City Government of Malaybalay

04/06/2026

Strengthening Community Health pinaagi sa safe water ug mosquito prevention

Niadtong Hunyo 2, 2026, ang City Health Office – Environmental Sanitation and Occupational Health Section, nga gilangkuban nila ni Ned Melendez, Rhowel Jay Montefalcon, Joshua Mercado, ug Chuck Abendaño, nagpahigayon og water sampling activities sa Barangay Maligaya aron masusi ug masiguro ang kaluwasan ug kalidad sa mga local water sources.

Sa maong adlaw usab, ang grupo nag distribute og Olyset Nets ngadto sa mga benepisyaryo sa Aglayan Elementary School ug Laguitas Elementary School isip kabahin sa mga paningkamot sa siyudad sa pagpugong sa mga sakit.

Kini nga mga kalihokan gihimo aron mapalambo ang panglawas sa publiko, malikayan ang mga sakit nga madala pinaagi sa tubig ug lamok, ug mapalig-on ang kahibalo sa komunidad bahin sa environmental sanitation.

Pinaagi sa pagmonitor sa kalidad sa tubig ug sa paghatag og long-lasting insecticidal nets, ang City Health Office nagpadayon sa pagsuporta sa mas himsog ug mas luwas nga mga komunidad.

Ang water sampling makatabang sa pag-ila sa posibleng mga risgo sa panglawas nga may kalabotan sa dili luwas nga tubig, aron adunay timely intervention ug pagsiguro sa mas luwas nga suplay sa tubig. Samtang, ang pag-apod-apod sa Olyset Nets naghatag og dugang proteksyon batok sa mga sakit nga madala sa lamok, ilabina alang sa mga estudyante ug ilang mga pamilya.

Sa kinatibuk-an, kining mga inisyatiba nakatampo sa pagpaayo sa panglawas, enhanced disease prevention, ug pagpalambo sa kaayohan sa komunidad.

Report: Mhegan L. Dominguez, CHO-NADA

03/06/2026

149 Years of History, One Community in Celebration: Aldaw ta Malaybalay 2026

𝐌𝐀𝐑𝐊 𝐘𝐎𝐔𝐑 𝐂𝐀𝐋𝐄𝐍𝐃𝐀𝐑𝐒! 📆

𝐇𝐞𝐫𝐞 𝐢𝐬 𝐭𝐡𝐞 𝐬𝐜𝐡𝐞𝐝𝐮𝐥𝐞 𝐨𝐟 𝐚𝐜𝐭𝐢𝐯𝐢𝐭𝐢𝐞𝐬 𝐟𝐨𝐫 𝐭𝐡𝐞 𝐜𝐞𝐥𝐞𝐛𝐫𝐚𝐭𝐢𝐨𝐧 𝐨𝐟 𝐨𝐮𝐫 𝟏𝟒𝟗𝐭𝐡 𝐀𝐥𝐝𝐚𝐰 𝐭𝐚 𝐌𝐚𝐥𝐚𝐲𝐛𝐚𝐥𝐚𝐲!

Inviting everyone to participate as we celebrate our rich history, vibrant culture, and the remarkable spirit of every Malaybalaynon through a series of exciting activities and events.

Kita-kita ta ug magsadya kita sa atong 149th Aldaw ta Malaybalay! Saka ta Malaybalay! 💙

03/06/2026

CHO mipahigayon sa food handlers’ class ug pang apod-apod sa IEC materials

Ang Environmental Sanitation Team sa City Health Office (CHO), sa pakigtimbayayong sa Health Education and Promotion Unit, nagpahigayon og Food Handlers’ Class, usa ka orientation bahin sa Seven Healthy Habits, ug mi-apod-apod sa Information, Education, and Communication (IEC) materials niadtong Hunyo 3, 2026 didto sa Barangay 4 covered court, ning dakbayan.

Si Darwin T.N. Toledo maoy nagdumala sa lecturer sa Food Handlers’ Class, diin iyang gihatagan ang mga partisipante og importante nga kahibalo bahin sa food safety, proper hygiene, ug sanitation practices.

Samtang si Keinhart M. Buhawe, RN, nagtuki sa Seven Healthy Habits, nga mihatag ug gibug-aton sa mga behaviors nga makapalambo sa kahimsog ug makatabang sa paglikay sa mga sakit. Si Sharalee Jhane B. Toledo ug Isobelle Mission mao usab ang nag-apod-apod sa mga IEC materials aron mapalig-on ang mga impormasyon nga gipaambit atol sa kalihokan ug magsilbing reference sa mga partisipante diha sa ilang mga panimalay, workplaces, ug sa komunidad nga maka contribute sa usa ka healthier ug safer environment.

Ang mga partisipante niini nga kalihokan mao ang mga food handlers, mga tag-iya ug trabahante sa mga food establishments, mga miyembro sa komunidad, mga residente sa barangay, ug piniling mga kawani sa CHO.

