Sikat Magsaysay, Misamis Oriental

29/05/2026

𝗟𝗔𝗡𝗧𝗔𝗪𝗔 | 𝟱𝗧𝗛 𝗟𝗢𝗖𝗔𝗟 𝗛𝗘𝗔𝗟𝗧𝗛 𝗕𝗢𝗔𝗥𝗗 𝗠𝗘𝗘𝗧𝗜𝗡𝗚 𝟮𝟬𝟮𝟲
May 14, 2026

Malampusong gipahigayon ang ika-lima nga Local Health Board Meeting niadtong Mayo 13, 2026 sa Office of the Municipal Mayor, Magsaysay, Misamis Oriental, diin gihisgutan ang mga programa ug updates nga may kalabutan sa pagpalig-on sa healthcare services sa lungsod. Gipasiugda sa maong panagtigom ang kahinungdanon sa digital health systems aron mas mapadali ug mapalambo ang serbisyo sa katawhan.

Usa sa mga pasiunang agenda mao ang orientation ug reintroduction sa Integrated Clinic Information System (IClinicSys) nga gipangunahan sa Department of Health (DOH). Gipresentar ang Electronic Medical Record (EMR) system nga makatabang sa patient registration, medical records management, laboratory requests, e-prescription, ug pagdumala sa health data. Gipasabot usab nga ang sistema konektado sa ubang health programs ug databases aron mas mapalig-on ang koordinasyon sa mga health facilities sa munisipyo.

Gihatagan usab og updates ang mga programa sama sa ZOD, Community-Based Drug Rehabilitation Program (CBDRP), HIV, ug Tuberculosis (TB). Gipahibalo nga walay bag-ong HIV cases nga narekord gikan Enero hangtod Abril 2026, samtang nagpadayon ang monitoring ug intervention alang sa TB cases sa nagkadaiyang barangay. Gihisgutan usab ang mga panginahanglanon sama sa internet connectivity, dugang kagamitan, ug suporta alang sa health operations aron masiguro ang epektibong serbisyo sa komunidad.

Kining mga panaghisgot ug kasabutan nagpakita sa padayon nga paningkamot sa lokal nga pangagamhanan ug health sector sa pagpalig-on sa public health programs ug paghatag og mas maayong serbisyo panglawas alang sa katawhan sa Magsaysay.

Gisulat ni Normie M. Supilanas

28/05/2026

𝗟𝗔𝗡𝗧𝗔𝗪𝗔 | 𝟱𝗧𝗛 𝗟𝗢𝗖𝗔𝗟 𝗦𝗖𝗛𝗢𝗢𝗟 𝗕𝗢𝗔𝗥𝗗 𝗠𝗘𝗘𝗧𝗜𝗡𝗚 𝟮𝟬𝟮𝟲
May 12, 2026

Malampusong gipahigayon ang ika-lima nga Local School Board Meeting niadtong Mayo 12, 2026 sa Municipal Mayor’s Office, diin gihisgutan ang nagkadaiyang programa ug kalihokan alang sa padayon nga pagpalambo sa edukasyon sa lungsod sa Magsaysay.

Sa unang bahin sa panagtigom, gipresentar sa District I ug District II ang ilang updates ug mga kabalak-an. Gipadayag sa District I ang ilang pasalamat sa padayon nga suporta alang sa mga magtutudlo ug gipahibalo usab ang pag-apil sa mga partisipante sa Palarong Pambansa Men’s Volleyball nga pagahimoon sa Agusan Del Sur karong Mayo 24, 2026. Samtang sa District II, gipasalamatan usab ang suporta sa mga stakeholders ug gi-emphasize nga walay koleksyon nga himuon gikan sa mga magtutudlo.

Gihatagan usab og dakong importansya ang Reading Improvement Initiatives pinaagi sa padayon nga pagpalig-on sa reading programs sa elementary ug high school. Gipadayag nga ang distrito adunay mas taas nga ihap sa readers kumpara sa ubang lungsod ug nagkinahanglan pa og dugang tutors aron masuportahan ang mga kabataan sa ilang pagbasa ug pagkat-on. Gipahibalo usab nga ang NSTP-LTS groups motabang pinaagi sa school adoption ug tutorial support atol sa Brigada Eskwela nga pagahimoon sa Hunyo 1–5, 2026.

