LTO Mabiga Extension Office

24/10/2026

23/10/2026

22/10/2026

𝐀𝐃𝐕𝐈𝐒𝐎𝐑𝐘

Please be warned that certain individuals or entities are using messaging applications and other online platforms to impersonate 𝐏𝐁𝐆𝐞𝐧. 𝐑𝐎𝐃𝐄𝐑𝐈𝐂𝐊 𝐃. 𝐌𝐈𝐍𝐎𝐍𝐆 (𝐑𝐞𝐭.), Regional Director of LTO Region III, and solicit money by falsely claiming that a relative of the Regional Director is experiencing a medical emergency requiring immediate hospitalization or financial assistance. The public is likewise cautioned against any form of solicitation made by individuals falsely claiming to represent or act on behalf of the Regional Director.

Please be advised that the Regional Director of LTO Region III will 𝐍𝐄𝐕𝐄𝐑 authorize or request anyone to send, transfer, or deposit money into any bank account or e-wallet, or to any individual, on his behalf.

If you receive any such message or solicitation purportedly coming from the Regional Director, this Office strongly urges the public to refrain from sending money or providing personal or financial account information to the individuals or entities involved.
The public is strongly encouraged to verify the authenticity of any message or solicitation through official channels and to report any suspicious account to the proper authorities immediately.

Kindly share this advisory with your colleagues, friends, and family to help prevent others from falling victim to these fraudulent activities.

Thank you, and please remain vigilant.

17/10/2026

𝐃𝐑𝐀𝐘𝐁𝐄𝐑 𝐍𝐀 𝐍𝐀𝐊𝐀𝐇𝐀𝐑𝐀𝐍𝐆 𝐒𝐀 𝐌𝐈𝐒𝐌𝐎𝐍𝐆 𝐏𝐄𝐃𝐄𝐒𝐓𝐑𝐈𝐀𝐍 𝐋𝐀𝐍𝐄 𝐒𝐀 𝐌𝐀𝐊𝐀𝐓𝐈 𝐂𝐈𝐓𝐘, 𝐈𝐍𝐈𝐒𝐘𝐔𝐇𝐀𝐍 𝐍𝐆 𝐒𝐂𝐎 𝐍𝐆 𝐋𝐓𝐎; 𝐋𝐈𝐒𝐄𝐍𝐒𝐘𝐀 𝐒𝐔𝐒𝐏𝐄𝐍𝐃𝐈𝐃𝐎, 𝐒𝐀𝐒𝐀𝐊𝐘𝐀𝐍 𝐈𝐍𝐀𝐋𝐀𝐑𝐌𝐀

Bilang bahagi ng patuloy na pagsisikap na pangalagaan ang kaligtasan ng mga pedestrian, naglabas si Land Transportation Office (LTO) Chief, Assistant Secretary Markus V. Lacanilao, ng Show Cause Order (SCO) laban sa sangkot na motorista sa panibagong insidente ng hindi pagbibigay-daan at pagharang sa pedestrian lane.

Batay sa video na ibinahagi ng page na “Silinyador PH” at kalauna’y nakarating sa ahensya, makikitang nahadlangan ang isang pedestrian na tumatawid dahil nakahinto ang isang sasakyan sa mismong pedestrian lane. Ipinakita rin sa video na napilitang dumaan sa ibang bahagi ng kalsada ang iba pang mga pedestrian dahil sa pagkakaharang ng sasakyan sa nakatalagang tawiran.

Dahil dito, agad na ipinag-utos ni Asec. Lacanilao ang pagsasagawa ng imbestigasyon upang matukoy ang pagkakakilanlan ng drayber at ang rehistradong may-ari ng sasakyan, na nagbigay-daan sa pormal na pag-isyu ng kaukulang SCO.

Inaatasang humarap ang mga sangkot sa tanggapan ng Intelligence and Investigation Division (IID) ng LTO Central Office sa Oktubre 20, 2026, upang magsumite ng kani-kanilang sinumpaang salaysay, maipaliwanag ang kanilang panig, at magharap ng mga dokumentong maaaring makatulong sa pagresolba ng kaso.

Nahaharap ang drayber sa posibleng paglabag sa Right of Way dahil sa hindi nito pagbibigay daan sa mga tumatawid na pedestrian at paghinto ng kanyang sasakyan sa mismong pedestrian lane na nakahadlang sa mga gumagamit nito.

Kung mapatutunayan ang mga paglabag matapos ang kaukulang proseso, maaari rin siyang ideklarang Improper Person to Operate a Motor Vehicle, na maaaring magresulta sa suspensyon o pagbawi ng kanyang lisensya, alinsunod sa umiiral na batas at mga regulasyon.

Inaasahang isusuko ng drayber ang kanyang lisensya sa IID at isasailalim ito sa 90-araw na preventive suspension habang nagpapatuloy ang kaukulang proseso. Kasabay nito, isinailalim na rin sa alarm status ang naturang sasakyan bilang bahagi ng patuloy na imbestigasyon ng LTO.

