KAP Layson

28/08/2026

Agad na Responde sa Insidente sa Sapa ng Sta. Maria

Tatlong bata ang nalunod at inanod ng malakas na agos ng tubig sa sapa dito sa Sta. Maria. Sa kabutihang palad, ligtas silang nasagip matapos silang makita at matulungan ng mga tao sa bandang dulo ng sapa.

Maraming salamat po sa mga residente na agad tumulong at hindi nag-atubiling sumaklolo upang mailigtas ang mga bata. Lubos din ang ating pasasalamat sa CDRRMO sa mabilis na pagresponde, pagbibigay ng paunang lunas, at agarang pagdadala sa mga bata sa District Hospital para masuri.

Sa ngayon, stable na ang kalagayan ng tatlong bata.

Paalala po sa lahat ng magulang at mga pamilyang nakatira malapit sa sapa: habang malakas ang ulan at rumaragasa ang tubig, iwasan muna pong maglaro, lumapit, o lumabas malapit sa sapa upang maiwasan ang anumang aksidente.

Ang kaligtasan ng ating mga anak ang ating pangunahing prayoridad. Mag-ingat po tayong lahat. 🙏

27/08/2026

🚧 𝐏𝐀𝐍𝐒𝐀𝐌𝐀𝐍𝐓𝐀𝐋𝐀𝐍𝐆 𝐏𝐀𝐆𝐒𝐀𝐒𝐀𝐀𝐘𝐎𝐒 𝐍𝐆 𝐃𝐀𝐀𝐍 🚧

Isinagawa po natin ang pansamantalang pagsasaayos ng sirang bahagi ng daan sa MacArthur Highway, kanto ng Brgy. San Francisco, upang makatulong na maiwasan ang aksidente habang hinihintay natin ang DPWH para sa permanenteng pagkukumpuni ng nasabing bahagi ng kalsada.

Pansamantalang solusyon man, mahalaga na may agarang aksyon para sa kaligtasan ng lahat ng dumaraan dito, lalo na ngayong madalas ang pag-ulan. 🌧️

Paalala rin po sa ating mga motorista: magbagal, maging alerto, at mag-ingat sa pagmamaneho, lalo na kapag basa at madulas ang kalsada. 🛵🚗

Kaligtasan ng bawat isa ang ating prayoridad. Ingat po tayong lahat! 🙏

27/08/2026

Maraming salamat po kay Vice Mayor Jun Castro sa mabilis na aksyon at agarang pagpapahiram ng inyong mga equipment upang pansamantalang maayos ang mga baku-bakong bahagi ng ating daan. 🙏🚜

Malaking tulong po ito upang kahit pansamantala ay maging mas maayos at ligtas ang pagdaan ng ating mga residente habang hinihintay natin ang permanenteng pagsasaayos.

Mukhang may sariling orasyon din yata ang Sta. Maria 😅 — basta pagkatapos nating mag-ayos ng daan, saka naman bubuhos ang ulan! 🌧️😂 Pero hindi tayo papatinag. Ulan man o araw, patuloy tayong gagawa ng paraan at magsasaayos para sa ating mga residente. 💪

Samantala, isang pirma na lamang po mula sa mga may-ari ng Sta. Maria ang hinihintay para tuluyan nang maisagawa ang turnover. Kapag ito ay nakumpleto na, naka-ready na po sina Mayor Geld Aquino at Vice Mayor Jun Castro para simulan ang kinakailangang pagsasaayos at pagpapaganda ng Sta. Maria.

Kaunting tiis na lamang po. Patuloy tayong kikilos at magtutulungan para sa mas maayos na Sta. Maria. 💙

Maraming salamat po sa mabilis na aksyon at patuloy na suporta! 🙏

19/08/2026

Pag-assess sa mga Lubog na Bahay, Agad Nating Pinuntahan

Agad nating tinungo ang mga kabahayan na naapektuhan ng pagbaha upang personal na ma-assess ang kanilang kalagayan at malaman ang mga pangangailangan ng ating mga kababayan.

Patuloy ang ating pag-alalay at pagresponde upang matulungan ang mga residenteng naapektuhan ng sakuna. Maraming salamat sa lahat ng mga nakikiisa sa pagtulong para sa ating komunidad.

19/08/2026

Pag-check at Pag-alis ng Baha sa mga Kabahayan sa Phase 2, Sta. Maria

Patuloy ang ating pag-iikot at pag-monitor sa mga kabahayan na naapektuhan ng pagbaha sa Phase 2, Sta. Maria.

Isinasagawa ang pag-check sa kalagayan ng mga residente at pagtulong sa pag-alis ng naipong tubig upang mapabilis ang paglilinis at pagbabalik sa normal na sitwasyon.