Gihisgutan usab sa meeting ang updates bahin sa Special Needs Education (SNED), lakip na ang pagpangandam sa mga classroom alang sa umaabot nga school year. Gipasiugda ang kahinungdanon sa paghatag og pondo alang sa SNED programs ug pasilidad pinaagi sa Special Education Fund (SEF). Lakip sa mga gihisgutan ang proposed budget allocations alang sa SNED construction ug suporta sa duha ka distrito, uban sa plano nga dugangan pa ang pondo sa mosunod nga tuig aron mas mapalambo ang serbisyo alang sa mga learners with special needs.

Dugang pa niini, gihisgutan usab ang pagtaas sa ihap sa mga SNED enrollees ug ang posibilidad nga adunay dugang pondo gikan sa LGU depende sa pag-apruba sa distrito ug sa koleksyon sa real property tax.

Kining mga panaghisgot ug plano usa ka timaan sa padayon nga paningkamot sa lokal nga pangagamhanan ug sektor sa edukasyon sa paghatag og mas kalidad nga serbisyo, suporta, ug oportunidad sa tanang kabataan sa Magsaysay.

Gisulat ni Normie M. Supilanas

22/05/2026

𝗟𝗔𝗡𝗧𝗔𝗪𝗔 | 𝗟𝗚𝗨 𝗠𝗔𝗚𝗦𝗔𝗬𝗦𝗔𝗬 𝗖𝗢𝗠𝗠𝗨𝗡𝗜𝗧𝗬-𝗕𝗔𝗦𝗘𝗗 𝗠𝗢𝗡𝗜𝗧𝗢𝗥𝗜𝗡𝗚 𝗦𝗬𝗦𝗧𝗘𝗠 (𝗖𝗕𝗠𝗦) 𝗖𝗢𝗢𝗥𝗗𝗜𝗡𝗔𝗧𝗜𝗡𝗚 𝗕𝗢𝗔𝗥𝗗 𝗡𝗔𝗚𝗣𝗔𝗛𝗜𝗚𝗔𝗬𝗢𝗡 𝗢𝗚 𝗠𝗘𝗘𝗧𝗜𝗡𝗚 𝗔𝗟𝗔𝗡𝗚 𝗦𝗔 𝗠𝗔𝗔𝗬𝗢𝗡𝗚 𝗦𝗘𝗥𝗕𝗜𝗦𝗬𝗢 𝗦𝗔 𝗞𝗢𝗠𝗨𝗡𝗜𝗗𝗔𝗗
Mayo 14, 2026

LGU MAGSAYSAY — Malampusong gipahigayon kaniadtong Mayo 14, 2026, adlawng Huwebes, ang Municipal Convening of the Community-Based Monitoring System (CBMS) Coordinating Board didto sa Dalangpanan Hall, Poblacion, Magsaysay, Misamis Oriental, uban sa partisipasyon sa mga lokal nga opisyal ug mga miyembro sa CBMS Municipal Coordinating Council.

Gitambongan ang panagtigum ni Dalangpanan Mayor Hon. Charlie B. Buhisan, HRMO III Sir Philip Neri Caseres, Municipal Planning and Development Coordinator Sir Julie P. Delima, Municipal Budget Office Head Gamaliel Cortez, MENRO Head Sir Gemrex Breva, MSWDO Head Ma’am Geraldine Ranara, Statistical Analyst Sir Aaron Allen E. Cainglet, ug uban pang mga miyembro sa Municipal coordinating Council.

Tumong sa maong miting ang pagpalig-on sa koordinasyon ug pagplano alang sa epektibong implementasyon sa Community-Based Monitoring System (CBMS) sa lungsod sa Magsaysay. Gihisgutan ang legal nga pundasyon sa CBMS lakip ang Republic Act No. 11315 o ang CBMS Act ug Republic Act No. 10625 nga nailhan isip Philippine Statistical Act. Gipasiugda usab ang kahinungdanon sa CBMS isip instrumento sa pagdumala sa datos aron mas mapalambo ang paghatag og serbisyo sa komunidad.

