https://www.facebook.com/104083641069177/

Malapatan Information Office, Poblacion, Malapatan (2026)

01/06/2026

𝗡𝗢𝗧𝗜𝗖𝗘 𝗢𝗙 𝗦𝗖𝗛𝗘𝗗𝗨𝗟𝗘𝗗 𝗣𝗢𝗪𝗘𝗥 𝗜𝗡𝗧𝗘𝗥𝗥𝗨𝗣𝗧𝗜𝗢𝗡

SOCOTECO II respectfully informs the public that necessary maintenance activities will be conducted to ensure a reliable and continuous power supply.

The following areas will experience scheduled power interruption:

𝗝𝘂𝗻𝗲 𝟮, 𝟮𝟬𝟮𝟲
08:00AM to 05:00PM
(9 Hrs.)

𝗣𝘂𝗿𝗽𝗼𝘀𝗲: To facilitate relocation of secondary line and meter clustering at National Highway, Brgy. Lun Masla, Malapatan.

𝗔𝗳𝗳𝗲𝗰𝘁𝗲𝗱 𝗮𝗿𝗲𝗮𝘀: Parts of Brgy. Lun Masla, Malapatan, Sarangani Province

𝗡𝗼𝘁𝗲: All areas covered by 𝗙𝗲𝗲𝗱𝗲𝗿 𝟮𝟲-𝟭 will experience a 𝟱 𝘁𝗼 𝟭𝟬-𝗺𝗶𝗻𝘂𝘁𝗲 power interruption upon isolation and energization of the affected power line.

Please click the link to view the list of areas covered by the affected feeders: https://socoteco2.info/dxoBV

Please note that power may be restored earlier or later than scheduled, depending on actual field conditions.

During the interruption, we encourage everyone to take the necessary precautions and follow updates from our official page.

Should there be a power interruption outside the given schedule, please contact us at 09177205365 or 09124094971.

Thank you for your understanding and cooperation.

29/05/2026

𝗟𝗚𝗨 𝗠𝗔𝗟𝗔𝗣𝗔𝗧𝗔𝗡, 𝗡𝗔𝗚𝗣𝗔𝗦𝗜𝗗𝗨𝗡𝗚𝗢𝗚 𝗦𝗔 𝗠𝗚𝗔 𝗠𝗔𝗚-𝗨𝗨𝗠𝗔 𝗨𝗚 𝗠𝗔𝗡𝗚𝗜𝗡𝗚𝗜𝗦𝗗𝗔 𝗦𝗔 𝗣𝗔𝗚𝗣𝗔𝗟𝗜𝗚-𝗢𝗡 𝗦𝗔 𝗙𝗢𝗢𝗗 𝗦𝗘𝗖𝗨𝗥𝗜𝗧𝗬 𝗦𝗔 𝗟𝗨𝗡𝗚𝗦𝗢𝗗

Isip paghatag og pag-ila ug pasidungog sa mga mag-uuma ug mangingisda sa lungsod, gisaulog sa Lokal nga Panggamhanan sa Malapatan ang Farmers and Fisherfolks Month niadtong Huwebes, Mayo 28, 2026, aron ipakita ang ilang dakong kontribusyon sa pagpalig-on sa food security ug panginabuhian sa komunidad.

Gipahigayon ang maong selebrasyon subay sa Presidential Proclamation No. 33, s. 1989, nga nagdeklara sa bulan sa Mayo isip Farmers and Fisherfolks Month aron pasidunggan ang hinungdanong papel sa sektor sa agrikultura ug pangisda sa kalamboan sa nasud.

Nakigduyog sa maong kasaulogan si Mayor Salway “Jun” Sumbo, Jr., MMPA, kauban si Vice Mayor Jean Delos Santos ug First Lady Flordeliza Sumbo, OIC-Provincial Agriculturist Jerwin C. Balbino, R.AGr., mga personahe sa Municipal Agriculture Office nga gipangunahan ni Municipal Agriculturist Engr. Mirasol Saludes isip pagpakita sa suporta ug paghatag og dungog sa mga mag-uuma ug mangingisda nga padayon nga nagtabang sa pagsiguro sa suplay sa pagkaon sa lungsod.

