Public Information Office - Mangaldan, Pangasinan

03/06/2026

𝗣𝗥𝗢𝗨𝗗 𝗠𝗔𝗡𝗚𝗔𝗟𝗗𝗔𝗡𝗜𝗔𝗡 𝗞𝗜𝗦𝗘𝗡 𝗚. 𝗔𝗕𝗥𝗢𝗚𝗔𝗥, 𝗣𝗔𝗦𝗢𝗞 𝗦𝗔 𝗪𝗘𝗘𝗞-𝗟𝗢𝗡𝗚 𝗚𝗥𝗔𝗡𝗗 𝗙𝗜𝗡𝗔𝗟𝗦 𝗡𝗚 𝗧𝗔𝗪𝗔𝗚 𝗡𝗚 𝗧𝗔𝗡𝗚𝗛𝗔𝗟𝗔𝗡 𝗬𝗘𝗔𝗥 𝟭𝟬!

Isang malaking karangalan para sa Mangaldan at buong Pangasinan ang muling hatid ng ating kababayan na si Kisen G. Abrogar ng Barangay Palua matapos siyang opisyal na makapasok sa week-long Grand Finals ng Tawag ng Tanghalan Year 10 ngayong Hunyo 3.

Sa ikatlong araw ng National Finals, pinahanga ni Kisen ang mga hurado at manonood sa kanyang emosyonal na pag-awit ng awiting “Habang May Buhay” ni Wency Cornejo. Hindi lamang husay sa pagkanta ang kanyang ipinamalas kundi pati ang taos-pusong paghahatid ng mensahe ng kanta na tumagos sa damdamin ng mga nakasubaybay.

Nagtala si Kisen ng 93% na marka mula sa panel of judges upang manguna laban kina Francis Antoquia ng Davao City, Davao del Sur na nakakuha ng 90.7% at Timmy Go ng Baguio City, Cordillera Administrative Region (CAR) na nagtala naman ng 91%.

Dahil sa kanyang panalo, awtomatiko siyang umusad sa week-long Grand Finals kung saan haharap siya sa iba pang national finalists. Makakasama rin niya sa susunod na yugto ng kompetisyon si Timmy Go bilang isa sa mga itinanghal na finalists.

𝗠𝘂𝗹𝗮 𝗕𝗮𝗿𝗮𝗻𝗴𝗮𝘆 𝗣𝗮𝗹𝘂𝗮 𝗛𝗮𝗻𝗴𝗴𝗮𝗻𝗴 𝗣𝗮𝗺𝗯𝗮𝗻𝘀𝗮𝗻𝗴 𝗘𝗻𝘁𝗮𝗯𝗹𝗮𝗱𝗼

Sa ipinakitang VTR bago ang kanyang pagtatanghal, ibinahagi ni Kisen ang kanyang mga personal na pangarap at sakripisyo para sa pamilya.

Ayon sa kanya, malaking tulong ang mga premyo at oportunidad na natanggap niya matapos maging Regional Champion ng Tawag ng Tanghalan Region 1. Sa kanyang mga napanalunang cash prizes at mga singing engagements, unti-unti nilang naipaayos at nairenovate ang kanilang tahanan.

Ngunit higit sa materyal na bagay, ang pinakamalaking hiling niya ay mapauwi na ang kanyang ina upang siya na lamang ang magtrabaho at magtaguyod sa kanilang pamilya.

“𝗩𝗲𝗿𝘆 𝗣𝘂𝗿𝗲” 𝗣𝗲𝗿𝗳𝗼𝗿𝗺𝗮𝗻𝗰𝗲

Isa sa mga pinakatumatak na komento ay nagmula kay veteran musician at composer na si Louie Ocampo, punong hurado ng kompetisyon.

“I felt that ‘yung pagperform niya today is very pure, coming from the heart. [He] wasn’t trying to impress us. He was just telling his story and I really liked it,” ani Ocampo.

Umani rin siya ng matitinding papuri mula sa iba pang hurado kabilang sina The Voice USA Season 26 Champion Sofronio Vasquez at TNT Season 4 Grand Champion JM Yosures.

𝗦𝘂𝗽𝗼𝗿𝘁𝗮 𝗻𝗴 𝗠𝗮𝗻𝗴𝗮𝗹𝗱𝗮𝗻

Hindi na bago sa mga Mangaldanian ang pangalan ni Kisen. Noong nakaraang taon, kabilang siya sa mga grand finalist ng Ugnayan sa Pasko 2025, kung saan una niyang ipinamalas ang kanyang natatanging talento.

Nagpaabot naman ng pagbati si Mayor Bona Fe de Vera-Parayno sa binatang mang-aawit para sa panibagong karangalang kanyang iniuwi para sa bayan.

