https://www.facebook.com/2543403849022071/

LGU Magsaysay, Purok 2, Poblacion, Magsaysay (2026)

02/06/2026

𝗞𝗔𝗡𝗛𝗜𝗡𝗚 𝗠𝗔𝗬𝗢𝗥 𝗝𝗘𝗦𝗦 𝗟𝗨𝗠𝗔𝗡𝗢𝗚 𝗨𝗚 𝗞𝗔𝗡𝗛𝗜𝗡𝗚 𝗞𝗢𝗡𝗦𝗘𝗛𝗔𝗟 𝗥𝗢𝗗𝗘𝗟 𝗖𝗔𝗕𝗔𝗥𝗔𝗟, 𝗠𝗚𝗔 𝗕𝗔𝗚-𝗢𝗡𝗚 𝗞𝗔𝗔𝗕𝗔𝗚 𝗦𝗔 𝗕𝗨𝗛𝗔𝗧𝗔𝗡 𝗡𝗜 𝗠𝗔𝗬𝗢𝗥 𝗗𝗔𝗩𝗜𝗡

𝗠𝗔𝗚𝗦𝗔𝗬𝗦𝗔𝗬 𝗞𝗔𝗥𝗢𝗡 | Gilauman nga mas mopaspas ug mas mapalapdan pa ang paghatag og serbisyo publiko sa lungsod sa Magsaysay human opisyal nga gipaila ni 𝗠𝘂𝗻𝗶𝗰𝗶𝗽𝗮𝗹 𝗠𝗮𝘆𝗼𝗿, 𝗘𝗻𝗴𝗿. 𝗔𝗿𝘁𝗵𝘂𝗿 𝗗. 𝗗𝗮𝘃𝗶𝗻 ang iyang mga bag-ong kaabag sa pagpatuman sa mga nagkadaiyang proyekto/programa para sa lungsod.

Pormal nga gisulod isip mga Project Supervisors sa mga programa sa Office of the Mayor sila si kanhing 𝗠𝗮𝘆𝗼𝗿 𝗝𝗲𝘀𝘀 𝗟𝘂𝗺𝗮𝗻𝗼𝗴 ug kanhing 𝗠𝘂𝗻𝗶𝗰𝗶𝗽𝗮𝗹 𝗞𝗮𝗴𝗮𝘄𝗮𝗱 𝗥𝗼𝗱𝗲𝗹 𝗖𝗮𝗯𝗮𝗿𝗮𝗹. Kauban usab nga moabag ug mosuporta sa maong mga buluhaton sila kanhing Brgy. Kagawad 𝗥𝗲𝗻𝗲 𝗦𝗮𝗺𝗼𝗿𝗮𝗻𝗼𝘀 ug 𝗙𝗲𝗹𝗶𝗰𝗶𝗮𝗻𝗼 𝗖𝗮𝗯𝗮𝗿𝗮𝗹.

Ang maong panag-uban giisip nga usa ka lig-on nga simbolo sa pakighiusa ug madasigong pagtinabangay alang sa kaayohan sa tanang katawhan sa Magsaysay.

𝗠𝗮𝗴𝘀𝗮𝘆𝘀𝗮𝘆 𝗕𝗜𝗗𝗔 𝗞𝗮, 𝗞𝘂𝘆𝗼𝗴 𝗧𝗮!✨

💚 🇵🇭

02/06/2026

Gihatagan og dakong importansya ni 𝗠𝗮𝘆𝗼𝗿 𝗗𝗮𝘃𝗶𝗻, kauban ang tiunay nga suporta sa 𝗦𝗮𝗻𝗴𝗴𝘂𝗻𝗶𝗮𝗻𝗴 𝗕𝗮𝘆𝗮𝗻, ang Maximino Pellerin Sr. Technical and Vocational Institute (MPTVI) pinaagi sa padayong suporta sa technical-vocational education.

Tungod kay nagtuo si 𝗠𝗮𝘆𝗼𝗿 𝗗𝗮𝘃𝗶𝗻 nga ang hanas ug skilled nga mga trabahante mao ang pundasyon sa madasigon nga ekonomiya. Kining tanan, usa ka dakong pamuhunan sa atong labor force para sa kaayohan ug mas hayag nga ugma sa tanang Kialegnon.