Sa mensahe ni Mayor Sumbo, Jr., gipaabot niini ang iyang dakong pagdayeg ug pagpasalamat sa mga local farmers ug fisherfolks tungod sa ilang walay hunong nga pagpaningkamot sa paghatag og igo nga suplay sa pagkaon ug sa ilang dakong papel isip kaabag sa lokal nga panggamhanan sa pagpalig-on sa food security sa Malapatan.

Kabahin usab sa maong selebrasyon ang pagturn over sa mga makina ug paghatag og nagkalain-laing papremyo ug agricultural assistance alang sa mga benepisyaryo. Lakip niini ang duha ka makina ngadto sa mga mangingisda, papremyo sa tulo ka makina alang sa mga mangingisda, fertilizers, corn seeds, ug uban pang suporta nga makatabang sa ilang panginabuhian.

Padayon nga gipakita sa Lokal nga Panggamhanan sa Malapatan ang paghatag og importansya sa sektor sa agrikultura ug pangisda pinaagi sa mga programa ug inisyatibo nga nagpalig-on sa produksyon sa pagkaon ug panginabuhian sa katawhan. (Malapatan Information Office)

28/05/2026

𝗠𝗔𝗟𝗔𝗣𝗔𝗧𝗔𝗡 𝗣𝗨𝗕𝗟𝗜𝗖 𝗠𝗔𝗥𝗞𝗘𝗧 𝗢 “𝗠𝗔𝗟𝗟𝗘𝗡𝗚𝗞𝗘,” 𝗣𝗢𝗥𝗠𝗔𝗟 𝗡𝗔𝗡𝗚 𝗚𝗜𝗔𝗕𝗟𝗜𝗛𝗔𝗡 𝗔𝗟𝗔𝗡𝗚 𝗦𝗔 𝗠𝗚𝗔 𝗡𝗘𝗚𝗢𝗦𝗬𝗔𝗡𝗧𝗘 𝗦𝗔 𝗟𝗨𝗡𝗚𝗦𝗢𝗗

Pormal nang giablihan sa Lokal nga Panggamhanan sa Malapatan ang Malapatan Public Market o “Mallengke” alang sa mga negosyante ug market vendors sa lungsod niadtong Huwebes, Mayo 28, 2026. Kini kabahin sa padayon nga paningkamot sa administrasyon sa pagpalambo sa lokal nga ekonomiya ug sa paghatag og mas hapsay, organisado, ug komportableng lugar alang sa patigayon.

Gipangunahan ni Mayor Salway “Jun” Sumbo, Jr., MMPA ang pormal nga pagturn-over sa maong pasilidad ngadto sa mga negosyante ug katawhan. Mitambong usab sila si Vice Mayor Jean Delos Santos, mga Sangguniang Bayan Members Ruben Sumbo, Jr. ug Abdulnasser Suib, mga department heads, dose (12) ka punong barangay, mga market vendors, values facilitators, ug mga residente nga mipakita sa ilang suporta sa maong proyekto nga gilauman nga mahimong sentro sa negosyo ug panginabuhian sa komunidad.

Sumala ni Mayor Sumbo, ang Malapatan maoy usa sa duha ka lugar sa tibuok nasud nga nakapatukod og kaugalingong “Mallengke,” usa ka modernong konsepto nga naghiusa sa “mall” ug “palengke.” Ang “Mallengke” nagrepresentar sa usa ka limpyo, organisado, ug komportableng pamilihan alang sa mga negosyante ug konsyumer. Pinaagi niini, gilauman nga mas mapalig-on pa ang lokal nga ekonomiya ug mas mapalambo ang kasinatian sa pagpamalit sa katawhan.

Sa iyang mensahe, gipasiugda sa alkalde ang kahinungdanon sa usa ka limpyo ug hapsay nga pampublikong merkado aron mapalambo ang panginabuhian sa mga magtitinda, ug makatabang usab sa mga lokal nga mag-uuma pinaagi sa paghatag kanila og mas maayong merkado alang sa ilang mga produkto. Gihagit usab niya ang tanang negosyante sa padayon nga kooperasyon aron mas mapalambo pa ang ekonomiya sa lungsod.

Dugang pa, gipaabot ni Mayor Sumbo ang iyang pasalamat sa suporta ug kooperasyon sa mga negosyante ug katawhan nga mitambong sa maong kalihokan, nga nakatampo sa malampusong pag-abli sa bag-ong “Mallengke.”

