17/07/2026
๐๐๐๐๐๐๐๐๐ ๐๐ ๐๐๐๐๐๐๐๐ ๐๐๐๐ ๐๐๐๐๐๐๐ ๐๐ ๐๐๐๐๐๐๐๐ ๐๐๐๐๐๐๐๐ ๐๐๐ ๐๐๐๐ ๐๐๐๐๐๐๐๐๐ ๐๐ ๐๐๐๐๐๐๐ ๐๐๐๐
Nagpakisusi ang mga opisyales sa Caloocan City sa mga best practices nga gihimo sa Mandaue City aron himuon kini sumbanan sa ilang mga programa ug proyekto nga pagahimuon para sa kalamboan sa ilahang siyudad.
Nangunay sa pagdayeg sa mga best practices nga gihimo sa dakbayan si Caloocan Mayor Dale Gonzalo Malapitan, mga kongresista Oscar Malapitan ug Dean Asistio ug Bise Mayor Karina Te ug mga konsehales
atol sa ilang pagbisita sa buhatan ni Mayor Thadeo โJonkieโ Ouano karong adlawa, Hulyo 16.
Gidayeg ni Mayor Malapitan ang pagka-progresibo sa Mandaue City ilabina ang umaabot nga Government Center nga gisiguro og han-ay ug giusa ang mga departamento sa kagamhanan aron dali kadangpanan sa katawhan.
Sigun ni Mayor Malapitan nga iyang himuon og inspirasyon ang proseso ug digitalization sa dakbayan ilabina sa City Disaster Risk Reduction Management Office ug Business Permit and Licensing Office.
Gikalipay ni Mayor Jonkie ang pagbisita sa mga opisyales ug nagpasalamat sa mga bisita sa pagpili sa dakbayan alang sa pagbinayloay ug kaalam para sa kalamboan sa serbisyo publiko.
Gipaambit usab ni Mayor Jonkie ang mga ideya ug pamaagi nga gihimo sa dakbayan alang sa epektibong pagserbisyo sa katawhan.
Isip kabahin sa pag abi-abi sa mga opisyales sa Caloocan City gihatagan usab ni Mayor Jonkie ug Proud Mandaue Products ang mga bisita simbolo sa tim-os ug madasigon nga partnership sa duha ka siyudad.
Kuyog usab sa mga opisyales sa Caloocan City ang mga opisyales sa Caloocan City Filipino-Chinese Chamber of Commerce.
Isip Industrial Hub sa Cebu kini ang lig-on nga ebidensya sa Mandaue City nga usa ka malamboon ug mauswagon nga dakbayan sa Metro Cebu.
Uban ni Mayor Jonkie nga nitimbaya sa mga bisita si Congresswoman Emmarie โLolypopโ Ouano-Dizon, Bise Mayor Glenn Bercede ug mga konsehales nga si Atty. Joel Seno, Ben Basiga, Jen Del Mar, Atty. Carlo Fortuna, Eugene Andaya, Raul Kevin Cabahug V, Fritz Villamor, Anjong Ouano Icalina ug Liga ng mga Barangay President Kap Dante Borbajo. (BR,JM)
