09/10/2026
PAGPANGHATAG OG MGA FLYERS
Duyog sa among padayon nga paningkamot sa pagpugong sa krimen, gihatagan usab namo og dakong importansya ang pagpaambit sa kahibalo ug mga safety tips ngadto sa komunidad. Nagtuo kami nga ang usa ka komunidad nga adunay sapat nga kahibalo mas andam sa pag-atubang sa mga hagit ug mas epektibo sa paglikay sa mga insidente nga mahimong makadaot sa kalinaw ug kaluwasan.
Pinaagi sa pagpanagtag og mga flyers, among gipahinumduman ug giedukar ang mga residente mahitungod sa mga paagi sa paglikay sa krimen, pag-amping sa ilang kaugalingon ug pamilya, ug sa husto nga mga lakang nga buhaton kung makasugat og kahimtang diin mahimong adunay iligal o supak sa balaod nga kalihokan.
Pinaagi niini nga inisyatiba, naglaum kami nga mahimong mas alerto, mas mabinantayon, ug mas responsable ang matag miyembro sa komunidad sa ilang palibot. Ang kahibalo usa ka kusgan nga instrumento sa pagpugong sa krimen ug sa pagmintinar sa malinawon ug luwas nga palibot alang sa tanan. pinaagi sa panaghiusa ug kooperasyon, mahimo natong mapalig-on ang seguridad sa atong komunidad.
