DILG Bulacan

06/09/2026

𝐖𝐀𝐋𝐀𝐍𝐆 𝐏𝐀𝐒𝐎𝐊 | Narito ang mga pamahalaang lokal na nagdeklara ng suspensyon ng pasok sa mga paaralan kaugnay ng mataas na lebel ng tubig o pagbaha na dulot ng nagdaang Southwest Monsoon o Habagat:

SETYEMBRE 7, 2026 (Lunes)
• Calumpit - All levels; Public at Private
• Hagonoy - All levels; Public at Private; ADM
• Lungsod ng San Jose Del Monte - All levels; Public at Private

Kasabay nito ay atin pong pinapaalalahanan ang lahat na mag-ingat at manatiling ngayon panahon ng tag-ulan. ☔️

(This is a running list, please refresh for newer updates)

05/09/2026

04/09/2026

𝐏𝐢𝐧𝐚𝐥𝐚𝐤𝐚𝐬 𝐧𝐚 𝐊𝐚𝐤𝐚𝐲𝐚𝐡𝐚𝐧 𝐧𝐠 𝐦𝐠𝐚 𝐁𝐁𝐈𝐬 𝐩𝐚𝐫𝐚 𝐬𝐚 𝐌𝐚𝐬 𝐋𝐢𝐠𝐭𝐚𝐬, 𝐌𝐚𝐩𝐚𝐲𝐚𝐩𝐚, 𝐚𝐭 𝐌𝐚𝐭𝐚𝐭𝐚𝐠 𝐧𝐚 𝐏𝐚𝐦𝐚𝐲𝐚𝐧𝐚𝐧

Setyembre 3, 2026 | Bilang bahagi ng patuloy na layunin ng DILG Bulacan, sa pangunguna ni PD Myrvi Apostol-Fabia, sa pagsusulong ng mas ligtas, mapayapa, at handang mga pamayanan, isinagawa ngayong araw ang pagpapalakas ng kakayahan ng mga Barangay-Based Institutions para sa mga Retooled Community Support Program (RCSP) Target Barangays.

Ang aktibidad ay dinaluhan ng tatlungpu’t limang (35) barangay mula sa Bayan ng Angat, DRT, Norzagaray, Pandi, San Ildefonso, Paombong at San Miguel. Ang mga kalahok ay nagkaroon ng pagsasanay sa mga papel at tungkulin na ginagampanan ng mga opisyal ng barangay ukol sa mga mahahalagang usapin kaugnay ng pagtugon sa ilegal na droga, pagpapanatili ng kapayapaan at kaayusan, at disaster preparedness and resilience.

Layunin ng inisyatibong ito na higit pang mapalawak ang kaalaman, mapahusay ang kakayahan, at mapatatag ang papel ng mga institusyon sa barangay bilang katuwang ng pamahalaan sa pagtugon sa iba’t ibang hamon na kinakaharap ng komunidad.

Sa pamamagitan ng pagpapalakas ng mga mekanismo para sa peace and order, pagtugon sa usapin ng ilegal na droga, at paghahanda sa mga sakuna, inaasahang ang mas mabilis, maayos, at epektibong paghatid ng dekalidad na serbisyo ng mga Barangay-Based Institutions (BBIs) sa pagtiyak ng kaligtasan at pagtugon sa pangangailangan ng kanilang mga nasasakupan.

04/09/2026

𝐀𝐃𝐌 | Alinsunod sa Memorandum Sirkular Blg. 134, magsasagawa muna ng alternative delivery mode of learning ang mga paaralan sa Lalawigan ng Bulacan, ngayong ika-4 ng Setyembre, 2026 (Biyernes) kaugnay ng pag-ulan na dulot Southwest Monsoon o Habagat at poor air quality sa NCR dulot ng haze mula sa sunog sa mga kagubatan sa Kalimantan at Sumatra, Indonesia.

