Mamburao Public Information Office - MPIO

Mamburao Public Information Office - MPIO Ang Opisyal na page ng Bayan ng Mamburao Public Information Office (MPIO)

Mamburao Uunahin ang Lokal na Baboy Bago Mag-angkat sa Karatig-LugarMAMBURAO, Occidental Mindoro — Uunahin ng Pamahalaan...
08/09/2026

Mamburao Uunahin ang Lokal na Baboy Bago Mag-angkat sa Karatig-Lugar

MAMBURAO, Occidental Mindoro — Uunahin ng Pamahalaang Bayan ng Mamburao ang suplay mula sa mga lokal na hog raisers bago kumuha ng baboy mula sa ibang bayan o lalawigan sa layuning suportahan ang lokal na industriya at maiwasan ang pagpasok muli ng African swine fever (ASF).

Batay sa update ni Mayor Atty. E-K Almero, ito ang napagkasunduan sa pagpupulong ng “Task Force Bantay Karne” at “Bantay ASF,” alinsunod din sa bagong Executive Order na inilabas ni Occidental Mindoro Gov. Ed Gadiano.

Ayon kay Mayor Almero, kailangan munang maubos ang supply mula sa Mamburao bago kumuha sa mga karatig-bayan, basta ASF-free ang pinanggalingan. Ang pagkuha mula sa Oriental Mindoro ay isasagawa lamang kung hindi na kayang tugunan ng suplay mula sa Occidental Mindoro ang araw-araw na pangangailangan ng mga mamimili.

“Local Hog Raisers muna natin ang uunahin bago ang iba,” aniya.

Hinimok din ni Mayor Almero ang mga hog raisers na ipatala sa Municipal Veterinarian Office ang kanilang mga alagang baboy, projected slaughter dates at iba pang datos upang matantiya kung sapat ang lokal na suplay para sa pangangailangan ng merkado.

Kasabay nito, ipagpapatuloy ng lokal na pamahalaan ang paghuli sa mga frozen meat products na walang kaukulang dokumento.

“Hindi po natin pinipigilan kayo mag-negosyo, ilagay niyo lang po sa legal,” ani Mayor Almero, na binigyang-diin ang panganib na muling makapasok ang ASF sa bayan.

Hinimok din ang publiko na bumili ng karne sa mga opisyal na pamilihan at maging mapagmatyag sa mga produktong walang malinaw na dokumentasyon.

Inaasahang ilalabas ng Pamahalaang Bayan ang sarili nitong Executive Order sa mga susunod na araw.

08/09/2026

Panayan ng 102.3 CARE FM kay Mayor Atty. E-K Almero kaugnay ng polisiya upang maiwasan ang ASF, suporta sa local hog raisers, at frozen meat regularization.

September 8, 2026

Daan sa Brgy. Balansay, maagang binisita Binisita ni Mayor Atty. E-K Almero ang bahagi ng daan sa Sitio Lanas, Brgy. Bal...
07/09/2026

Daan sa Brgy. Balansay, maagang binisita

Binisita ni Mayor Atty. E-K Almero ang bahagi ng daan sa Sitio Lanas, Brgy. Balansay, Biyernes, Setyembre 4, upang inspeksyunin matapos ipaabot sa kanya ang pangangailangan para sa rehabilitasyon nito.

Nakahanda na sanang dalhin ang heavy equipment para sa pagsasaayos ng kalsada, ngunit minabuti munang ipagpaliban ang operasyon dahil malambot pa ang lupa at hindi maganda ang kondisyon ng panahon.

Nangako si Mayor Almero na babalikan ang lugar kapag bumuti na ang kondisyon ng panahon, tumigas ang lupa at maayos na ang pagkukuhanan ng graba para maisagawa ang rehabilitasyon.

Bago nagtungo sa Balansay, maaga ring namahagi ang alkalde ng bangus fry sa mga fishpond owner na naapektuhan ng pag-apaw ng kanilang mga palaisdaan dahil sa mga ulang dala ng habagat.

ADOLESCENT HEALTH SYMPOSIUM, ISINAGAWA SA MAMBURAOMAMBURAO, Occidental Mindoro — Umabot sa 180 adolescents at Barangay H...
06/09/2026

ADOLESCENT HEALTH SYMPOSIUM, ISINAGAWA SA MAMBURAO

MAMBURAO, Occidental Mindoro — Umabot sa 180 adolescents at Barangay Health Workers mula sa Poblacion 1–8 at Payompon ang lumahok sa Adolescent Health Symposium na isinagawa sa Municipal Gym, September 6.

Tinalakay dito ang HIV, kabilang ang mga senyales, paraan ng transmission at prevention; teenage pregnancy; at leptospirosis, bilang bahagi ng pagpapalakas ng kaalaman ng mga kabataan sa pag-iwas sa mga health risks.

Kabilang sa mga naging tagapagsalita sina Glendy Forones, NDP-DOH; Nurse Vanessa Genosa, at DOH RHMPP Jelyza Quiros.

Kasabay na isinagawa ang symposium sa Brgy. Tangkalan at Brgy. San Luis na dinaluhan din ng 180 participants. Resource speakers naman dito sina sina DOH-NDP John Patrick Quiboloy; DOH-RHMPP Ferky Dayao; Ken Agoncillo, Adolescent Health Coordinator ng Occidental Mindoro Provincial Health Office; at Ma. Theresa Flores, Municipal Adolescent Health Coordinator ng Mamburao Municipal Health Office.

Ang Symposium ay isang joint initiative ng Department of Health, Occidental Mindoro Provincial Health Office, at Mamburao Municipal Health Office.

