Aya-Aya, Lugait Mis Or

15/07/2026

15/07/2026

Maayung Adlaw sa tanan nga lumulupyo sa Brgy Aya Aya
Nutrition month celebration -July 16,2026,8:00am, Covered court Aya Aya
Standard contest
1.Cooking contest gamit Ang Gata sa Lubi
2.Fruits and Vegetables display
Ug alang sa dugang kasayuran, magdala ug National I. D, Baptismal, Marriage Contract alang sa Civil Registry Services ug uban pa.
Palihog sa pagbasa sa ubos alang sa dugang impormasyon.
Kita kita ta ugma,,, 🙂🙂🙂
Daghang Salamat

14/07/2026

Pahibalo alang sa tanan nga lumulupyo sa Brgy Aya Aya
Adunay ipangbutang nga donation box sa Brgy. Hall, Health Center dinhi sa Brgy.Aya Aya alang sa atong nga kaigsoonan nga nagmabdos, bisan unsa nga klase Basta Kay magamit sa gaburos hangtod pag anak. Palihog sa pagbasa sa ubos alang sa dugang kasayuran.
Salamat

10/07/2026

Maayong adlaw sa tanan.

Gusto namo ipaabot Ang dakong pasalamat ug pahibalo alang sa gipahigayun nga training sa emergency response team nga giapilan sa 8 ka mga batan-on sa atong barangay, gipahigayon kini sugod niadtong Hulyo 9 hangtod 11, 2026 sa Lugait Eco Park. Ang maong kalihokan gitumong aron mapalambo ang kahibalo ug kahanas sa mga kabatan-onan sa pagtabang sa panahon sa emerhensya ug kalamidad.

Pinaagi sa maong training, gilauman nga mas mapalig-on ang atong kahandaan ug kooperasyon sa pag-atubang sa bisan unsang sitwasyon nga manginahanglan og paspas ug husto nga aksyon. Nagpasalamat kami sa tanang mitambong, nag-organisa, ug mitabang aron malampuson nga nahimo ang kalihokan.

Padayon kitang magtinabangay alang sa kaluwasan ug kaayohan sa atong komunidad.

10/07/2026

Maayong adlaw sa tanan

Gusto namo ipahibalo nga niadtong Hulyo 9, 2026, gipahigayon ang water sampling sa atong water source sa Purok 3 Riverside. Kini nga kalihokan gihimo aron masusi ang kalidad ug kaluwasan sa tubig nga gigamit sa atong komunidad.

Ang water sampling usa ka importante nga pamaagi aron masiguro nga ang atong tubig angay gamiton ug makatabang sa pagpanalipod sa kahimsog sa matag pamilya. Nagpasalamat kami sa tanang mipasiugda ug mitabang aron malampuson nga nahimo kini nga kalihokan.

Daghang salamat sa inyong kooperasyon ug padayon kitang magtinabangay alang sa kaayohan sa atong komunidad.

06/07/2026

Facebook Mentions

06/07/2026

Maayong adlaw sa tanan!

Malampuson nga napahigayon ang atong Flag Raising Ceremony, diin naghiusa ang mga opisyal, empleyado, nga gipangulohan ni PB Lonongan uban sa mga Kagawad nga Sila si Meriam Tapasao ug Juan Alinsunorin ug mga lumulupyo sa pagpakita sa atong gugma ug pagtahod sa nasud pinaagi sa pagtamod sa atong bandila.

Ang maong kalihokan nagpahinumdom kanato sa atong responsibilidad sa pag-alagad sa komunidad uban ang pagkahiusa, disiplina, ug integridad. Daghang salamat sa tanang mitambong ug milangkob sa kalampusan sa maong kalihokan.