Mapandan for Every Juan

03/06/2026

Congratulations!

Isang taos-pusong pagbati sa ating mga bagong Certified Public Accountant na matagumpay na nakapasa sa May 2026 Licensure Examination for Certified Public Accountants mula sa Pamahalaang Lokal ng Mapandan sa pamumuno ni Mayor Karl Christian F. Vega.

Ang inyong sipag, sakripisyo, at dedikasyon ay nagsilbing inspirasyon sa buong bayan ng Mapandan. Nawa’y maging gabay kayo sa paghubog ng kinabukasan ng susunod na henerasyon.

Mabuhay ang mga bagong CPA ng bayan!

02/06/2026

ISANG SIGLONG PAGPAPALA

Mapandan, Pangasinan | Ngayong ika-2 ng Hunyo 2026, Malugod na nakatanggap ng cash aid mula sa Lokal na Pamahalaan ng Mapandan si Nanay Olimpia David Laluan, isang 100 taong gulang na Mapandanian na nagsisilbing inspirasyon ng katatagan, karunungan, at mahabang buhay sa ating komunidad.

Sa pangunguna ni Mayor Karl Christian F. Vega at sa pamamagitan ng tanggapan ng Municipal Social Welfare and Development Office (MSWDO) sa pamumuno ni Sir Ramil De Vera, ipinagkaloob ang nasabing ayuda bilang pagkilala at pasasalamat sa mahalagang ambag at pamana ni Nanay Olimpia sa bayan ng Mapandan.

Mabuhay po kayo, Nanay Olimpia! Nawa’y patuloy kayong pagpalain ng mabuting kalusugan, kasiyahan, at pagmamahal ng inyong pamilya at buong Mapandan.

01/06/2026

PUBLIC ADVISORY | TAX AMNESTY ON REAL PROPERTY TAX (AMILYAR)

Magandang balita, mga Kabaleyan!

Sa bisa ng Republic Act No. 12001 o ang Real Property Valuation and Assessment Reform Act, maaari nang makinabang sa Tax Amnesty Program para sa Real Property Tax (Amilyar).

- Walang penalties
- Walang surcharges
- Walang interests

Para sa lahat ng hindi nabayarang real property taxes na naipon bago ang Hulyo 5, 2024.

Maaari itong ma-avail hanggang Hulyo 5, 2026 lamang.

Hinihikayat ng Lokal na Pamahalaan ng Mapandan ang lahat ng may-ari ng lupa at iba pang real properties na samantalahin ang pagkakataong ito upang maayos ang kanilang mga obligasyon sa buwis nang walang karagdagang bayarin.

Makipag-ugnayan sa Municipal Treasurer’s Office para sa karagdagang impormasyon.

Publication Material from Province of Pangasinan Official page

01/06/2026

Happy Birthday, Hon. Freddie Penuliar, Municipal Councilor!

Ngayong araw, ipinagdiriwang natin ang buhay ng isa sa mga haligi ng ating Lokal na Pamahalaan. Salamat sa iyong pagiging ehemplo ng katatagan at malasakit, lalo na sa mga panahon ng pangangailangan.

Dalangin namin ang iyong mabuting kalusugan at patuloy na kaligayahan. Isang pagbati mula sa iyong LGU Mapandan family!

01/06/2026

Hey June!✨

Panibagong buwan na naman. Walang shortcut sa tagumpay, pero bawat paghihintay, pagsisikap, at panalangin ay may bunga sa tamang panahon.

Ngayong Hunyo, nawa’y mabuksan ang mga oportunidad na matagal mong hinihintay, matupad ang mga pangarap na matiyaga mong pinagtrabahuhan, at maranasan mo ang mga biyayang higit pa sa iyong inaasahan.

Hindi man laging madali ang buhay, patuloy tayong bumangon, lumaban, at manalig. Dahil sa bawat bagong buwan, may bagong pag-asa.

Tuloy lang! Ang pinakamagagandang bagay ay dumarating sa tamang panahon. 💙

01/06/2026

01/06/2026

Mapandan, Tampok sa MAY-KAN Tour ng DOT Region I

Mapandan, Pangasinan | Noong Mayo 28, 2026 mainit na tinanggap ni Mayor Karl Christian F. Vega ang mga delegado ng MAY-KAN Tour ng Department of Tourism Region I sa kanilang pagbisita sa bayan ng Mapandan bilang bahagi ng pagpapakilala at pagsusulong ng mga natatanging destinasyon, pagkain, at agrikultural na yaman ng ating bayan.

Kabilang sa mga bumisita ang mga kinatawan mula sa DOT Region I, Provincial Tourism and Cultural Affairs Office (PTCAO), media personalities, content creators, tour guides, at mga tourism stakeholders mula sa iba't ibang bahagi ng Pangasinan, Region I, at Pilipinas.

Pinangunahan ito nina Ms. Gay Nora Marie Gapas (DOT Region I Chief Tourism Operations Officer), Ms. Luisa Amor-Elduayan (PTCAO), at iba pang tourism partners.