Ayon sa alkalde, si Kisen ay patunay na ang talento, sipag, at determinasyon ng isang Mangaldanian ay kayang makipagsabayan sa pinakamahuhusay sa bansa.

Habang papalapit ang pinakahihintay na “huling tapatan” ng Tawag ng Tanghalan Year 10, patuloy na umaasa at sumusuporta ang buong Mangaldan na maitanghal bilang kampeon ang kanilang kababayan na nagsimulang mangarap mula sa Barangay Palua at ngayo’y umaawit para sa buong bansa. (𝙈𝙖𝙣𝙜𝙖𝙡𝙙𝙖𝙣 𝙋𝙄𝙊)

03/06/2026

𝗠𝗜𝗦𝗧𝗜𝗡𝗚 𝗢𝗣𝗘𝗥𝗔𝗧𝗜𝗢𝗡 𝗔𝗧 𝗪𝗔𝗧𝗘𝗥 𝗦𝗔𝗠𝗣𝗟𝗜𝗡𝗚, 𝗜𝗦𝗜𝗡𝗔𝗚𝗔𝗪𝗔 𝗡𝗚 𝗟𝗚𝗨 𝗠𝗔𝗡𝗚𝗔𝗟𝗗𝗔𝗡 𝗦𝗔 𝗠𝗡𝗛𝗦 𝗕𝗜𝗟𝗔𝗡𝗚 𝗦𝗨𝗣𝗢𝗥𝗧𝗔 𝗦𝗔 𝗕𝗥𝗜𝗚𝗔𝗗𝗔 𝗘𝗦𝗞𝗪𝗘𝗟𝗔 𝟮𝟬𝟮𝟲

Bilang bahagi ng suporta ng Lokal na Pamahalaan ng Mangaldan sa Brigada Eskwela 2026, nagsagawa ng misting operation at water sampling ngayong Miyerkules, Hunyo 3, 2026 sa Mangaldan National High School (MNHS).

Pinangunahan ni Sanitary Inspector VII Zita Lapore ang misting operation sa mga silid-aralan ng MNHS upang mapuksa ang mga lamok na nagdadala ng dengue at masig**o ang kaligtasan ng mga mag-aaral sa nalalapit na pasukan.

Ayon sa Municipal Health Office, nakatakda ring magsagawa ng kaparehong operasyon sa iba pang paaralan sa bayan sa mga susunod na araw upang masig**o ang kalinisan at kaligtasan ng lahat ng estudyante.

Bukod sa misting, nagsagawa rin ng water sampling ang Northern Philippines Water Laboratory Inc., isang Department of Health (DOH)-accredited laboratory. Isa itong proseso ng pagkolekta ng tubig mula sa partikular na pinagkukunan upang masuri at matiyak na ligtas itong inumin.

Paraan din umano ito para masig**o na ang mga mag-aaral at g**o ay may access sa malinis at ligtas na tubig sa loob ng paaralan.
Taos-pusong pinasalamatan ni Principal IV Eduardo Castillo, Assistant Principal II Danilo S. Eden at ibang mga department heads ng paaralan ang lokal na pamahalaan sa kanilang tulong at suporta.

Hinihikayat ni Mayor Bona Fe de Vera Parayno ang lahat ng magulang, g**o, mga organisasyon at maging ang mga kawani ng lokal na pamahalaan na makiisa sa Brigada Eskwela sa iba’t ibang paaralan sa bayan bilang pagpapakita ng dedikasyon sa kalinisan, kaligtasan, at kapakanan ng bawat estudyante sa Mangaldan. (𝑴𝒂𝒏𝒈𝒂𝒍𝒅𝒂𝒏 𝑷𝑰𝑶)

03/06/2026

𝗠𝗔𝗟𝗜𝗚𝗔𝗬𝗔𝗡𝗚 𝗣𝗔𝗚𝗕𝗔𝗧𝗜 𝗦𝗔 𝗠𝗚𝗔 𝗕𝗔𝗚𝗢𝗡𝗚 𝗖𝗘𝗥𝗧𝗜𝗙𝗜𝗘𝗗 𝗣𝗨𝗕𝗟𝗜𝗖 𝗔𝗖𝗖𝗢𝗨𝗡𝗧𝗔𝗡𝗧𝗦 (𝗖𝗣𝗔) 𝗡𝗚 𝗠𝗔𝗡𝗚𝗔𝗟𝗗𝗔𝗡!

Ang bawat numero ay may kwento. Accountant na ako nanay at tatay!

Pagpupugay para sa lahat Mangaldaniang pumasa sa May 2026 Certified Public Accountant Licensure Examination (CPALE) na isinagawa noong Mayo 24-26.