Ang maong kalihokan nakatabang sa pagpalambo sa kahibalo ug pagsabot sa mga partisipante bahin sa husto nga food handling, personal hygiene, ug healthy lifestyle practices. Pinaagi sa Food Handlers’ Class ug sa diskusyon sa Seven Healthy Habits, nakabaton sila og kahibalo nga makatabang sa pagpakunhod sa risgo sa mga sakit nga dala sa kontaminadong pagkaon ug uban pang makatakod nga mga sakit.

Report: Mhegan L. Dominguez, CHO-NADA

03/06/2026

Malaybalay City Fisherfolks Association (MCFA) Gipasidunggan isip 3rd Runner-Up sa Search for Best Fisherfolk Association sa Region 10

Gipasidunggan ang Malaybalay City Fisherfolk Association (MCFA) isip 3rd Runner-Up sa Gawad Pangisdaan sa Amihanang Mindanaw: Search for Best Fisherfolk Association in Region 10 atol sa culmination program sa pagsaulog sa Farmers and Fisherfolk Month nga gipahigayon niadtong Mayo 28, 2026 sa BFAR Regional Office 10 Conference Room, Macabalan, Cagayan de Oro City.

Ang maong pag-ila nagpasiugda sa dedikasyon ug dakong kontribusyon sa asosasyon sa pagpalambo sa sektor sa pangisdaan sa Malaybalay City, ilabi na sa pagpalig-on sa malungtarong inland fisheries, maayong pagdumala sa organisasyon, ug pagpalambo sa komunidad.

Mirepresenta alang sa City Government of Malaybalay panahon sa awarding ceremony sila Ms. Gekie
S. Sy, OIC - Provincial Fisheries Office Bukidnon; Engr. Richard B. Leono, City Agriculturist; Mr. Nestor D.
Labado, MCFA President; Ms. Ma. Jorgen P. Soriano; ug Ms. Rachelle O. Quidlat.

Ang maong dungog nagpakita sa hiniusang paningkamot sa asosasyon, sa City Agriculture Office, ug sa
ilang mga kaabag sa pagpalambo sa inland fisheries ug sa pagpauswag sa panginabuhian sa mga mangingisda sa Malaybalay City. Nagsilbi usab kini nga inspirasyon aron padayon nga mapalig-on sa asosasyon ang ilang mga programa ug inisyatibo nga makatampo sa kalamboan sa lokal nga industriya sa pangisdaan, seguridad sa pagkaon, ug pagtubo sa ekonomiya sa komunidad.

Ang City Agriculture Office naghatag og mainitong pasidungog sa mga opisyal ug miyembro sa MCFA
alang niining mahinungdanong kalampusan ug sa pagdala og dungog ug pag-ila sa Malaybalay City sa rehiyonal nga lebel.
Report : Gecel Quinquiño-Ocon, City Agri-NADA

03/06/2026

Republic of the Philippines
Province of Bukidnon
City Government of Malaybalay
Bids and Awards Committee

City Hall, Casisang, Malaybalay City, Bukidnon
Tel (813-4761/Cel No. 0967-0169-677 Email: [email protected]

To view and Download Price schedule of presented procurement project in the Pre-bid Conference, you may access the link below:
https://drive.google.com/drive/folders/1vq80jW8DNywrLLNk_aBM2FKiVcfkkFxc?usp=drive_link

Disclaimer: No copyright infringement intended. All visuals and audio elements belong to the rightful owners

03/06/2026

Olyset Nets gi-apod-apod alang sa safer ug healthier nga school environment

Ang City Health Office (CHO) – Environmental Sanitation and Occupational Health Section nagpahigayon og pag pang apod-apod sa mga Olyset Nets sa Malaybalay City Central School nga nahimutang sa Barangay 4, niadtong Hunyo 1, 2026,

Ang kalihokan gidumala nila ni Ned Melendez, Diosdado Herbito, Marvin Handugan, Ximon James Cabanting, Joshua Mercado, ug Chuck Abendaño, isip kabahin sa padayon nga paningkamot sa siyudad sa pagpalambo sa kahimsog sa publiko ug pagpugong sa mga sakit nga madala pinaagi sa lamok.

Tumong usab niini ang paghatag og long-lasting insecticidal nets aron mapanalipdan ang mga kawani sa tulunghaan, mga magtutungha, ug ilang mga pamilya batok sa mosquito bites nga mahimong hinungdan sa pagkatap sa mga sakit sama sa dengue.

Pinaagi sa paghatag sa Olyset Nets, ang CHO nagtinguha sa pagpalig-on sa mga pamaagi sa pagpugong sa sakit ug pagdasig sa komunidad sa pagpraktis sa husto nga pagkontrol ug pagpanalipod batok sa mga lamok.

Atol sa kalihokan, ang mga health personnel nakigtimbayayong sa mga opisyal sa eskwelahan aron masiguro ang hapsay ug organisadong pag apod-apod sa mga olyset nets. Ang mga nakadawat usab gihatagan og mga impormasyon bahin sa hustong pag gamit, pag atiman, ug pag mintinar sa Olyset Nets aron masiguro ang labing epektibo nga pag gamit niini.

Gipasiugda sa grupo ang importansya sa kanunay nga paggamit sa mga kulambo, ilabi na sa mga dapit nga kasagarang adunay daghang lamok.

