Ang balangay ng UNA, NATATANGI, at TUNAY na boses ng kabataan sa kongreso sa TUP Manila ⚙️✊
https://bit.ly/JoinKPLTUP
https://bit.ly/JoinKPLTUP
https://bit.ly/JoinKPLTUP
Ang Kabataan Partylist - TUP Manila ay isang pang-masang organisasyon ng kabataan na naglalayong pukawin, pakilusin at organisahin ang pinakamadaming bilang ng kabataan para sama-samang kamtin ang mga karapatan at
demokratikong kahilingan nito. Ito ay partido ng mga kabataan na itinataguyod ang alternatibong pulitika ng pakikibaka at pag-asa, laban sa namamayaning pulitika na naglilingkod at pinakikinabangan lamang ng ilan at ng mga dayuhan. Naninindigan ang Kabataan na tanging sa sama-samang pagkilos ng mamamayan lamang makakamit ang mga layunin ng mamamayan, mula sa partikular na mga isyu hanggang sa mismong pagbabago ng lipunan. Gayumpaman, ang Kabataan Party-list ay pumapasok sa Kongreso para maksimisahin ang puwang na ito para isulong ang pulitika ng pakikibaka at pagbabago. Sa loob ng Kongreso nalalantad ang kabulukan ng sistema at pamahalaan, naisusulong ang interes ng mamamayan, natitipon at na-uugnayan ang mas maraming kabataan at mamamayan, at sa isang antas ay nadedepensahan ang kilusang masa sa atake ng mga nasa kapangyarihan. Sa TUP Manila, nilalantad at nilalabanan ang mga anti-student policies, komersalisasyon sa edukasyon, at pasismo sa pamantasan. Kaakibat na nito ang pagpapatambol ng mga kampanya para sa maayos na pasilidad at kalaayang pang-akademiko tungo sa dekalidad at aksesableng edukasyon sa pamamagitan ng pagmulat, pagoorganisa, at pagpapalahok sa pakikibaka para sa demokratikong karapatan sa pamantasan. MGA LAYUNIN
1. Libre, abot-kaya, at dekalidad na edukasyon para sa lahat
2. Nakabubuhay na sahod at trabaho
3. Pambansang Soberanya
4. Tunay na repormang agraryo at pambansang industriyalisasyon
5. Kalusugan sa pisikal at isip
6. Batayang serbisyong panlipunan
7. Hustisya at pananagutan
8. Mainam at pangmatagalang kapayapaan, at pagwawakas ng tiranya
9. Aksyong Pang-klima
10. Wakasan ang diskriminasyong pang-kasarian