Sa opisyal na resulta na inilabas ng Professional Regulation Commission (PRC) nitong Martes, Hunyo 2, 30.83% o kabuuang 3,004 ang pumasa mula sa kabuuang 9,745 examinees na sumubok sa sinasabing isa sa sinasabing pinakamahirap na licensure examinations.

Isang pagbati ng tagumpay mula sa Lokal na Pamahalaan sa pamumuno ni Mayor Bona Fe de Vera Parayno.

Ngayong tapos na ang exam, totoong buhay na ang iyong babalansehin. Maniwala ka sa iyong kakayahan kabaleyan! I-tag na sa comment section ang mga nais bigyang pugay at batiin na mga bagong CPA!

Para sa listahan ng mga nakapasa, pindutin lamang ang link na ito: https://www.prcboard.com/cpale-results-may-2026-certified-public-accountant-licensure-exam-passers?fbclid=IwY2xjawSMrvBleHRuA2FlbQIxMQBzcnRjBmFwcF9pZBAyMjIwMzkxNzg4MjAwODkyAAEeRyz4_4ivM6x5dsKXb9s97EQd4gEKcTrle1E2v0kLFajCIncXkDBNQKGpT6w_aem_dFmr_E6tHNdmfLXCPy_ziw

03/06/2026

𝗦𝗔 𝗕𝗔𝗟𝗜𝗞-𝗘𝗦𝗞𝗨𝗪𝗘𝗟𝗔𝗡𝗚 𝗣𝗔𝗥𝗔𝗧𝗜𝗡𝗚, 𝗦𝗜𝗚𝗨𝗥𝗔𝗗𝗨𝗛𝗜𝗡𝗚 𝗟𝗜𝗚𝗧𝗔𝗦 𝗔𝗧𝗜𝗡𝗚 𝗠𝗚𝗔 𝗖𝗛𝗜𝗞𝗜𝗧𝗜𝗡𝗚!

Pasukan na naman kabaleyan! Abala na naman ang mga magulang sa paghahanda sa kanilang mga anak sa papalapit na pagbabalik-eskuwela. Siguradong excited na rin ang mga batang pumasok para matuto at magkaroon ng bagong mga kaibigan.

Bilang mga magulang, hangad natin ang kaligtasan ng ating mga anak lalo na sa pagpasok at paglabas ng kanilang klasrum o paaralan.

Binibigyang-diin ni Mayor Bona Fe De Lokal at ng buong Lokal na Pamahalaan ng Mangaldan, na lamang ang nanay at tatay na may kaalaman pagdating sa pagtiyak na protektado ang mga anak sa anumang banta o kapahamakan.

Narito ang ilan sa mga mahahalagang hakbang na dapat tandaan para sa ligtas na pagbabalik-eskuwela:

𝟭. 𝗜𝗽𝗮𝗴𝗯𝗶𝗴𝗮𝘆 𝗮𝗹𝗮𝗺 𝘀𝗮 𝗴𝘂𝗿𝗼 𝗮𝘁 𝗴𝘂𝘄𝗮𝗿𝗱𝗶𝘆𝗮 𝗻𝗴 𝗲𝘀𝗸𝘂𝘄𝗲𝗹𝗮𝗵𝗮𝗻 𝗸𝘂𝗻𝗴 𝘀𝗶𝗻𝗼 𝗮𝗻𝗴 𝘀𝘂𝘀𝘂𝗻𝗱𝗼 𝘀𝗮 𝗶𝗻𝘆𝗼𝗻𝗴 𝗮𝗻𝗮𝗸.

𝟮. 𝗣𝗮𝘆𝘂𝗵𝗮𝗻 𝗮𝗻𝗴 𝗶𝗻𝘆𝗼𝗻𝗴 𝗮𝗻𝗮𝗸 𝗻𝗮 𝗺𝗮𝗻𝗮𝘁𝗶𝗹𝗶 𝘀𝗮 𝗹𝗼𝗼𝗯 𝗻𝗴 𝗽𝗮𝗮𝗿𝗮𝗹𝗮𝗻 𝗵𝗮𝗻𝗴𝗴𝗮’𝘁 𝘄𝗮𝗹𝗮 𝗽𝗮 𝗮𝗻𝗴 𝘀𝘂𝗻𝗱𝗼 𝗮𝘁 𝗵𝘂𝘄𝗮𝗴 𝗺𝗮𝗸𝗶𝗽𝗮𝗴-𝘂𝘀𝗮𝗽 𝗼 𝘀𝘂𝗺𝗮𝗺𝗮 𝘀𝗮 𝗵𝗶𝗻𝗱𝗶 𝗸𝗮𝗸𝗶𝗹𝗮𝗹𝗮.