𝗠𝗮𝗴𝘀𝗮𝘆𝘀𝗮𝘆 𝗕𝗜𝗗𝗔 𝗞𝗮, 𝗞𝘂𝘆𝗼𝗴 𝗧𝗮!✨

💚 🇵🇭

02/06/2026

𝗣𝗔𝗚𝗛𝗜𝗨𝗦𝗔 𝗦𝗔 𝗚𝗨𝗚𝗠𝗔: 𝗖𝗢𝗡𝗚𝗥𝗔𝗧𝗨𝗟𝗔𝗧𝗜𝗢𝗡𝗦, 𝗦𝗔𝗡𝗗𝗥𝗜𝗖𝗞𝗦 & 𝗦𝗛𝗢𝗕𝗜𝗘

Pormal nga gihugpong sa balaang kaminyoon silang 𝗦𝗵𝗼𝗯𝗶𝗲 𝗕. 𝗣𝗶𝗮𝗻𝗴 ug 𝗦𝗮𝗻𝗱𝗿𝗶𝗰𝗸𝘀 𝗟. 𝗦𝗮𝘆𝗼𝗻 pinaagi sa usa ka seremonya nga gi-officiate sa atong pinalanggang 𝗠𝘂𝗻𝗶𝗰𝗶𝗽𝗮𝗹 𝗠𝗮𝘆𝗼𝗿, 𝗘𝗻𝗴𝗿. 𝗔𝗿𝘁𝗵𝘂𝗿 𝗗. 𝗗𝗮𝘃𝗶𝗻.

Ang maong panumpa sa gugma ug kalig-on malipayong gisaksihan sa mga piniling Ninong ug Ninang, kauban ang ilang pamilya ug mga suod nga higala.

Sa ngalan sa 𝗟𝗚𝗨 𝗠𝗮𝗴𝘀𝗮𝘆𝘀𝗮𝘆, among gipaabot ang kinasingkasing ug dako nga pagpahalipay kaninyo, 𝗦𝗵𝗼𝗯𝗶𝗲 𝘂𝗴 𝗦𝗮𝗻𝗱𝗿𝗶𝗰𝗸𝘀! Hinaut nga ang inyong panag-uban mapuno sa gugma, pagsinabtanay, ug walay kataposang panalangin gikan sa Ginoo samtang kamo magatukod sa inyong kaugalingong pamilya.

𝗖𝗼𝗻𝗴𝗿𝗮𝘁𝘂𝗹𝗮𝘁𝗶𝗼𝗻𝘀 𝘂𝗴 𝗕𝗲𝘀𝘁 𝗪𝗶𝘀𝗵𝗲𝘀 𝘀𝗮 𝗶𝗻𝘆𝗼𝗻𝗴 𝗸𝗮𝗺𝗶𝗻𝘆𝗼𝗼𝗻!🥂💚

01/06/2026

𝗣𝗘𝗗𝗥𝗢 𝗗. 𝗖𝗔𝗟𝗔𝗕𝗨𝗖𝗔𝗟, 𝗠𝗨𝗡𝗜𝗖𝗜𝗣𝗔𝗟 𝗧𝗥𝗘𝗔𝗦𝗨𝗥𝗘𝗥 - 𝗗𝗨𝗡𝗚𝗚𝗔𝗡𝗢𝗡𝗚 𝗠𝗜𝗥𝗘𝗧𝗜𝗥𝗢

𝗠𝗔𝗚𝗦𝗔𝗬𝗦𝗔𝗬 𝗞𝗔𝗥𝗢𝗡 | Si 𝗠𝗿. 𝗣𝗲𝗱𝗿𝗼 𝗗. 𝗖𝗮𝗹𝗮𝗯𝘂𝗰𝗮𝗹, ang Municipal Treasurer sa LGU Magsaysay, opisyal nang miretiro human sa 𝟯𝟯 𝗸𝗮 𝘁𝘂𝗶𝗴, kapin 3 ka dekada nga maunongon nga serbisyo publiko.

