Mamburao Public Information Office - MPIO

05/06/2026

𝐄𝐬𝐭𝐚𝐝𝐨 𝐧𝐠 4𝐏𝐬 𝐬𝐚 𝐌𝐚𝐦𝐛𝐮𝐫𝐚𝐨, 𝐓𝐢𝐧𝐚𝐥𝐚𝐤𝐚𝐲 𝐬𝐚 𝐌𝐈𝐀𝐂

MAMBURAO, Occidental Mindoro — Isinagawa noong June 3 ang 2nd Quarterly Municipal Inter-Agency Committee (MIAC) Meeting upang mapalakas ang koordinasyon ng LGU Mamburao at Pantawid Pamilyang Pilipino Program (4Ps) ng Department of Social Welfare and Development (DSWD).

Sa pagpupulong, tinalakay ang kalagayan ng mga 4Ps beneficiaries sa bayan, kabilang ang Compliance Verification System (CVS), Social Welfare and Development Indicators (SWDI) gaps, cash grants at payment updates, at Grievance Redress System (GRS).

Pinag-usapan din ang kahalagahan ng livelihood assistance, convergence support, at institutional partnerships para sa patuloy na pag-unlad ng mga benepisyaryo, ganun din ang mga success stories ng ilang 4Ps beneficiaries sa komunidad.

Pinangunahan ang pagpupulong ng mga kawani ng 4Ps Municipal Operations Office na kinabibilangan nina Mark Christofferson (facilitator), Bernadeth Potayre (team leader), Artemisa Hilutin (grievance system), Elaine Trinidad (MRB), Ericson Rosete (compliance monitoring), Hadaza Pearl Jose (case management), Lienna May Templanza (IPs-related concerns), at Lyra Gernalin (success stories monitoring).

Hinikayat naman ang mga lokal na lider at partner agencies na patuloy na suportahan ang programa at tugunan ang mga natukoy na pangangailangan.

Nagpahayag din ng suporta sa 4Ps si Municipal Administrator Boy Maneja Jr., na kumatawan kay Mayor Atty. E-K Almero. Dumalo din ang iba’t ibang opisina ng LGU tulad ng MSWDO, MHO, PESO/LYDO, MDRRMO, at NGAs.

05/06/2026

𝐒𝐞𝐫𝐛𝐢𝐬𝐲𝐨𝐧 𝐂𝐚𝐫𝐚𝐯𝐚𝐧 𝐬𝐚 𝐁𝐫𝐠𝐲. 𝐓𝐚𝐲𝐚𝐦𝐚𝐚𝐧

Serbisyong pangkalusugan at libreng gamot, pamamahagi ng binhi para sa mga magsasaka, rehistro ng kapanganakan ng mga bata, tulong sa empleyo at kabuhayan, at pagpaparehistro para sa National ID ang ilan sa mga serbisyong inilapit ng Pamahalaang Bayan ng Mamburao sa mga katutubong komunidad sa Sitio Tugilan, Brgy. Tayamaan, June 1.

Sa kabila ng pag-ulan, nagtungo sa Tugilan Elementary School ang LGU Mamburao, katuwang ang Pamahalaang Panlalawigan at mga national government agency, upang maghatid ng serbisyo at makipagpulong sa mga lider ng mga purok ng Barangot, Tayum-Tayuman, Kahel, at Antipolo hinggil sa mga pangangailangan ng kanilang mga komunidad.

Pinangunahan ang gawain ni Mayor Atty. E-K Almero kasama ang mga miyembro ng Sangguniang Bayan na sina Kon. Brian Bautista, Kon. Atty. Yanna Abeleda, Kon. Mel Ramirez, at Kon. Oliver Mataro, gayundin si IPMR Renato Aloy.

Dumalo rin sina Brgy. Tayamaan Punong Barangay Manny Alastre, mga Kagawad na sina Elsa Bajas, Norilyn Blaquin, Reymar Santander, Ricardo Abliter, Suzette Gupilan, Norbero Inmenzo, at Leonard Daracay; SK Chairperson Danica Carandang, Brgy. Secretary Thalia de Luna, Brgy. Treasurer Jessa Bautista, at mga miyembro ng auxiliary groups.