𝟯. 𝗜𝘄𝗮𝘀𝗮𝗻𝗴 𝗺𝗮𝗴𝗽𝗮𝗱𝗮𝗹𝗮 𝗻𝗴 𝗺𝗮𝗹𝗮𝗸𝗶𝗻𝗴 𝗵𝗮𝗹𝗮𝗴𝗮 𝗻𝗴 𝗽𝗲𝗿𝗮 𝗼 𝗺𝗮𝗺𝗮𝗵𝗮𝗹𝗶𝗻𝗴 𝗴𝗮𝗺𝗶𝘁 𝘀𝗮 𝗮𝗻𝗮𝗸 𝗻𝗮 𝗽𝘂𝗺𝗮𝗽𝗮𝘀𝗼𝗸 𝗽𝗮𝗿𝗮 𝗺𝗮𝗸𝗮𝗶𝘄𝗮𝘀 𝘀𝗮 𝗽𝗮𝗴𝗻𝗮𝗻𝗮𝗸𝗮𝘄 𝗼 𝗽𝗮𝗻𝗴-𝗮𝗮𝗯𝘂𝘀𝗼.

𝟰. 𝗨𝗴𝗮𝗹𝗶𝗶𝗻𝗴 𝘁𝘂𝗺𝗮𝘄𝗶𝗱 𝘀𝗮 𝘁𝗮𝗺𝗮𝗻𝗴 𝘁𝗮𝘄𝗶𝗿𝗮𝗻 𝗮𝘁 𝗽𝗮𝗹𝗮𝗴𝗶𝗻𝗴 𝘁𝗶𝘁𝗶𝗻𝗴𝗶𝗻 𝘀𝗮 𝗸𝗮𝗹𝗶𝘄𝗮 𝗮𝘁 𝗸𝗮𝗻𝗮𝗻 𝗸𝗮𝘀𝗮𝗺𝗮 𝗻𝗴 𝗯𝗮𝘁𝗮.

𝟱. 𝗣𝗮𝗴𝘀𝗮𝗯𝗶𝗵𝗮𝗻 𝗮𝗻𝗴 𝗮𝗻𝗮𝗸 𝗻𝗮 𝗽𝗮𝗹𝗮𝗴𝗶𝗻𝗴 𝘀𝘂𝘀𝘂𝗻𝗼𝗱 𝗽𝗮𝗿𝘁𝗶𝗸𝘂𝗹𝗮𝗿 𝘀𝗮 𝗶𝗽𝗶𝗻𝗮𝗽𝗮𝘁𝘂𝗽𝗮𝗱 𝗻𝗮 𝘀𝗮𝗳𝗲𝘁𝘆 𝗽𝗿𝗼𝘁𝗼𝗰𝗼𝗹𝘀 𝗻𝗴 𝗽𝗮𝗮𝗿𝗮𝗹𝗮𝗻.

Salubungin ang bagong panuruang taon, bitbit ang baong kaalaman tungo sa kaligtasan ng ating mga pinapaaral na anak. Mula sa ating pabaong balik-eskuwela safety tips, pati ang pangarap ng mga bata ay ating napoprotektahan.

Tunay na ang mag-aaral na ligtas, tiyak mayroong magandang bukas! (𝙈𝙖𝙣𝙜𝙖𝙡𝙙𝙖𝙣 𝙋𝙄𝙊)

03/06/2026

𝗥𝗘𝗣𝗢𝗦𝗧 𝗙𝗥𝗢𝗠 DOST-PAGASA

Weather Advisory No. 18
For: Southwest Monsoon
Issued at: 11 AM, 03 June 2026

Heavy rainfall outlook due to Southwest Monsoon
Today to tomorrow noon (June 4)

(50-100 mm):
Pangasinan, Zambales, and Bataan
Tomorrow noon to Friday noon (June 5)

(50-100 mm):
Ilocos Norte, Ilocos Sur, La Union, Pangasinan, Abra, Benguet, Zambales, Bataan, and Tarlac
Friday noon to Saturday noon (June 6)

(50-100 mm):
Batanes, Ilocos Norte, Ilocos Sur, La Union, Pangasinan, Abra, Benguet, Zambales, and Bataan

Forecast rainfall may be higher in mountainous and elevated areas. Moreover, impacts in some areas may be worsened by significant antecedent rainfall.

The public disaster risk reduction and management offices concerned are advised to take all necessary measure to protect life and property. PAGASA Regional Services Divisions may issue Heavy Rainfall Warnings/Thunderstorms Advisories, and other severe weather information specific to their areas of responsibility as appropriate.

Unless significant changes occur, the next Weather Advisory will be issued at 5:00 PM today.