Gipasidunggan siya sa lokal nga panggobyerno sa pagpanguna ni 𝗠𝘂𝗻𝗶𝗰𝗶𝗽𝗮𝗹 𝗠𝗮𝘆𝗼𝗿, 𝗘𝗻𝗴𝗿. 𝗔𝗿𝘁𝗵𝘂𝗿 𝗗. 𝗗𝗮𝘃𝗶𝗻 pinaagi sa usa ka plaque of recognition atol sa senemanang flag-raising ceremony sa Municipal Gym—nga gitambongan ug gisaksihan sa mga lokal nga opisyal, mga pangulo sa departamento, ug mga empleyado sa munisipyo.

Gidayeg si Mr. Calabucal sa iyang integridad, transparency, ug saktong pagdumala sa panalapi nga nakatabang og dako sa mga proyekto sa kalamboan sa lungsod. Ang iyang kabilin nagsilbing ehemplo sa propesyonalismo alang sa sunod nga henerasyon.

𝗖𝗼𝗻𝗴𝗿𝗮𝘁𝘂𝗹𝗮𝘁𝗶𝗼𝗻𝘀 𝘂𝗴 𝗛𝗮𝗽𝗽𝘆 𝗥𝗲𝘁𝗶𝗿𝗲𝗺𝗲𝗻𝘁, 𝗦𝗶𝗿 𝗣𝗲𝗱𝗿𝗼!

𝗠𝗮𝗴𝘀𝗮𝘆𝘀𝗮𝘆 𝗕𝗜𝗗𝗔 𝗞𝗮, 𝗞𝘂𝘆𝗼𝗴 𝗧𝗮!✨

💚 🇵🇭

01/06/2026

𝗗𝗔 𝗟𝗜𝗩𝗘𝗦𝗧𝗢𝗖𝗞 𝗥𝗫𝗜 𝗨𝗚 𝗟𝗚𝗨 𝗠𝗔𝗚𝗦𝗔𝗬𝗦𝗔𝗬 𝗡𝗔𝗚-𝗔𝗣𝗢𝗗-𝗔𝗣𝗢𝗗 𝗢𝗚 𝗕𝗨𝗛𝗜 𝗡𝗚𝗔 𝗠𝗔𝗡𝗢𝗞 𝗡𝗚𝗔𝗗𝗧𝗢 𝗦𝗔 𝗠𝗚𝗔 𝗕𝗘𝗡𝗘𝗣𝗜𝗦𝗬𝗔𝗥𝗬𝗢 𝗦𝗔 𝗧𝗔𝗣𝗜𝗖𝗢𝗡𝗚 𝗗𝗔𝗧𝗔𝗟 𝗖𝗢𝗟𝗢𝗡 𝗔𝗦𝗦𝗢𝗖𝗜𝗔𝗧𝗜𝗢𝗡

𝗠𝗔𝗚𝗦𝗔𝗬𝗦𝗔𝗬 𝗞𝗔𝗥𝗢𝗡 | Malampusong gipahigayon ang pag-apod-apod sa mga poultry chicken ngadto sa mga napiling miyembro sa 𝗧𝗮𝗽𝗶𝗰𝗼𝗻𝗴 𝗗𝗮𝘁𝗮𝗹 𝗖𝗼𝗹𝗼𝗻 𝗔𝘀𝘀𝗼𝗰𝗶𝗮𝘁𝗶𝗼𝗻 pinaagi sa panagtambayayong sa DA Livestock Region XI ug sa LGU Magsaysay pinangulohan ni 𝗠𝘂𝗻𝗶𝗰𝗶𝗽𝗮𝗹 𝗠𝗮𝘆𝗼𝗿, 𝗘𝗻𝗴𝗿. 𝗔𝗿𝘁𝗵𝘂𝗿 𝗗. 𝗗𝗮𝘃𝗶𝗻 kauban si 𝗠𝗮'𝗮𝗺 𝗛𝗲𝗹𝗲𝗻 𝗣. 𝗖𝗮𝗿𝗮𝗺𝗽𝗮𝘁𝗮𝗻𝗮, 𝗥.𝗔𝗴𝗿., sa Municipal Agriculture Office (MAO).

Kining maong programa nagtinguha sa pagpalig-on sa panginabuhian sa mga miyembro sa asosasyon, pagpausbaw sa food security, ug paghatag og dugang nga oportunidad sa kita alang sa matag pamilya. Usa kini ka lakang aron mas mapalig-on ang sektor sa pagpanguma ug masuportahan ang panginabuhian sa mga benepisyaryo pinaagi sa pag-atiman ug pagpadaghan sa mga manok. Padayon ang 𝗟𝗚𝗨 𝗠𝗮𝗴𝘀𝗮𝘆𝘀𝗮𝘆 sa paghatag og serbisyo ug mga programa alang sa kalamboan ug kaayohan sa katawhan.