04/06/2026

𝐋𝐢𝐦𝐚𝐧𝐠 𝐇𝐚𝐧𝐝𝐰𝐚𝐬𝐡𝐢𝐧𝐠 𝐊𝐢𝐨𝐬𝐤𝒔, 𝐈𝐧𝐢𝐥𝐮𝐧𝐬𝐚𝐝 𝐬𝐚 𝐌𝐚𝐦𝐛𝐮𝐫𝐚𝐨 𝐩𝐚𝐫𝐚 𝐬𝐚 𝐌𝐚𝐬 𝐏𝐢𝐧𝐚𝐥𝐚𝐤𝐚𝐬 𝐧𝐚 𝐇𝐚𝐧𝐝 𝐇𝐲𝐠𝐢𝐞𝐧𝐞 𝐂𝐚𝐦𝐩𝐚𝐢𝐠𝐧

Lima (5) na Handwashing Kiosk ang pinasinayaan at ipinamahagi sa isinagawang ‘Social Engagement & Turn-over Ceremony Behavioral Nudges for Hand Hygiene’ na ginanap sa Occidental Mindoro State College – Mamburao Campus, June 4.

Sa simpleng programa ay muling nagbigay ng paalala ang mga tagapagsalita tungkol sa hand hygiene kabilang sina:

◼️ HEPO III Josielyn Manzano
◼️ HEPO III Jayson Lopez
◼️ HEPO III Lailani Shiela Abeleda
◼️ DMO IV Neil Iriving Querubin
◼️ Mamburao MHO Dr. Paul Mark Rasing

Ang makulay at “localized” na disenyo ng mga kiosk ay mula sa konsepto ni Mayor Atty. E-K Almero at iginuhit ni G. Angelo Provido ng Municipal Mayor’s Office (MMO). Layunin nitong makahikayat sa publiko, lalo na sa mga bata, na regular na maghugas ng kamay.

Bilang bahagi din ng health sector ay naroon din sina Kon. Doc Wyn Esperanza at Kon Brian Bautista na isa namang registered nurse, at kapwa matibay na sumusuporta sa promosyon ng tamang paghuhugas ng kamay. Kinatawan naman ni Mx. Chanel Cortez Bermudes si Mayor Atty. Almero.

Ang programa ay bahagi ng Healthy Community Playbook ng Department of Health. Noong September 2025, unang tinalakay ng LGU Mamburao, MHO, PHO, PDOHO ang pagpapatupad nito na nakatuon sa tamang hand hygiene gamit ang behavioral nudges o mga simpleng paalala at disenyo sa kapaligiran. Isa sa napagkasunduan ay ang paglalagay ng mga handwashing kiosk sa ilang lugar sa bayan ng Mamburao.

Ang limang handwashing kiosks ay ilalagay sa OMSC – Mamburao Campus, Kanluran Public Market, Mamburao RHU, Occidental Mindoro Provincial Hospital – OPD, at Capitol Ground.

02/06/2026

Serbisyo Caravan at Ugnayan sa Pamayanan sa Sitio Tugilan, Tayamaan, Mamburao

02/06/2026

Araw ng lunes, tawid ilog, binisita natin ang Tuguilan kasama ang pamayanan ng Kahel, Tayum Tayuman, Barangot, at Purok Mabuhay sa Barangay Tayamaan. Dinala natin ang Serbisyo Caravan ng ating Munisipyo, Kapitolyo at National Agencies.

Libreng serbisyong medical ng ating health office, binhi ng Department of Agriculture, empleyo at kabuhayan, birth registration, PHILHEALTH, usapang seguridad at iba pa ang dala at nilapit natin sa mga nasabing pamayanan.

Nagkaroon din tayo ugnayan kung saan agad natin tinugunan ang ibang pangangailangan ng ating mga kapatid na katutubo. Marami pa aayusin, ang iba ay hindi kaya pondohan ng munisipyo at ito ay ilalapit natin sa mas mataas na ahensya.

Mag iingat tayo pong lahat at tuloy tuloy ang pag ulan sa ating bayan. Salamat po! 💚

—-

02/06/2026

Pagtatanggal ng putik sa daan sa Sitio Tugilan, Brgy. Tayamaan
June 2, 2026

02/06/2026

DALOY NG TUBIG SA PUROK MARINA

Tinugunan din ng pamahalaang bayan ang kahilingan ng mga residente ng Purok Marina, Brgy. Payompon at Kap. Leonard Almero na mabuksan at matanggal ang buhangin na nakabara sa daluyan ng tubig patungo ng dalampasigan.

Patuloy na nakaantabay ang LGU sa bayan.

02/06/2026

PUTIK SA DAAN SA SITIO TUGILAN

Dahil sa patuloy na pag-ulan, gumuho at bumaba ang putik sa bahagi ng kalsada sa Sitio Tugilan, Brgy. Tayamaan, na nagdulot ng panganib sa mga motorista at residente na dumaraan nitong Martes ng umaga, June 2.