𝐅𝐨𝐫 𝐀𝐝𝐝𝐢𝐭𝐢𝐨𝐧𝐚𝐥 𝐈𝐧𝐟𝐨𝐫𝐦𝐚𝐭𝐢𝐨𝐧: The key difference between a 𝐇𝐞𝐚𝐯𝐲 𝐑𝐚𝐢𝐧𝐟𝐚𝐥𝐥 𝐖𝐚𝐫𝐧𝐢𝐧𝐠 and a 𝐖𝐞𝐚𝐭𝐡𝐞𝐫 𝐀𝐝𝐯𝐢𝐬𝐨𝐫𝐲 lies in their forecast period, coverage areas, and accuracy.

A 𝐇𝐞𝐚𝐯𝐲 𝐑𝐚𝐢𝐧𝐟𝐚𝐥𝐥 𝐖𝐚𝐫𝐧𝐢𝐧𝐠 provides forecasts for the next three hours and applies up to the municipal level. It is more precise as it utilizes Doppler radar technology to track real-time rainfall intensity, making it highly effective for immediate decision-making in flood-prone areas. A 𝐖𝐞𝐚𝐭𝐡𝐞𝐫 𝐀𝐝𝐯𝐢𝐬𝐨𝐫𝐲, on the other hand, covers a 24-hour period but is issued only at the provincial level. It provides a broader outlook on potential weather disturbances but lacks the short-term accuracy of 𝐇𝐞𝐚𝐯𝐲 𝐑𝐚𝐢𝐧𝐟𝐚𝐥𝐥 𝐖𝐚𝐫𝐧𝐢𝐧𝐠𝐬.

03/06/2026

𝗞𝗮𝗯𝗮𝗹𝗲𝘆𝗮𝗻, 𝗮𝗻𝘁𝗮𝗯𝗮𝘆𝗮𝗻𝗮𝗻 𝗮𝗻𝗴 𝗽𝗮𝗴𝘀𝗮𝗯𝗮𝗸 𝘀𝗮 Tawag Ng Tanghalan 𝗡𝗔𝗧𝗜𝗢𝗡𝗔𝗟 𝗙𝗜𝗡𝗔𝗟𝗦 𝗻𝗴 𝗮𝘁𝗶𝗻𝗴 𝗶𝗽𝗶𝗻𝗮𝗴𝗺𝗮𝗺𝗮𝗹𝗮𝗸𝗶𝗻𝗴 𝗸𝗮𝗽𝘂𝘄𝗮 𝗠𝗮𝗻𝗴𝗮𝗹𝗱𝗮𝗻𝗶𝗮𝗻 - Kisen Abrogar!

Tunghayan ang kaniyang muling pagpapakitang-gilas sa pagkanta na tunay na angat sa iba.

𝗣𝗮𝗺𝗯𝗮𝘁𝗼 𝗻𝗴 𝗠𝗮𝗻𝗴𝗮𝗹𝗱𝗮𝗻, 𝗣𝗮𝗻𝗴𝗮𝘀𝗶𝗻𝗮𝗻.... 𝗯𝗮𝗻𝗻𝗲𝗿-𝗯𝗲𝗮𝗿𝗲𝗿 𝗻𝗴 𝗥𝗲𝗴𝗶𝗼𝗻 𝟭 𝗮𝘁 𝗮𝗻𝗴 𝘀𝘂𝘀𝘂𝗻𝗼𝗱 𝗻𝗮 𝗸𝗮𝗺𝗽𝗲𝗼𝗻 𝗻𝗴 𝗧𝗡𝗧 – ng It's Showtime!

All the best, break a leg and God bless you kabaleyan!