Nauna nang isinagawa ang kaparehong symposium noong September 5 sa Brgy. Balansay at sa pinagsamang Brgy. Talabaan at Brgy. Fatima.

Bahagi ito ng patuloy na pagtutok ng Mamburao administration sa adolescent health, lalo na sa mga usaping nangangailangan ng maagang interbensyon, wastong impormasyon, at access sa primary health services.

Inaasahang susundan pa ito ng iba pang programa na tutugon sa mga pangunahing health concerns ng kabataan at magpapalakas sa preventive health efforts sa mga barangay.

𝐓𝐑𝐀𝐕𝐄𝐋 𝐀𝐃𝐕𝐈𝐒𝐎𝐑𝐘 | 𝐀𝐬 𝐨𝐟 𝐒𝐞𝐩𝐭𝐞𝐦𝐛𝐞𝐫 5, 𝟐𝟎𝟐𝟔Please be informed of the latest 𝐯𝐞𝐬𝐬𝐞𝐥 𝐭𝐫𝐢𝐩 𝐮𝐩𝐝𝐚𝐭𝐞𝐬 for the 𝐀𝐛𝐫𝐚 𝐝𝐞 𝐈𝐥𝐨𝐠–𝐁𝐚𝐭𝐚𝐧...
05/09/2026

𝐓𝐑𝐀𝐕𝐄𝐋 𝐀𝐃𝐕𝐈𝐒𝐎𝐑𝐘 | 𝐀𝐬 𝐨𝐟 𝐒𝐞𝐩𝐭𝐞𝐦𝐛𝐞𝐫 5, 𝟐𝟎𝟐𝟔

Please be informed of the latest 𝐯𝐞𝐬𝐬𝐞𝐥 𝐭𝐫𝐢𝐩 𝐮𝐩𝐝𝐚𝐭𝐞𝐬 for the 𝐀𝐛𝐫𝐚 𝐝𝐞 𝐈𝐥𝐨𝐠–𝐁𝐚𝐭𝐚𝐧𝐠𝐚𝐬 𝐂𝐢𝐭𝐲 𝐫𝐨𝐮𝐭𝐞.

Passengers are encouraged to 𝐬𝐭𝐚𝐲 𝐢𝐧𝐟𝐨𝐫𝐦𝐞𝐝 𝐭𝐡𝐫𝐨𝐮𝐠𝐡 𝐨𝐟𝐟𝐢𝐜𝐢𝐚𝐥 𝐚𝐧𝐧𝐨𝐮𝐧𝐜𝐞𝐦𝐞𝐧𝐭𝐬 and allow sufficient travel time, as 𝐰𝐞𝐚𝐭𝐡𝐞𝐫 𝐚𝐧𝐝 𝐬𝐞𝐚 𝐜𝐨𝐧𝐝𝐢𝐭𝐢𝐨𝐧𝐬 may cause delays, cancellations, or changes in vessel schedules.

For more inquiries, please contact:
𝐌𝐨𝐧𝐭𝐞𝐧𝐞𝐠𝐫𝐨 𝐒𝐡𝐢𝐩𝐩𝐢𝐧𝐠 𝐋𝐢𝐧𝐞𝐬
0926-036-4416
𝐈𝐬𝐥𝐚𝐧𝐝 𝐖𝐚𝐭𝐞𝐫 – 𝐌𝐕 𝐈𝐬𝐥𝐚 𝐒𝐢𝐦𝐚𝐫𝐚
Customer Care: 0947-891-2988
Batangas Ticketing: 0956-513-7324
Abra de Ilog Ticketing: 0954-267-7368
𝐎𝐫𝐚𝐧𝐠𝐞 𝐍𝐚𝐯𝐢𝐠𝐚𝐭𝐢𝐨𝐧
0999-651-9500

04/09/2026

Bago ang Opisina, Kababayan Muna

MAMBURAO, Occidental Mindoro — Maaga pa lang ng Biyernes, September 4, nagsimula na ang trabaho ni Mayor Atty. E-K Almero —mula sa pagtulong sa mga fishpond owners na bumangon matapos ang mga pag-ulan hanggang sa pag-iikot sa mga lugar na nangangailangan ng agarang aksyon.

Pinangunahan ni Mayor Almero ang pamamahagi ng bangus fry sa mga fishpond owners na naapektuhan ng matagal na pag-ulan. Layunin nitong matulungan silang muling makapagsimula at makabawi sa mga pagkalugi sa kanilang kabuhayan.

Matapos ang pamamahagi, nagtungo naman siya sa Sitio Lanas, Barangay Balansay upang tingnan mismo ang kondisyon ng kalsada na hinihiling ng mga residente na matambakan upang maging mas maayos at madaraanan.

Bahagi ito ng maagang routine ni Almero bago magtungo sa munisipyo. Sa ganitong paraan, nauuna niyang makita ang mga pangangailangan sa labas ng opisina bago harapin ang iba pang trabaho at mga usaping kailangang asikasuhin sa munisipyo.

Sa isang bayan na patuloy na humaharap sa epekto ng mga pag-ulan, ang ganitong morning rounds ay nagiging paraan para makita muna ang problema bago ito makarating sa mesa bilang ulat.

Sa isang bayan na patuloy na humaharap sa epekto ng mga pag-ulan, ang ganitong morning rounds ay paraan ni Mayor Almero upang personal na malaman ang mga kaganapan sa komunidad bago ito makarating sa kanyang opisina bilang ulat para sa mas komprehensibong pag-aaral at pagtugon sa mga sitwasyon .

Address

Mamburao

Website

Alerts

Be the first to know and let us send you an email when Mamburao Public Information Office - MPIO posts news and promotions. Your email address will not be used for any other purpose, and you can unsubscribe at any time.

Shortcuts

Share

Category