Mariing na pahayag ni Asec. Lacanialo, “Ang pedestrian lane ay para sa tao, hindi paradahan ng sasakyan. Walang puwang sa kalsada ang mga motoristang inuuna ang sariling kaginhawaan kaysa kaligtasan ng kapwa. Igagalang ang tawiran, at pananagutin ng LTO ang mga lalabag.”

Hindi palalampasin ng LTO ang mga paglabag na nagsasapanganib sa buhay ng mga pedestrian. Paiigtingin ng ahensya ang imbestigasyon at pagpapatupad ng kaukulang parusa laban sa mga motoristang hindi sumusunod sa batas-trapiko. Hinihikayat din ang publiko na iulat ang mga kahalintulad na insidente upang agad na maaksyunan at matiyak na ang bawat gumagamit ng kalsada ay responsable at ligtas na nakararating sa kanilang destinasyon.

13/10/2026

05/10/2026

𝗠𝗔𝗛𝗔𝗟𝗔𝗚𝗔𝗡𝗚 𝗣𝗔𝗔𝗟𝗔𝗟𝗔 𝗠𝗨𝗟𝗔 𝗦𝗔 𝗟𝗧𝗢-𝗡𝗖𝗥

Maaari nang mag-renew ng inyong Driver's License at Motor Vehicle (MV) Registration sa loob ng 60 araw bago mag-expire ang mga ito!

Iwasan ang abala at huling-minutong pagpo-proseso. Mag-renew nang maaga para sa mas mabilis at hassle-free na transaksyon!

05/10/2026

📢 OFFICIAL ADVISORY

LAND TRANSPORTATION OFFICE

MABALACAT DISTRICT OFFICE

📍 NEW OFFICE LOCATION

Please be informed that the LTO Mabalacat District Office has officially transferred to its new office location:

🏢 ONE NORTH MALL – 2ND FLOOR
📍 Near Puregold Dau, Mabalacat City, Pampanga

All clients and stakeholders are advised to proceed to our new office location for all LTO transactions and services.

📌 Please take note of our new location and help us spread the information by sharing this advisory with your family, friends, and fellow motorists.

🙏 Thank you for your continued support, cooperation, and understanding.

LTO Mabalacat District Office
Your partner in safe, efficient, and reliable land transportation services. 🚗🏍️

04/10/2026

🚗 𝐏𝐋𝐀𝐓𝐄 𝐓𝐑𝐀𝐂𝐊𝐈𝐍𝐆 𝐒𝐘𝐒𝐓𝐄𝐌 𝐒𝐎𝐅𝐓 𝐋𝐀𝐔𝐍𝐂𝐇: 𝐏𝐀𝐆𝐇𝐀𝐍𝐀𝐏 𝐍𝐆 𝐏𝐋𝐀𝐊𝐀, 𝐌𝐀𝐒 𝐌𝐀𝐃𝐀𝐋𝐈 𝐀𝐓 𝐌𝐀𝐒 𝐌𝐀𝐀𝐒𝐀𝐇𝐀𝐍! 📲

Alinsunod sa layunin ng 𝐋𝐚𝐧𝐝 𝐓𝐫𝐚𝐧𝐬𝐩𝐨𝐫𝐭𝐚𝐭𝐢𝐨𝐧 𝐎𝐟𝐟𝐢𝐜𝐞 (𝐋𝐓𝐎) na magbigay ng moderno, maaasahan, at accessible na serbisyo publiko, ang Land Transportation Office Region III, sa pamumuno ni 𝐑𝐞𝐠𝐢𝐨𝐧𝐚𝐥 𝐃𝐢𝐫𝐞𝐜𝐭𝐨𝐫 𝐏𝐁𝐆𝐞𝐧. 𝐑𝐨𝐝𝐞𝐫𝐢𝐜𝐤 𝐃. 𝐌𝐢𝐧𝐨𝐧𝐠 (𝐑𝐞𝐭.) at 𝐀𝐬𝐬𝐢𝐬𝐭𝐚𝐧𝐭 𝐑𝐞𝐠𝐢𝐨𝐧𝐚𝐥 𝐃𝐢𝐫𝐞𝐜𝐭𝐨𝐫 𝐅𝐫𝐚𝐧𝐜𝐢𝐬𝐜𝐨 𝐏. 𝐑𝐚𝐧𝐜𝐡𝐞𝐬 𝐉𝐫., 𝐂𝐄𝐒𝐎 𝐕𝐈, ay naglalayong gawing mas madali para sa mga motorista ang pagsubaybay sa status ng kanilang mga plaka.