03/06/2026

𝗥𝗘𝗣𝗢𝗦𝗧 𝗙𝗥𝗢𝗠 BFAR Region 1

𝐒𝐡𝐞𝐥𝐥𝐟𝐢𝐬𝐡 𝐁𝐮𝐥𝐥𝐞𝐭𝐢𝐧 𝐍𝐨. 13
‎𝐈𝐬𝐬𝐮𝐞𝐝: June 1, 2026
‎
‎📢 𝐑𝐄𝐃 𝐓𝐈𝐃𝐄 𝐀𝐃𝐕𝐈𝐒𝐎𝐑𝐘 𝐋𝐈𝐅𝐓𝐄𝐃!
‎
‎𝐍𝐞𝐠𝐚𝐭𝐢𝐛𝐨 𝐧𝐚 𝐬𝐚 𝐫𝐞𝐝 𝐭𝐢𝐝𝐞 𝐭𝐨𝐱𝐢𝐧 𝐚𝐧𝐠 𝐬𝐡𝐞𝐥𝐥𝐟𝐢𝐬𝐡 𝐦𝐮𝐥𝐚 𝐬𝐚 𝐛𝐚𝐲𝐛𝐚𝐲𝐢𝐧𝐠 𝐭𝐮𝐛𝐢𝐠 𝐧𝐠 𝐁𝐨𝐥𝐢𝐧𝐚𝐨 𝐚𝐭 𝐀𝐧𝐝𝐚, 𝐏𝐚𝐧𝐠𝐚𝐬𝐢𝐧𝐚𝐧.
‎
‎✔️ 𝐋𝐢𝐠𝐭𝐚𝐬 𝐧𝐚 𝐩𝐚𝐫𝐚 𝐤𝐚𝐢𝐧𝐢𝐧
‎✔️ 𝐏𝐰𝐞𝐝𝐞 𝐧𝐚 𝐮𝐥𝐢𝐭 𝐦𝐚𝐠-𝐚𝐧𝐢 𝐚𝐭 𝐦𝐚𝐠𝐛𝐞𝐧𝐭𝐚
‎
‎Patuloy pa rin ang monitoring ng BFAR at LGU para sa kaligtasan ng lahat.

𝐒𝐡𝐞𝐥𝐥𝐟𝐢𝐬𝐡 𝐁𝐮𝐥𝐥𝐞𝐭𝐢𝐧 𝐍𝐨. 13
‎𝐈𝐬𝐬𝐮𝐞𝐝: June 1, 2026
‎
‎📢 𝐑𝐄𝐃 𝐓𝐈𝐃𝐄 𝐀𝐃𝐕𝐈𝐒𝐎𝐑𝐘 𝐋𝐈𝐅𝐓𝐄𝐃!
‎
‎𝐍𝐞𝐠𝐚𝐭𝐢𝐛𝐨 𝐧𝐚 𝐬𝐚 𝐫𝐞𝐝 𝐭𝐢𝐝𝐞 𝐭𝐨𝐱𝐢𝐧 𝐚𝐧𝐠 𝐬𝐡𝐞𝐥𝐥𝐟𝐢𝐬𝐡 𝐦𝐮𝐥𝐚 𝐬𝐚 𝐛𝐚𝐲𝐛𝐚𝐲𝐢𝐧𝐠 𝐭𝐮𝐛𝐢𝐠 𝐧𝐠 𝐁𝐨𝐥𝐢𝐧𝐚𝐨 𝐚𝐭 𝐀𝐧𝐝𝐚, 𝐏𝐚𝐧𝐠𝐚𝐬𝐢𝐧𝐚𝐧.
‎
‎✔️ 𝐋𝐢𝐠𝐭𝐚𝐬 𝐧𝐚 𝐩𝐚𝐫𝐚 𝐤𝐚𝐢𝐧𝐢𝐧
‎✔️ 𝐏𝐰𝐞𝐝𝐞 𝐧𝐚 𝐮𝐥𝐢𝐭 𝐦𝐚𝐠-𝐚𝐧𝐢 𝐚𝐭 𝐦𝐚𝐠𝐛𝐞𝐧𝐭𝐚
‎
‎Patuloy pa rin ang monitoring ng BFAR at LGU para sa kaligtasan ng lahat.
‎
‎

02/06/2026

𝗡𝗔𝗧𝗜𝗢𝗡𝗔𝗟 𝗗𝗘𝗡𝗚𝗨𝗘 𝗔𝗪𝗔𝗥𝗘𝗡𝗘𝗦𝗦, 𝗜𝗦𝗜𝗡𝗨𝗦𝗨𝗟𝗢𝗡𝗚 𝗡𝗚𝗔𝗬𝗢𝗡𝗚 𝗛𝗨𝗡𝗬𝗢!

Hangad ng Lokal a Pamahalaan ng Mangaldan sa pamumuno ni Mayor Bona Fe de Vera Parayno ang maiangat ang kamalayan ng publiko ugnay sa sakit na dengue lalo na ngayong pagpasok ng panahon ng tag-ulan.

Ugnay nito, mariing nagpapaalala ang Municipal Heath Office sa pangunguna ni Dr. Larry Sarito ugnay sa pagpapa-igting ng kampanya upang maiwasan at mapababa ang kaso ngayong National Dengue Awareness Month.

Ayon sa mga pag-aaral, ang dengue ay isang impeksyon na nakukuha mula sa kagat ng babaeng lamok na Aedes aegypti. Maaaring magka-dengue hanggang apat na beses ang isang tao dahil sa iba't ibang serotypes nito na kinabibilangan ng DENV 1, DENV2, DENV3 at DENV4.

May puti at itim na guhit sa katawan naman ang babaeng lamok na Aedes aegypti na nangingitlog sa mga naka-imbak na tubig o mga daluyan nito tulad ng mga kanal at kadalasang nangangagat mula 6:00-8:00 ng umaga at 4:00 hanggang 8:00 pm.

