Malabon CENRO

06/09/2026

Panatilihin po natin ang Kalinisan at Kaayusan...
‎
‎Patuloy po ang ating paglilinis at paghahakot ng mga basura, sa ating mga pangunahing kakalsadahan...

Ang pangunahing kailangan po ay kooperasyon at pagmamalasakit ng bawat-isa upang mapigilan ang mga iligal na pagtatapon ng basura sa ating kapaligiran na sanhi ng pagbabara ng mga kanal na isang dahilan ng pagbaha sa ating lungsod...
‎
‎
‎

06/09/2026

IWAS-HOLDAP: MAGING MAINGAT SA DALA AT LAGING UNAHIN ANG KALIGTASAN

Sa pag-withdraw ng pera, pag-uwi mula sa negosyo, o paglalakad na may dalang mahahalagang gamit, mahalagang maging maingat sa paligid. Ang lantad na pera, alahas, at iba pang mamahaling gamit ay maaaring makatawag ng hindi kanais-nais na pansin.

Ngayong National Crime Prevention Week, paalala ng Malabon City Police Station ang ilang paraan upang makaiwas sa holdap o pagnanakaw na may dahas o pananakot:

💵 Iwasang magpakita o magbilang ng malaking halaga ng pera sa pampublikong lugar. Kung maaari, gumamit ng mas ligtas na paraan ng transaksyon.

💍 Iwasang magsuot o maglantad ng mamahaling alahas habang naglalakad o nasa pampublikong lugar, lalo na kung mag-isa o sa lugar na kakaunti ang tao.

🏠 Sa bahay at negosyo, tiyaking maayos ang ilaw, kandado, CCTV, at iba pang hakbang para sa seguridad.

📱 Iwasang magbahagi online ng impormasyon tungkol sa malaking halaga ng pera o mahahalagang ari-arian.

⚠️ Kung maharap sa holdap, unahin ang sariling kaligtasan. Huwag makipagsapalaran kung maaari itong magdulot ng kapahamakan. Sa ligtas na pagkakataon, agad humingi ng tulong at i-report ang insidente.

Mahalaga ang mga ari-arian, ngunit higit na mahalaga ang buhay. Ang pagiging maingat at alerto ay malaking tulong upang makaiwas sa panganib.

Kung may kahina-hinalang gawain o insidenteng kailangang i-report, makipag-ugnayan agad:

👮 Malabon City Police Station
0998-598-7864

📞 Malabon City DRRMO Command Center
8-921-6009
8-921-6029
0942-372-9891
0919-062-5588

📱 TXTMJS
0917-889-8657

Maging mapagmatyag at laging unahin ang kaligtasan, Malabueño. 💙

05/09/2026

📚💙 NGAYONG BUWAN, G**O NAMAN ANG BIDA!

Araw-araw, sila ang nasa likod ng bawat aral na natutuhan, pangarap na nabuo, at batang natutong maniwala sa sarili.

Kaya ngayong National Teachers’ Month, na ipinagdiriwang mula Setyembre 5 hanggang Oktubre 5, tayo naman ang magbigay-pugay sa mga g**ong walang sawang nagtuturo, gumagabay, nakikinig, at nagmamalasakit sa kanilang mga mag-aaral.

Sa temang “Teacher, Ikaw Naman! (Teacher, It’s Your Turn!)”, panahon naman upang sila ang ating kilalanin, pasalamatan, at pahalagahan, hindi lamang bilang mga g**o, kundi bilang mga katuwang sa paghubog ng kinabukasan ng bawat kabataang Malabueño.

Sa pangunguna ni Mayor Jeannie Sandoval, patuloy na isinusulong ng Pamahalaang Lungsod ng Malabon ang mga programang sumusuporta sa kapakanan, kakayahan, at patuloy na pag-unlad ng ating mga g**o.

Ngayong buwan, simpleng mensahe man, pasasalamat, o pagkilala, iparamdam natin sa kanila na ang bawat oras, pagod, at malasakit na kanilang ibinibigay ay nakikita at pinahahalagahan.

Mula sa buong Pamahalaang Lungsod ng Malabon, maligayang National Teachers’ Month sa lahat ng ating mga g**o! 👩‍🏫👨‍🏫💙

05/09/2026

04/09/2026

WALANG PASOK | Suspendido ang face-to-face classes sa lahat ng antas ng mga pampubliko at pribadong paaralan sa Lungsod ng Malabon bukas, Sabado, Setyembre 5, 2026, dahil sa patuloy na pag-ulan na dulot ng Southwest Monsoon (Habagat).

Magpapatuloy ang klase sa mga paaralan sa pamamagitan ng Alternative Delivery Mode (online classes).

Pinapayuhan ang lahat na manatiling nakatutok sa mga mahahalagang impormasyon o anunsiyo ukol sa lagay ng panahon. Maging alerto anumang oras at mag-ingat para sa kaligtasan ng lahat.

Kung may emergency, maaaring makipag-ugnayan sa Malabon Command Center sa mga numerong 8-921-6009, 8-921-6029, 0942-372-9891, o 0919-062-5588. Maaari rin kayong mag-text sa TXTMJS sa 225687 o 0917-889-8657.