03/06/2026
Ginpatigayon ang ceremonial send-off sang amphibious backhoe sang Provincial Government of Cotabato sa pagpanguna ni Governor Emmylou "Lala" Talino-Mendoza para sa desilting project sa Barangay Dungoan, M'lang.
Dako ang pagpasalamat sang LGU M'lang sa Provincial Government kag sa Provincial Engineering Office sa ila padayon nga suporta kag pagbulig para sa sini nga mga proyekto agud maiwasan ang pagbaha kag mapauswag ang paggamit sang mga duta sa barangay.
Pinaagi sa sini nga proyekto, ginapaabot nga mas mapabaskog ang mga tikang sa flood mitigation kag mas mapauswag ang pangabuhi sang mga pumuluyo pinaagi sa pagpaayo sang kondisyon sang mga land area nga mahimo pa magamit para sa mas produktibo nga katuyuan.
Nagpakita man sang suporta ang mga lokal kag probinsyal nga opisyal, mga katapo sang kapulisan, kasundaluhan, kag iban pa nga mga partner agencies sa nasambit nga programa nga nagapakita sang pagtinir kag pagbinuligay para sa mas luwas kag mas mauswagon nga komunidad.
M'lang nga mabungahon padulong sa banwa nga mapag-on!
