Municipal Treasurer's Office - LGU Mamburao

08/09/2025

PUBLIC ADVISORY..‼️📢📢

Ang tanggapan po ng Municipal Treasurer's Office - LGU Mamburao ay patuloy na nagsasagawa ng house-to-house tax campaign sa lahat ng barangay na sakop ng ating bayan.

Ang gawain pong ito ay bahagi pa rin ng implementasyon ng ating Real Property Valuation and Assessment Reform Act o RPVARA (Republic Act 12001).

☑️ Para po sa mga may ari-ariang natitinag at di- natitinag na may mga hindi nabayarang buwis, kayo po ay makakatanggap ng Notice of Delinquency buhat sa aming tanggapan. Ito po ay upang maipaabot/maipaalam sa inyo ang inyong tax bill simula sa taon na hindi nabayaran hanggang ngayong taon, 2025.

☑️ Ito po ay magandang oportunidad para sa ating lahat na i-avail ang amnesty na kung saan ay maaari po tayong magbayad ( full or partial payment) ng walang pataw na interes..

☑️ Maaari lamang po nating i- avail ang tax amnesty hanggang sa susunod na taon, July 5, 2026

☑️ Kaya't ano pa po ang iniintay nyo? Halina't sama sama po nating samantalahin ang pagkakataon na makabayad ng ating buwis ng walang interes..

☑️ Para po sa inyong mga katanungan at pagllilinaw, maari po kayong magtungo sa aming tanggapan, Municipal Treasurer's Office na matatagpuan sa Ground Floor, Municipal Building- LGU Mamburao.

MARAMING SALAMAT PO..‼️📢📢

04/09/2025

Ngayong araw ay nagsagawa ng Joint Ocular Inspection ang Tanggapan ng Business Permit and Licensing Office (BPLO) at Municipal Treasurer's Office (MTO) sa ilang piling business establishment sa Bayan ng Mamburao.

Layunin ng inspeksyong ito na masiguro ang wastong pagtalima ng mga business owners sa regulasyon ng tamang pagbabayad ng buwis sa ating bayan.

03/09/2025

Ngayong araw, Setyembre 3, ang Municipal Treasurer's Office - LGU Mamburao ay patuloy na nagsasagawa ng calibration ng mga timbangan/kiluhan sa Kanluran Public Market.

Ang bawat timbangan/kiluhan na nasusuri ay nilalagyan nila ng "seal" bilang patunay na ito ay opisyal ng nasuri at tumatalima sa itinakdang pamantayan.

Layunin ng gawaing ito at ng mga namumuno sa Bayan ng Mamburao na mapanatili ang tiwala ng publiko sa integridad ng ating pamilihan.

29/08/2025

Pagka- calibrate ng mga timbangan sa Kanluran Public Market, isinagawa ngayong araw, Agosto 29, 2025.

Ngayong araw nga po ay sinimulan ang pagka calibrate ng mga timbangan sa Kanluran Public Market sa pangunguna ng mga kawani ng Municipal Treasurer' s Office.

Layunin ng gawaing ito na masiguro ang tamang sukat at timbang ng mga produktong ipinagbibili upang maprotektahan ang mga mamimili at matiyak ang patas na kalakalan sa pamilihan.

Ang hakbang na ito ay bahagi ng tuloy- tuloy na programa at pagsasaayos ng Pamahalaang Bayan sa pangunguna ng ating Punong Bayan, Atty. Glicerio "EK" S. Almero, III katuwang ang Pangalawang Punong Bayan, Raul V. Masangkay at mga Konsehal ng Bayan ng Mamburao, upang mapanatili ang integridad at tiwala ng publiko sa ating pamilihan.

29/08/2025

22/08/2025

22/08/2025

05/07/2025

Bilang pakikiisa at pagtugon ng pamunuan ng Barangay Payompon sa pangunguna ni Barangay Captain Leonard M. Almero kasama sina Kagawad Ronnie T. Bernardo, Kagawad Beth L. Lacuesta at Barangay Treasurer Jovelyn U. Cutara sa ipinatutupad na AMNESTIYA sa BUWIS sa mga ari-ariang natitinag at di- natitinag, sila po ay nagpatawag ng isang pagpupulong na ginanap sa Barangay Hall, Barangay Payompon, Mamburao, Occidental Mindoro ngayong araw, Hulyo 5, 2025.

Sila rin po ay nag imbita ng mga empleyado buhat sa Municipal Assessor's Office, sa pangunguna ni Municipal Assessor Benjamin D. Tesorio, Jr. at sa Municipal Treasurer's Office sa pangunguna ni Acting Municipal Treasurer Theresa Ria C. Celestial, kasama ang kanyang mga staff, Ms. Maribel T. Bernardo, Ms. Julie Ann H. Ramos at Ms. Maribeth M. Usi upang higit na maipaliwanag ang tungkol sa tax amnesty sa bawat residenteng dumalo sa naturang pagpupulong..

Nagsimula ang pagpupulong ganap na ika 8:30 ng umaga.Nagkaroon ng talakayan at nabigyan din ng pagkakataon ang bawat isa na makapagtanong upang mas higit nilang maunawaan ang mga tanong sa kanilang isipan.

Nais din pong ipaabot ng pamunuan ng Barangay Payompon at ng LGU Mamburao ang pasasalamat sa bawat residente ng barangay na dumalo at nakiisa.. Gayundin, ipinaaabot din po ang pasasalamat kay Gng. Rosario T. Lising sa pagboboluntaryo at pagbibigay ng tulong upang mas mapalawak pa ang ginagawa nating tax campaign sa pamamagitan ng pagpa-flash sa Capitol Catv ng tungkol sa Tax Amnesty..

Muli po para sa inyong mga katanungan, bukas po ang aming tanggapan, Municipal Treasurer's Office- LGU Mamburao mula Lunes hanggang Byernes, ganap na ika 8:00 ng umaga hanggang ika 5:00 ng hapon.

Maraming salamat po!

25/06/2025

June 25, 2025...

Ngayong araw nga po ay natapos na ng ating mga kawani ng Municipal Treasurer's Office - LGU Mamburao ang paghahatid at pagpapaliwanag na rin sa ating mga Barangay Officials ng mga tax bill para sa mga delingkwenteng ari- ariang nasasakop ng kanilang barangay.. Kaugnay pa rin ito ng kasalukuyang ipinatutupad na AMNESTIYA sa ating bayan..

Sa mga susunod na araw/linggo at sa pakikipagtulungan po ng bawat Barangay Officials ay magkakaroon din po kami ng house to house campaign upang makapaghatid at makapagbigay sa bawat mamamayan ng mas malawak na impormasyon at kaalaman tungkol sa kahalagahan ng pagbabayad ng buwis..

At para sa mga karagdagang impormasyon at paglilinaw, mangyari lamang pong magtungo sa aming tanggapan na matatagpuan sa Ground Floor, Municipal Hall.. Bukas po ang aming tanggapan mula Lunes hanggang Byernes, ganap na ika 8:00 ng umaga hanggang ika 5:00 ng hapon..

Maraming salamat po..‼️