03/09/2026

𝐂𝐚𝐫𝐥𝐨𝐬 𝐅. 𝐆𝐨𝐧𝐳𝐚𝐥𝐞𝐬 𝐇𝐢𝐠𝐡 𝐒𝐜𝐡𝐨𝐨𝐥, 𝐓𝐚𝐦𝐩𝐨𝐤 𝐛𝐢𝐥𝐚𝐧𝐠 𝐍𝐚𝐭𝐢𝐨𝐧𝐚𝐥 𝐒𝐡𝐨𝐰𝐜𝐚𝐬𝐞 𝐧𝐠 𝐒𝐜𝐡𝐨𝐨𝐥 𝐒𝐚𝐟𝐞𝐭𝐲 𝐃𝐫𝐢𝐥𝐥

Pinangunahan ngayong araw, Setyembre 3, 2026, ni Department of the Interior and Local Government (DILG) Secretary Jonvic Remulla ang isinagawang National Simultaneous School Safety Drill sa Carlos F. Gonzales High School sa Bayan ng San Rafael, Bulacan.

Ang aktibidad na ito ay isinakatuparan bilang bahagi ng patuloy na pagsusulong ng pambansang pamahalaan sa aspekto ng kahandaan at kaligtasan ng mga mag-aaral, g**o, at iba pang kawani ng paaralan sa panahon ng mga panganib at iba pang emergency. Dumalo rin sa pagsasanay ang mga opisyal at kawani mula sa mga LGU at iba pang tanggapan at ahensya ng pamahalaan.

Sa huli, ang aktibidad ay isinagawa nang may lubos na pag-iingat at konsiderasyon sa mental health at psychological well-being ng mga mag-aaral. Tiniyak ang pagpapatupad ng mga kinakailangang safeguard upang maging ligtas, maayos, at angkop ang pagsasagawa ng naturang school safety drill.

03/09/2026

𝐏𝐑𝐎𝐉𝐄𝐂𝐓 𝐊𝐀𝐋𝐈𝐍𝐆𝐀 𝐓𝐚𝐦𝐩𝐨𝐤 𝐬𝐚 𝐃𝐚𝐠𝐲𝐚𝐰 𝐓𝐨𝐰𝐧𝐡𝐚𝐥𝐥 𝐌𝐞𝐞𝐭𝐢𝐧𝐠 𝐬𝐚 𝐆𝐮𝐢𝐠𝐮𝐢𝐧𝐭𝐨, 𝐁𝐮𝐥𝐚𝐜𝐚𝐧

𝗦𝗲𝘁𝘆𝗲𝗺𝗯𝗿𝗲 𝟮, 𝟮𝟬𝟮𝟲 | Matagumpay na naisagawa ang Dagyaw Townhall Meeting sa Bayan ng Guiguinto, sa ilalim ng 𝘖𝘱𝘦𝘯 𝘎𝘰𝘷𝘦𝘳𝘯𝘮𝘦𝘯𝘵 𝘗𝘢𝘳𝘵𝘯𝘦𝘳𝘴𝘩𝘪𝘱 (𝘖𝘎𝘗) 𝘓𝘰𝘤𝘢𝘭𝘪𝘻𝘢𝘵𝘪𝘰𝘯 𝘗𝘳𝘰𝘨𝘳𝘢𝘮, na naglalayong mapalakas ang ugnayan at sama-samang pagkilos ng pamahalaan at komunidad sa pagtugon sa mahahalagang pangangailangan ng mamamayan.

Binigyang-pansin sa naturang gawain ang 𝗣𝗿𝗼𝗷𝗲𝗰𝘁 𝗞𝗮𝗹𝗶𝗻𝗴𝗮, isang 𝘾𝙤-𝙂𝙤𝙫𝙚𝙧𝙣𝙖𝙣𝙘𝙚 𝘾𝙚𝙣𝙩𝙚𝙧 𝙖𝙣𝙙 𝙄𝙣𝙩𝙚𝙜𝙧𝙖𝙩𝙚𝙙 𝙎𝙚𝙧𝙫𝙞𝙘𝙚 𝙈𝙚𝙘𝙝𝙖𝙣𝙞𝙨𝙢 na naglalayong pag-ugnayin ang pamahalaan at iba’t ibang sektor upang matiyak na ang mga 𝘴𝘦𝘯𝘪𝘰𝘳 𝘤𝘪𝘵𝘪𝘻𝘦𝘯, 𝘗𝘞𝘋, 𝘴𝘵𝘳𝘰𝘬𝘦 𝘴𝘶𝘳𝘷𝘪𝘷𝘰𝘳, at iba pang higit na nangangailangang mamamayan ng Guiguinto ay nakikita, napaglilingkuran, at napapakinggan.