𝗠𝗮𝗴𝘀𝗮𝘆𝘀𝗮𝘆 𝗕𝗜𝗗𝗔 𝗞𝗮, 𝗞𝘂𝘆𝗼𝗴 𝗧𝗮!✨

💚 🇵🇭

31/05/2026

𝕋𝕠𝕕𝕒𝕪’𝕤 ℍ𝕚𝕘𝕙𝕝𝕚𝕘𝕙𝕥 | 𝕀𝕜𝕒-𝟞 𝕟𝕘𝕒 𝕋𝕦𝕚𝕘 𝕟𝕘𝕒 ℙ𝕦𝕣𝕠𝕜 𝔸𝕟𝕚𝕓𝕖𝕣𝕤𝕒𝕣𝕪𝕠 𝕤𝕒 ℙ𝕦𝕣𝕠𝕜 𝟙, 𝔹𝕣𝕘𝕪. 𝕂𝕒𝕤𝕦𝕘𝕒

Malipayon ug mabungahon nga gisaulog sa katawhan sa Purok 1, Brgy. Kasuga ang ilang ika-6 nga tuig nga Purok Anibersaryo uban sa presensya ug mga pahalipay ni Engr. Arthur D. Davin, Municipal Mayor, nga nagpadayon sa iyang dedikasyon sa pagserbisyo ug paghatod sa gobyerno nga mas duol sa katawhan. Duyog usab sa maong selebrasyon ang suporta ug presensya sa mga opisyales sa barangay nga pinangulohan ni Kap. Nador Pinto, isip timaan sa panaghiusa ug padayong kalamboan sa komunidad.

29/05/2026

𝗔𝗡𝗚 𝗣𝗔𝗦𝗜𝗗𝗨𝗡𝗚𝗢𝗚 𝗦𝗔 𝗠𝗔𝗧𝗜𝗡𝗨𝗗-𝗔𝗡𝗢𝗡𝗚 𝗦𝗘𝗥𝗕𝗜𝗦𝗬𝗢: 𝗟𝗜𝗠𝗣𝗬𝗢 𝗨𝗚 𝗠𝗔𝗔𝗬𝗢𝗡𝗚 𝗣𝗔𝗡𝗚𝗚𝗢𝗕𝗬𝗘𝗥𝗡𝗢 𝗦𝗔 𝗠𝗔𝗚𝗦𝗔𝗬𝗦𝗔𝗬

𝗠𝗔𝗚𝗦𝗔𝗬𝗦𝗔𝗬 𝗞𝗔𝗥𝗢𝗡 | Doble nga dungog ug dako nga garbo alang sa lungsod sa Magsaysay. Ubos sa lig-on, tiunay, ug transparent nga pagdumala ni 𝗠𝘂𝗻𝗶𝗰𝗶𝗽𝗮𝗹 𝗠𝗮𝘆𝗼𝗿, 𝗘𝗻𝗴𝗿. 𝗔𝗿𝘁𝗵𝘂𝗿 𝗗. 𝗗𝗮𝘃𝗶𝗻, opisyal nga gihatagan og pasidungog ang 𝗟𝗚𝗨 𝗠𝗮𝗴𝘀𝗮𝘆𝘀𝗮𝘆 sa 𝗣𝗵𝗶𝗹𝗶𝗽𝗽𝗶𝗻𝗲 𝗔𝘀𝘀𝗼𝗰𝗶𝗮𝘁𝗶𝗼𝗻 𝗼𝗳 𝗟𝗼𝗰𝗮𝗹 𝗚𝗼𝘃𝗲𝗿𝗻𝗺𝗲𝗻𝘁 𝗔𝗰𝗰𝗼𝘂𝗻𝘁𝗮𝗻𝘁𝘀 (𝗣𝗵𝗔𝗟𝗚𝗔)—ang opisyal nga giila nga nasudnong organisasyon sa mga accountant sa kagamhanang lokal sa tibuok Pilipinas.

