Persons with Disability Affairs Office - PDAO - Malabon City

30/09/2026

KAYO BA AY ISANG ORGANISASYONG NAGSUSULONG NG WOMEN’S EMPOWERMENT O GENDER EQUALITY?

Kayo ang hinahanap namin para sa Mission CSO!

Inaanyayahan ang mga kinatawan ng:

☑️ Mga organisasyong pangkababaihan
☑️ Women-led organizations
☑️ LGBTQIA+ at gender-related organizations
☑️ Mga grupong nagsusulong ng karapatan at kapakanan ng kababaihan
☑️ Mga organisasyong nagsusulong ng gender equality at inclusion
☑️ Grassroots at community-based organizations
☑️ Mga pormal at rehistradong organisasyon
☑️ Mga impormal na samahan at community groups
☑️ Iba pang grupong may kaugnay na adbokasiya

Hindi pa accredited? WALANG PROBLEMA.

Hindi kinakailangang accredited na bilang CSO ang inyong organisasyon upang makilahok.

Kung ang inyong grupo ay aktibong naglilingkod sa komunidad ngunit hindi pa nakakapagsimula ng proseso ng accreditation, ang Mission CSO ay pagkakataon upang matuto, makapaghanda at makakuha ng gabay.

Baka ang organisasyon ninyo ang susunod na maging katuwang ng Pamahalaang Lungsod ng Malabon.

📣 Mission CSO: Compliance • Support • Opportunities

📅 Deadline ng pagpaparehistro: Oktubre 9, 2026
📩 Magparehistro: [https://forms.gle/ryk9qTTHQ5Z7SSqp9]

24/09/2026

👨‍👩‍👧‍👦💙 BAWAT PAMILYA, MAY SARILING KUWENTO AT PARAAN NG PAGMAMAHAL

Iba-iba man ang anyo at kuwento ng bawat pamilya, may mga bagay na pare-parehong mahalaga: ang pag-aaruga, pag-unawa, paggalang, at oras na ibinibigay natin sa isa’t isa.

Ngayong 34th National Family Week, nakikiisa ang Pamahalaang Lungsod ng Malabon sa pagdiriwang na may temang “Pamilya, Pagkakapantay-pantay at Kapakanan ng Bata.” Paalala ito sa kahalagahan ng isang kapaligirang nagbibigay-puwang sa bawat miyembro ng pamilya at kumikilala sa pangangailangan at kapakanan ng mga bata.

Dito sa Malabon, kaagapay ng mga pamilyang Malabueño ang lungsod sa iba’t ibang yugto ng kanilang buhay. Patuloy na inilalapit ang mga serbisyong pangkalusugan, nutrisyon at pangangalaga sa mga bata, gayundin ang mga programa at serbisyong nagbibigay ng suporta at proteksyon sa mga pamilyang nangangailangan.

Ngayong linggo, gawing mas makabuluhan ang mga simpleng sandaling magkakasama: magkwentuhan, makinig, kumain nang magkakasabay, o maglaan lamang ng oras para sa isa’t isa. Dahil kadalasan, sa maliliit na sandaling ito natin higit na naipaparamdam ang pagmamahal at pagpapahalaga sa pamilya. 💙

24/09/2026

23/09/2026

Alinsunod sa Memorandum Circular No. 136 na idineklara ng Office of the President, suspendido po ang trabaho sa mga tanggapan ng National Government sa Setyembre 28, 2026, simula ala-1 ng hapon bilang bahagi ng paggunita sa 34th National Family Week.

Layunin po nitong mabigyan ang bawat pamilyang Pilipino ng pagkakataong makapaglaan ng mas maraming oras para sa isa’t isa at makibahagi sa mga programa at aktibidad na nagtataguyod sa kahalagahan ng pamilya.

Ngayong Family Week, maglaan tayo ng oras para sa mga taong pinakamahalaga sa atin.

23/09/2026

MAY ORGANISASYON KAYO. MAY BOSES KAYO.

Panahon na para mas maging bahagi ng lokal na pamamahala.

Ang Gender and Development Office ng Pamahalaang Lungsod ng Malabon ay nag-aanyaya sa mga organisasyong pangkababaihan at pangkasarian na lumahok sa:

MISSION CSO

Compliance • Support • Opportunities

Isang orientation at technical assistance activity na tutulong sa mga organisasyon na maunawaan, mapaghandaan at masimulan ang proseso ng CSO Accreditation.

Kung kayo ay nagsusulong ng karapatan at kapakanan ng kababaihan, women’s empowerment, gender equality, inclusion o kaugnay na adbokasiya, inaanyayahan namin kayo.

Pormal man o impormal.
Rehistrado man o community-based.
Accredited man o hindi pa.

📍 Para sa mga organisasyon at grupong nakabase sa o nagsisilbi sa mga komunidad ng Malabon.

📅 Ang deadline ng pagpaparehistro ay sa Oktubre 9, 2026

📩 Magparehistro: [https://forms.gle/ryk9qTTHQ5Z7SSqp9]

Huwag palampasin ang pagkakataong gawing bahagi ng lokal na pamamahala ang boses ng inyong organisasyon.

22/09/2026

📣 MALABUEÑO, PUWEDE NANG I-CLAIM ANG INYONG NBI CLEARANCE!

Para sa mga nag-apply ng NBI Clearance noong Setyembre 14 sa ginanap na Handog ng Pangulo 2026: Serbisyong Sapat Para sa Lahat sa Malabon Sports Center, maaari na ninyong kunin ang inyong NBI Clearance.

📍 SAAN KUKUNIN?
City Civil Registry Department
4th Floor, Malabon City Hall

📅 Lunes hanggang Huwebes
🕖7:00 AM – 6:00 PM

Kung personal na kukunin:
• Magdala ng valid ID

Kung representative ang kukuha, magdala ng:
• Special Power of Attorney (SPA)
• Photocopy ng valid ID ng may-ari ng NBI Clearance
• Photocopy ng valid ID ng representative

Siguraduhing kumpleto ang mga kinakailangang dokumento bago pumunta upang maging maayos ang pag-claim.

💙 I-tag o i-share ito sa kakilala ninyong nag-apply ng NBI Clearance para malaman nilang maaari na itong kunin!