Sa pamamagitan ng 𝗣𝗿𝗼𝗷𝗲𝗰𝘁 𝗞𝗮𝗹𝗶𝗻𝗴𝗮, isinusulong ang mas maayos na pagtutulungan sa pagpaplano, pagpapatupad, at patuloy na pagpapabuti ng mga serbisyo sa kalusugan, rehabilitasyon, kapakanang panlipunan, kabuhayan, at iba pang kinakailangang suporta para sa mga mamamayan.

Naging mahalagang bahagi rin ng naturang aktibidad ang pakikipagpalitan ng mga pananaw at mungkahi ng mga kalahok, na nagsilbing gabay sa patuloy na paghubog ng mga programang tunay na nakasentro sa pangangailangan ng mamamayan.

Nakiisa sa talakayan ang mga kinatawan ng Pamahalaang Bayan ng Guiguinto, sa pangunguna ni Punong Bayan Ambrosio Cruz, Jr., kasama ang iba’t ibang sektor at katuwang na organisasyon, gayundin ang mga kinatawan mula sa DILG Bulacan.

03/09/2026

03/09/2026

𝐖𝐀𝐋𝐀𝐍𝐆 𝐏𝐀𝐒𝐎𝐊 | Narito ang mga pamahalaang lokal na nagdeklara ng suspensyon ng pasok sa mga paaralan kaugnay ng patuloy na pag-ulan na dulot ng Southwest Monsoon o Habagat:

SETYEMBRE 3, 2026 (Huwebes)
• Balagtas - All levels; Public at Private; ADM
• Baliwag City - All levels; Public at Private; ADM
• Bocaue - All levels; Public at Private; ADM
• Bulakan - All levels; Public at Private; Flexible Learning Program
• Calumpit - All levels; Public at Private; ADM
• Hagonoy - All levels; Public at Private;
• Paombong - All levels (Public and Private);
• Pulilan - All levels (Public and Private);
• Malolos City - All levels; Public at Private; ADM
• Santa Maria - All levels (Public and Private); ADM

Kasabay nito ay atin pong pinapaalalahanan ang lahat na mag-ingat at manatiling ngayon panahon ng tag-ulan. ☔️

(This is a running list, please refresh for newer updates)

02/09/2026

𝐓𝐈𝐍𝐆𝐍𝐀𝐍: Sa patuloy na pagsubaybay sa mga programang ipinapatupad para sa kapakanan ng mga komunidad, matagumpay na isinagawa ngayong araw ng DILG Bulacan ang monitoring sa Obando, Bulacan, bilang bahagi ng pagpapatupad ng FY 2026 Local Government Support Fund – Financial Assistance to Local Government Units (LGSF-FALGU) – Rice Distribution Project. Ang pondo para sa proyekto ay ipinagkaloob sa Pamahalaang Lalawigan ng Bulacan.

Sa ilalim ng programa, tig-10 kilo ang ipinagkaloob sa bawat benepisyaryo ng barangay sa Bayan ng Obando, kabilang ang Hulo, Lawa, Paco, San Pascual, Tawiran, Binuangan, Catanghalan, Pag-asa, Paliwas, Panghulo, at Salambao.

Sa pamamagitan ng Rice Distribution Project, patuloy na naihahatid ang tulong sa mga benepisyaryo, bilang suporta sa kanilang pang-araw-araw na pangangailangan at kapakanan.