Gipresentar sa maong panagtigum ang tumong sa CBMS, lakip ang paghatag og tukmang datos bahin sa kahimtang sa mga panimalay sa komunidad aron magamit sa paghimo og plano, polisiya alang sa kalamboan. Gihisgutan usab ang scope ug coverage sa CBMS ug ang capacity-building activities alang sa mga Local Government Units (LGUs) sa tuig 2026. Lakip niini ang mga training ug upskilling programs pinaagi sa TUKLAS o Training and Upskilling for Knowledge, Leadership and Advanced Skills, nga usa ka PSA e-Learning Platform nga nagtumong sa pagpalambo sa kahibalo ug abilidad sa mga personnel nga nagdumala sa statistical

Dakong tabang ang maong convening aron mas mapalig-on ang panaghiusa sa lokal nga panggamhanan ug mga stakeholders alang sa hapsay ug episyenteng implementasyon sa CBMS ug uban pang statistical programs sa komunidad.

Gisulat ni Dinmel John Supatan

22/05/2026

𝗟𝗔𝗡𝗧𝗔𝗪𝗔 | 𝗟𝗚𝗨 𝗚𝗜𝗡𝗚𝗢𝗢𝗚 𝗖𝗜𝗧𝗬 𝗡𝗔𝗞𝗜𝗚-𝗕𝗘𝗡𝗖𝗛𝗠𝗔𝗥𝗞 𝗦𝗔 𝗟𝗚𝗨 𝗠𝗔𝗚𝗦𝗔𝗬𝗦𝗔𝗬 𝗞𝗔𝗕𝗔𝗛𝗜𝗡 𝗦𝗔 𝗗𝗜𝗚𝗜𝗧𝗔𝗟 𝗚𝗢𝗩𝗘𝗥𝗡𝗔𝗡𝗖𝗘
Mayo 07, 2026

LGU MAGSAYSAY — Nibisita sa Lungsod sa Magsaysay ang mga opisyales gikan sa Local Government Unit sa Gingoog City aron magpahigayon og benchmarking activity kabahin sa digital governance. Gidumala ang maong kalihokan sa Bids and Awards Committee (BAC) Office, Town Hall, Poblacion, Magsaysay, Mis. Or., kaniadtong Mayo 07, 2026, adlawng Huwebes, diin tumong niini ang pagpaambit sa maayong pamaagi sa digitalization, human resource management systems, ug paggamit sa teknolohiya aron mapalambo ang serbisyo para sa publiko.

Ang unang diskusyon gipangulohan ni Philip Neri Caseres, HRMO III, nga nagtuki sa nagkalain-laing importanteng aspeto sa pagdumala sa LGU Magsaysay. Lakip niini ang kinatibuk-ang impormasyon ug kasaysayan sa lungsod, datos sa matag personnel, profile ug istruktura sa HRMO, digitalization roadmap, ug mga local support ug investment funds nga gigahin alang sa ICT initiatives.

Gipangulohan ni Sir Jerome Gerona, Municipal ICT Officer-Designate, ang tutorial ug system demonstration. Gipakita niya ang operasyon ug gamit sa pipila ka digital systems sa LGU Magsaysay sama sa OptimumHR, GIAMS, ug DMAS, nga nagtabang sa pagpasayon ug pagpalig-on sa internal nga proseso sa lokal nga panggamhanan.

Ang mga opisyales nga nitambong gikan sa LGU Gingoog City mao sila Ma’am Sheila R. Canosa, Supervising Administrative Officer, Mr. Felixberto C. Condeza, Supervising Administrative Officer, Ms. Carolyn A. Chan, Supervising Administrative Officer, Mr. Rexbert Jan Violango, Senior Administrative Assistant II, Mr. Jonathan Stephen B. Gaston, IT Specialist.

Tumong sa LGU Gingoog City sa benchmarking activity sa LGU Magsaysay aron mas mapalig-on ang mga programa sa digital governance ug mas mapauswag ang paghatag og episyente nga serbisyo sa katawhan sa dakbayan sa Gingoog.

