Brgy Guadalupe Nuevo Official

18/08/2026

Sama-sama, Kayang-kaya!
🤝🏼 Safety First sa Barangay Guadalupe Nuevo

Walang imposible kapag nagkakaisa ang mamamayan at ang pamahalaan!

Mabilis na naaksyunan at natanggal ang isang mapanganib na bumagsak na canopy sa isang residential building sa Antipolo St. upang masigurong ligtas ang bawat residenteng dumadaan.

Ang matagumpay na operasyong ito ay naging posible sa gabay ng ating Kapitan Jerry Sunga at sa direktiba ng ating Kagawad JhayR Sinang na gawin ang lahat ng paraan para maiwasan ang anumang aksidente o disgrasya.

Isang taos-pusong pasasalamat mula sa Barangay Guadalupe Nuevo para sa mga sumusunod:

Bureau of Fire Protection - Guadalupe Fire Station para sa mabilis na pagresponde.

Bantay Bayan ng Guadalupe Nuevo sa patuloy na pagpapanatili ng kaayusan at trapiko sa lugar.

City Government of Makati - Engineering Department sa kanilang mahalagang tulong at suporta.

Makati C3 / Makati 168 sa mabilis na pag-coordinate at pagpapadala ng boom truck at mga kinakailangang personnel upang alisin ang mapanganib na struktura.

Maraming salamat po sa lahat ng tumulong! Ang inyong mabilis na aksyon at kooperasyon ay tunay na nagpapatunay na sa Guadalupe Nuevo, ang kaligtasan ng bawat isa ang ating pangunahing prayoridad. ❤️💙

18/08/2026

18/08/2026

PAUNAWA

Ipinapaalam po sa mga residente ng lungsod na may delay sa pagkuha ng mga basura sa inyong barangay ngayong araw dahil sa mahabang pila sa dumpsite.

Maraming salamat po sa inyong pang-unawa.

17/08/2026

FYI!

Stay Safe

14/08/2026

Mahigpit na direktiba nina Kapitan Jerry Sunga at Kagawad Jayr Razon Sinang na paigtingin ng Office of the Barangay Chairman Staff at ng mga Bantay Bayan ang kanilang presensiya sa buong sakop ng Barangay Guadalupe Nuevo, partikular sa mga oras ng gabi na may pag-ulan. Ang naturang inisyatibo ay naglalayong mapabilis ang pagtugon sa anumang sitwasyon ng kalamidad, sakuna at matiyak ang kaligtasan ng ating mga kabarangay laban sa mga indibidwal na maaaring magsamantala habang ang karamihan ay mahimbing na natutulog.

14/08/2026

Sa loob ng dalawang linggong halos walang tigil ang malalakas na pag-ulan, napatunayang malaking tulong ang tuluy-tuloy na operasyon ng Clean and Green Committee sa pamumuno ni Kagawad Egay Jusi at sa patnubay ni Kapitan Jerry Sunga. Isinagawa nila ang flushing ng kahabaan ng Talipapa sa Kalayaan Avenue upang malinis ang daan mula sa mga residue ng basura at langis na nagmumula sa mga sasakyan, na maaaring magdulot ng aksidente sa mga gumagamit ng nasabing abenida tuwing umuulan. Patunay ito na ang serbisyong Tapat at Tunay ay hindi alintana ang panahon o oras.

Maraming salamat sa pamunuan ng Barangay Pitogo Fire Volunteers and Rescue sa kanilang tulong upang maisakatuparan ang nasabing flushing operation.

14/08/2026

FYI!

11/08/2026

August 11, 2026

Muling nagsagawa ang Pamahalaang Lungsod ng Makati, sa pamamagitan ng Department of Environmental Services, ang isang operasyon para sa Bulky Waste na isinagawa sa pakikipag-ugnayan sa Barangay Guadalupe Nuevo Clean and Green Committee, na pinamumunuan ni Kagawad Egay Jusi sa ilalim ng gabay at patnubay ni Kapitan Jerry Sunga.

10/08/2026

PATULOY NA PAGBABANTAY AT PAGTITIYAK NG KALIGTASAN SA BARANGAY GUADALUPE NUEVO!

Hindi napapagod at walang humpay ang pagbabantay ng ating Barangay sa buong paligid ng Guadalupe Nuevo.

Sa mahigpit na tagubilin ng ating Kapitan Jerry Sunga, katuwang ang Chairman ng Peace and Order and BDCRRM na si Kag. JhayR Sinang, lalo pang pinaigting ang pagmomonitor sa kabuuan ng ating barangay. Ito ay upang tiyakin ang mabilis na pagresponde sa nararanasang patuloy na pag-ulan, mga banta ng posibleng pagsiklab ng sunog at upang protektahan ang bawat residente laban sa banta ng masasamang loob.

MGA PAALALA SA ATING MGA KABARANGAY:

🌧️ Maging Handa sa Ulan:Palaging subaybayan ang taya ng panahon at siguraduhing malinis ang mga daluyan ng tubig sa paligid ng bahay at I check ang mga wirings ng kuryente sa buong kabahayan.

🚨 Manatiling Alert:** I-lock nang maigi ang mga pintuan at bintana sa gabi.p

📞Ipagbigay-alam Agad sa Hotline ng Barangay ( 87275316):

Kung may napapansing kaduda-dudang kilos o pangyayari sa inyong lugar, huwag mag-atubiling ipagbigay-alam agad sa ating Barangay Hall o sa mga nakatalagang Bantay Bayan at OBC staff na nagpapatrolya at nagmo-monitor sa kapaligiran.

Maraming salamat po!

10/08/2026