Pormal nga nadawat sa atong LGU ang prestihiyosong 𝟮𝟬𝟮𝟲 𝗣𝗵𝗔𝗟𝗚𝗔 𝗘𝘅𝗰𝗲𝗹𝗹𝗲𝗻𝗰𝗲 𝗔𝘄𝗮𝗿𝗱 niadtong May 19, 2026, didto sa Dakak Golf and Beach Resort, Dapitan City.

Kini nga pasidungog garbo usab nga gidawat sa atong 𝗠𝘂𝗻𝗶𝗰𝗶𝗽𝗮𝗹 𝗔𝗰𝗰𝗼𝘂𝗻𝘁𝗮𝗻𝘁, 𝗦𝗮𝗿𝗮𝗵 𝗡. 𝗠𝗲𝗿𝗰𝗮𝗱𝗮𝗹, 𝗖𝗣𝗔, ug sa tibuok Accounting Office. Tungod sa ilang kakugi ug kamatinud-anon, nakab-ot sa atong lungsod ang labing taas nga dungog—ang 𝗨𝗻𝗺𝗼𝗱𝗶𝗳𝗶𝗲𝗱 𝗖𝗢𝗔 𝗔𝘂𝗱𝗶𝘁 𝗢𝗽𝗶𝗻𝗶𝗼𝗻 para sa atong Financial Statements.

Kini nga pag-ila gikan sa PhALGA usa ka "outstanding mark" ug sumbanan sa tibuok nasod kon unsaon pag-gasto sa sakto ang panudlanan sa LGU. Sa laktod nga pagkasulti: 𝗟𝗶𝗺𝗽𝘆𝗼, 𝘁𝗿𝗮𝗻𝘀𝗽𝗮𝗿𝗲𝗻𝘁, 𝘂𝗴 𝘄𝗮𝗹𝗮𝘆 𝗯𝗶𝗻𝘂𝗮𝗻𝗴 ang paggasto sa pondo sa lungsod. Ang kwarta sa katawhan, nibalik gyud sa katawhan pinaagi sa saktong serbisyo.

Dili gyud kawang ang inyong pagsalig. Tipik kini sa tiunay nga pasalig ni 𝗠𝗮𝘆𝗼𝗿 𝗗𝗮𝘃𝗶𝗻, ug sa tibuok LGU team nga siguraduhon ang limpyo nga panggobyerno ug i-angat ang welfare sa matag Kialegnon. Dili lang ni award para sa opisina, kondili pasidungog kini sa matag Kialegnon nga angayan sa tiunay ug limpyo nga serbisyo publiko.

May this recognition continue to inspire us to:
✨ LEAD with integrity
🌱 GROW in service
🔥 EXCEL in governance

Daghang salamat ug double congratulations kang 𝗠𝗮'𝗮𝗺 𝗦𝗮𝗿𝗮𝗵 𝗡. 𝗠𝗲𝗿𝗰𝗮𝗱𝗮𝗹, 𝗖𝗣𝗔, sa tibuok 𝗔𝗰𝗰𝗼𝘂𝗻𝘁𝗶𝗻𝗴 𝗢𝗳𝗳𝗶𝗰𝗲, ug kang 𝗠𝗮𝘆𝗼𝗿 𝗗𝗮𝘃𝗶𝗻! Inyo kining dungog, mga ka-BIDA!