Nagpakita usab kini sa padayon nga paningkamot sa mga lokal nga panggamhanan sa paghiusa ug pagtinabangay aron mapalambo ang modernong pagdumala ug digital transformation sa matag komunidad.

Gisulat ni Dinmel John Supatan

20/05/2026

𝗟𝗔𝗡𝗧𝗔𝗪𝗔 | 𝗟𝗚𝗨 𝗠𝗔𝗚𝗦𝗔𝗬𝗦𝗔𝗬 𝗚𝗜𝗣𝗔𝗦𝗜𝗗𝗨𝗡𝗚𝗚𝗔𝗡 𝗜𝗦𝗜𝗣 𝗨𝗦𝗔 𝗦𝗔 𝗕𝗘𝗦𝗧 𝗥𝗘-𝗘𝗡𝗧𝗥𝗬 𝗣𝗟𝗔𝗡 𝗜𝗠𝗣𝗟𝗘𝗠𝗘𝗡𝗧𝗘𝗥 𝗦𝗔 𝗖𝗢𝗖𝗢𝗡𝗨𝗧 𝗙𝗔𝗥𝗠𝗘𝗥𝗦 𝗔𝗡𝗗 𝗜𝗡𝗗𝗨𝗦𝗧𝗥𝗬 𝗗𝗘𝗩𝗘𝗟𝗢𝗣𝗠𝗘𝗡𝗧 𝗣𝗟𝗔𝗡 (𝗖𝗙𝗜𝗗𝗣)
Mayo 11, 2026

LGU MAGSAYSAY – Gipasidunggan ang Local Government Unit sa Magsaysay, isip usa sa mga Best Re-Entry Plan Implementer atol sa awarding ceremony nga gipahigayon sa Agricultural Training Institute Regional Training Center X niadtong Abril 29, 2026 sa Centrio Ayala Mall.

Ang maong pasidungog gihatag isip pag-ila sa lig-on nga pasalig, kabag-ohan, ug maayo nga performance sa LGU Magsaysay sa implementasyon sa mga kalihokan ubos sa Coconut Farmers and Industry Development Plan (CFIDP). Ang estratehikong mga inisyatiba ug dedikasyon sa lokal nga panggamhanan nahimong ehemplo sa kahusayan alang sa ubang local government units sa pagpalambo sa inklusibong pagtubo sa sektor sa agrikultura.

Ang plaque of recognition gidawat ni Dalangpanan Mayor Hon. Charlie B. Buhisan, Vice Mayor Hon. Bernard B. Buhisan, Sangguniang Bayan Members, ug si Municipal Agriculturist Sir Patrick Ralph R. Pahalla. Ang maong kalampusan gipahigayon usab atol sa Weekly Convocation sa LGU Magsaysay kaniadtong Mayo 11, 2026, diin gidayeg ang hiniusang paningkamot sa lokal nga panggamhanan ug mga kaabag sa sektor sa agrikultura alang sa padayon nga pagpalambo sa panginabuhian sa mga mag-uuma sa lungsod.

Ang maong pasidungog usa ka motibasyon aron ipadayon ang episyente ug malungtarong implementasyon sa mga programa nga makatabang sa mga coconut farmers ug sa kinatibuk-ang agricultural development sa lungsod sa Magsaysay.

