Malabon - City Human Resource Management and Development Department

03/09/2026

🔐 IWAS-NAKAW: ISANG SAGLIT NA PAGKALINGAT, MAAARING MAGING MALAKING ABALA

Minsan, saglit lang nating naiiwan ang cellphone sa mesa, nakabukas ang bag habang naglalakad, o nakakalimutang i-check kung maayos ang pagkakandado ng bahay. Maliit na bagay sa tingin, pero maaari itong maging pagkakataon para sa pagnanakaw.

Kaya ngayong National Crime Prevention Week, paalala ng Malabon City Police Station na ugaliing bantayan ang sariling gamit at maging alerto sa paligid, lalo na sa matataong lugar.

📱 Ilagay ang cellphone, wallet, at mahahalagang gamit sa ligtas na bahagi ng bag o bulsa.
👀 Iwasang maging sobrang abala sa cellphone habang nasa labas.
🏠 Tiyaking maayos ang pagkakandado ng bahay, sasakyan, o establisyimento bago umalis.
🔒 Huwag iwanang nakalantad o walang bantay ang mga bagay na madaling makuha.

Hindi natin kontrolado ang kilos ng ibang tao, pero may mga simpleng pag-iingat tayong maaaring gawin upang maprotektahan ang sarili, pamilya, at mga bagay na pinaghirapan natin.

Maging maingat. Maging mapagmatyag, Malabueño. 💙

Kung may kahina-hinalang gawain o insidenteng kailangang i-report, makipag-ugnayan agad:

👮 Malabon City Police Station
0998-598-7864

📞 Malabon City DRRMO Command Center
8-921-6009
8-921-6029
0942-372-9891
0919-062-5588

📱 TXTMJS
0917-889-8657

03/09/2026

03/09/2026

03/09/2026

03/09/2026

🛺 TULONG PASADA, DAGDAG-GINHAWA SA MGA BUMIBIYAHE PARA SA PAMILYA

Halos tatlong taon nang namamasada bilang tricycle driver si Allan Walican, 49, ng Brgy. Tonsuya. Sa mga panahong mahina ang biyahe, malaking bagay para sa kanya ang natanggap na Tulong Pasada financial assistance.

“Malaking tulong po ito, lalo na kapag mahina ang biyahe. May pandagdag sa baon ng anak ko, pambili ng pagkain, at iba pang gastusin sa bahay.”

Bukod sa tulong pinansyal, mahalaga rin kay Allan na napakinggan ang kanilang sektor at nabigyang-linaw ang ilan sa kanilang matagal nang hinaing.

“Nakakatuwa po na napakinggan kami. Mas naintindihan namin ang mga proseso at nakikita naming gumagawa ng paraan ang lokal na pamahalaan para sa aming sektor.”

Sa Tulong Pasada, naipapaabot ang dagdag na suporta sa mga tsuper na araw-araw na bumibiyahe at nagsisikap para sa kanilang pamilya.

“Maraming salamat po, Mayor Jeannie Sandoval, sa patuloy na pagtulong sa mga tricycle driver na katulad namin.”

Patuloy na isinusulong ng Pamahalaang Lungsod ng Malabon sa pangunguna ni Mayor Jeannie Sandoval ang mga programang tumutugon sa pangangailangan ng mga sektor na mahalagang bahagi ng araw-araw na galaw ng lungsod.

03/09/2026

Buong puso kong ipinapaabot ang aking pagbati sa iyong kaarawan. Nawa’y ang panibagong taon ng iyong buhay ay mapuno ng mabuting kalusugan, makabuluhang tagumpay, at mga biyayang higit pa sa iyong inaasahan.

Patuloy nawa kayong maging inspirasyon sa mga taong nakapaligid sa inyo.

Maligayang kaarawan, Bobby! Nawa’y pagpalain at gabayan ka ng Poong Maykapal sa lahat ng panahon.