Mahalaga ring malaman ang mga sintomas ugnay sa sakit. Pinapayuhan ang publiko na sumangguni sa pinakamalapit na klinika o pagamutan sakaling makaramdam ng alinman sa mga ito:
- Mataas na lagnat ng 2 araw o higit pa
- Pananakit ng tyan at ulo
- Hirap sa paghinga
- Pagsusuka at pagkahilo
- Malamig na kamay at paa
- Pagdudugo ng gilagid at ilong
- Pagkakaroon ng dugo sa iyong dumi
- Panghihina at pananakit ng katawan

Protektahan ang ating sarili upang maiwasan ang dengue sa mga pamamaraang ito:

- Panatilihing malinis ang kapaligiran
- Itaob o takpan ang mga bagay na pwedeng ma-stuck ang tubig
- Magsuot ng mahahabang damit at medyas
- Isara ang mga bintana at pinto sa gabi
- Paggamit ng mosquito repellant

(𝗠𝗮𝗻𝗴𝗮𝗹𝗱𝗮𝗻𝗣𝗜𝗢)

02/06/2026

𝗟𝗜𝗕𝗥𝗘𝗡𝗚 𝗟𝗘𝗚𝗔𝗟 𝗔𝗧 𝗗𝗢𝗖𝗨𝗠𝗘𝗡𝗧𝗔𝗥𝗬 𝗦𝗘𝗥𝗩𝗜𝗖𝗘𝗦, 𝗜𝗣𝗜𝗡𝗔𝗚𝗞𝗔𝗟𝗢𝗢𝗕 𝗡𝗚 𝗟𝗚𝗨 𝗠𝗔𝗡𝗚𝗔𝗟𝗗𝗔𝗡 𝗦𝗔 𝗠𝗚𝗔 𝗥𝗢𝗔𝗗 𝗥𝗜𝗚𝗛𝗧 𝗢𝗙 𝗪𝗔𝗬 (𝗥𝗥𝗢𝗪) 𝗗𝗢𝗡𝗢𝗥𝗦 𝗨𝗚𝗡𝗔𝗬 𝗦𝗔 ₱𝟱𝟱-𝗠 𝗗𝗔 𝗙𝗔𝗥𝗠-𝗧𝗢-𝗠𝗔𝗥𝗞𝗘𝗧 𝗥𝗢𝗔𝗗 𝗣𝗥𝗢𝗝𝗘𝗖𝗧!

Inasikaso at binigyan ng libreng serbisyong legal ng lokal na pamahalaan ang mga pamilyang boluntaryong magdo-donate ng bahagi ng kanilang lupa para sa Road Right of Way (RROW) para sa nakatakdang ₱55 milyong Farm-to-Market Road (FMR) project ngayong Martes, Hunyo 2, sa 3rd Floor ng Mangaldan Municipal Hall.

Tinupad agad ni Mayor Bona Fe de Vera-Parayno ang kanyang pangako na aakuin ng munisipyo ang lahat ng gastusin sa pagproseso ng mga dokumento upang hindi na mamroblema ang lot owners para sa FMR project sa ilalim ng DA-FMRDP na sasaklaw at magdudugtong sa mga barangay ng Macayug, Buenlag, Bari-Banaoang, Pogo, at Maasin-Anolid.

Layunin ng aktibidad na matulungan ang mga lot owner na makumpleto ang lahat ng documentary requirements at mabigyan sila ng sapat na legal na gabay hinggil sa kanilang donasyon para sa farm-to-market road na inaasahang magpapabuti sa transportasyon ng mga produktong agrikultural at magpapalakas sa sektor ng agrikultura sa bayan.

Aktibong tumulong sa isinagawang serbisyo ang Municipal Assessor’s Office (MAssO) sa pangunguna ni Engr. Felipe A. Cera, Office of the Municipal Planning and Development Coordinator (OMPDC) sa pamamagitan ni Alcir M. Romero, Project Development Officer II, Municipal Administrator Atty. Teodora S. Cerdan para sa legal assistance at notarization, gayundin ang mga kawani ng Municipal Agriculture Office (MAO).

Kabilang sa mga serbisyong ipinagkaloob ang one-on-one assistance, review, at evaluation ng mga kinakailangang dokumento ng bawat lot owner at donor bago ang pagpirma ng Deed of Donation at RROW Certification and Consent.

Gamit ang isang verification form, masusing sinuri ng komite ang mga katibayan ng pagmamay-ari tulad ng Tax Declaration, titulo ng lupa (TCT o OCT), at Deed of Sale pati na rin ang mga Cadastral Number, pinakabagong Tax Receipt, at Real Property Tax Clearance na direktang nakuha sa lokal na pamahalaan.