Gisulat ni Dinmel John Supatan

19/05/2026

𝗟𝗔𝗡𝗧𝗔𝗪𝗔 | 𝗖𝗢𝗨𝗥𝗧𝗘𝗦𝗬 𝗩𝗜𝗦𝗜𝗧 𝗔𝗟𝗔𝗡𝗚 𝗦𝗔 𝗠𝗚𝗔 𝗕𝗘𝗡𝗘𝗣𝗜𝗦𝗬𝗔𝗥𝗬𝗢 𝗦𝗔 𝗞𝗔𝗟𝗔𝗛𝗜-𝗖𝗜𝗗𝗦𝗦 𝗞𝗞𝗕 𝗖𝗔𝗦𝗛 𝗙𝗢𝗥 𝗪𝗢𝗥𝗞 𝗣𝗥𝗢𝗚𝗥𝗔𝗠 𝗢𝗚 𝗦𝗣𝗘𝗖𝗜𝗔𝗟 𝗣𝗥𝗢𝗚𝗥𝗔𝗠 𝗙𝗢𝗥 𝗧𝗛𝗘 𝗘𝗠𝗣𝗟𝗢𝗬𝗠𝗘𝗡𝗧 𝗢𝗙 𝗦𝗧𝗨𝗗𝗘𝗡𝗧𝗦 (𝗦𝗣𝗘𝗦) 𝗚𝗜𝗣𝗔𝗛𝗜𝗚𝗔𝗬𝗢𝗡 𝗦𝗔 𝗠𝗔𝗬𝗢𝗥’𝗦 𝗢𝗙𝗙𝗜𝗖𝗘
Mayo 12, 2026

LGU MAGSAYSAY — Malampusong gipahigayon ang usa ka courtesy visit nga gipangulohan ni Dalangpanan Mayor Hon. Charlie B. Buhisan ug sa mga benepisyaryo sa KALAHI-CIDSS KKB CASH FOR WORK ug Special Program for the Employment of Students (SPES) kaniadtong Martes, Mayo 12, 2026, didtoa sa opisina sa Municipal Mayor.

Ang maong panagtigom gihimo isip pamaagi sa pagpakita og suporta ug pagpasalamat sa lokal nga panggamhanan ngadto sa mga benepisyaryo nga aktibong miapil sa programa. Gipasiugda usab niini ang kahinungdanon sa panaghiusa ug kooperasyon sa komunidad alang sa kalamboan sa lungsod.

Sa iyang mensahe, si Mayor Buhisan mipadayag sa iyang pagpasalamat sa mga partisipante tungod sa ilang dedikasyon ug kooperasyon sa implementasyon sa programa. “Dako ang tabang sa mga programa sama sa KALAHI-CIDSS KKB Cash for Work ug Special Program for the Employment of Students (SPES) aron masuportahan ang panginabuhian sa mga pamilya ug mapalambo ang kahimtang sa komunidad” Mayor Buhisan.

Naghatag usab og mensahe ang mga opisyales ug coordinators sa programa, nga nag-awhag sa mga benepisyaryo nga ipadayon ang aktibong partisipasyon sa mga proyekto ug kalihokan nga makatabang sa pagpalambo sa ilang panginabuhi.

Ang KALAHI-CIDSS KKB Cash for Work Program og Special Program for the Employment of Students (SPES) usa sa mga inisyatibo nga nagtumong sa paghatag og temporaryong trabaho ug pinansyal nga suporta sa mga kwalipikadong indibidwal ilabi na sa mga kabatan-onan sa lungsod sa Magsaysay pinaagi sa partisipasyon sa mga community-based activities.

Gisulat ni Dinmel John Supatan

19/05/2026

Malipayong adlawng natawhan amahan sa Lungsod sa Magsaysay 𝗗𝗮𝗹𝗮𝗻𝗴𝗽𝗮𝗻𝗮𝗻 𝗠𝗮𝘆𝗼𝗿 𝗛𝗼𝗻. 𝗖𝗵𝗮𝗿𝗹𝗶𝗲 𝗕. 𝗕𝘂𝗵𝗶𝘀𝗮𝗻 ug Misamis Oriental 1st District 𝗕𝗼𝗮𝗿𝗱 𝗠𝗲𝗺𝗯𝗲𝗿 𝗛𝗼𝗻. 𝗥𝗲𝘆 𝗕. 𝗕𝘂𝗵𝗶𝘀𝗮𝗻.💙❤️

Ang inyong matinud-anong pagpangalagad, lig-on nga pagpangulo, ug walay hunong nga pagserbisyo sa katawhan maoy padayon nga naghatag og inspirasyon sa komunidad. Daghang salamat sa inyong dedikasyon sa pagpalambo sa LGU Magsaysay ug sa tibuok 1st District sa Misamis Oriental.

