 kilometro tekang han cyudad han Tacloban. It is bounded on the east han mga umhanan, on the west naatubang ha San Pedro Bay, on the North han Brgy. Pinalangga on the south han Brgy. Pagsulod niyo ha amon Barangay in makikita an mga gudti nga mga negosyo sugad han mga sari-sari stores nga pakabuhi han
14.69% han komunidad, upod gihapon an mga purupamaligya hin mga pagkaon nga aada ha 7.69%. Aada liwat ha 17% an natrabaho ha pribado ug ha gobyerno. Aanhi gihapon makikita ha amon barangay an mga opisina han gobyerno sugad han Rural Health Unit (RHU), Bureau of Fire Department (BFD), Legislative Building, Municipal Hall, Marabut National High School (MNHS), Marabut Central Elementary School (MCES), Daycare Center, ngan an Barangay Hall. An amon barangay in may kabug-usan nga populasyon nga 573, kundiin 226 an aada ha edad 0-17, 18 - above 294, ngan 53 an mga senior citizens. 279 an kababayin-an ngan 294 an kalalakin-an. 56% han kadamuon han pamilya ha amon barangay in pangisda an pakabuhi. Alas-kwatro pala han aga hira in naduso ngadto ha lawod para pamukot ngan alas-syete han aga liwat naabot. An kasagaran nga dakop han amon mga parag-isda amo an Sapsap o Lawayan, ngan kon binubwenas usahay nakakapukot liwat hira hin dagko nga isda sugad han Panet, Adlo, Burao Langkoy, Marabaraan, Marabaraan, Talho, Maryaning, Lapu-lapu, Balo, ngan Masag, og iba pa nga pa nga klase hin isda. Pero han yana nga mga panahon in kasagaran liwat maluya ngadto ha waray dakup nga isda ngan usa ini nga problema han amon mga purupanagat. Labi na kay an pag illegal fishing in medyo deri gud napopoypoy. Kon may dakop, ini in ira gin babaligya derikta ngadto hiton mga lab-asero nga mga taga iba nga barangay. An bayad han isda ginkukuhaan liwat nira para ipalit hin gasolina ug pan maintenance han Pumpboats, para hit sunod nira nga pag palawud. An sobra amo na an gin gagamit pagpalit han mga panginahanglanon han pamilya sugad han pagkaon, pamanapton, pambayad han kuryente, allowance ha eskwelahan han mga anak ug iba pa nga gastos ha panimalay. Dida han kahitabo han makaharadlok ngan makangingirhat nga delubyo dida han Nobyembre 08, 2013, kasagaran han mga sakayan pandagat han mga purupangisda nagkaruruba kaupod na an mga higamit hini. Base han datus han barangay nakada ha 54.76% han kabug-usan han purupangisda in waray na gud nahi sakpan han ira panagatan samtang 45.23 % liwat adtun partially damaged an pokotan. Mahitungod hini naruba an industriya han pangisda ha amun barangay. Damo nga pamilya an apektado hini nga panhinabo labi na adtun damo an anak ngan pangisda la an guin lalauman. Samtang haros 15% han pamilya han amon barangay in mga parag-uma. Pero ha pagkayana tungod han devastation han bagyo Yolanda han mga umhanan nakukurian na ini hira pagbalik ha pag uma labi na nga kaurugan ha produkto han lubi ini hira nkadepende sugad han tuba ngan copras. An konseho han Barangay in gin kukumponer han mga masunod:
Punong Barangay Jason V. Amantillo
Barangay Kagawad 1. Tanqui-on
2. Tanqui-on
3. Perla G. Genetia
4. Carlo Labado
5 .Alfredo T. Balbada
6. Cristita N. Demillo
7. Darwin D. Grefiel
8. Jeffrey D. Bulcase - SK Chairman
Secretary Faye Francis C. Ferreras
Treasurer Loida D. LLena
An kamaduruto ug aktibo nga mga opisyales han barangay, nahimo an Amantillo Disaster Risk Reduction and Management Committee (ADRRMC) napunadar para manguna ha mga pagplano ug paggios para malikayan o maibanan an magraut nga epekto han kataradman ngadto ha katawhan o komunidad.