Matapos ang courtesy call, nagtungo ang grupo sa Barangay Luyan sa pangunguna ni Kapitan Roger Castro kung saan kanilang naranasan ang farm-to-table dining experience. Tinikman nila ang mga pagkaing inihanda mula sa backyard gardening at organic farming products ng komunidad.

Naging tampok din ang mango picking, malunggay harvesting, corn picking, at pagtuklas sa iba't ibang prutas at pananim na ipinagmamalaki ng barangay.

Nagpatuloy ang paglilibot sa Cora's Manor and Garden at Cafe Medarlo, kung saan natikman ng mga bisita ang sikat at ipinagmamalaking Pandan Latte ng nasabing establisyemento.

Patunay ang aktibidad na ito sa patuloy na pagsisikap ng lokal na pamahalaan na maisulong ang turismo, agrikultura, at lokal na kultura ng Mapandan bilang isa sa mga natatanging destinasyon sa Pangasinan.

30/05/2026

☔𝗢𝗣𝗜𝗦𝗬𝗔𝗟 𝗡𝗔𝗡𝗚 𝗜𝗗𝗜𝗡𝗘𝗞𝗟𝗔𝗥𝗔 𝗡𝗚 𝗗𝗢𝗦𝗧-𝗣𝗔𝗚𝗔𝗦𝗔 𝗔𝗡𝗚 𝗣𝗔𝗚𝗦𝗜𝗦𝗜𝗠𝗨𝗟𝗔 𝗡𝗚 𝗦𝗢𝗨𝗧𝗛𝗪𝗘𝗦𝗧 𝗠𝗢𝗡𝗦𝗢𝗢𝗡 𝗢 𝗛𝗔𝗕𝗔𝗚𝗔𝗧 𝗦𝗔 𝗕𝗔𝗡𝗦𝗔

Batay sa pinakahuling pagsusuri sa lagay ng panahon, patuloy ang pag-iral ng southwesterly winds na nakaaapekto sa kanlurang bahagi ng bansa. Kasabay nito, inaasahan ang paminsan-minsan hanggang madalas na pag-ulan at pagkidlat-pagkulog lalo na sa western sections ng Luzon at Visayas.

Habang mas nagiging dominante ang Habagat, posible ring maranasan ang mga pagbugso ng malalakas na ulan na maaaring magdulot ng pagbaha at rain-induced landslides sa ilang lugar. Maari ring magkaroon ng monsoon breaks o pansamantalang paghina ng mga pag-ulan na maaaring tumagal ng ilang araw.

Pinapayuhan ang publiko at mga kinauukulang ahensya na manatiling alerto at magsagawa ng kaukulang pag-iingat laban sa posibleng epekto ng Habagat.

Manatiling ligtas, handa, at updated sa pinakabagong weather advisories. 🌧️

Read more: https://pagasa.dost.gov.ph/press-release/213

Source: DOST-PAGASA

☔𝗢𝗣𝗜𝗦𝗬𝗔𝗟 𝗡𝗔𝗡𝗚 𝗜𝗗𝗜𝗡𝗘𝗞𝗟𝗔𝗥𝗔 𝗡𝗚 𝗗𝗢𝗦𝗧-𝗣𝗔𝗚𝗔𝗦𝗔 𝗔𝗡𝗚 𝗣𝗔𝗚𝗦𝗜𝗦𝗜𝗠𝗨𝗟𝗔 𝗡𝗚 𝗦𝗢𝗨𝗧𝗛𝗪𝗘𝗦𝗧 𝗠𝗢𝗡𝗦𝗢𝗢𝗡 𝗢 𝗛𝗔𝗕𝗔𝗚𝗔𝗧 𝗦𝗔 𝗕𝗔𝗡𝗦𝗔

Batay sa pinakahuling pagsusuri sa lagay ng panahon, patuloy ang pag-iral ng southwesterly winds na nakaaapekto sa kanlurang bahagi ng bansa. Kasabay nito, inaasahan ang paminsan-minsan hanggang madalas na pag-ulan at pagkidlat-pagkulog lalo na sa western sections ng Luzon at Visayas.

Habang mas nagiging dominante ang Habagat, posible ring maranasan ang mga pagbugso ng malalakas na ulan na maaaring magdulot ng pagbaha at rain-induced landslides sa ilang lugar. Maaari ring magkaroon ng monsoon breaks o pansamantalang paghina ng mga pag-ulan na maaaring tumagal ng ilang araw.

Pinapayuhan ang publiko at mga kinauukulang ahensya na manatiling alerto at magsagawa ng kaukulang pag-iingat laban sa posibleng epekto ng Habagat.

Manatiling ligtas, handa, at updated sa pinakabagong weather advisories. 🌧️

Read more: https://pagasa.dost.gov.ph/press-release/213

Source: DOST-PAGASA

30/05/2026

Happy Birthday, Ma’am Maian Jen Arguelles, MDRRMO Head!

Ngayong araw, ipinagdiriwang natin ang buhay ng isa sa mga haligi ng ating Lokal na Pamahalaan. Salamat sa iyong pagiging ehemplo ng katatagan at malasakit, lalo na sa mga panahon ng pangangailangan.

Dalangin namin ang iyong mabuting kalusugan at patuloy na kaligayahan. Isang pagbati mula sa iyong LGU Mapandan family!