𝗠𝗮𝗴𝘀𝗮𝘆𝘀𝗮𝘆 𝗕𝗜𝗗𝗔 𝗞𝗮, 𝗞𝘂𝘆𝗼𝗴 𝗧𝗮!✨

💚 🇵🇭

27/05/2026

𝟯𝟯𝟲 𝗞𝗔 𝗣𝗔𝗡𝗚𝗨𝗧𝗔𝗡𝗔 𝗨𝗚 𝗣𝗔𝗡𝗚𝗜𝗡𝗔𝗛𝗔𝗡𝗚𝗟𝗔𝗡, 𝗗𝗔𝗟𝗜𝗡𝗚 𝗚𝗜𝗔𝗧𝗜𝗠𝗔𝗡 𝗦𝗔 𝗣𝗔𝗞 𝟮.𝟬 𝗗𝗜𝗗𝗧𝗢 𝗦𝗔 𝗕𝗥𝗚𝗬. 𝗕𝗔𝗖𝗨𝗡𝗚𝗔𝗡

𝗠𝗔𝗚𝗦𝗔𝗬𝗦𝗔𝗬 𝗞𝗔𝗥𝗢𝗡 | Nagmalampuson ang upat ka adlaw nga pagpahigayon sa "𝗣𝗮𝗴𝗹𝗶𝗹𝗶𝗻𝗴𝗸𝗼𝗱 𝗔𝗯𝗼𝘁-𝗞𝗮𝗺𝗮𝘆 𝟮.𝟬" (𝗣𝗔𝗞 𝟮.𝟬) didto sa Barangay Bacungan, diin kinatibuk-ang 𝟯𝟯𝟲 𝗸𝗮 𝗺𝗴𝗮 𝗽𝗮𝗻𝗴𝗶𝗻𝗮𝗵𝗮𝗻𝗴𝗹𝗮𝗻, 𝗸𝗮𝗯𝗮𝗹𝗮𝗸𝗮, 𝘂𝗴 𝗽𝗮𝗻𝗴𝘂𝘁𝗮𝗻𝗮 sa mga residente ang daling giatiman ug nahatagan og tubag/solusyon sa lokal nga panggobyerno.

Pinaagi sa inisyatiba ni 𝗠𝘂𝗻𝗶𝗰𝗶𝗽𝗮𝗹 𝗠𝗮𝘆𝗼𝗿, 𝗘𝗻𝗴𝗿. 𝗔𝗿𝘁𝗵𝘂𝗿 𝗗. 𝗗𝗮𝘃𝗶𝗻 nga mapaduol ang mga serbisyo publiko ngadto sa katawhan, kaabag ang tibook LGU Magsaysay ug suporta sa Sangguniang Bayan, ang matag purok sumala niini nga skedyul natagaan ug pagtagad:
• Mayo 18, 2026 – Puroks 1A, 1B, 1C, & 4
• Mayo 19, 2026 – Purok 2A, 2B, 3 & 11
• Mayo 21, 2026 – Puroks 6, 10 & 12
• Mayo 25, 2026 – Puroks 5, 7, 8 & 9

Dako ang pasalamat sa LGU Magsaysay ngadto sa opisyales sa barangay sa pagpanguna ni 𝗕𝗮𝗿𝗮𝗻𝗴𝗮𝘆 𝗖𝗮𝗽𝘁𝗮𝗶𝗻 𝗠𝗮𝘅𝗶𝗺𝗼 𝗔𝗺𝗮𝗯𝗮 𝗝𝗿., uban sa iyang 𝘁𝗶𝗯𝘂𝗼𝗸 𝗸𝗼𝗻𝘀𝗲𝗵𝗼 (𝗕𝗿𝗴𝘆. 𝗖𝗼𝘂𝗻𝗰𝗶𝗹), sa mga 𝗣𝘂𝗿𝗼𝗸 𝗣𝗿𝗲𝘀𝗶𝗱𝗲𝗻𝘁, ug sa mga katawhan sa ilang hugot nga kooperasyon ug mainitong pagdawat.

Nagpabilin usab ang pasalig ug lig-on nga commitment sa 𝗟𝗚𝗨 𝗠𝗮𝗴𝘀𝗮𝘆𝘀𝗮𝘆, ubos sa pagpanguna ni 𝗠𝗮𝘆𝗼𝗿 𝗗𝗮𝘃𝗶𝗻, nga padayong ihatod ang de-kalidad nga serbisyo ngadto sa matag Kialegnon aron masiguro nga walay mabiyaan sa dalan sa kalamboan.