Maraming salamat sa mga tumutulong at nakikiisa para sa kaligtasan at kapakanan ng ating mga kababayan.

14/08/2026

⛺ 𝐃𝐀𝐆𝐃𝐀𝐆 𝐒𝐄𝐑𝐁𝐈𝐒𝐘𝐎 𝐏𝐀𝐑𝐀 𝐒𝐀 𝐀𝐓𝐈𝐍𝐆 𝐌𝐆𝐀 𝐊𝐀-𝐁𝐀𝐑𝐀𝐍𝐆𝐀𝐘! 🪑

Masaya po naming ibinabalita na nadagdagan na ng 2 tents at 100 pcs monobloc chairs ang maaaring hiramin para sa mga okasyon, gatherings, at iba pang mahahalagang pagtitipon.

✅ 2 Additional Tents
✅ 100 Additional Monobloc Chairs
✅ FREE TO BORROW

📍 For Brgy. San Francisco residents only
📍 For use within Brgy. San Francisco only

📌 Ang mga tent at upuan ay FIRST COME, FIRST SERVE at depende sa availability.

Sa mga nais pong humiram, magtungo lamang sa Barangay Hall ng Brgy. San Francisco para magpa-reserve at magtanong tungkol sa availability.

Patuloy po tayong nagbibigay ng mga serbisyong makakatulong sa bawat pamilya at sa buong komunidad. 💙❤️

Para sa Barangay, Para sa Lahat!

01/08/2026

𝐈𝐒𝐀𝐍𝐆 𝐌𝐀𝐆𝐀𝐍𝐃𝐀𝐍𝐆 𝐁𝐀𝐋𝐈𝐓𝐀 𝐏𝐀𝐑𝐀 𝐒𝐀 𝐌𝐆𝐀 𝐑𝐄𝐒𝐈𝐃𝐄𝐍𝐓𝐄 𝐍𝐆 𝐒𝐓𝐀. 𝐌𝐀𝐑𝐈𝐀 𝐒𝐔𝐁𝐃𝐈𝐕𝐈𝐒𝐈𝐎𝐍!

ang ipinangako ng ating mahal na Mayor Geld Aquino, Vice Mayor Jun Castro, at ng buong Sangguniang Panlungsod na pagpapa-semento ng kalsada sa Sta. Maria Subdivision ay malapit nang maging realidad.

Ngayong linggo ay nakatakdang isagawa ang paglagda ng Memorandum of Agreement (MOA) sa pagitan ng may-ari ng Sta. Maria Subdivision at ng Lungsod ng Mabalacat para sa opisyal na turnover ng subdivision. Matapos maisakatuparan ang MOA signing, susunod na ang pagsisimula ng proyekto sa pagpapasemento ng kalsada.

Kaupo pa lamang nina Mayor Geld at Vice Mayor Jun nung 2025 ay agad na nilang inilaan ang pondo para sa proyektong ito, bilang pagtupad sa kanilang ipinangako sa mga residente. Naantala lamang ang pagsisimula ng pagsesemento dahil kinakailangan munang maisagawa ang turnover ng Sta. Maria. Ngayong taon ay nakahanda na ang pondo mula sa Pamahalaang Lungsod, at hinihintay na lamang ang pormal na pagpirma sa MOA upang tuluyan nang masimulan ang proyekto.

Isa itong napakalaking hakbang at tunay na kaginhawaan para sa ating lahat, lalo na sa mga residente ng Sta. Maria, na matagal nang nagtitiis sa hindi maayos na kalagayan ng ating daan.

Sa ating mga kababayan sa Sta. Maria, kaunting tiis na lamang po. Malapit nang matapos ang inyong matagal nang suliranin sa kalsada dahil sa patuloy na pagsisikap at dedikasyon ng ating mahal na Mayor Geld Aquino, Vice Mayor Jun Castro, at ng buong Sangguniang Panlungsod.

Maraming salamat, Mayor Geld Aquino, Vice Mayor Jun Castro, at sa lahat ng Sangguniang Members, sa inyong malasakit at walang sawang paglilingkod.💙🇵🇭

27/07/2026

23/07/2026

3 Gallons of Paint para sa Chapel ng Lourdes ❤️

20/07/2026

Dalawang water pump ang ipinatayo ng Barangay San Francisco sa Sitio Sta. Maria upang magsilbing alternatibong mapagkukunan ng tubig ng ating mga residente.

Layunin ng proyektong ito na makatulong sa pagpapababa ng gastusin sa tubig, magbigay ng agarang mapagkukunan ng tubig sa oras ng pangangailangan, at higit pang mapabuti ang serbisyo para sa buong komunidad.