Malabon Ahon Blue Card

08/09/2026

Ngayong araw, buong pananampalataya at kagalakan nating ipinagdiriwang ang Kapistahan ng Pagsilang ng Mahal na Birheng Maria, ang ating minamahal na La Purísima Concepción de Malabon. 🙏💙

Nawa’y patuloy tayong gabayan at pagpalain ng Mahal na Birheng Maria, at maging inspirasyon sa atin ang kanyang kababaang-loob, wagas na pananampalataya, at pagmamahal sa Diyos.

Sa lahat ng deboto at sa buong pamayanang Malabueño, Maligayang Kapistahan!

Viva La Purísima Concepción de Malabon! 🌹
Viva la Virgen Maria! 🙏

07/09/2026

Malabon Ahon Blue Card Para Sa Kababaihan Consumers Cooperative (MABCKCC), KASAMA SA PAG-UNLAD NG CAMANAVA! 💙✨

Nagkaroon ng pagkakataon ang MABC Para Sa Kababaihan Consumers Cooperative (MABCKCC) na makiisa sa 2-araw na CAMANAVA Business Conference 2026, na may temang “Reigniting Businesses: CAMANAVA ON THE LEAD,” na ginanap sa Navotas Convention Center noong September 3 & 4, 2025.

Naging makabuluhang pagkakataon ang pagtitipon upang magkaroon ng dagdag na kaalaman, makilala ang iba’t ibang sektor, at matuklasan ang mga oportunidad na maaaring makatulong sa pagpapaunlad ng negosyo at kabuhayan ng mga kababaihan.

Sa pamamagitan ng mga ganitong programa at aktibidad, patuloy na binibigyang-diin ang mahalagang papel ng MABC Para Sa Kababaihan Consumers Cooperative (MABCKCC)sa pagsusulong ng kabuhayan, pagnenegosyo, at pag-unlad ng komunidad.

Kababaihang Malabon, may kakayahan, may pangarap, at may ambag sa pag-asenso! 💙

07/09/2026

07/09/2026

06/09/2026

IWAS-HOLDAP: MAGING MAINGAT SA DALA AT LAGING UNAHIN ANG KALIGTASAN

Sa pag-withdraw ng pera, pag-uwi mula sa negosyo, o paglalakad na may dalang mahahalagang gamit, mahalagang maging maingat sa paligid. Ang lantad na pera, alahas, at iba pang mamahaling gamit ay maaaring makatawag ng hindi kanais-nais na pansin.

Ngayong National Crime Prevention Week, paalala ng Malabon City Police Station ang ilang paraan upang makaiwas sa holdap o pagnanakaw na may dahas o pananakot:

💵 Iwasang magpakita o magbilang ng malaking halaga ng pera sa pampublikong lugar. Kung maaari, gumamit ng mas ligtas na paraan ng transaksyon.

💍 Iwasang magsuot o maglantad ng mamahaling alahas habang naglalakad o nasa pampublikong lugar, lalo na kung mag-isa o sa lugar na kakaunti ang tao.

🏠 Sa bahay at negosyo, tiyaking maayos ang ilaw, kandado, CCTV, at iba pang hakbang para sa seguridad.

📱 Iwasang magbahagi online ng impormasyon tungkol sa malaking halaga ng pera o mahahalagang ari-arian.

⚠️ Kung maharap sa holdap, unahin ang sariling kaligtasan. Huwag makipagsapalaran kung maaari itong magdulot ng kapahamakan. Sa ligtas na pagkakataon, agad humingi ng tulong at i-report ang insidente.

Mahalaga ang mga ari-arian, ngunit higit na mahalaga ang buhay. Ang pagiging maingat at alerto ay malaking tulong upang makaiwas sa panganib.

Kung may kahina-hinalang gawain o insidenteng kailangang i-report, makipag-ugnayan agad:

👮 Malabon City Police Station
0998-598-7864

📞 Malabon City DRRMO Command Center
8-921-6009
8-921-6029
0942-372-9891
0919-062-5588

📱 TXTMJS
0917-889-8657

Maging mapagmatyag at laging unahin ang kaligtasan, Malabueño. 💙

05/09/2026

04/09/2026

WALANG PASOK | Suspendido ang face-to-face classes sa lahat ng antas ng mga pampubliko at pribadong paaralan sa Lungsod ng Malabon bukas, Sabado, Setyembre 5, 2026, dahil sa patuloy na pag-ulan na dulot ng Southwest Monsoon (Habagat).

Magpapatuloy ang klase sa mga paaralan sa pamamagitan ng Alternative Delivery Mode (online classes).

Pinapayuhan ang lahat na manatiling nakatutok sa mga mahahalagang impormasyon o anunsiyo ukol sa lagay ng panahon. Maging alerto anumang oras at mag-ingat para sa kaligtasan ng lahat.

Kung may emergency, maaaring makipag-ugnayan sa Malabon Command Center sa mga numerong 8-921-6009, 8-921-6029, 0942-372-9891, o 0919-062-5588. Maaari rin kayong mag-text sa TXTMJS sa 225687 o 0917-889-8657.