𝗠𝗮𝗴𝘀𝗮𝘆𝘀𝗮𝘆 𝗕𝗜𝗗𝗔 𝗞𝗮, 𝗞𝘂𝘆𝗼𝗴 𝗧𝗮!✨

💚 🇵🇭

26/05/2026

𝗧𝗨𝗥𝗡-𝗢𝗩𝗘𝗥 𝗦𝗔 𝗥𝗛𝗨: 𝟮𝟮 𝗞𝗔 𝗕𝗔𝗥𝗔𝗡𝗚𝗔𝗬 𝗔𝗡𝗚 𝗡𝗔𝗞𝗔𝗕𝗘𝗡𝗘𝗣𝗜𝗦𝗬𝗢

Ubos sa pagdumala ni 𝗠𝘂𝗻𝗶𝗰𝗶𝗽𝗮𝗹 𝗠𝗮𝘆𝗼𝗿, 𝗘𝗻𝗴𝗿. 𝗔𝗿𝘁𝗵𝘂𝗿 𝗗. 𝗗𝗮𝘃𝗶𝗻 ug sa suporta ni 𝗗𝗿𝗮. 𝗙𝗿𝗮𝗻𝗰𝗲𝘀 𝗠𝗮𝗿𝗴𝗮𝗿𝗲𝘁 𝗖. 𝗧𝗼𝗿𝗮𝘁𝗲, 𝗠𝘂𝗻𝗶𝗰𝗶𝗽𝗮𝗹 𝗛𝗲𝗮𝗹𝘁𝗵 𝗢𝗳𝗳𝗶𝗰𝗲𝗿, malampusong gipahigayon sa LGU Magsaysay pinaagi sa Rural Health Unit (RHU) ang turnover sa nagkalain-laing medical ug office equipment alang sa 22 ka barangay sa lungsod.

Lakip sa mga kagamitan nga gipang-turn over mao ang Smart TV, laptops, inverter split-type aircon, printer, Beam Balance, Height Board, Hanging Scale, Infant Scale, BP Digital Arm, Pulse Oximeter, ug Infrared Thermometer nga makatabang sa pagpalambo sa serbisyo panglawas sa matag barangay.

Ang maong proyekto gipundohan pinaagi sa Philippine Multisectoral Nutrition Project (PMNP) nga adunay kinatibuk-ang kantidad nga ₱2,405,750.00. Ang turnover mahinungdanong gidawat ug nasaksihan sa mga Barangay Captains ug Barangay Health Employee gikan sa 22 ka barangay nga benepisyaryo sa maong proyekto.

Pinaagi niini nga inisyatibo, padayon ang LGU Magsaysay sa lig-on nga dedikasyon sa pagpalig-on sa serbisyo panglawas ug pag-atiman sa kaayohan sa katawhan sa matag barangay.

𝗠𝗮𝗴𝘀𝗮𝘆𝘀𝗮𝘆 𝗕𝗜𝗗𝗔 𝗞𝗮, 𝗞𝘂𝘆𝗼𝗴 𝗧𝗮!✨

💚 🇵🇭

25/05/2026

ANNOUNCEMENT!

Ang buhatan sa Municipal Scholarship Program Coordinator muadto sa mga skwelahan nga nahisgutan sa ubos aron didto dawaton ang mga requirements sa inyong renewals ug new applications sa BIDA KA SCHOLARSHIP PROGRAM for JUNIOR HS UG SENIOR HS (SY 2026-2027).

Palihug dahala ang mga musunod nga mga papeles:

a. 1(one) Original Barangay Certification - stating the Residency
& Indigency of parent/guardian and the applicant;

b. 1(one) Clear copy : FRONT AND BACK- LATEST FORM 138
(Report Card) or form 137 ( if dili available ang form 138 ), Birth Certificate of Applicant & Sedula 2026 of guardian/ parent;

c. Latest ID picture of the applicant with white background;

d. Endorsement (Kaagapay or Cagas Cares).

Kung wala sa schedule ang inyong skwelahan, pwede ra nga e-submit sa iyong School- Based Scholarship Coordinator, segurohon lang nga kompleto ang mga papeles or kung dool ra sa schedule nga na mention sa ubos, pwede ra nga didto magpasa. Ang mga nag/mag eskwela sa Magsaysay Academy, Inc. ug Holy Cross of Magsaysay, Inc., sa SOCIAL ACTION CENTER OFFICE ra ipasa.

KATONG NAKA SUBMIT NA THROUGH ONLINE UG NAG WALK IN SA SAC OFFICE, DILI NA KINAHANGLANG MOADTO SA SCHEDULE

SEE YOU!

Magsaysay BIDA Ka! Kuyog Ta!

LGU Magsaysay

02/06/2026

02/06/2026

02/06/2026

01/06/2026

01/06/2026

31/05/2026

29/05/2026

27/05/2026

26/05/2026

25/05/2026

Address

Telephone

Website

Alerts

Contact The Organization

Shortcuts

Share

Category