Para sa mga pamilyang may mas kumplikadong sitwasyon sa lupa, tinulungan silang ayusin ang mga birth at death certificates ng mga orihinal na may-ari. Inasikaso rin nang libre ang kanilang mga Special Power of Attorney (SPA) at pinagabayan ang mga nangangailangan ng Apostille Authentication para sa mga may-ari ng lupa na kasalukuyang nasa ibang bansa.

Nagkaroon din ng open forum kung saan tinalakay at nilinaw ang iba't ibang usaping legal at teknikal na may kaugnayan sa pagmamay-ari ng lupa, mga tagapagmana, representasyon sa pamamagitan ng SPA, at iba pang espesyal na kaso. Pinangunahan nina Atty. Cerdan at Engr. Cera ang talakayan upang mabigyan ng malinaw na paliwanag at agarang kasagutan ang mga katanungan ng mga lot owner.

Pinasalamatan naman ni Mayor Bona ang mga lot owner na nagpakita ng malasakit at pakikiisa sa proyekto sa pamamagitan ng kusang-loob na paglalaan ng bahagi ng kanilang mga lupain para sa kapakinabangan ng nakararami.

Patuloy namang nakikipag-ugnayan ang LGU Mangaldan sa mga kinauukulang ahensya at mga benepisyaryo ng proyekto upang matiyak ang maayos na pagproseso ng mga dokumento at ang tuluy-tuloy na implementasyon ng farm-to-market road project. (𝙈𝙖𝙣𝙜𝙖𝙡𝙙𝙖𝙣 𝙋𝙄𝙊)

02/06/2026

𝗣𝗔𝗚𝗦𝗜𝗦𝗜𝗠𝗨𝗟𝗔 𝗡𝗚 𝗥𝗢𝗔𝗗 𝗖𝗟𝗘𝗔𝗥𝗜𝗡𝗚 𝗢𝗣𝗘𝗥𝗔𝗧𝗜𝗢𝗡𝗦 𝗦𝗔 𝗛𝗨𝗡𝗬𝗢 𝟰, 𝗦𝗔 𝗠𝗚𝗔 𝗞𝗔𝗟𝗬𝗘𝗡𝗚 𝗡𝗔𝗞𝗔𝗣𝗔𝗟𝗜𝗕𝗢𝗧 𝗦𝗔 𝗠𝗔𝗡𝗚𝗔𝗟𝗗𝗔𝗡 𝗣𝗨𝗕𝗟𝗜𝗖 𝗠𝗔𝗥𝗞𝗘𝗧, 𝗜𝗣𝗜𝗡𝗔𝗔𝗟𝗔𝗟𝗔 𝗡𝗚 𝗟𝗚𝗨 𝗠𝗔𝗡𝗚𝗔𝗟𝗗𝗔𝗡!

Muling pinaalalahanan ng magkakatuwang na sangay ng Lokal na Pamahalaan ng Mangaldan ang stall owners at market vendors ugnay sa pagsisimula sa Huwebes, Hunyo 4, ng aktuwal na clearing operations sa mga mga puwesto, display o istruktura sa mga kalsada, eskinita, at bangketa na nakasasagabal sa daloy ng tao at sasakyan.

Muling nag-ikot sa palengke at sa mga kalapit na kalye ang mga kinatawan ng joint operations team na kinabibilangan ng Office of the Market Supervisor sa pangunguna ni OIC Market Supervisor Pedrito Rivera, Municipal Engineering Office, Public Order and Safety Office (POSO), Mangaldan TODA Task Force, at Mangaldan Police Station.

Namahagi ang grupo ng flyers ugnay sa implementasyon ng Municipal Ordinance No. 2019-129 at nagpaalala sa market vendors hinggil sa mga panuntunang nararapat sundin.
Kabilang sa mga lugar na tinutukan ang mga nagtitinda sa mga kalye ng JL De Guzman, Biagtan, Frianeza, Golea, at Rizal na nakapalibot sa Mangaldan Public Market.

Layunin ng pagpapatupad ng ordinansa na masig**o ang kaligtasan at kalinisan ng mga pangunahing kalsada, bigyang-daan ang maayos na daloy ng trapiko, at tiyakin na makakadaan ang mga emergency vehicles gaya ng bumbero sa oras ng pangangailangan.

Mariin namang ipinaalala ni Mayor Bona Fe De Vera Parayno sa grupo na maging magalang at mahinahon sa pagsusulong ng nasabing road clearing operations at isaalang-alang ang kapakanan ng nakararami. (𝑴𝒂𝒏𝒈𝒂𝒍𝒅𝒂𝒏 𝑷𝑰𝑶)