29/05/2026
๐ ๐๐๐๐ฃ๐๐ง๐๐ก ๐ฃ๐จ๐๐๐๐ ๐ ๐๐ฅ๐๐๐ง ๐ข โ๐ ๐๐๐๐๐ก๐๐๐,โ ๐ฃ๐ข๐ฅ๐ ๐๐ ๐ก๐๐ก๐ ๐๐๐๐๐๐๐๐๐ก ๐๐๐๐ก๐ ๐ฆ๐ ๐ ๐๐ ๐ก๐๐๐ข๐ฆ๐ฌ๐๐ก๐ง๐ ๐ฆ๐ ๐๐จ๐ก๐๐ฆ๐ข๐
Pormal nang giablihan sa Lokal nga Panggamhanan sa Malapatan ang Malapatan Public Market o โMallengkeโ alang sa mga negosyante ug market vendors sa lungsod niadtong Huwebes, Mayo 28, 2026. Kini kabahin sa padayon nga paningkamot sa administrasyon sa pagpalambo sa lokal nga ekonomiya ug sa paghatag og mas hapsay, organisado, ug komportableng lugar alang sa patigayon.
Gipangunahan ni Mayor Salway โJunโ Sumbo, Jr., MMPA ang pormal nga pagturn-over sa maong pasilidad ngadto sa mga negosyante ug katawhan. Mitambong usab sila si Vice Mayor Jean Delos Santos, mga Sangguniang Bayan Members Ruben Sumbo, Jr. ug Abdulnasser Suib, mga department heads, dose (12) ka punong barangay, mga market vendors, values facilitators, ug mga residente nga mipakita sa ilang suporta sa maong proyekto nga gilauman nga mahimong sentro sa negosyo ug panginabuhian sa komunidad.
Sumala ni Mayor Sumbo, ang Malapatan maoy usa sa duha ka lugar sa tibuok nasud nga nakapatukod og kaugalingong โMallengke,โ usa ka modernong konsepto nga naghiusa sa โmallโ ug โpalengke.โ Ang โMallengkeโ nagrepresentar sa usa ka limpyo, organisado, ug komportableng pamilihan alang sa mga negosyante ug konsyumer. Pinaagi niini, gilauman nga mas mapalig-on pa ang lokal nga ekonomiya ug mas mapalambo ang kasinatian sa pagpamalit sa katawhan.
Sa iyang mensahe, gipasiugda sa alkalde ang kahinungdanon sa usa ka limpyo ug hapsay nga pampublikong merkado aron mapalambo ang panginabuhian sa mga magtitinda, ug makatabang usab sa mga lokal nga mag-uuma pinaagi sa paghatag kanila og mas maayong merkado alang sa ilang mga produkto. Gihagit usab niya ang tanang negosyante sa padayon nga kooperasyon aron mas mapalambo pa ang ekonomiya sa lungsod.
Dugang pa, gipaabot ni Mayor Sumbo ang iyang pasalamat sa suporta ug kooperasyon sa mga negosyante ug katawhan nga mitambong sa maong kalihokan, nga nakatampo sa malampusong pag-abli sa bag-ong โMallengke.โ
Ang Malapatan Public Market gilauman nga dili lamang magdasig sa lokal nga negosyo kondili maghatag usab og dugang oportunidad ug kita alang sa mga residente sa lungsod.
Pinaagi niini nga proyekto, padayon nga gipakita sa Lokal nga Panggamhanan sa Malapatan ang ilang tinguha sa paghatag og episyente nga serbisyo ug imprastraktura nga makatampo sa padayon nga kalamboan sa komunidad. (Malapatan Information Office)