Agad na ipinadala ng LGU ang wheel loader kaninang umaga upang alisin ang naipong putik at matiyak ang ligtas na pagdaan ng mga sasakyan at mamamayan sa lugar.

28/05/2026

𝐁𝐔𝐊𝐀𝐒 𝐍𝐀 | Isasagawa ng DENR MIMAROPA at DENR-CENRO Sablayan ang “𝐒𝐞𝐫𝐛𝐢𝐬𝐲𝐨 𝐂𝐚𝐫𝐚𝐯𝐚𝐧: 𝐏𝐞𝐫𝐦𝐢𝐭𝐭𝐢𝐧𝐠 𝐎𝐧 𝐖𝐡𝐞𝐞𝐥𝐬” sa Mamburao Municipal Old Gymnasium ngayong May 29, 2026, 8:00 AM–5:00 PM para ilapit sa mamamayan ang iba’t ibang permit at environmental services.

𝐃𝐄𝐍𝐑 𝐒𝐞𝐫𝐛𝐢𝐬𝐲𝐨 𝐂𝐚𝐫𝐚𝐯𝐚𝐧: 𝐏𝐞𝐫𝐦𝐢𝐭𝐭𝐢𝐧𝐠 𝐎𝐧 𝐖𝐡𝐞𝐞𝐥𝐬

Ang DENR MIMAROPA, sa pamamagitan ng DENR-CENRO Sablayan ay magsasagawa ng “𝘚𝘦𝘳𝘣𝘪𝘴𝘺𝘰 𝘊𝘢𝘳𝘢𝘷𝘢𝘯: 𝘗𝘦𝘳𝘮𝘪𝘵𝘵𝘪𝘯𝘨 𝘰𝘯 𝘞𝘩𝘦𝘦𝘭𝘴” sa darating na May 29, 2026. Gaganapin ito sa Municipal Gym mula 8:00am hanggang 5:00pm.

Kabilang sa mga serbisyong dala ay ang mga sumusunod:

✅ Permits & Clearances
✅ Land & Resource Management Assistance
✅ Tree Growing / Environmental Programs
✅ Enforcement and Compliance

Layunin nito na mailapit ang serbisyo sa mamamayan sa halip na magbihaye pa patungo sa kanilang opisina.

Para sa iba pang impormasyon, makipag-ugnayan sa MENRO – Mamburao ( https://www.facebook.com/share/1JgoCTAfkM/ ).

Maari din tumawag sa 0915 425 0809.

09/05/2026

𝐌𝐘𝐁𝐏 𝐁𝐚𝐬𝐤𝐞𝐭𝐛𝐚𝐥𝐥 𝐏𝐫𝐨𝐠𝐫𝐚𝐦, 𝐒𝐮𝐩𝐨𝐫𝐭𝐚𝐝𝐨 𝐧𝐢 𝐌𝐚𝐲𝐨𝐫 𝐀𝐥𝐦𝐞𝐫𝐨 𝐩𝐚𝐫𝐚 𝐬𝐚 𝐒𝐩𝐨𝐫𝐭𝐬 𝐃𝐞𝐯𝐞𝐥𝐨𝐩𝐦𝐞𝐧𝐭 𝐧𝐠 𝐊𝐚𝐛𝐚𝐭𝐚𝐚𝐧 𝐬𝐚 𝐌𝐚𝐦𝐛𝐮𝐫𝐚𝐨

MAMBURAO, Occidental Mindoro — Bilang isang basketball enthusiast at youth-oriented leader ng Mamburao, buo ang suporta na ibinibigay ni Mayor Atty. E-K Almero sa Mamburao Youth Basketball Program (MYBP) na may layuning hubugin ang disiplina at kakayahan ng mga kabataang manlalaro.

Sa ilalim ng programa nina MYBP founder at Assistant Principal II Kristent Leo Tuscano at MYBP co-founder at PESS coordinator Kristian Orly Benitez, apat na koponan sa Under-12 category ang maglalaban sa unang batch ng kompetisyon.

Nagsimula ang dalawang araw na mga laro sa Occidental Mindoro National High School at ipagpapatuloy ang mga ito hanggang sa championship sa FIBA-approved basketball court ng Pamahalaang Bayan ng Mamburao. Bumisita rin si Mayor Atty. E-K Almero sa laro, May 7, upang bumati sa matagumpay na programa at makipag-ugnayan sa mga skills trainers at game officials ng liga.

Ang MYBP ay isang school-based training program na naglalayon din na tumuklas ng bagong basketball player bilang paghahanda sa mga kompetisyon sa mga susunod na taon.