Ngayong ika-1 ng Oktubre 2026, pormal na sinisimulan ng LTO Region III ang 𝐬𝐨𝐟𝐭 𝐥𝐚𝐮𝐧𝐜𝐡 ng 𝐏𝐥𝐚𝐭𝐞 𝐓𝐫𝐚𝐜𝐤𝐢𝐧𝐠 𝐒𝐲𝐬𝐭𝐞𝐦. Sa pamamagitan nito, maaaring masuri ng mga may-ari ng sasakyan ang status ng kanilang plaka nang mas maginhawa, na makatutulong upang mabawasan ang pag-aalinlangan, maiwasan ang hindi kinakailangang pagbiyahe, at matiyak ang mas mabilis at mas 𝘵𝘳𝘢𝘯𝘴𝘱𝘢𝘳𝘦𝘯𝘵 na proseso para sa lahat.
Nagpapasalamat ang LTO Region III sa lahat ng motorista para sa inyong patuloy na tiwala at suporta tungo sa mas mabilis, mas maaasahan, at mas responsableng serbisyo publiko.

https://lto-r3-plate-tracker.onrender.com/

02/10/2026

𝐋𝐓𝐎, 𝐈𝐑𝐄-𝐑𝐄𝐕𝐎𝐊𝐄 𝐀𝐍𝐆 𝐋𝐈𝐒𝐄𝐍𝐒𝐘𝐀 𝐍𝐆 𝐌𝐎𝐓𝐎𝐑𝐈𝐒𝐓𝐀𝐍𝐆 𝐌𝐀𝐆𝐋𝐀𝐋𝐀𝐆𝐀𝐘 𝐒𝐀 𝐏𝐄𝐃𝐄𝐒𝐓𝐑𝐈𝐀𝐍 𝐒𝐀 𝐏𝐀𝐍𝐆𝐀𝐍𝐈𝐁

Naglabas ang Land Transportation Office (LTO), sa pamumuno ni Assistant Secretary Markus V. Lacanilao, ng Memorandum No. MVL-2026-229 na naglalaman ng mga panuntunan para sa mas maayos na imbestigasyon at disposisyon ng mga kasong may kinalaman sa mga pedestrian, bilang bahagi ng pagpapaigting ng proteksyon sa buhay at kaligtasan ng mga gumagamit ng kalsada.

Ayon sa Memorandum, kapag may sapat na dahilan upang maniwalang ang paggamit o pagpapatakbo ng isang sasakyan ay nagdulot ng panganib sa publiko, partikular kung may pedestrian na nalagay sa panganib ng kamatayan, pagkasugat o malubhang pinsala, kinakailangang agad na idokumento, imbestigahan at aksyunan ng kinauukulang investigating office o unit ang kaso, alinsunod sa umiiral na administrative investigation procedures.

Sa ganitong pagkakataon, maaaring ideklarang Improper Person to Operate a Motor Vehicle ang sangkot na motorista sa ilalim ng Section 27(a) ng Republic Act No. 4136, na maaaring maging batayan sa tuluyang pagbawi o pag-revoke ng kanyang driver’s license, alinsunod sa umiiral na mga alituntunin at pagsunod sa due process.

Sa ilalim ng Memorandum, tanging mga insidenteng nagaganap sa designated crossing o pedestrian lane ang saklaw nito, kung saan ang mga pedestrian ay maaaring tumawid, tumayo o lumakad. Kabilang sa itinuturing na pedestrian ang mga taong naglalakad o tumatawid sa mga naturang lugar, kabilang ang mga bata, senior citizens, persons with disability (PWD), gayundin ang mga gumagamit ng wheelchair, saklay, tungkod, walker at iba pang mobility device.

Saklaw din nito ang mga taong nagtutulak o humihila ng stroller, kariton, o iba pang non-motorized conveyance, mga taong kakababa lamang o sasakay pa lamang ng sasakyan, gayundin ang mga traffic enforcer, road worker, at iba pang awtorisadong gumaganap ng tungkulin habang nasa kalsada o pedestrian lane.

Bagama't layunin ng Memorandum na higit na maprotektahan ang mga pedestrian, isinasaalang-alang pa rin sa pagsusuri ng bawat insidente ang naging kilos o paggawi ng pedestrian, gayundin ang iba pang mga pangyayari na may kaugnayan sa insidente. Sa ganitong paraan, natitiyak na ang magiging aksyon ng ahensya ay nakabatay sa kabuuang resulta ng imbestigasyon at naaayon sa due process.

“Sa mga sunod-sunod na insidenteng kinasasangkutan ng mga pedestrian, mas kailangan nating maging malinaw at mahigpit sa pagtugon sa mga ganitong kaso. Hindi lang ito tungkol sa pagresolba ng isang insidente, kundi sa pagtiyak na napoprotektahan natin ang buhay at kaligtasan ng mga pedestrian. Kaya mahalagang may malinaw na proseso sa imbestigasyon at pananagutan ng mga mapatutunayang lumabag,” ayon kay Asec. Lacanilao.

Mahalagang paalala sa lahat ng motorista na pairalin ang pag-iingat at disiplina sa pagmamaneho, lalo n sa mga lugar na maraming pedestrian at may pedestrian lane. Ang pagbibigay-daan at maingat na pagmamaneho ay mahalaga upang maiwasan ang mga insidenteng maaaring magdulot ng pinsala o pagkawala ng buhay.