Hinaut nga padayon pa kamong panalanginan ug maayong panglawas, kusog, kaalam, ug dugang katuigan aron magpadayon sa inyong misyon sa matinud-anong serbisyo publiko. Ang inyong liderato nagbilin og paglaum ug kausaban alang sa katawhan.

Happy Birthday, Mayor Charlie B. Buhisan ug Board Member Rey B. Buhisan! Padayon sa pag-alagad alang sa katawhan sa Magsaysay ug sa Misamis Oriental.🎂🎉✨🎈

18/05/2026

18/05/2026

Para sa bayan 🇵🇭

Sa Lunes, May 18, 2026, ang huling araw para magparehistro bilang botante.

Magtungo lang sa pinakamalapit na Elections Officer sa inyong lugar o sa satellite registration sites.

13/05/2026

𝗟𝗔𝗡𝗧𝗔𝗪𝗔 | 𝗖𝗢𝗢𝗥𝗗𝗜𝗡𝗔𝗧𝗜𝗩𝗘 𝗠𝗘𝗘𝗧𝗜𝗡𝗚 𝗚𝗜𝗣𝗔𝗛𝗜𝗚𝗔𝗬𝗢𝗡 𝗦𝗔 𝗢𝗣𝗜𝗦𝗜𝗡𝗔 𝗦𝗔 𝗠𝗗𝗥𝗥𝗠𝗢 𝗢𝗣𝗘𝗥𝗔𝗧𝗜𝗢𝗡 𝗖𝗘𝗡𝗧𝗘𝗥
Mayo 06, 2026

LGU MAGSAYSAY — Gipahigayon ang coordinative meeting sa opisina sa Municipal Disaster Risk Reduction and Management Office Operations Center (MDRRMO OpCen) kaniadtong Mayo 06, 2026, adlawng Myerkules, isip pagpangandam alang sa malinawon ug luwas nga selebrasyon sa umaabot nga fiesta ug araw sa mga tagsa tagsang barangay sa lungsod sa Magsaysay.

Gitambongan ang maong panagtigom ni Municipal Administrator Sir Arnold Jarn Ford G. Buhisan, Police Executive Master Sergeant (PEMS) Eduardo P. Aluyon, Sangguniang Bayan (SB) Member ug Committee Chairman sa Traffic Hon. Christian Blaise Gerona, MDRRMO Officer Sir Niel Obediencio, ug tanang mga Barangay Kapitan sa lungsod sa Magsaysay.

Gihisgutan sa maong meeting ang pagpalig-on sa mga lakang sa kaluwasan sa publiko atol sa mga kasaulogan sa fiesta og araw. Gipasiugda sa mga opisyal ang importansya sa kooperasyon sa matag barangay aron malikayan ang kagubot ug mga insidente nga mahimong mahitabo panahon sa selebrasyon.

Gimandoan ang Presidente sa Association of Barangay Captains (ABC) nga ipakaylap ang direktiba ngadto sa tanang Punong Barangay sa munisipyo nga ang matag barangay nga magpahimutang og mga bandilyo o public announcements aron pahimangnoan ang mga residente bahin sa mga importante nga safety measures.

Lakip sa mga gihatag nga direktiba mao ang hugot nga pagpatuman sa curfew hours panahon sa mga disco ug night-time activities, ilabina alang sa mga menor de edad nga dili tugotan maglangay-langay sa gawas lapas sa gitakdang oras.

Gipahinumduman usab ang tanang tindahan, sari-sari store, ug mga vendors nga hugot nga ginadili ang pagbaligya og ilimnong makahubog ngadto sa mga menor de edad. Ang mga barangay officials gidasig nga maghimo og regular nga inspeksyon aron maseguro ang pagsunod niini.

Gipasiugda ang responsableng pag-inom ug road safety pinaagi sa pagpahinumdom sa publiko nga likayan ang pagdrayb kon nakainom og makahubog nga ilimnon. Giawhag usab ang mga residente nga mangayo og tabang sa ilang kauban o magpasundo aron malikayan ang disgrasya.

Gisulat ni Dinmel John Supatan