Ang Malapatan Public Market gilauman nga dili lamang magdasig sa lokal nga negosyo kondili maghatag usab og dugang oportunidad ug kita alang sa mga residente sa lungsod.

Pinaagi niini nga proyekto, padayon nga gipakita sa Lokal nga Panggamhanan sa Malapatan ang ilang tinguha sa paghatag og episyente nga serbisyo ug imprastraktura nga makatampo sa padayon nga kalamboan sa komunidad. (Malapatan Information Office)

28/05/2026

𝗟𝗔𝗡𝗧𝗔𝗪𝗔: Malipayon nga gidawat sa mga residente sa Sitio Kyundog, Barangay Kihan ang bag-ong water system nga opisyal nga giturn over sa lokal nga panggamhanan sa Malapatan niadtong Miyerkules, Mayo 27, 2026.

Ang maong proyekto adunay kantidad nga kapin 216,000 pesos ug gipondohan sa lokal nga panggamhanan isip pagtuman sa saad ni Mayor Salway “Jun” Sumbo, Jr., MMPA ngadto sa katawhan niadtong miaging tuig nga matagaan og kaugalingong tinubdan sa limpyo ug luwas nga tubig ang maong sitio.

Gipangunahan ni Mayor Sumbo, Jr. ang seremonya sa pagturn over sa proyekto kauban si First Lady Flordeliza Sumbo, mga konsehal nga sila Boyet Ogan, Ruben Sumbo, Jr., ug Danilo Abdulradzak, Municipal IPMR Titus Mandalo, Municipal Engineer Reque Diodina, mga opisyal sa Barangay Kihan nga gipangulohan ni Punong Barangay Arnel Peco, ug ang mga residente sa Sitio Kyundog.

Sa iyang mensahe, gipasiugda ni Mayor Sumbo, Jr. ang dakong kaayohan nga madawat sa komunidad pinaagi sa maong proyekto, ilabi na sa pagsiguro nga adunay igo ug padayon nga suplay sa tubig ang matag panimalay. Gihisgutan usab niini ang plano sa lokal nga panggamhanan nga mapalapad pa ang linya sa water system aron maabot usab ang kasikbit nga Sitio Klalon Dlama.

Dako ang pagpasalamat sa mga residente sa maong proyekto tungod kay dako kini nga tabang sa ilang adlaw-adlaw nga panginahanglan, ilabi na sa pagkuha og limpyo nga tubig alang sa panimalay. Nagpakita usab kini sa padayon nga paningkamot sa lokal nga panggamhanan sa paghatag og mga batakang serbisyo ug mga proyektong makapauswag sa kalidad sa kinabuhi sa katawhan sa mga kabaryohan.

26/05/2026

𝐄𝐈𝐃’𝐋 𝐀𝐃𝐇𝐀 (Feast of Sacrifice) 🌙✨

Today, we join our Muslim brothers and sisters in commemorating one of the most sacred occasions in Islam — the Festival of Sacrifice, a day that honors Prophet Ibrahim’s unwavering faith and devotion to Allah.

As Malapateños, may this day remind us of the power of faith, compassion, and unity. In every act of sacrifice and kindness, may we find strength and peace that bind us together as one community.

Eid’l Adha Mubarak, Malapateños!
May your homes be filled with blessings, love, and gratitude. 🤍

26/05/2026

𝗜𝗡 𝗣𝗛𝗢𝗧𝗢𝗦: Nakigduyog si Mayor Salway “Jun” Sumbo, Jr., MMPA sa gipahigayon nga Barangay Health Worker Congress nga nahimutang sa Barangay Lun Masla Covered Court, Martes, Mayo 26, 2026.

Sa maong congress, gipadayag ni Mayor Sumbo, Jr. ang importante nga papel sa matag Barangay Health Worker isip mga frontliner sa komunidad nga nagahatag og batakang serbisyo panglawas, tambag, ug suporta sa katawhan ilabi na sa mga pamilya nga nanginahanglan og pag-atiman ug giya bahin sa panglawas.

Gipaabot usab sa alkalde ang mga plano ug lakang sa lokal nga panggamhanan nga makahatag og dugang suporta kanila pinaagi sa tabang sa panggobyerno, lakip na ang pagpalig-on sa mga programa panglawas ug paghatag og angay nga pag-atiman ug pag-ila sa ilang serbisyo alang sa katawhan.

