09/12/2025
๐๐๐ฅ๐ข๐ ๐๐ฒ๐๐ง๐ ๐ค๐๐ฉ๐ข๐ฌ๐ญ๐๐ก๐๐ง ๐ง๐ ๐๐๐ก๐๐ฅ ๐ง๐ ๐๐ข๐ซ๐ก๐๐ง ๐ง๐ ๐๐จ๐ซ๐๐ญ๐จ!
PANALANGIN NG PAGTATALAGA: O Kalinis-linisang Birheng Maria, kami ay lumalapit sa iyo nang may buong pagtitiwala: malugod mo nawang tanggapin sa araw na ito ang aming mapagpakumbabang pananalangin at pagtatalaga ng sarili.
O Ina, dinala mo ang aming Banal na Tagapagligtas sa iyong pinakadalisay na sinapupunan: tanggapin mo ang aming pananampalataya at marubdob na pagmamahal habang kami ay pumapasok sa espiritu sa iyong Banal na Bahay. Sa pamamagitan ng presensya ng Banal na Mag anak, ang Banal na Bahay ay siyang naging pinakadakila sa lahat at hangad namin na ang bawat pamilyang Kristiyano ay mapukaw nito.
Mula kay Jesus, lahat ng mga bata ay natututong tumalima at magsumikap.
Mula sa iyo, O Maria, ang lahat ng kababaihan ay natututo ng pagpapakumbaba at ng diwa ng pagsasakripisyo.
Mula kay Jose, na nabuhay para kay Jesus at para sa iyo, ang mga kalalakihan ay natututong maniwala sa Diyos, at mamuhay sa iyo at para sa iyo, mabuhay sa pamilya at sa lipunan ng may pagtitiwala at katapatan.
O Maria, idinadalangin namin ang Santo Papa at ang buong Simbahang Katolika, para sa aming bayan at para sa lahat ng mga bansa sa daigdig, para sa mga kaluluwang nahihirapan, at para sa mga makasalanan.
Hangad namin na ang tanan ay maitalaga sa iyo. Sa Espiritu, na naroroon sa Banal na Bahay, kung saan ikaw ay naglihi sa pamamagitan ng Espiritu Santo, nais naming ulitin nang may masiglang pananampalataya ang mga salita ni Arkanghel Gabriel: โAba, Napupuno ka ng grasya, ang Panginoon ay sumasaiyo!โ Nais naming dumulog at sambitin rin: โAba Ginoong Maria, Ina ni Jesus at Ina ng Simbahan!โ
Kami ay bumabaling sa iyo, O Maria. Tanggapin mo ang aming pagtatalaga sa iyong Kalinis-linisang Puso. Ganap na iyong-iyo, nais naming patunayan sa pamamagitan ng gawi na ito ng pagmamahal, ang aming walang humpay na pag-ibig kay Jesus, ang Iyong Anak, at ang aming pag-asa sa iyo, aming Ina.
At sumasamo kami sa iyo, O Reyna at Ina ng Awa, idulot mo sa iyong mga anak ang kasaganaan ng mga makalangit na biyaya. Amen.
Mahal na Birhen ng Loreto, Reyna at Patrona ng Sampaloc, ipanalangin mo kami.
๐ด๐๐๐๐๐๐ ๐๐ ๐ณ๐๐๐๐๐! ๐บ๐ ๐ณ๐๐๐๐๐, ๐๐๐๐๐๐๐!