Ang kalihokan malampusong nahuman pinaagi sa hiniusang paningkamot sa mga kawani sa CHO ug sa administrasyon sa eskwelahan. Pinaagi niini nga inisyatiba, ang City Health Office nagpadayon sa pagsuporta sa mga programa sa pagpugong sa sakit ug sa pagpasiugda sa usa ka mas luwas ug mas himsog nga palibot alang sa tibuok komunidad.

By: Mhegan L. Dominguez, CHO-NADA

02/06/2026

"Scoliosis Awareness Month 2026: Promoting Early Detection and Better Spinal Health"

June 2026 marks the observance of Scoliosis Awareness Month, a time dedicated to increasing public awareness about scoliosis, a condition characterized by an abnormal curvature of the spine.
This annual observance highlights the importance of early detection, proper assessment, and timely intervention to help individuals maintain good posture, mobility, and overall quality of life.

As part of the celebration, the Malaybalay Physical Therapy and Rehabilitation Unit is offering "FREE Scoliosis Screening Services" to encourage community members, especially children, adolescents, and parents, to become more aware of spinal health. Early identification of scoliosis can help prevent progression and allow appropriate management through professional guidance and therapy.

The community is warmly invited to take chanceof this free service and learn more about scoliosis prevention and management. The screening will be conducted at the Malaybalay Physical Therapy and Rehabilitation Unit, located at Brgy. 8, Malaybalay City, and is available Monday to Friday from 8:00 AM to 5:00 PM.

Let us work together in raising awareness, promoting early detection, and supporting healthier lives through proper spinal care. Visit the Malaybalay Physical Therapy Unit and take a proactive step toward better musculoskeletal health.

**Free Scoliosis Screening Only**
📍 Malaybalay Physical Therapy Unit, Brgy. 8, Malaybalay City
🕗 Open from 8:00 AM – 5:00 PM
📅 Throughout June 2026

"Straight Spine, Strong Future: Early Detection Matters."

02/06/2026

02/06/2026

CHO-HEPO nagsilbing guest speaker sa 4th barangay convocation sa Can-ayan

Si Health Education and Promotion Officer III, Mhegan L. Dominguez ang nagsilbing guest speaker sa ika-4 nga Barangay Convocation sa Barangay Can-ayan nga gihimo ubos sa tema nga, “Sa Kadagaway hu Banuwa Taw, Sa Laos ha Gagaw hu kag Sabuwa Taw” niadtong Hunyo 1, 2026.

Atol sa iyang presentasyon, gihisgutan ni Ms. Dominguez ang seven healthy priority areas ug ug ang corresponding nga pito ka healthy habits, ug gipasiugda niini ang kamahinungdanon sa health-seeking behavior aron mapalambo ang kaayohan sa matag indibidwal ug sa tibuok komunidad. Gipunting usab niya nga ang maayong panglawas maoy lig-on nga pundasyon sa pagmintinar sa panaghiusa, produktibidad, ug kalamboan sa komunidad.

Dugang pa, gipaila ni Dominguez ang ubang mga programa ug serbisyo nga gitanyag sa City Health Office (CHO), lakip ang Physical Therapy–Community-Based Rehabilitation (PT-CBR), PuroKalusugan, ug Mental Health Services. Gipasabot niya kung gi-unsa niini nga mga programa pagpalambo sa pagpa-abot sa mga serbisyo sa panglawas ug pagpa-uswag sa kalidad sa kinabuhi sa mga lumulupyo pinaagi sa rehabilitation, preventive health initiatives, ug psychosocial support.

Gipasiugda usab ni Dominguez nga ang pagkab-ot sa mas himsog ug mas lig-on nga komunidad usa ka hiniusang responsibilidad sa mga lokal nga lider ug sa mga residente. Giawhag niya ang tanan nga aktibong moapil sa mga programa sa panglawas ug mosunod sa mga healthy practices nga maka-contribute sa kinatibuk-ang kalamboan ug kaayohan sa komunidad.

Gipahayag usab niya ang iyang kinasingkasing nga pasalamat sa Barangay Council sa Can-ayan pinangulohan ni Punong Barangay Yorita S. Cajardo, sa pagdapit ug mainiton nga pagdawat kanila. Kauban ni PB Cajardo nga gipasalamatan sila si Remajoy M. Tante, Kagawad on Health, mga miyembro sa Barangay Council ug sa mga hilot/midwife sa Can-ayan Barangay Health Station (BHS), tungod sa ilang padayon nga suporta ug dedikasyon sa pagpalambo sa mga community health initiatives.

Ang maong convocation nahimong bililhong plataporma alang sa pagpalig-on sa health awareness, pagdasig sa partisipasyon sa komunidad, ug pagpalawom sa paningkamot sa Barangay Can-ayan aron mahimong mas himsog, mas nagkahiusa, ug mas mauswagon nga komunidad.

By: Mhegan L. Dominguez, CHO-NADA

01/06/2026

WATCH: Kalihukan sa Semana | May 25 - 29, 2026