Ang maong Barangay Health Worker Congress nga gi-organisa sa Municipal Health Office maoy usa ka higayon aron mapalig-on ang panaghiusa, koordinasyon, ug kapasidad sa mga Barangay Health Workers sa paghatag og episyente ug kalidad nga serbisyo panglawas sa matag komunidad sa lungsod sa Malapatan. (Malapatan Information Office)

25/05/2026

𝗙𝗢𝗥𝗠𝗘𝗥 𝗦𝗘𝗡𝗔𝗧𝗢𝗥 𝗣𝗔𝗖𝗤𝗨𝗜𝗔𝗢 𝗡𝗔𝗡𝗚𝗨𝗡𝗔 𝗦𝗔 𝗣𝗔𝗚𝗧𝗨𝗥𝗡 𝗢𝗩𝗘𝗥 𝗦𝗔 𝗠𝗚𝗔 𝗛𝗢𝗨𝗦𝗜𝗡𝗚 𝗨𝗡𝗜𝗧𝗦 𝗦𝗔 𝗕𝗔𝗥𝗔𝗡𝗚𝗔𝗬 𝗟𝗜𝗕𝗜

Nagmalipayon ang mga residente sa Barangay Libi human opisyal nga giturn over ni Former Senator Manny Pacquiao ang dugang nga 24 ka housing units sa Pacman Village niadtong Dominggo, Mayo 24, 2026, nga naghatag og bag-ong paglaum ug mas komportable nga kapuy-an alang sa mga benepisyaryo sa maong komunidad.

Kauban si Mayor Salway “Jun” Sumbo, Jr., MMPA, First Lady Flordeliza Sumbo, ug mga opisyales sa Barangay Libi nga gipangulohan ni Punong Barangay Wenefredo Maguan, mainiton nga giabi-abi ang kanhing senador atol sa maong turnover ceremony.

Gibutyag ni Former Senator Pacquiao ang mga plano alang sa padayon nga pagpalapad sa Pacman Village aron mas madugangan pa ang mga benepisyaryo ug mas mapalambo ang komunidad sa Barangay Libi, nga usa sa mga barangay nga napiling tukoran sa maong proyekto.

Sa mensahe ni Mayor Sumbo, Jr., gipaabot niini ang dakong pagpasalamat ug pagdayeg sa maayong intensyon ni Former Senator Pacquiao ngadto sa katawhan pinaagi sa mga proyektong sama sa libreng pabalay ug sa padayon nga paghatag og suporta sa mga pamilyang nanginahanglan, ilabi na sa mga residente sa Barangay Libi.

Gipasalamatan usab sa alkalde ang padayon nga pagtabang ug maayong mga plano ni kanhing senador Pacquiao alang sa katawhan sa Malapatan ug sa uban pang komunidad nga iyang natabangan.

Padayon usab nga ginaplano ni Former Senator Pacquiao ang dugang nga pagtukod og mga kabalayan ug ang pagpalapad sa Pacman Village aron mas daghan pang mga benepisyaryo ang matagaan og maayong kapuy-an uban sa suporta sa lokal nga panggamhanan sa Malapatan ubos sa administrasyon ni Mayor Sumbo, Jr. (Malapatan Information Office)

22/05/2026

📢𝗔𝗧𝗧𝗘𝗡𝗧𝗜𝗢𝗡 𝗠𝗔𝗟𝗔𝗣𝗔𝗧𝗘Ñ𝗢𝗦!📢

The University of the Philippines Manila School of Health Sciences (UPM SHS) Ladderized Curriculum was established to develop healthcare professionals who are committed to serving marginalized and geographically isolated communities. This unique program allows students to progress through 𝗠𝗶𝗱𝘄𝗶𝗳𝗲𝗿𝘆, 𝗡𝘂𝗿𝘀𝗶𝗻𝗴, 𝗮𝗻𝗱 𝗠𝗲𝗱𝗶𝗰𝗶𝗻𝗲, equipping them with the competencies needed to respond to the health needs of their respective communities upon their return to local health systems.

The success of this program is strengthened by the steadfast support of our valued partners in identifying and endorsing deserving local applicants who can make a meaningful impact on community health.

In this regard, we are pleased to inform you that the Recruitment and Admissions Committee (RAC) has allocated 𝗼𝗻𝗲 (𝟭) 𝘀𝗹𝗼𝘁 for the municipality for Academic Year 2026–2027.

You may access the application and check the requirements via this link: https://tinyurl.com/yck6xfs4

Please be informed that the deadline for submission of documentary and entry requirements is 𝗼𝗻 𝗼𝗿 𝗯𝗲𝗳𝗼𝗿𝗲 𝗠𝗮𝘆 𝟮𝟱, 𝟮𝟬𝟮𝟲, at the UPM School of Health Sciences Koronadal Campus.

For more information, you may visit the Municipal Health Office and reach out to Dr. Daryl Sambuto, Municipal Health Officer.

22/05/2026

𝗜𝗡 𝗣𝗛𝗢𝗧𝗢𝗦: Nagmalampuson nga gipahigayon nga Exit Conference sa Commission on Audit (COA) ngadto sa lokal nga panggamhanan sa Malapatan niadtong Martes, Mayo 21, 2026.

Gitambungan ang maong kalihokan sa mga department head ug section head sa Lokal nga Panggamhanan sa Malapatan ubos sa pagpanguna ni Mayor Salway “Jun” Sumbo, Jr., MMPA.

Tumong sa maong conference ang pagpresentar sa mga obserbasyon, findings, ug rekomendasyon sa audit nga gihimo sa COA, lakip na ang paghisgot sa mga corrective measures ug mga lakang nga kinahanglan ipatuman aron matubag ang mga isyu nga may kalabutan sa hustong paggamit ug pagdumala sa pondo sa katawhan.

Gipasiugda usab sa maong kalihokan ang kamahinungdanon sa transparency, accountability, ug maayong panggamhanan aron masiguro nga padayon nga mahatagan ug episyenteng serbisyo ang katawhan sa Malapatan. (Malapatan Information Office)

15/05/2026

𝗟𝗔𝗡𝗧𝗔𝗪𝗔: Giinagurar na ang bag-ong rehabilitadong dalan sa Purok Upper Lasang, Barangay Sapu Masla niadtong Huwebes, Mayo 14, 2026, human kini naayo gikan sa pag-collapse sa maong dalan nga maoy hinungdan sa paghugno sa yuta sa maong lugar.

Nagkantidad og kapin ₱93 milyon ang proyekto nga gipondohan pinaagi sa opisina ni Congressman Steve Chiongbian Solon.

Gipangunahan nila Congressman Steve Chiongbian Solon, Mayor Salway “Jun” Sumbo, Jr., MMPA, DPWH District Engineer Rey Francisco, ug Punong Barangay Moner Calulong sa Sapu Masla ang turnover ceremony sa maong proyekto uban sa pagsaksi sa mga residente sa barangay.

Sa mensahe ni Mayor Sumbo, iyang gipahayag nga usa kini ka bag-ong attraction sa lungsod sa Malapatan ug gilauman nga mas daghang turista ang mobisita sa maong lugar tungod sa bag-ong rehabilitasyon sa dalan. Nagpasalamat usab siya sa DPWH District Engineering Office alang sa maayong pagpatuman sa mga proyekto sa lungsod.

Nangayo usab ang alkalde og suporta gikan sa kapulisan nga gipangulohan ni Sarangani Police Provincial Office Acting Provincial Director PCOL Jerone Orville P. Panganiban aron mabantayan ug mamaintinar ang kalinaw ug kahapsay sa maong lugar isip usa ka bag-ong tourist spot sa Malapatan.

Gipasiugda usab ni Congressman Solon ang maayong implementasyon sa mga proyekto sa DPWH District Engineering Office alang sa tibuok probinsya sa Sarangani.

Ang bag-ong rehabilitadong dalan gilauman nga mahimong dugang nga tourist attraction ug makatabang sa pagpalambo sa turismo ug ekonomiya sa lungsod sa Malapatan. (Malapatan Information Office)

Malapatan Information Office

01/06/2026

29/05/2026

28/05/2026

28/05/2026

26/05/2026

26/05/2026

25/05/2026

22/05/2026

22/05/2026

15/05/2026

Address

Website

Alerts

Shortcuts

Share

Category